ضلع أدم

الفصل السابع والعشرين

احساس التوهه صعب أننا نفهمه خصوصا لو تايه مابين الفرحه والحزن
كانت مش عارفه هى فرحانه أنها اتجوزت حب حياتها ولا تحزن على أنها اتخدعت واتفاجئت دا المعازيم كانوا عارفين هى هتتجوز بلال مش يحيى …ثوانى فين يحيى اصلا من دا كله مش المفروض خطوبيتها على يحيى ازاى مظهرش وسط الأحداث دى كلها جراله حاجه ولا بلال هو السبب فاختفائه هيكون ليه مبرر الاختفاء دا ولا هو كمان اتخلى عنها ولا ايه اللى حصل تايهه وسط دا كله…
يلا انزلى احنا وصلنا
فاقت من شرودها على صوته أنهم وصلوا
نزلت من العربيه ومشيت لحد باب الفيلا واستنت أنه يفتحلها الباب دخلت ومشيت شويه بعدها وقفت ..
ايلاف:أنا اوضتى فين
بلال:نفس اوضتى اكيد عارفه أنهى اوضه
ايلاف:وانت هتنام فين
بلال بحنان:معاكى
ايلاف:نعم
بلال:قصدى يعنى معاكى فنفس الاوضه امال هنام فين
ايلاف :والله شئ ميخصنيش
بلال:طب تعالى نطلع ونبقى نشوف الموضوع دا بعدين …ايه مزهقتيش من الفستان دا مش عايزه تغيرى
ايلاف:ملكش دعوه باى حاجه تخصنى يابلال
بلال:ايوا طبعا وماله
سابته وطلعت لسه هتقفل باب الأوضه كان هو دخل وراها
ايلاف:متحلمش أننا نقعد فاوضه واحده
بلال:أهدى وقولى هديت كدا علشان نعرف نتكلم …ادخلى كدا غيرى وخدى دوش علشان تفوقى من تعب اليوم
ايلاف:لا هنتكلم الاول
بلال:ممكن متعنديش وتسمعى مره اللى بيتقالك
ايلاف:سمعت قبل كدا وكان ايه النتيجه يابلال
بلال بصلها كتير واتنهد بعدها بصوت مسموع …براحتك ياايلاف ممكن تقعدى علشان نعرف نتكلم
قعدت من غير كلام واستنته أنه يبدأ
بصى عايزك تعرفى قبل ايه حاجه إنى بحبك ومقدرش  اعيش من غيرك يا ايلاف كنت غبى ومتخلف لما ضيعتك من ايدى بس استحاله كنت ضيعتك تانى خصوصا بعد اللى عرفته عن الحيوان يحيى
ايلاف:والله وياترى عرفت ايه عن يحيى
بلال:بلاش تريقه …يحيى كان بيلعب عليكى مكنش بيحبك ياايلاف
قاطعته …انت ايه اللى عرفك يحيى لو مكنش بيحبنى مكنش اتقدم واتفقنا على الخطوبه
صديقنى مش عايز اوجعك ولا اجرحك فيوم زى دا
ايلاف:يا شيخ اكتر من كدا
بلال:بطلى تخلف وفوقى للحقيقه شويه يحيى كان بيلعب عليكى كان متقدملك وهيخليكى تتعلقى بيه ويضيعك بعدها يرميكى زى الكلبه يحيى اللى انتى فرحانه بيه كان طمعان فيكى وففلوسك ولا يمكن كان يكمل فجوازه منك بعد ماينفذ خطته القذره
ايلاف:انت كداب كل دا افترى علي يحيى علشان كنا هنتجوز خلاص هضيع من بين ايدك
بلال:غبيه وهتفضلى تصدقى اي كلمه حلوه تتقالك لمجرد سد خانه  الاحتياج العاطفى اللى عندك مصدقتى أن حد قالك أنه معجب بيكى وبيحبك وعايز يتجوزك وافقتى بيه على طول ونسيتى قلبك اللى حبنى اهو اى عند وخلاص مش بس فيا لا دا لنفسك قبلى عايزه تثبتى لنفسك ايه يا ايلاف …ليه تعملى لنفسك كدا بعندك دا سواء فيا أو فيكى
