ملامحي المفقوده

الثامن عشر ⭐⭐

البارت الثامن عشر
#رواية_ملامحي_المفقوده
#بقلم_دينا_ال_سلمان

ميرهان::
جانت عيونك دليلي
شما تهت بـ سنين غربه

شما يرك الشوف بيه
استاهدك حيل عالدربه

هاااك گتلك
لا تخلي الموش مثلك يحتويني

لا تفرط باليريدك
واني اريدك گد حنيني

#للشاعر_ناظم_القوافي

________
صار المغرب ونسمع عياط وصياح برا !!!

طلعنا للطرمه نركض يصيح جلال وحق الله اذا صدك السمعته عماد الله وحده الي يكدر يخلصه مني!!

دخلو كلهم الوجوه مكلوبه ومبين الحيره والقلق على وجوهم

جلال:: بس فهموني هذا الرجال بعقلو شي لا بالرحرام امهبول وانت شلون تسكتلوو....

شدوان:: من اول ما شفته كتلهم لاتنطونه مرا لچن أنه منهو يسمعني طلعت باليله ضلمه هاج منهم

ماهر:: مانكدر كلشي نسوي اذا مايجي جدي ونستشيره

جلال:: انت امهبول يول شلون يجي وشبل بعد أشهر مايخلص علاجو

شدوان:: ديربالك ماهر توصل اش(شي) لجدي
خلي يرجع ويرجعلنا شبل

ماهر:: شبل قبل لا يمش حلفني وصاني بااخواتك واول وحده حمده حلفني كل اسبوع اجيها وانت من رديت كلت أشيل ايدي اكيد مايقبل بعد ادخل بيهم

شدوان':: جا اسكت خليني احل هالمصيبه

جلال:: أنا رأيح للانبار اجيب شيوخ بلچي الله يتنازل عن طلباتو

شدوان:: شيتنازل ماشفته شلون يحجي

جلال::, شبلاك عجل  عش ماخبرتني من انا هناك تااجعص وجهو ونعلت سلفاه

شدوان:: يعني أنه مااكدر اطكو واكسر اعضامو لچن يزيد ماينكص و هسه شعمل شمالكم بس تتصايحون انتو ماسمعتو شلون يحج وهو يدحج بعيوني

ام شدوان:: شمالك احجو شراد عماد؟

شدوان:: خشي يمه بعدين احجيلج

ام شدوان:: لا احجي خلي اشووف شمالكم

ميرهان:: احنا ونحجي وطلعت حمده تروط (دايخه)
حجت
حمده:: ها وينه عمار شمالكم ليش ماجبتو وياكم

شدوان:: يمه أخذي حمده وخشن داخل

حمده:: لا لااااا مااخشن ابني وحيده بالسجن اريد أمش اوديله عشا هسه سوده عليه مات جوع  وهو أبو نفس مايتحمل جوع انطوني عباتي خلي اخذله اچل

جلال:: ام عمار فوتي وانا رايح اخذلو عشا

حمده:: لا هو يحب اچلي انا اخذله

جلال::لاحول ولا قوة الا بالله
اخذيها خاله

ام شدوان: امشي يمه تعالي بنيتي خلي نخش