ملامحي المفقوده

السابع عشر

البارت السابع عشر ⭐⭐
#ملامحي_المفقوده..⭐⭐
#دينا_ال_سلمان⭐⭐
لم يعد بداخلي وطن ألجأ إليه، كل مابداخلي غربة، ومازلت أردد لا بأس لا بأس لا بأس، وكل البأس في قلبي.

- محمود درويش.
__________

حمده::،تورطت وحجيت هيج ماادري منين تجيني الراشديات والدفرات عبالك هذا مو عماد واحد ثاني وأمه تصيح تريده يوخر اجت تبعده عني  ودفعها وكعدت على ضهرها وعاطت وهو مااهتم وعلي كام وداخ وكعد
لحد ما عمار يمه سراحيه كزاز شلون شالها وشلون خلاها براس أبوه ماادري بس شفت من وكع عماد بالكاع والدم صار نافوره من رأسه

ام عماد::: يبووووو من وراج كتل ابوووه يبووووو ابني مااات ياناس الحكووني

حمده:: طلعت تركض حافيه الجوارين دخلو يركضون اخذو عماد وأمه راحت وياه كعدت صافنه شلون راح يجون ياخذون ابني

علي:: يمه راح ياخذون عمارر الشرطه مو

عمار:: خلي ياخذوني اي طبني مرض  لو يرجع الوكت هم اضربه هذا مو ابونا هذا عدونا شلون يمد أيده على امي لعد

حمده:: لبست عباتي وطلعت اركض
مااجه أبالي غير جلال هو راح يفك ابني
دكيت الباب وطلع جلال

جلال:: هلا ام عمار

حمده::, ابوس ايدك ابو فيصل ساعدني ابني عمار ضرب أبوه وخايفه يسمعون عمامه ويجون يأخذونه لو عذراء تشتكي على ابني بعدنا نحجي وسمعت صوت صياح عفت جلال ورجعت اركض عثرت وطرت اي والله طرت وكعت على وجهي كمت رغم حسيت اعضامي تكسرن مااهتميت وجلال يمشي ويصيح وراي

جلال ،:: هونج ياام عمار خلي افهم منج

حمده:: عبالك البيت صار ابعد من ذاك الصوب

مااحس اله انجريت رفعت راسي جلال

جلال:: هونج ام عمار بس فهميني تااساعدج

حمده:: ابوس ايدك ابني راح يأخذونه بعده جاهل وينه وين السجن

جلال:: ليش شسوه

حمده ':: ضررب أبوه بالسراحيه وأبوه يمكن مات

جلال:: عليش هيج سوا

حمده؛:: عبن مد أيده عليه وطكاني

جلال:: عجل بعد ايدي ايدو

حمده:: كال هيج وطار لبيتنه وانه اركض ورا وصلت للبيت لكيت ابن عذراء الجبير حامد وحميد متولين عمار الطك
وصل جلال وشالهم من هدومهم وزتهم ليغاد

جلال:: يول اشجاكم موعيب عليكم فرجتو الجيران عليكم هاي انتو عود اخوان

حلمد': يخسي هذا اخوي اني ماعندي اخوان اسمهم عمار وعلي هذوله نغوله لوما نغوله مايضربون ابوهم

تخبل عمار ورجع هد عليه وجلال بالوسط

عمار صح اصغر منهم بجثير لجن بالجسم عمار يبين اكبر منهم
عمار:: وحق الله اله اكسرك واعلمك منهو النغل والي يجيب اسم امي مو يطخها اله اموته بيدي لو مو أبوي لو يصير رئيس الجمهورية