ايلاف بدموع:اثبت لنفسى ايه اثبت لنفسى فعلا إنى مرغوبه مش هفضل ابكى عليك لمجرد إنى غبيه زي ما بتقول وانى هفضل احبك بعد اللى عملته فيا حذرتك كتير وقلتلك بلاش يابلال توجعنى قلتلك انا عارفه انك مغصوب عليا لو عايز تبعد نبعد أو تدى نفسك فرصه معايا بس تصونى لكن مصونتنيش وكنت مقضيها من حضن لحضن وبتخونى عارف شعورى ايه وانا واحده****بتكلمى تقولى انك معاها عارف شعورى ايه وقتها كنت عايزه اموتك واموتها واموت نفسى إنى حبيت واحد زيك وضيعت قلبى عليك وانت بكل بساطه عايزنى اسامحك لا وبتلومنى إنى وافقت على يحيى وانى هتجوزك على الأقل يحيى موجعنيش بكلمه وقبلنى زى مانا تخينه وشكلى مبهدل ونفسيتى مدمره ووقف جنبى لحد ماخسيت ونفسيتى رجعت واحده واحده زي الاول ايلاف القديمه اللى بتضحك رجع ثقتى بنفسى حبنى من جوايا مش من شكلى  عمل اللى انت معملتوش وانا مش قادره اصدقك أن يحيى ممكن يعمل كدا…
بلال بمقاطعه:ليه مش مصدقه اثبتيلى انك غبيه بتاخدى اي كلمه أنه معجب قلتلك إنى غلطت ومفيش حاجه عملتها تغفرلى غلطة معاكى بس وسط دا كله حبيبتك والله العظيم حبيبتك من قبل حتى ماتخسى علشان متقوليش على الشكل بالعكس معاكى عرفت انا مين بابسط حاجه كنا بنعملها واثبتلك اكتر انا حبيتك امتى لما روحنا دار الايتام مع بعض اه فالاول مكنتش شايفك اكتر من اختى بس بعدها معرفش حبيتك ازاى بقيت عايز اقرب بإى طريقه كنت بحب اتخانق معاكى علشان اشوف نرفزتك واجى اصالحك كنت بتلكك لأقل حاجه علشان اقرب منك اه ممكن يكون كان اسلوب غلط وضيعك منى ومعرفتش أبين حبى بس صدقيني حبيبتك لولا اللى حصل والله كنت مقرر إنى هقطع كل علاقاتى اللى ممكن تبعدنى عنك بس حصل إللى حصل صدقينى يا ايلاف أنا مش بضحك عليكى أنا عمرى مصدقت اللى اسمه يحيى قربه منك مكنتش بستريحله بس مقدرتش راقبته وعرفت كل حاجه عنه مش مصدقانى شوفى الفيديو دا
دى واحده أنا بعتها ليحيى وصورته صوت وصوره علشان اثبتلك أنه بيلعب بيكى
اخدت منه التليفون وشافت فيديو ليحيى وهو بيتكلم عنها
البنت:يعنى انت كدا خلاص هتتجوز
يحيى:ياقلبى ولا تضايقى نفسك دا جواز مصلحه
البنت:ازاى
يحيى:دى واحده هبله من كام كلمه حلوه وقعت على طول  أنا هتجوزها علشان فلوسها هى بس خطتى تمشى زى مانا عايز وبعد كدا هعيشك فحته تانيه خالص ياقلبى مش عايزك تزعلى الموضوع مساله وقت
البنت:بس البنت عجباك
يحيى:منكرش أنها لما خست بقيت حلوه اهو نجرجرها واقضى معاها يومين حلوين وبعدها افضالك انت يا جميل
البنت:فهمتك يا قلبى خطه فى منتهى الذكاء …على العموم مش هنقضى الليله كلها عليها
يحيى:على رايك يا جميل ..عايزه النور فحاجه
البنت بضحكه:لا يا قمر انت
رمت التليفون من أيدها وقعدت تعيط مكنش عياطها زعل من يحيى على اد ما كان زعل على نفسها
بلال وقف قدامها ومش عارف يعمل ايه خايف يقرب منها تنفر منه وفنفس الوقت خايف يندم أنه مقربش لأن دا اكتر وقت هى محتاجه وجوده جنبها خد الرسك وقرب منها وقعد جنبها وخدها فحضنه وهى استسلمت لحضنه لأنها كانت محتاجه دا اووى
