ملامحي المفقوده

البارت الرابع

البارت الرابع.

من رواية ملامحي المفقودة...
بقلم دينا ال سلمان....
قلبي يا رب أصغر من أن يستقر فيه كل هذا الحزن.
ورحمتك أكبر من أن تكلف نفسي إلا وسعها
حمده: اي اكيد رافض
شدوان:: وإذا كلت الج أنا رايدج على سنة الله ورسوله.
حمده؛: اكيد تشاقه
شدوان::لا مااشاقه اذا وافقتي حتى نعقد
حمده:: وإذا رفضت
شدوان :: بكل الحالات عاقدين
حمده:: فد اني اشوفك انت اخووي
شدوان:: مواخوج افهمي ابونا مريض وموت ساري مأثر عليه حتى لو بس كدامهم نزوج شهر شهرين واعوفج
حمده ؛: وينحسب زواج ثاني وانا اش ذنبي انتو ليش ظلام
شدوان:منو ظالمج ترا انا على مودج محد راح ياخذج بعد ولا لحد يعرفج هناا
حمده:: وانا مرايده اعرس اريدن ابقا اخدم ابونا
شددوان ؛؛ كل انسان يحتاج انسان وياه كل إنسان لازم انسان ثاني يسنده
حمده ؛: انا مااعرف هالسوالف انا سندي بعد الله ابونا
شدوان: ابونا مدايم الج
حمده ؛: وانت راح ادوم !؟
انا صح ماطالعه ولاخاشه بس انا ابونا علمنا على كلشي انا لو ردت اعرس انت اخر انسان راح افكر بيه ..
شددوان:: تمام هاي هيه بس فكري ورديلي خبر
حمده:: انا لاافكر ولاشي انا مرايده اعرس
عفته وكمت دخلت اركض جوا دخلت لحجرتي وانطيت لادموعي الامان بجيت لحد ماخويت خليت راسي على المخده وبعدها ماادري اش صار كعدت على بجي ميرهان سويتلها حليب وكعدت ترضع وانا كل وجع الدنيا صار براسي

مرت الايام واليوم شهر هو معافني يطب يطلع يسمعني حجي والراديو مشغله على اغاني عبد الحليم وام كلثوم
بهل أثناء ابونا تمرض كلش كام الحمام ميكدر يخش اله واحد وياه
وكل مايشوفني يشبع بجي
لحد ما يوم من الايام صاحلي وكعدت يمه
ابو شدوان::  أنا تعبت ومريض وماادري شوكت الله ياخذ أمانته
حمده: عمرك طويل يأبه
ابو شدوان : اسمعيني يأبه انتي يشهد الله عليه مفد يوم شفتج مو بنتي ولا فديوم قصرت وياج جنت اقصر على اخوانج ومااقصر عليج لأن اكول خطيه امها موهينا وأبوها مات
حمده:: هو. يحجي وانا دموعي يجرن

ابو شدوان:: المهم امج هي سعده اختي واخوتي جانو رافضين رفض قاطع ابوج جان
نرجع للزمن سنه ٧٩ هذا الحجي
------_______________---------
عوده الى الزمن الماضي....
سعده :: انا رايدته حرام عليكم
الاب:: والله لو تموتين
التمو عليها وكتلوها
انا جنت بس ادحج جنت مزوج صار اشهر وجان سيد محمد رجال وانا اكيف يقبلون بيه
سعده:: وإذا ضربتوني والله لو سيد محمد لومااخذ تريدون اتكطعوني اتموتوني افضل!!
