ضلع أدم

الفصل السادس عشر

الامل شعور بيدفعنا للحياه دايما بس هل الامل دا ممكن يتحقق ولا بيكون علي الفاضي هل الشخص اللي حطينا املنا فيه ممكن يكون قده ولا ممكن يخذلنا دا اللي كان محيره
هل فعلا امله فان ضي ممكن تديله فرصه وتكون بتحبه بجد زي مابيحبها وانها ممكن تنسي اللي هو عمله وتديله الفرصه دي ويعيشوا حياتهم كأي زوجين طبيعيين ولا ممكن تخذله وترفض الفرصه دي وان هو فعلا مش فارق معاها زي ما بتقول كان تفكيره مش واقف لمجرد انه مش عارف ايه رد فعلها من الكلام اللي هيقوله…
خلص شغله واخد عربيته ورجع القصر كانت قاعده بنور فالاوضه دخل بهدوء وسلم عليهم
قاسم:مساء الخير
ضي:مساء النور
قاسم:نور عامله ايه
ضي:الحمد الله
قاسم سكت شويه ...طب ايه كلتوا ولا لسه
ضي:لو جعان اقوم اجبلك
قاسم:مانتي عارفه اني مش باكل لوحدي
ضي:عارفه هجيب الاكل وناكل مع بعض
قاسم:تمام هاتي نور وهنستناكي
ضي نزلت جابت الاكل وطلعت كان قاسم غير هدومه وقاعد بيلاعب نور ….الاكل يلا قبل مايبرد
قاسم قعد مع ضي وبدأو اكل ولاحظ ان ضي بتحاول تتجاهله ومش بترد غير علي اد الكلام
قاسم:مالك يا ضي
ضي:ها ...لا ابدا مفيش
قاسم:طب ايه
ضي:ايه
قاسم:فكرتي بكلام الصبح
ضي:كلام ايه وانت قلت حاجه يا قاسم
قاسم:اممم...طب ياستي انا مقولتش حاجه لكن هقول دلوقتي
ضي:احم...اتفضل
قاسم:ضي انا مش بعرف اجمل فالكلام وهكون صريح معاكي
ضي:ياريت يا قاسم
قاسم:تمام ...انا بحبك و عايز ننسي اللي فات ونبدأ صفحه جديده
ضي بصدمه:انت بتتكلم جد يا قاسم
قاسم:ايوا بتكلم جد
ضي بصتله كتير وبعدها ضحكت وضحكها اتحول ضحك هستيري
قاسم استغرب اوووي رد فعلها
قاسم:انتي بتضحكي علي ايه
ضي:انت مستوعب انت بتقول ايه
قاسم:انا مقولتش حاجه غريبه علي فكره انا قلت اننا نفتح صفحه جديده
ضي:ما دا الغريب بكلامك اصلا
قاسم:يا شيخه
ضي:قاسم انت عايزنا نفتح صفحه جديده طب والقديمه عادي كدا خلاص تنسي اللي حصل ولا كأنه حصل اصلا انت بتقول ايه
قاسم:انا..
ضي بمقاطعه:انت ايه ...انت جاي بكل بساطه تقولي يلا يا ضي انسي كل اللي فات و تعالي نعيش كأي زوجين عادي كدا انسي اللي فات انسي جوازنا حصل ازاي طب سيبك من جوازنا خلينا فاللي حصل بعده قاسم انت نسيت صريخي يوم جوازنا وانا بقولك بلاش اديني فرصه وانا هاجيلك بنفسي انت مفرقش معاك وانت بتنهش فجسمي وانا تحت منك مش طايله ولا سماء ولا ارض علشان تبعد عني ولا مكفاش مره لا انت عجبك الموضوع وتكرره عادي طب انا فين من دا كله ولما اتكلمنا تقولي بكل بساطه ان انت عملت دا علشان تكرهني فيك واطلب الطلاق منك ماكان ممكن نتكلم برضو ونقول مش متفاهمين ونطلق بردو كنت هتزيد فعيني احترام لكن لا ازاي المفروض اسكت بعدها واسامح طب انا فين من دا كله ماشي يا قاسم عايز فرصه تانيه طب انا موافقه يلا اتفضل امحي كل اللي حصل ….انت عايز فرصه تانيه لحياتنا مع بعض ازاي اكيد دا مش هيحصل الا اذا انت بتحبني وعايزني بحياتك ودا طبعا كتر خيرك المفروض افرح واقول الله قاسم بيحبني عارف يا قاسم انا حبيتك ومن كل قلبي كمان ايوا متبصش باستغراب بس بعد اللي عملته قلت يمكن اسامحك واكمل عادي بس مقدرتش يا قاسم كل ماجي اهدي من ناحيتك افتكر اللي عملته فيا والاقي نفسي مع نور وبحاول انسي علشان نكمل مع بعض بس قلبي مش قادر يا قاسم ياريت كان جرحي منك يكون جسدي بس لا دا كان فقلبي اللي حبك ومتوقعش ان انت تعمل فيه دا كله
انا حقيقي اول مره اكون مش عارفه انا عايزه ايه يا قاسم هل عايزه اكمل معاك وقلبي يقدر ينسي اللي فات ونعيش عادي ولا مش هقدر يا قاسم ونكون زي مااحنا كدا ونريح...