ملامحي المفقوده

الخامس عشر ⭐

البارت الخامس عشر
#رواية_ملامحي_المفقوده
#بقلم_دينا_ال_سلمان ...

لم أندم علىٰ حُبِّي لك؛
حُبِّي كانَ صادِقًا..

ولكنَّ المشكلة -كل المشكلة- أنني لم أعد أثق..
صِرتُ كطائرٍ مفزوع.. أهربُ كُلَّما اقتربَ مِنًّي أحد..

أرىٰ الجميعَ مُخادِعين؛
أنتظِرُ سقوطَ الأقنعة.. وإن كانوا صادقين..

كم أخشىٰ أن أُوذِي أحدًا،
كما فعلت معي.. وبلا ذَنبٍ آذيتني!

أبدًا لن أنسىٰ.. أنني آوَيتُ إليك بروحي؛
أشكو إليك خِذلانَهُم،
فخذلتني. ....
_____________

كامت امي وهي تحجي عليه فاهيات أنه اعتمد عليجن وكفت ثواني ترمش ورجفه احتلت كل جسمها وهو خش يركض حضنها وهي مامستوعبه لحد ماصاح اخ يمههههه ياريحتج الماتنمل...

حمده:: واكفه صافنه واخواتي مثلي وامي بس صافنه حسيت برجفتها واني بعيده عنها لهناك وصااحت

ام شدوان :: أنه امك يشدووان وليدي يمااااا و جنت يمااااا شلوووون نطتك رويحتك تتركنااا مافكرت منو النه اخ ينارر افادي يايمه
شدوان:: حقج يمه أنه عاق أنه حرام بيه تربانج انتي وابونا اخ يايمه عشت اسوء ايامي وصلت الموت يمه شوفتج وهاي ريحتج حسره عليه يمه اخ يايمه شحجيلج وشحجي رايدلي سنين داكمل

حمده:: يبوس برأسها وايدها وهي اجر بيه وتبوس لحد ما خربت شالها ودخل يركض رحت اركض جبت ماي وغسلتلها

وهج صافنه ايلاف واكفه تاكل بضافرها وميرهان ماتحركت ضلت على كعدتها

صحت امي وهي أصيح اخ يايمه ياشدوان أنه حلمانه حلمانه يايوم يمر ومااحلم بيك اخ يايمه
شدوان:: لا يمه موحلم أنه رديت اكعدي ليه وحاجيني

حمده: كام تقرب وحضن ايلاف ورجع بأسها وهو يبجي ورجع على وهج حضنها وباسها تقرب عليه جرني بأس راسي راح كعد يم ميرهان

وحجه بقهر

شدوان: ماتريدين تسلمين على اخوج؟

حجت بتعب وقهر واضح على ملامحها

ميرهان: اخوي وين اعرفك؟ مااذكر حتى شكلك عمري ٦سنوات ورحت واليوم انا عمري ١٦ سنه اخوي عمره ١٢ سنه وشال مسؤوليتنا ابوي مات وهو بحسرتك!!
اخوي كلشي ما شاف من حياته كضاها شغل بشغل من عمره ١٦ سنه كام يروح ويرجع لبغداد حت يعيشنه اشتغل الف شغله حتى مانطلب من أحد حب بعمر ال١٦ وتزوج بعمر ال٢٢ واحترك بعمر ال ٢٢ مالحك يصير اب وهذوله شوف جهاله حال الضيم حالهم وساكت جان مايحجي ابد ولا يشكي حتى ميحسسنه حمده كل اسبوع يروحلها حتى محد يكول ماعدها سند انه وايلاف يوميه يجي وبيده العلاليك حتى محد ياخذنه بالعين الصغيره اخيتك بأن ماتت وتركت جاهل جانت تحبل ويوكع حتى بوفاة ابوي مااجت خافت يوكع وليدها وراها وكع ورجعت حبلت وراه سنين من الانتظار والقهر حتى احنا ماتجي غير كل سنتين مرا وحبلت وجابت بس شنو اخيتك ماتت وضل جاهلها ها ؟؟؟