ابوشدوان:: كمت اخذتها ودخلتها الغرفه
سعده:: انت اخوي اوكفلي ماعندي غيرك بروح امي خلي انهزم ويا وانت صير وكيلي واعقدلي

ابو شدوان::  اششش بسج لا احد واجف ورا الباب ويسمعج ويجي ينحرج بسج
سعده ::, ابوس ايدك ساعدني
ابو شدوان:: انا اشوفلج حل واساعدج بس سكتي هساع والله يحلها
سعده:: جابر بروح كل غالي عليك ساعدني انا اخيتك
ابو شدوان: كمت من يمها وانا كل هموم الدنيا صارت فوك راسي اشلون اساعدها والزنا رافض سيد محمد
رحت حجيت ويه ابوي واخواني
كعدت يمهم
ابو شدوان:: بابا ليش متقبل بسيد محمد اشنو ناقصه
ابو جابر : اش انا تالي عمري اجوز بنياتي لخدام جوا ايدي؟؟
ابو شدوان: سيد محمد مو خدام صار سنين يشتغلون أهله بكاعنه وهو دارس وفاهم ويعرف بكتاب الله وهم حسبت اهلنه
ابو جابر:: وانا ماعندي مرا لهم عاجبك خيرا على خير ماعجبك اخذ مرستك وانجلع من وجهي
ابو شدوان:: كمت طلعت برا بالمزرعه لكيته كاعد يم جرف النهر ويون تقربت عليه وكعدت بصفه
سيد محمد:: هلا بجابر حياك الله
ابو شدوان: هلا بيك
سيد: شلون الأهل ها شكالو على الخطبه موافكين مو
ابو شدوان: والله البيت مكلوب ناس موافكه وناس لا
كام ويباوعلي بخوف حجه من بين خوفه
سيد؛: يعني مموافكين بس انا نفسي وروحي وكل اشلائي تريدها حرام تحرموني منها انت مو بس صديكي انا وياك ربينه سوا انت اخوي مو
اريدها منك جابر
ابو شدوان:: كمت من يمه صار الدنيا ليل نمت كعدت على عياط مرت ابونا يبوووو نولينا يبووو راحت سعده
كمزت اركض وصلت لكيت الكل يدحجون عليها هاي شبيها؟؟
حجه ابونا وهو لابس ملابسه الداخليه ومبين جان نايم
بعدها الدنيا ضلمه حتى المؤمن ماموذن(ما أذن)
سعده ماكوو وهدومها مطشرات ماخذه الذهب ومنهزمه
ابوي كعدت بالكاع واحنا طلعنا اندور لحد الضحى و جعنا مالكينا اثر الها
ومرت ثلاث ايام وماكو دورنا كل شبر بالديره ورحنا لبغداد بداخل وماكو ورا الثلث ايام كعدنا وسكتنا
بس ابونا خله ناس ادورهم  ورا ست اشهر لو اكثر اجو ولد اثنين كالو شفنا سيد محمد بالكاظميه التمو ابونا وعمامي وأخوي الجبير وراحوا وانا غافلتهم ورحت على هذوله الناس دلوني وين حتى المكان العائدين بيه أجرت سياره وطلعت وكل الطريق ادعي اوصل كبل اهلي
وصلت للمكان دكيت الباب العالي سعده حامل وبطنها عاليه جريتها وصعدتها بالسياره وانطلقنه بدون حجي ولا عبايه
تريد تحجي وانا اسكتها لحد ما وصلت لبيت أهل نعيمه زوجتي دخلت سلمت وهي راحت يم الحريم
جابولي ماي حجت عمتي لعد وين نعيمه
ابو شدوان:: والله فجأه جينا سعده شوي مريضه قالونها ملتهب وجيت اوديها للدكتور بس ياريت عمه اذا اجه ابونا وسأل علينا خبري احنا مااجينه
ام نعيمه؛: ماشي يمه بس ليش خما صاير شي
ابو شدوان:: لا والله بس ميقبل نجي لهنا يمول اكو طبيب هناك شيجيبكم لهنا المهم صيحيلي سعده جان ماكو احد بالبيت بس اخوات نعيمه وأمهم
اجت سعده ترجف
حجيت جربي هين كعدت مقابيللي والف سؤال ابالها
حجيت
سعده ؛:ليش جبتني لهنا!
