ملامحي المفقوده

البارت الثالث

البارت الثالث
موت
ملامحي المفقوده
بقلم دينا ال سلمان
ُ أحيَانًا نحتاج أن نبتعد و نبقىَ مَع أنفُسنَا فقط
لِنُعيد تَرتيب بَعض مَا بَعثرهُ .. غبارُ المواقف بأرواحنا
نَتعامل مع عالمنا .... و لو لفتره
بصمتِ أنِيق ... لا يَسمح لَنا بالبوحِ مهمَا كَان الوجعُ
-----
ابو شدوان:: ماعليها تقفل بابها وتكعد أعقد عليها وأخذها
حمده:: كمت لحيلي وانا ارجف واستغفر لحد ما تخربطت (اغمى عليها)
ايلاف ؛؛: ابونا كام يركض عليها غوسل وجها
شدوان كام يصيح على ابونا
شدوان:: شفت صار شهر اخبرك هذا الشي غلط البت حاسبتني اخوها صار سنين أنا هاج من ورا هاي السالفه ولمن لفيت طلكتها من زلمتها ورايد تزوجنياها هسا احسن البت انهارت أعصابها يمكنها انجنت العالم كلها تعرف هاي البت بنتك وانا اخوها بس انت واميمه تعرفون عن هذا الموضوع وهسا بكل برود جاي تحجي كدامها هيج اعذرني بويه انت غلطت أنا اخوها ومستحيل يتغير هالشي
ابو شدوان:: جب لابارج الله بيك حمده أن مااخذتها راح تبقى محد يطلع بوجها وتعرف انت هنا المطلقه مستحيل احد يزوجها وانت انسب شخص الها
ايلاف::كلنه مصدومين مانعرف اش السالفة واش جايصير صحت تباوع بالوجوه ضحكت وهي تحجي
حمده:: الحمدلله حلم جان لا وعلي كابوس
ابو شدوان::لا هو حلم ولاهو كابوس هاي حقيقه شدوان ماهو اخوج وكيف واش صار هذا مراح يقدم ولا يأخر لمي هديماتج وانا بأجر اروحن وياج أعقد الكم
حمده:: فتحت عيوني بصدمه اباوع عليهم يتحجون صج اخواتي يبجن شدوان لازم راسه وجاعد بزويه ابونا عيونه حمر مبين جاد وعصبي مااعرف شلون عطت بعلوو صوتي
لااااااا يأبه شتحجي أنا بنتك شنو تحجي شمالك يبووي
ابو شدوان::بسج نوح تريدين بيت ابوج ينهجم لو لا احجي لاضلين تنوحين انت بنتي وراح تضلين بنتي وانتي مطلكه هساا وتعرفين ربعنا محد ياخذ وحده مطلكه وشدوان انسب واحد الج بنتي حسيي بيه
حمده:: كمت تقربت على ابونا
حجيت أن تحجيت من اهلي وشنو السالفة وانا بت منو؟؟
راضيه تعكدلي على اخوي
ابو شدوان:: مااااهووو اخووج عاد افهمي
كوم انت كافي جاعد حالك حال الحريم
شدوان :: اش اعمل يله وجهني وانا من ايدك هاي لهااي بس زوواح يبه اعفيني أبوس جدمك
حمده:: ابوي عافنا وطلع أنا حضنت ايلاف وكمت اشهك احس صدري ضاك عليه وبلعومي تجرح
شدوان:: بسج تونين انتي اختي مستحيل اخلي هل عرس يتم
حمده:: خويه شدوان انا ابختك انا اخيتك والله حرام فتحت عيوني وانتم اهيلتي كيف اعرس ومن منو من اخيي
ايلاف:: كومي غسلي والله يحلها
حمده:: لزمت الحايط ومشيت كوه دموعي هماله وكلبي حسيته صار وصلتين طلعت برا اشهم هوى صدري ضاك وحتى الهوى صار حسره عليه
كعدت بالحوش دعيت ربي لحد ماتعبت كمت توضيت ورجعت فرشت السجاده وناجيت ربي
لحد ما صحيت ثاني يوم وانا على السجادة
على صوت امي وعياطها دخلتلي وهي مشوف شي جدامها عيونها حمر وجها مبين لاطمه عليه لحد ماكايله بس اول شي عملته دفرتني بخاصرتي ولزمتني من شعري
ام شدوان:: وج انا اعرفنج مثل اميمتج مالج رداد بلاني بيج بزره نجسه وانا ربيتج انا تعبت عليج وتالي متالي اريد اخلص منج شسويتي رحتي رسمتي على وليدي أنا منتضرته يصير ضابط وانتي تاخذينه لا والله لو اطك نخله براسج
حمده:: لازمتني وأجر بشعري وتضرب بيه وانا أن الحجر نطك انا ماحجيت بس دموعي تجري البنات يجرن بيها وساري وهي ولا يمها كطعتني تكطع لحد ماتعبت وزوركتني وشلعت شعري تعبت وكعدت فتحت شيلتها وكامت تدعي عليه
ام شدوان:: الله كون ياخذج امج مرتاحه وانا علي الضيم امج مسافره وتفتر وانا الواكعه بيها نوب افتريتن على ابني
حمده:: يمه منو امي احجي بروح ابووج ريحيني
انا حجيت هيج ودخل ابونا شاف حالي وكام يغلط ويحجي على امي
ابو شدوان:: انا شحجيت وش جابج
ام شدوان:: تريد تعرس لابني وانا اخر من يعلم والمن لحمده
ابو شدوان:: وانت شكو ابني هذا وهو راضي
ام شدوان:: ماهو راضي خاف ربك حجي اخوها صار دهر كل العالم تعرفه اخوها بيوم وليله تريد العالم تاكل وجوهنا!!