بلال:مش هقول متعيطيش بالعكس العياط دا رحمه من ربنا لينا بس خليكى واثقه أنى موجود دايما جنبك فالصغيره قبل الكبيره لانك منى وانا منك
مكنش عارف يقولها ايه فالوقت دا يوسيها بيه اوقات الصمت ابلغ مليون مره من الكلام
ايلاف بدموع:أنا عملت ايه لدا كله علشان يحصل فيا أنا معملتش حاجه وحشه بالعكس كنت بتمنى الخير للكل يبقى دا جزائى انت وجرحتنى فأنوثتى يابلال اه حبيتك بس مش قادره اسامحك على اللى عملته فيا وقلت خلاص هبعد واحاول ابدا من جديد وقلت خلاص يحيى عوض ربنا على الوجع اللى شوفته منك يجى هو كمان يكمل عليا علشان يكسرنى طب ليه ذنبى ايه انا فدا كله
كان كلامها بصوت عالى وتحول لصريخ معاه وضربته على صدره كان كل دا هو متقبل رفضها للى هى فيه بهدوء ويمكن ملقاش طريقه تانيه أنه يدعمها بيها غير سكوته وقبول اى حاجه هى بتعملها يمكن دا طمنه اكتر لان كان خايف تسكت وتكتم جواه ودا من طبيعة ايلاف أنها تسكت وتستقبل كل حاجه بهدوء بس دا بينعكس بعد كدا عليها فضلت كدا فتره لحد مره واحده لقي صوتها اختفى وحركتها سكنت خالص وفقدت الوعى من كتر الصدمات اللى خدتها فيومها
بلال حاول يفوقها معرفش.. شالها ونيمها على السرير وطلب دكتور بسرعه وبعد فتره كان الدكتور وصل فنفس الوقت اللى سليم وحبيبه وهدير وصلوا فيه ..
سليم بقلق:فى ايه يا بلال
بلال باستعجال:ايلاف أغمى عليها ومش راضيه تفوق
سليم بعصبيه:عملتها ايه خلاها تتعب كدا
بلال بعصبيه:مش وقته يا سليم تفوق واعمل اللى عايزه
سليم:استنى هنا خلى حبيبه وهدير يطلعوا مع الدكتور وخليك انت
بلال:لا محدش هيكون مع مراتى غيرى
كان بلال وصل بالدكتور عند اوضتهم ودخل كشف عليها وبعد فتره خرج
سليم:طمني يا دكتور ايلاف مالها
الدكتور:مدام ايلاف عندها انهيار عصبى استاذ بلال قال إنها اتعرضت لضغط كبير اووى النهارده فدا أدى للاغماء لأن لا جسمها ولا عقلها قدر يستوعب كم الضغط اللى اتعرضتله أنا اديتها حقنه هتنيمها للصبح كمان كتبها علاج فالروشيته دى يتطلب النهارده ومن بكره تاخده بانتظام ولو حصل اى حاجه كلمونى وياريت بلاش اى ضغط عليها وطبعا نهتم بالتغذيه لان من الواضح انها  مهمله بأكلها
سليم:تمام يا دكتور شكرا لحضرتك اتفضل
سليم وصل الدكتور وخرج جاب العلاج ورجع بسرعه خبط على باب اوضة بلال فتحتله حبيبه اللى كانت هى وهدير عند ايلاف مع بلال
سليم:عامله ايه دلوقتى
حبيبه:زى ماهى نايمه بس شكلها حزين اوووى ودموعها نازله منها هى ونايمه صعبانه عليا اووى
سليم:ربنا يتولاها اللى مرت بيه مش قليل بس اكيد ربنا هيعوضها بعد دا كله ..ماما جوه
حبيبه :ايوا تحب اندهالك
سليم:لا اندهى بلال
حبيبه:سليم بالله عليك متقولش اى كلام يضايقه هو كمان فيه اللى مكفيه
سليم:متقلقيش يا حبيبتى اندهى عليه وخليكى مع إيلاف وماما لحد ما اخلص مع بلال
حبيبه:حاضر
