الوقت سلاح ذو حدين في منا اللي بيستغله صح ويقدر يداوي بيه جرح الطرف التاني او علي الاقل يحاول يصلح الكسر اللي اتسبب فيه لكن في منا بيستغله اسوء استغلال وبيكسر بيه الطرف التاني ممكن يكون قاصد دا او بدون قصد لكن يعود بالسلب على حياة الطرفين عدي شهر علي ابطالنا بالحلو والمر كان الحلو فيهم بدء من اخر مره كانت ضي نايمه باوضه ايلاف واللي انتهت بكلامها مع قاسم انه ينزل يقول للعائلة على نور كان الموقف صعب فالاول والغضب من الكل كان سيد الموقف لكن الغريب واللي صدم الكل موقف ضي وقفتها جنب قاسم وقررها ان هي اللي تربي نور وتعوضها عن فقدان مامتها رغم اعتراض الكل لكن هي صممت على قرارها اللي خلي العائله تهدي واحده واحده وفعلا جهزت فاوضتها هي وقاسم مكان لنور وجهزت كل حاجه تخصها كأنها امها واللي ساعدها اكتر ان نور اتعودت عليها جدا وتقريبا مش بتسكت غير معاها حتي قاسم مش عارف يتعامل معاها زي ضي كان بيضايق اوقات لكن بيفرح انها مع نور وطبعا قاسم بدا يتحجج بنور علشان يقرب من ضي ومش عارف السبب لكن كل اللي يعرفه انه حابب يقرب منها جدا بس ما زال الحاجز اللي بناه بايده قائم ومش عارف يهد منه طوبه واحده ....
طول الشهر اللي فات علاقتهم زي ماهي او الاصح بتسوء اكتر واكتر وهي مش عارفه العيب من مين هي فعلا كانت بتخدع نفسها ان بلال هيجي يوم ويحبها او يتقبلها زي ماهي وانها هتقدر تغير شعوره من ناحيتها ولا كان كل دا خدعه من خيالها نسجتها بايدها حاولت تتواصل معاه كذا مره وانهم يخرجوا كان كل دا بينعكس بالخناق والزعل مابينهم وطبعا اللي كان بيشجع بلال فدا سهيله واللي ايلاف متعرفش عنها حاجه وعمر مايجي فبالها ان بلال ممكن يكون فعلاقه مع بنت وهو خاطبها او هي بتحاول تقنع نفسها بدا وطبعا كانت بتخرج من حالة الحزن اللي هي فيها بالاكل لكن اللي جد انها بتقضي وقت مع نور اللي ببرأتها وجمالها قدرت تغير الكل وتجذب الكل حواليها لكن اللي فالقلب فالقلب ومازال الحزن مسيطر على حياتها بسبب بلال ودا كان الاستخدام السئ للوقت واللي بلال كان قادر يستغله بجداره انه يخرب علاقته بايلاف باي طريقه....
الوقت بيمر بحياتهم وكل يوم بتثبت له أن اختياره لها صح كزوجه قدرت رهف خلال الشهر انها تقرب من نهله وتصلح علاقتها مع ادهم اللي كان مصمم يقاطع مامته بسبب اللي حصل لكن رهف كان ليها طرقها وقدرت تدخل الفرحه لعائله ادهم من جديد اه مش زي الاول لكن مجهودها يذكر ودا لوحده كفيل يزود غلاوتها فقلبه وهو شايف اد ايه هي بتحاول علشان تفرح عيلته وطبعا قدرت انها تصالحهم بحبيبه ودا برضو بمساعده سليم ليها اه كان صعب صلحها مع ادهم بعد مسمع كلامها مع سليم يوم الفرح وعرف انها مدمنه وكمان كانت فعلاقه مع شاب هو مكنش قال لحد لكن مقدرش يخبي اكتر من كدا وقال لسليم واللي صده فالكلام وانها بقيت مراته ومش هيسمح بكلمه فحقها ورفض تدخله وانه هيعرف يتصرف وكلام سليم معاه كان تأثيره كبير وقدر يصلح علاقتهم مع بعض حتي لو مرجعتش قويه زي الاول بس قدر هو و رهف يعملوا حاجه كويسه ويرجعوا العلاقات كل دا ورهف طبعا لسه متأثره بفقدان جنينها واللي بتسعى انها تحمل تاني واكيد ادهم بيساعدها فالموضوع دا وبيعمل الواجب وزياده ……
أنت تقرأ
ضلع أدم
Romanceمين فينا محبش البدايات دائما كانت النسمه الحلوه اللي بتطبطب علينا لكن مع الوقت البدايات بتروح ويبدأ الجد اللي مفهوش مظاهر خداعه بس هل النسمة دي بتروح ولا بتفضل معانا كانت هي بكل ما فيها من مميزات وعيوب مخلوقة من ضلعه لتكن حواء هي ضلع آدم كانت بتتمن...
