(Unicode)
ယနေ့ လီဆာဟာ စံအိမ်မှာဖြစ်သည်။ အဘယ့်ကြောင့်ဆိုသော် အမေ့၏ ရုတ်တရက်ဆန်သော ညစာစားပွဲကြောင့်ဖြစ်သည်။ အကြောင်းပြချက်ကိုမေးတော့ အတော်ကြာမှပြန်စုံစည်းခြင်းတဲ့။ " လာချင်နေ မလာချင်နေ မစ္စဂျိန်းကတော့လာမှာ " ဟုပြောကာ ဖုန်းကိုချသွားသည်။ ကုမ္ပဏီရှယ်ယာရှင်တစ်ယောက်ကို အိမ်တွင်တည်းခိုင်းသည့်အပြင် ထမင်းပါလက်စုံစားဖို့ပြင်ဆင်နေသည့် အမေ့အား လီဆာ သံသယဝင်သည်။ မည်သည်ကိုများ လုပ်ရန်ကြံနေပါလိမ့်။
" ရောက်လာပြီလား၊ လီဆာ။ "
" ဟုတ်ကဲ့။ "
ဖော်ဖော်ရွေရွေရှိနေသော ကြိုဆိုမှုတော့မဟုတ်။ အမေ့မျက်နှာအမူအယာဟာ သာမာန်သာ။ လီဆာ့ဘေးတွင် ပါလာသော ရိုဇန့်ကိုတွေ့တော့ အနည်းငယ်တွေးဝေနေဟန်ပြကာ အပြုံးပန်းကြီးကြီးအား မျက်နှာတွင်ပန်ဆင်လိုက်သည်။
" ရိုဇန်လည်း ပါလာတာကိုး။ "
ထိုင်းယဥ်ကျေးမှုနှင့် တော်တော်လေးကိုအသားကျနေပြီဖြစ်သည့် ရိုဇန်ဟာ လက်အုပ်ချီကာ ခေါင်းညိတ် နှုတ်ဆက်သည်။
" မင်္ဂလာပါ၊ အန်တီ။ "
" ဝင်ကြလေ၊ မစ္စဂျိန်းကတော့ရောက်နေပြီ။ "
လီဆာသည် ဂျန်းနီ၏ မျက်နှာချင်းဆိုင်ခုံကိုထိုင်လိုက်သည်။ ရိုဇန်ကတော့ လီဆာ့ဘေးတွင်ရှိသည်။
" မင်္ဂလာပါ၊ မဒမ်။ "
"မင်္ဂလာပါ၊ အဖွဲ့မှူး။ သူငယ်ချင်းပါပါလာတာဘဲ။ "
" အာဟုတ်ကဲ့၊ သူတစ်ယောက်ထဲဆို ပျင်းတယ်ဆိုပြီး ဖုန်းလှမ်းဆက် ဆက်နေမှာစိုးလို့။ "
မဒမ်ကပြုံးသည်။ ထို့နောက် ရိုဇန်ကိုကြည့်သည်။
" မင်္ဂလာပါ။ ဂျန်းနီရူဘီဂျိန်းကင်မ်ပါ။ "
" ဟုတ်ကဲ့၊ မင်္ဂလာပါ။ မမကင်မ်။ "
ရိုဇန်ဟာလေးစားသမှုဖြင့် မျိုးနွယ်အမည်နှင့် နှုတ်ဆက်ကာ ပြုံးသည်။
ဂျန်းနီကတော့ ပြုံးရုံသာ..။ ထိုင်ခုံဆွဲကာ ထိုင်ဖို့ပြင်နေသည့် လီဆာအဖို့တော့ တစ်စုံတစ်ခုက ရပ်တန့်လိုက်သလို...။
YOU ARE READING
KIM
Romanceဒီလောကကြီးနဲ့ကွဲပြားနေတဲ့ အခြားကမ္ဘာက လီဆာကကော ကင်မ့်ကို သဘောကျနေမလားမသိဘူးနော် |UNICODE & ZAWGYI |updated every Mon to Fri |Completed