ابو شدوان:: اششش انتي حامل؟
سعده: اي عقدلنه سيد
ابو شدوان:: شلون عقدلج وانتي كل عمرج١٧
سعده:: ماادري هو كال للسيد عمرها ٢٠ وماعدها احد وعقدلنا
ابو شدوان:: المهم ابونا جان جاي عليكم ولما الحك جان انتي هسه بإعداد الموتى
من حجيت هيج لطمت
سعده: وسيد محمد هسا لكوه هيج وكت يرجع من الشغل يبو على راسي
ابو شدوان:: ميمون لتختفين راح أحاجي عمتي اضلين يمهم لماا اشوف شسوي شلون أجلها وهذا البطنج شكد صارلج
حجت خمس اشهر
كمت من يمها واني ميت رحت توسلت بعمتي وحجيتلها كل السالفه وافقت تضل يمها بس الجاهل وين تودي كتلها الله
 

الله يحلها رجعت للبيت حجيت النعيمه كالت اني اخذ الجاهل عساس ابنا
سوت نفسها حامل والها ثلث اشهر اخذتها وديتها يم أهلها حتى ادير بالها على سعده وهم محد يدري بحملها 
رجع ابوي جايب سيد محمد وياه
منتهي وجها ميبين من الضرب لحد خلوه بغرفه وطلعو
مر اشهر وسيد محمد محبوس ياكل ورا ميشبع يلتمون عليه ويموتونه كتل جنت اسمع عياطه وتوسلاته بيهم لحد ما يوم من الايام مر على حبس سيد محمد ٣اشهر جان شهر ال١٢ والدنيا ثلج ومحد ينطي غطا كعدنا على خبر موته دفنو بدون محد يدري وين
سعده ومرتي اروح اجيبلهن الي يحتاجنه وانطيهن مصرف وابات وثاني يوم ارجع
ورا عشر ايام من موت السيد خابرتني عمتي على الارضي تعال عدنا ولاده كبل لبست وطلعت رحت لكيت سعده تعيط اخذتها وطرت بيها للمستشفى وبعد ساعات انتظار اجيتي انتي كالو شنو نسميها كتلهم حمده اخذتج بعد ثلث ايام ورجعنا بيج انا وامج الي هيه نعيمه وسعده ضلت هناك لحد مصير زينه واطلعا من العراق ليم صديقي شفيق عايش بالنيروج
مرت ثلث اشهر وطلع اسمها وسافرت وجانت بين فترا وفترا تخابر لحد ما يوم خابرتني كالت شفيق تقدملي وراح ازوج وجانت تسأل عليج هواي والله ابريني الذمه بنيتي
حمده:: عرفت كلشي عرفت ليش امي نعيمه تكرهني كمت من يمه بعد ماشبعت بجي ورحت
اجه شدوان صافن بعيوني
شدوان::عش تبجين امي حجت وياج شي
حمده: لا امي محجت شي بس اتركني عليك الله
جت ايلاف وبأن كاعدات صافنات عليه ودموعهن ينزعل
حجه
شدوان::متكللي عش تبجن شمالجن
بان:: ابونا حجه كلشي لحمده وعرفنا منهو امها
حجت حمده بصوت مبحوح وتشهك
حمده:: طلعت بنت حرام سعده ومحمد جابوني بالحرام انا بنت ز...نا
انا بنت حرام عش ما موتوني من اجيت للدنيا عش كبرتوني وعش علمتوني عليكم وانا بنت حرام
ايلاف:: هي تحجي خش ابونا عليها يبجي حضنها وامي هم خشت كضوها بجي بالساعات لحد ما ابونا ساحت روحه وكع
كمنا كلنه نعيط امي كامت تملخ وتلطم لحد ماعاط بينا شدوان جيبلي ماااي عش تعووون
رحنا كلنه نركض جابت بأن ماي غسل وجها وصحه شاله شدوان خلاه بحجرته ورجع رزلنه
شدوان:: بسجن عاد كافي تعون ابونا مريض وانتي حمده بنت حلال ابوج وامج جانو عاقدين عند السيد بسج كومي يله غسلي وروحي على ابونا راح يموت من القهر كوومي يله
حمده:: كمت كوه غسلت وتعوذت من الشيطان ورحت عليه
