ملامحي المفقوده

الثالث عشر

البارت الثالث عشر
#رواية_ملامحي_المفقوده
#بقلم_دينا_ال_سلمان
_____
#شبل
عانيت وكم عانيت
وأصغيت لك طول العمر
ضحيت وكم ضحيت
والروح أتعبها الصبر
آن الأوان إني أحدد موقفي
وآن الأوان أوضح الجرح الخفي
ومن العذاب ومن الجراح أنا أكتفي
_______

اســرار....

حسيته نام كمت على كيفي وجبت جلكان النفط واني احس مغيبه خليته يم الجربايه وخشيت جبت حبل وانتظرت للفجر خليت الحبل على شبل و ربطته برجلينه والجربايه هي مشبك اصير بيها فتحات ربطته زين وهو من ينام نومه ثكيل رشيت النفط على الجربايه وجواها وعلى الافراش وعلى الغطا مال شبل وشبيت النار طلعت ورا الدامه (الصريفه) مال البكر وعسريع ربطت روحي وضربت راسي بالحايط وبكل قوتي اكثر من مرا وراها صدك اغمى عليه....

ميرهان ؛؛: كعدنا الفجر أنه وايلاف وعمتي وهيام اخت مُثاب هاي طالبه كليه وكل سبوعين تجي مرا وبهذا اليوم جانت جايتنه لأن عدها عطله تريكنا وحجه عمي

صالح': روحو احو الطماطه لأن العمال راح أخذهم على البطيخ ومادام هيومه وياجن وانته مهيب هم روح وياهن

ام هاني:: انشاء الله خير

هيام :: انا هيام والكل يحبني ومالي اذيه على احد اداوم  مرحله ثانيه اجي كل اسبوعين ثلث ايام وارد
لبسنه وطلعنه اني وميرهان وايلاف وامي ومهيب

وصلنه للزرع وكمنه نحوي طماطه

ميرهان:: هيام شلونها الكليه بروح ابيج حلوه

هيام:: اي والله حلوه بس شنو صعبه حيل ماالحك حتى احك راسي وانوب اقسام لازم تغسلين ملابسج وتسويت الاكل وتقرين وووو والله قهر وفوك كل هذا غربه...

ميرهان:: أنه ابونا جان يتمنى اكمل علام لچن أنه مااحبن الدراسه ومااستوعب

ايلاف:: لا والله تستوعبين لچن كمتي تسختين
ميرهان:: لا والله إنه جنت ادرس لخاطر ابونا وهو راح جا ألمن دارسه وتعيبانه...

مهيب يطلع صناديك الطماطه ورانا

حجت عمتي
ام هاني :: ولك يمه استعجل طلع صناديك الطماطه راح يجي ابوك وإذا لكه الزرع مو كامل يسود عيشتنا
مهيب :: كلي لبنتج خلي تستعجل موكت سوالف ورطن حجي
'هيام ::ها خيي مشوفني احوي وارد ليوره حتى ضهري نفصم بعدني ماكملت وصار صوت الفشك (الرصاص) فوكانه وفشكه جوانه وحيده فوكانه كل احنا نصيح موفاهمين اش صاير امي عاطت
ام هاني ':: ولكم حدرو بالزرع انبطحوو
هيام ::عاط اخوي اشوف الدم ترس دشداشته البيضه

رجعوو رمووو فوكانه وصاح واحد وحك الحك اذا صار شي بوليدنا الاانسه الدم والإخوا واحرككم ومايرفلي جفن

هيام :: ادحك على ايلاف مغمي عليها والدم ترسها وميرهان مخليتها بحضنها وفاقده من العياط امي تزحف احد ماوصلت مهيب وجرته بحضنها وهي تعيط بعلووو صوتها