KIM

Present 13

(Unicode)

" ရောက်လာတာဘဲ။ "

နှစ်အရေအတွက်တစ်ခုလောက်ထိ မမြင်ရတာကြာပြီဖြစ်တဲ့မျက်နှာ။
ပွန်းပဲ့ဒဏ်ရာတွေနှင့်။ ထောင်အဝတ်အစားနဲ့မြင်ရသည့်အချိန်မှာ လက်တို့တောင် တုန်ရီသွားမိသည်ထင်။

" ဘာကိုဖြစ်စေချင်တာလဲ။ "

" ... "

နှုတ်ခမ်းတို့ကို တင်းတင်းစေ့ကာ ခေါင်းငုံ့ချသွားသည်။
စိတ်တိုလွန်းလို့ ကာထားသည့် သံတိုင်ကြားထဲမှ ထိုလူရဲ့မျက်နှာကို ကုတ်ဖဲ့ပစ်လိုက်ချင်သည်။

" ရေငုံနှုတ်ပိတ်မနေဘဲ ဘာဖြစ်ချင်လို့ လွန်ခဲ့တဲ့ နှစ်တွေက ကိစ္စကိုပြန်ဖော်တာလဲဆိုတာ ဖြေစမ်းပါ။ "

မစ္စမာနိုဘယ်ဒေါသကို ဘေးထားကာ တည်ငြိမ်စွာမေးလိုက်သည်။
ထို့မှ ထိုလူဟာခေါင်းပြန်ထောင်လာသည်။

" သွားတွေ့ခဲ့တယ်၊ မစ္စတာမာနိုဘယ်ကို။ ငါမျက်စိပိတ်နားပိတ်နေပြီး သူလျှိုလုပ်ပေးခဲ့လို့ ဆုံးသွားရတာဆိုတဲ့ အသိစိတ်၊ နေ့တိုင်းလိုလို အဲဒီအကြောင်းကိုဘဲတွေးမိနေလို့ စောက်အဓိပ္ပါယ်မရှိတဲ့  အရက်တွေကို နင်းကန်သောက်နေခဲ့တာ။ "

" အဲဒီအသိစိတ်ကဘယ်သူ့ကြောင့်ရခဲ့တာလဲ။ "

မစ္စမာနိုဘယ်ရဲ့ မေးခွန်းကို သူမဖြေနိုင်။ ဒီနှစ်တွေထဲ အမှိုက်လိုအလုပ်တွေကိုလုပ်နေခဲ့တာ။ သမီးငယ်လေးက နယူးဇီလန် ကိုခေါ်ဖို့ကြိုးကြိုးစားစားလုပ်ခဲ့ရသည်ကို သူကတော့ အခန့်သားသွားကာ အရက်တွေကိုသာသောက်နေခဲ့သည်။ လက်ညိုးနှင့်တောင် မထိုးရက်တဲ့ ဘဝလက်တွဲဖော်ကို လက်နဲ့ရွယ်ခဲ့သည်။ စိတ်အလိုမကျရင် အော်ငေါက်ခဲ့သည်။ တကယ် ဂြိုလ်ဆိုးဝင်နေသည့်နေရက်တွေပါဘဲ။

သမီးငယ်က တစ်နေ့တော့သည်းမခံနိုင်စွာ " မေမေ့ကိုဒီလို နှိပ်စက်မယ်ဆိုရင် ကိုရီးယားကိုပြန်သွားပါ။ မဟုတ်လဲ ယိုးဒယားကို။ " ဟုပြောသည်။ စစကြားတုန်းကတော့ မဖြစ်နိုင်ဘူးဟုဆိုကာ တင်းခံနေမလို့ဘဲ။ သို့ပေမယ့် သတင်းစာ၏ခေါင်းကြီးပိုင်းတွင်ပါလာသည့် အန်ဒီချာဝီ၏ အာမခံဖြင့်ပြန်လွတ်လာသည့် သတင်းဟာ သူ့ကို ယိုးဒယားသို့စေလွှတ်ခဲ့သည်။ ပြန်ရောက်ကတည်းက နောက်ကြောင်းတွေကိုလိုက်စုံစမ်းနေခဲ့တာ၊ မထင်မှတ်ထားတာတွေပါဘဲ။ ငွေမဲကို ငွေဖြူပြောင်းမယ့် လုပ်ငန်းတွေ၊ တရားမဝင်ပြည့်တန်ဆာလုပ်ငန်းတွေအပြင်၊ မစ္စတာမာနိုဘယ်၏ သေဆုံးမှုတွင် အကြီးဆုံးသံသယရှိသူ လူသတ်သမားဖြင့် အမှု ဖွင့်ခဲ့သော်လဲ သက်သေမလုံလောက်မှုကြောင့် အခြားသော ငွေလိမ်မှုများကြောင့်သာ ၂ နှစ်ထောင်ကျခဲ့သည်။ သို့ပေမယ့် ထိုလူသည် မစ္စတာမာနိုဘယ်အပါအဝင် သူထောင်ချောက်ထဲတွင် ရှိခဲ့သော ရုရှားအမျိုးသမီး တစ်ဦးအပြင် တရားမဝင် ငွေမဲလုပ်ငန်းဘက်မှ အမှုဆောင်ကိုသတ်ခဲ့သည်ဟု ရှာဖွေတွေ့ရှိခဲ့သည်။ သူဟာ အန်ဒီချာဝီ၏ ထောင်ချောက်ထဲ ရောက်ခဲ့ကာ မစ္စတာမာနိုဘယ်တို့အား သစ္စာဖောက်ခဲ့သည်မှာ တစ်ခြားတော့မဟုတ်..။