يأبه شلونك اني والله ماعلي لابسعده ولا بمحمد انت ابوي وسندي وانتو اهلي ماعندي غيركم
جرني عليه وباسني من راسي اني هم بسته وكمت سويت العشاء تعشو وانا اكلت كوه
جانو يمنا جيران بيت ابو علي خوش ناس عدهم بات اثنين وخمس ولد كلهم كبار اصغر واحد بيهم هيه غزل عمرها ١٥ واكبرهم علي عمره ٣٧ ومامزوج
البنات مامن يجن يمنا بس احنا مانطلع مرت الايام ويوميه البنات يجن علينه
حجت
غرام  عمرها ١٧ كالت
غرام ::: اكو معهد هنا يعلمون الخياطه وحق الابر بابا سجلني بيه لأن اني تركت من صف سادس ابتدائي ويه المدرسه يداومون ليش يحمده متجين وياي؟
حمده:: اخافن وانا مااعرف كلشي واستحي
ايلاف؛:, اني اريد ارجع للمدرسه بالكت الله ابونا يقبل وهاي المدرسه بصفنا
بان ::, اني هم اريد ارجع روحي طالعه من البيت
حمده::, وانا مخنوكه من البيت
غرام: والله حمده اقنعيهم تااسجلج وياي نروح انا وياج وحسن  نسجل والبنات اذا يردن يجن همات احس موكاعدات
حمده::حجيها شكد حلوو معرف عبن اسعل ابونا اذا وافك تجي وياج
غرام:: واني اروح ورجعيلي خبر حتى اجهز نفسي لباجر
حمده:: انشاء الله خير
راحت غرام وانا رحت حجيت ويه ابونا
ابو شدوان:: بكيفج يأبه روحي غيري من نفسج وبلكي تتعلمين صنعه
حمده:: كيفت وكمت اصفك بسته من رأسه
ايلاف:: انا وبأن نريد نرجع للمدرسه وهاي المدرسه بصفنا عليك الله يابه والله خانكنا البيت
ابو شدوان:: يأبه ارجعن بس مو تفشلني واضلن تسقطت
بان : ربي يخليك النه يااحلا جابر
صاح ابونا بشدوان كاله جيب نقل لااخواتك وسجل شبل بالمدرسه
شبل كيف
ثاني يوم من الصبح لبست عباتي ورحت على غرام من شافتني عبست حجت
غرام:: شبيج حمده ترحين بالعباه تريدين تفضحين نفسج
دخلي داخل
خشيت وياها نطتني جبه
غرام::هاج داده البسي هاي ابونا جابها الي ومالبستها لأن شوي بيها عرض جديده والله
حمده:: اخذتها منها ولبستها ورجعت للبيت شوفتها لاابوي كال
ابو شدوان:: مابيها شي يبه كلها هنا هيج تلبس والعصر روحي انتي وامج وشدوان اشتروو ملابس
حمده:: الله يخليك خيمه يأبه
طلعت طايره اركض وصلت بيتهم وطلعت هي وأخوها سلمت ومد أيده
حسن':شلونج خويه
حمده:: اهلا وسهلا مديت ايدي ومشينا مسافه وصلته هو راح واحنا خشينه
سلمنا وجعدنا عل كراسي دخلت زلمه لابس افندي وحجه السلام عليكم
الكل رد
حجه اني اسمي استاذ علاء الدين
حمده:: كل البناويت عيونهن عليه ابيض وعيونه خضر وشعره اصفر وطويل وجسما مليان حتى انا صفنت بملامحه
وياه بنت هم حلوه اسمها ست سمر
كام يعلمونا على المكينات وشلون نصلحها وشلون نلضم الخيط وشلون نعبر الخيط  ضلو بثلث ساعات همه يعلمونه وهو كلما اصد يدحج حجيت بيني وبين نفس عش يدحج عمت عينه ندست غرام مندمجه
غرام: ها شبيج
حمده:: طمني الجوع وانا مااتحمل الجوع ترا من البارحه كلشي مخليت بااثمي
غرام:: شنو يعني اثمي
حمده :: اهوو يعني حلكي كومي راح اموت بطني فضحتني بس تقوق
غرام ؛ بعد ساعه ونطلع لاتفضحينه
حمده: عش ماينطونه مجال نطلع نصخم نوب فوك الجوع هذا خبلني بس يدحج