ابو شدوان:: انا قررت اشيل ببغداد وخلص اخذكم وامش تعبت من شغل المزارع والبساتين افتح هناك محل وانا والولد نلزمه ونشتري بيت جبير ونكعد بيه كلنه تريدين تمشين ويانه وتوافقين على زواج حمده وشدوان خيراً على خير وان ماعجبج نطيني ميرهان وامشي لبيت ابيج
ام شدوان:: انا مارضيه ولا راح اوافك اخذ بنتك وانا رايده طلاكي بااكرب وكت
حمده::: شمرت ميرهان ومشت وهي دموعها تجري  الكل يبجي عبالك عدنا عزاا
مرر اسبوع واحنا هذا حالنه اجه ابونا كال لمو بس هديماتكم بعد بأجر نمش لبغداد
اجه جدي جايب امي وهي كدام ابونا اعتذرت مني وانا بست أيدها وراسها
ام شدوان:: انتي بنيتي يمه والله مااعرف اش صار بيه
حمده:: انتي امي وانا اسفه أن ضوجتج يميمه بس أيدها وهي باستني من راسي والأمور تمام لمينه هدومنه ليش رجعت امي مااعرف اش رجعها وهي جانت مصره تتطلك انا كيفت اكيد ابونا راح يعوف الموضوع مال شدوان مدام امي رضت ورجعت كاعدين ايلاف سوت الغدا تغدينه وغسلنا المواعين
ام شدوان:: كومي ايلاف غسلي هديماتي تراني جزعت من التسخيت كومي يميه
ايلاف ::اوو يمه والله تعبانه مو سويتلكم الغدا
ام شدوان::ولج هنا تمنات ومريكه شسويتي
ايلاف:: كايمه امري الى الله
كمت اخذت هدوم امي ومشيت للمشروع مسوين تجه ونكعد عليها ونغسل الهديمات والمواعين المشروع على طول العرب بس شني كل بيت مسويله مجان يغسل بيه
حطيت الهدوم ومااحس اله جويهل يوكع بنص المشروع ومحد اكو دنيا ضهر والماي قوي كمت اصارخ بكل صوتي لجن عبث ماكو احد وأنه اخاف انزل لاياخذني الماي والجويهل غرك طلعو الناس بعد ماصوتي نبح وطلعو لجويهل  مابي نفس ومن تكربت عليه عطت بعالي صوتي امي 
وحمده على صوتي طلن بس أبونا وشدوان ماكو رايحين لبغداد
:: عرفته من هديماته انا لبسته الصبح بيدي كعدت بالكاع مابي ااشيلن روحي متت اي هذا اخوي امي كامت تشيل طين وتخلي على رأسها صدمه الناس اخذو وراحوا للمستوصف وامي تركض وراهم واحنا ردينه للحوش كل اعضامي وجسمي يون عليه اخوتي انا ربيتهم على أيدي من عمرهم يوم لحد هذا يومنا انا ابدل
واغسل واوكل وانووم مخليه ايدي على خدي وجاعده ايلاف وبأن يبجن وشبل اجه تقرب عليه كال
شبل:: حمده اخوي بعد مايجي
وهج: لا مات بعد ميرجع راح يدفنونه
حمده:: لا وهج كولي الله يرده سالم ليش هيج تحجين
وهج: لأن عمي ابو شوارب كال هذا مابي نفس وميت
حمده:: لا وهوجه هسه يجيبونه مابي شي
احجي وياهم وانا متوكده(متأكده) بعد ما يرد اخوي
بان!:: شوكت طلع هوا جان يمنا بالحجره ونلعب أنا وياه سوده بوجهي شلون عفته والتهيت اخيط عمت عيني عليك
حمده ؛؛:كامت تبجي وتملخ بشعرها تقربت عليها وحضنتها وهي حالتها حاله بعد البجي والنوح سمعنه صوت هوسه وعياط برا طلعنه امي وخوالي وعمامي ونسوانهم يعيطن ويلطمن هنا أيقنت هنا حسيت هنا تلاشيت هنا كلبي نقسم قسمين لا والله الف قسمه
روحي فرفحت كمت مااعرف شنو اسووي اريد ابجي ينزلن دموووعي ماكو جنت اضحك على نفسي واكول يجي اخوي ويرجع يضحك ويلعب وياي وهسا راح ومراح اشوفه مااعرف شلون اوصف شعوري حسيت بووجع بكلبي براسي وعقلي رافض يستوعب الصار لحد ما وكعت بنص العالم وبعدها مااعرف شصار
كعدت على لمسات اختي ايلاف فتحت عيوني وحجيت ساااري وين
ايلاف :: راح عد رب كريم كومي امي موتت روحها وأبوي اجه وخطيه راح يجيب ساري من المستوصف
حمده ،:: سندتني وكمت طلعت بأن حالها فد مره نايمه مدري متخربطه
امي تلطم وثوبها مشكوك والنسوان كلهن ملتمات
تقربت على امي وحضنتها وهي بادلتني الحضن وتبجي وتشكيلي وانا اشهك بحضنها لحد ماكالو. جابو ساري دخلو حبيبي لافينه بقماش ابيض وابونا شايله اول مرا من وعيت للدنيا اشوف ابونا مفرع تقرب على امي ونطاها ساري اني ايلاف حتى باان كلنه التمينا على امنا الي تبوس بوجها والي برأسه والي تشتم بيه سوده عليه ركعه وجها ازرك نص ساعه واجو يردون ياخذونه يدفنونه بس امي مقبلت تنطي كامت تصيح