دخلت حبيبه وندهت على بلال اللى خرج لسليم واول ما شافه اترمى فحضنه
بلال:مش قادر اتحمل اشوفها كدا ايلاف اللى مكانتش تبطل ضحك وهزار انكسرت بالشكل دا انا اللى كسرتها لا وكملت عليها النهارده لما قلتلها كل حاجه
سليم:أهدى يابلال اه انت غلط بس كان لازم ايلاف تعرف كل حاجه أننا نواجهه احسن مانعيش مخدوعين طول عمرنا ومسيرها كانت هتعرف كل حاجه
بلال:بس مش بالطريقه دا ايلاف اتجبرت على كل حاجه وانا كنت السبب فدا كله يعنى هى نائمه دلوقتى ودموعها على خدها بسببى أنا
سليم:اللى حصل حصل المهم اننا نقوى ايلاف لازم تقوى بيك لو انت ضعفت ووقعت فمره وملقيتش اللى تسند عليه المره دى نقدر نقول إن ايلاف انكسرت بجد كون ليها العوض على اللى حصل لسه الطريق قدامك طويل بس انت وشطارتك أنك تقصر الطريق دا طول بالك عليها اديها الثقه فنفسها من تانى خليها تديك الامان وقتها بس هتقدر تقول انك كسبت قلب ايلاف من اول وجديد تانى بالمره دى تبدأ على نضافه
رد بلال بسرعه:والله ما فى حد فحياتى غيرها أنا سيبت كل حاجه وحشه كنت بعملها علشانها هى وبس وفعلا نفسى ابدا حياتى معاها هى وبس
سليم:يبقى خلاص اثبت وجودك ليها ايلاف لسه بتحبك بس حقها هى انكسرت يا بلال احتويها وانت هتاخد قلبها من تانى
بلال:ادعيلى
سليم ربنا معاك ويعينك على اللى جاى يلا ادخل لمراتك وابعتلى مراتى وامك احسن أنا عارفهم ممكن يقلبوها مندبه جوه
بلال:حاضر
دخل بلال...حبيبه وهدير خروجوا لسليم وكل واحد راح لاوضته اما عنه غير هدومه بسرعه وبعدين راح قعد جنبها
بلال:ربنا يقدرنى على اللى جاى وربنا يهديكى عليا يا ايلاف
غيرلها هدومها بقميص من عنده لحد ما يجيب هدومها ومسح الميكاب من وشها واللى ظهر عليه الإرهاق بشكل واضح وكأنها مكتوب عليها الزعل من كل اللى يقرب منها ..قرب بعدها ونام جنبها وخدها فحضنه وبعدها سلم نفسه لسلطان الزمان ..
      &&&&&&&&&&&&&&&
عند قاسم وضى
ايه يابنتى كل دا فالحمام
ضي:معلش اهو خرجت ادخل انت
دخل قاسم خد دوش سريع وخرج لابس شورت فقط
ضى:نفسى افهم ايه حبك فإنك تقعد كدا ماتلبس يابنى تيشرت بدل ماتاخد دور برد
قاسم:حبك مدفينى ياقمر
ضى:استر يارب اهو طقم الحنيه دا مش بيريحنى
قاسم:أنا دا انا غلبان الدور والباقى على الناس اللى بتفكر تفكير ثعبانى علشان تاخد اللى هى عايزاه
ضى بضحكه:خلاص بقى ميبقاش قلبك اسود كدا وبعدين مش انت اللى خبيت عليا أن بلال هيتجوز ايلاف
قاسم:لا احنا اتفاقنا كان معاه على أساس أنها خطوبه وبعدين لو مرتاحتش معاه هيبعد عنها فعلا علشان تعرف تعيش حياتها بس بلال غفلنا واتفق مع جدو أنه يكتب الكتاب ويبقى فرح
ضى:وايه اصلا اللى يخليه يعمل كدا وفين يحيى من دا كله
قاسم:اهو متلقح فالمخزن
ضى :يانهار اسود حبستوه
قاسم:دا يستاهل الموت على اللى كان هيعمله
ضى:لا مش فاهمه ايه اللى حصل
قاسم حكالها على اللى يحيى كان مخطط ليه  ….