غرام:: عززت اش يمعوده لحد يسمعج وننفضح
حمده:: جعلج بالفضيحه يولي كومي دانطلع بعد مااجي
حجه استاذ عماد
عماد:: ها بابا عدكم شي بيكم شي
غرام ::. لا استاذ بس حمده جوعانه
حمده:: منجدتني عزا حجيت
لا سيدي والله جذابه هي الي جوعانه وندستني
البنات كلها تضحك
حك رأسه ودحجلي
عماد:: اني استاذ مو سيدي بابا  بعد نص ساعه وتطلعون مابقى شي وانشاء الله بأجر أعلمك على الخيياط
حمده:: كام يشرح وانا اعصصر بطني لحد ماكالن يله اطلعوا عبالي هاديني من سجن
طلعت اركض وغرام تصيح
غرام: امداج يولي فضحتيني هساع يكول جوعيه شلون تحلفين اني جوعانه
حمده:: عجل انتي موجوعانه والله موبس جوعانه ميته جوع

ضلينه واكفين بربع ساعة ومااجه اخوها
امشينا نتمشى مابقى احد يعثرا
غرام: شبيج انتي تحجين حجي معرف شلونه
حمدة:: يله نرجع للبيت يالبغداديه
غرام:, ها مو اكو جلاب بيت ابو جلال عنده جلاب عبالك ذيابه
حمده: امشي يمعوده احنا جنا عايشين بمنطقة ريفيه وكلها جلاب امشي اني افكج منهم
غرام:: داده موجلاب والله يخوفن يخلنج لكمه
حمده:: ساري جان عندا كومه الله يرحمه امشي لتخافين خما نبات هنا
غرام :: يله
حمده:: نمشي ونحجي على اخوانها مايفعلون يعرسون لحد ناوصلنه بيت ابو جلال هي اشرتلي عليه بعد بيت ونوصله مااحس اله طلعن اربع جلاب يخوفن سود كبار ويلهثن اني شفتهم وكمت ارجف وغرام خاتله وراي صديت عليها وكتلها بخوف هذن جلاب لو اسود شافنا وكامن ينبحن عطت بعلو حسي وغرام وراي اركض واعيط وكعت على وجهي وغرام طارت وثنين وراها وثنين جيتن علي غمضت عيوني واشاهدت مااحس اله واحد صاح بيهم بلاك روكي ماكس رام
كلهم جوي يمه اريد اكوم مااكدر تقرب عليه ومد أيده رجيت ايدي على الكاع وكمت اجت تركض غرام
غرام :: ها خما بيج شي
حمده:: ماحجيت وياها دحجت عليه وحجيت
عش ماتربطوهن لوماكلاتني انا شكول شحجي اذا انتم ماتستحون انا أخبر عليكم واخليهم ياخذوهن دحج عليه بستهزاء وضحك
حجه يولي انتي مني وتخبرين عني أخذي رفيجتج ونجلعي لااخليهن يمرعدنجن
حمده:: ان لم تستحي فافعل ما شئت
عفته وانا افور لابس دشداشة ويتمهزل
غرام؛: امداج شبيج فضحتينا هذا نزل جديد من الانبار ومحد يعرفهم لا يطلعون ولايطبون بعد اكو ثلث ولد هو أكبرهم يمكن
بس بنات ماشفت
حمده:: بس اسكتي موعيب تعوفيني وتنهزمين لوماكلاتني الجلاب شحجي
غرام:: والله مااعرف شصار بيه من شفتهم اعتذر حموده
وصلنه بيتهم حجت
غرام:: تعالي يولي بدلي غسلي كلج تراب
حمده:: لا تعبانه وحتى الجوعه راحت همزين ماسويتها  على روحي من الخوف
طبيت بيتنا كبل رحت للحمام سبحت وطلعت رحت للمطبخ اكلت وصعدت نمت كعدت على لمسات ميرهان كمت اخذتها ورحت غسلت وغسلت الها وبدلت اجت امي انا رايحه لبيت ام علي انطيني ميرهان غزل كلما اروح تزعل لأن مااخذها اخذتها وراحت والبنات نايمات وابونا هم كمت انضف واعزل بالبيت لحد ما حسيت احد يباوعلي جفلت وصديت شدوان مجتف واكف يدحج
تقرب عليه وحضني....
برود تام بعد كمية هائله من الحُزن 🖤.
يتبع...