ضى:اه يا قذر الحمد لله أن بلال كشفه ايلاف مش حمل حاجه تانى توجع قلبها اه هى مضايقه من طريقه بلال واللى حصل كله بس والله لسه بتحبه
قاسم:ياستى ربنا يهديهم على بعض ولبعض …طب وانتى
ضى:وانا ايه
قاسم:مش بتحبينى
ضى:مش بحبك!!دى كلمه بحبك قليله على اللى أنا فيه يا قاسم
قاسم:طب ايه
ضى بضحكه:طب ايه
قاسم:منفسكيش تغيرى كدا من رهف وتجبيلى نونو صغير كدا شبهك
ضى :يوووه تانى يا قاسم الموضوع دا ماهى نور ماليا علينا حياتنا وبعدين لسه صغيره
قاسم:فى ايه يا ضى مش كنا اتفقنا على انك موافقه تفكرى  فالحمل  أو تدينا فرصه على الأقل مالك بس ايه اللى غير رايك تانى
ضى:يا حبيبى أنا مغيرتش رايي بس حاسه أنه لسه بدرى
قاسم:والله انتى لو بتحبينى زى مابتقولى مش هتقولى لسه بدرى
ضى:مش معنى إنى بحبك يبقى افضل اجيب فعيال يجوا الدنيا يتظلموا معانا
قاسم:يتظلموا ؟!!!!
ضى:يوووه متفهمش كلامى غلط
قاسم:لا انا فهمته صح الصح من الواضح انك مش قادره تنسى اللى حصل مابينا اول الجواز وانك لحد دلوقتى مش واثقه فيا …تصبحى على خير
ضى:يا قاسم افهمنى لو سمحت
قاسم:ضى خلصنا اطفى النور علشان هنام
مدهاش فرصه تانيه للكلام نام وسابها وأما عنها بصتله والدموع فعنيها وزعلانه أنه مش قادر يفهم اللى هى فيه اه كانت خلاص موافقه أنها تخلف منه بس رجعت خافت تانى من الفكره اصلا …فردت جسمها على السرير وصوت عياطها هو بس اللى فالاوضه كان هيضعف ويلف ياخدها فحضنه بس زعله منها اكبر فكره أنها رافضه تخلف منه دى عامله حاجز مابينهم كل مابترفض كل مابيقوى الحاجز فضلوا هما الاتنين فتره لحد ماستسلموا للنوم
        &&&&&&&&&&&&&&&
عند ادهم ورهف
لا بالله عليكى تهدى كدا عليا مش هيبقى انتى وكلام الدكتور
رهف:الله وانا عملت ايه
أدهم:لا مانتى متتكلميش بدلع وتتحركى واحده واحده قدامى وفالاخر تقولى أنا عملت ايه لا عملتى كتير  مش كفايه اللى انتى لبساه دا لحد ما الدكتور يسمح عايز اشوفك عبد العال معايا فالاوضه
رهف بضحكه عاليه …الله ياادهم مش كدا
أدهم:رهف حبيبتى تعالى جنبى كدا
راحت بسرعه ونامت فحضنه
أدهم:مسمعش صوتك علشان أنا مش مسؤول على اللى ممكن يحصل
رهف بابتسامه :بحبك
أدهم:رررهف نامى احسن يابنت الناس
ضحت عليه ..سكت شويه وبعدين اتكلمت
انا فرحانه اوووى بس خايفه فرحتى متكملش يا أدهم تانى أنا نفسى الحمل يكمل نفسى اخلف منك اوووى
ادهم:خلى املك فربنا كبير احنا الحمد لله عرفنا انك حامل بدرى علشان نبدا نمشى على علاج ومتابعتك مع الدكتور فإن شاء الله خير له عرفنا المخاطر بس كمان عرفنا ازاى تتجنبها فاطمنى
رهف:مش بايدي بحاول اطمن بس خوفى مسيطر عليا
أدهم:بس امل ربنا كبير متقلقيش المره دى حاسس ان ربنا هيجبرنا
رهف:يارب ياأدهم
أدهم:مش عايزك تفكرى فاى حاجه تانى غير صحتك وبس ممكن
رهف:ممكن
أدهم:ووممكن ننام لانك تعبتى كتير النهارده وكمان اخوكى طلع عنينا معاه كمان
رهف:ممكن مع ان لينا كلام كتير على اللى حصل وانا واثقه انك كنت عارف وخبيت عليا
أدهم:أنا قلت ايه متشغليش بالك بحد غير نفسك والنونو
رهف:امرى لله
أدهم:تصبحى على خير
رهف:تصبح على الهنا يا حبيبى
شدد على حضنه ليها ومعداش وقت كبير كان استسلموا لنومهم
         &&&&&&&&&&&&&&
عند سليم وحبيبه
ايلاف صعبانه عليا اوووى مش سهل اللى مرت بيه
سليم:ربنا بيدى الحمل للى يقدر يشيله وإيلاف قدها اووى هى اللى قدرت تربى بلال وتخليه يمشى عدل
حبيبه:بلال مش وحش اووى كدا دا بيموت فيها
سليم :بس مكنش عارف وفاق بعد فوات الاوان
حبيبه:لا مفاتش بالعكس دا احسن وقت يعرفوا فيه بعض
سليم:طب ايه هتفضل نتكلم عنهم كدا كتير
حبيبه:لا ..بس ممكن نتكلم عننا احنا
سليم:نتكلم حاسك عايزه تقولى حاجه
حبيبه:فعلا
سليم:انت تامرى
ضحكت وقامت من مكانها وقعدت على رجليه وحضنته
سليم:الله …دانتى الغزاله رايقه اوووى عندك
حبيبه:جدا ..أنا عايزاك يا سليم
سليم ضحك بصوته كله على جرائتها فالكلام بس دا اللى حببه فيها …عارفه اكتر حاجه حبيتها فيكى ايه جرائتك اللى اول مابندخل فالجد الاقيكى قلبتى زى الطماطم وتغرقى فكسوفك
ضربته بايديها على كتفه
سليم:انتى اد الضربه دى
حبيبه:اه
سليم:انتى الجانيه على نفسك
حبيبه:متقدرش تعملى حاجه
سليم هنشوف بس مترجعيش تقولى كفايه يا سليم مش قادره يا سليم
حبيبه:قليل الادب
سليم:طب مادا المطلوب
شالها بعدها ونيمها على السرير واخدها لعالمهم الخاص عالم بيهربوا فيه من زحمه حياتهم ومشاكلهم عالم بيكتبوا فيه صفح سعادتهم بفرحهم وضحكهم ومتعتهم اللى بيحددوها هما …عدى الوقت مابينهم كانت حبيبه نائمه فحضن سليم والبسمه مرسومه على شفايفها وكان بيبصلها نظره ممزوجه بحب وحنان محوطها وكأنها لقيت الامان اللى بتدور عليه بقالها سنين
سليم:مبسوطه
حبيبه :جدا
سليم ضحك على التلقائيه بتاعتها وشدد من حضنه ليها…طب يلا بقى علشان تنامى علشان حاسك مفرهده من اليوم كله
حبيبه كانت فعلا عيونها بتغمض ومبتسمه لكلام سليم ليها..باس دماغها ومعداش وقت كانوا هما الاتنين استسلموا لسلطان الزمان  بس اللى حصل دا جزء من السعاده هل مكتوب ليها تدوم ولا القدر ليه رأى تانى …

هنا نقول استوب يا حلوووين

مع البارت الجاي فى ضلع آدم