ضلع أدم

الفصل الثلاثون

شعور العيله احساس ميتوصفش فى مننا اللى اتحرم منه وفى اللى ربنا انعم عليه بالعيله ودا اللى ابطالنا انعم عليهم بيه جو العيله …كان يوم الجمعه يوم  التجمع وصلنا لحد ما بلال وإيلاف كانوا نازلين من العربيه ووراهم سليم وحبيبه
بلال جرى بسرعه وسند ايلاف اللى كانت هتقع هى ونازله من العربيه
بلال:انتى كويسه مكنش ليه لازمه نيجى النهارده انتى تعبانه من امبارح
ايلاف:لا انا كويسه بس رجليا هى اللى وجعانى شويه
بلال:معلش دا طبيعى فالاول بس
ايلاف:طبيعى ايه مش فاهمه
بلال:هااا لا مفيش تعالى علشان ندخل اهو سليم وصل كمان
سليم:مش عارف بتحب السواقه السريعه ليه
بلال:امال زيك ماشى على قشر بيض
سليم:طب يلا يا خويا
دخلوا كلهم كان أدهم ورهف وصلوا قبلهم اللى أصرت انها تروح التجمع رغم أن أدهم كان معترض خايف عليها من اى حركه زياده
دخلوا وسلموا على الكل وعرفوا إن ضى حامل هى كمان وباركولها
ضى:عقبالك انتى وايلاف يا حبيبه
ايلاف بصت لبلال واتكسفت خصوصا انها افتكرت اللى حصل امبارح بس كل دا فاكره أنه حلم
حامد:طب يلا بقى يا شباب علشان نلحق صلاه الجمعه
خرجوا وراحوا المسجد بعد فتره رجعوا من صلاه الجمعه وقعدوا على الفطار
أدهم:يابنتى لازم تاكلى مش كل حاجه لا عليها مينفعش كدا يا رهف
رهف:والله غضب عنى يا أدهم بس مش قابله حاجه غير أنى عايزه جبنه حادقه بس
هدير:خدى يا حبيبتى أنا عملت حسابى لانى عارفه مش هتاكلى غيرها
أدهم:اهى على الحال دا مطلعه عينى وعين ماما فالبيت مش راضيه تاكل ودا غلط ممكن تتعب اكتر ماهى تعبانه
سليم:ياعم بالراحه عليه هى الحامل كدا مش بتاكل فأول الحمل متخافش  اختك هتاكل بدالها دى ناقص تاكل ايدى
حبيبه:الله فى ايه يا سليم هتبصلى فالأكل كمان ياحبيبى أنا بشوفك ونفسى بتتفتح
سليم:كلى يا قلبى بالهنا
نرمين:ملكش دعوه بالبنت يا سليم خليها تاكل دى خاسه حتى
سليم:فين دى اللى خست دى تكه وهتاكلنا يا طنط انتى مش شايفه خدودها اللى ضيقت علينا المكان
حبيبه:طب مش واكله
سليم شدها من أيدها تانى..يالهوى القمر بتاعى يقوم من الاكل زعلانه والله مقدرش خدى بس الخياره دى
حبيبه ضحكت وقعدت كملت اكل تانى ..هات تسلم ايدك
ضحك عليها لأن كلامه مأثرش فيها وكمت اكل عادى
قاسم كان قاعد مهتم بضى جداا أما عنها كانت مستقبله اهتمامه دا بابتسامه
ضى:والله باكل اهو كل انت بس
قاسم:ياستى ملكيش دعوه اهم حاجه ابنى يطلع كدا صحته كويسه
ضى:ابنك!!ليه متقولش بنتك
قاسم:قلبى حاسس أنه ولد
ضى: ولد او بنت أنا راضيه
قاسم:المهم يطلعوا شبهك
بلال كان بياكل بس عينه منزلتش من على إيلاف اللى تقريبا كانت بتلعب فالاكل ومش مركزه مع حد خالص سرحانه بابتسامه هادئه على وشها ودا شككه فيها اكتر
هدير:مالك يا ايفو يا حبيبتى مش بتاكلى ليه
ايلاف:هااا لا ياخالتوا باكل اهو أنا حتى شبعت هقوم اجيب عصير ليا
قامت بسرعه مستنتش حتى رد من هدير وقام هو وراها علطول
كانت واقفه فالمطبخ بتصب العصير وواقفه سرحانه مخدتش بالها أن الكوبايه اتملت وبيدلق على الأرض وجه على هدومها
بلال:حاسبى الكوبايه اتملت وهدومك اتوسخت
ايلاف:هااا
بلال بخبث:هاا ايه مالك سرحانه مش عجبانى النهارده علطول سرحانه كدا
ايلاف:لا ابدا مفيش أنا هروح اغير هدومى دى مشيت بسرعه وطلعت اوضتها القديمه علشان تغير دخلت الحمام خدت دوش يمكن تفوق من التوهان اللى هى فيه دا لفت فوطه عليها وخرجت من الحمام فالوقت دا كان بلال اتلكك باى حاجه وطلع وراها فلقيته قاعد مستنيها
ايلاف بخضه:بسم الله انت هنا من امتى مش تخبط
بلال:أنا خبطت وانت شكلك مسمعتيش
ايلاف بكسوف:طب ايه عايز ايه
بلال:عايزك انتى
ايلاف:افندم
بلال:قصدى يعنى تليفونك رن فجبتهولك
ايلاف:تمام اتفضل أخرج علشان البس
بلال قام وقرب منها بهدوء كانت هى واقفه عند الحيطه وحاصرها
بلال:طب لو مخرجتش
ايلاف:لو سمحت ميصحش كدا
بلال وقف قدامها وقرب وباسها والغريب انها استسلمت واتجاوبت معاه شالها بهدوء ونيمها على السرير وشال الفوطه من عليها وقرب منها كمل اللى كان بيعمله على اد ماكانت مكسوفه بس كانت فرحانه بقربه دا وذكريات الليله اللى فاتت بترجعلها من كلام وفعل كلامه أنها بتحبه وأنه ميسبهاش وأنها محتاجها كانت خلاص شبه افتكرت كل حاجه وأنه مش حلم ..لكن للاسف قاطعهم صوت خيط على الباب  كان حد من الخدم ..بلال بعد عنها بهدوء ورد بصوت قوى
مين
انا يا بلال بيه استاذ قاسم بقول لحضرتك أنهم مستنيك تحت وعايزين
بلال:تمام قوليلهم إنى نازل
قام ولبس التيشيرت بتاعه كانت هى غطت نفسها باللحاف والكسوف  باين عليها بشكل واضح ..راح ناحيه الدولاب فتحه وخرج منه فستان طويل وبكم وشال وحطهم عندها على السرير وقرب منها باس دماغها …البسى الفستان دا هيكون قمر عليكى ومتنسيش الشال علشان الجو برد عليكى انت لسه تعبانه
قام سابها ونزل على طول ومستناش كلام منها كفايه اللغبطه اللى هى فيها محبش يربكها اكتر
نزل تحت كان الشباب متجمعين فاوضه البيلياردو اللى قاسم عاملها وبيلعبوا
قاسم:يا عم بلال طلعت ورا البت وقلت عدولى ليكوا بيت يا استاذ يامحترم
بلال:تعرف تتنيل احسن اللى أنا فيه متمانهوش لعدوى
أدهم:ليه يابنى حصل ايه
بلال حكى مجمل اللى حصل امبارح وهما واقفين مصدومين
قاسم:يعنى ايلاف مش عارفه انك دخلت عليها
أدهم:انت عبيط يابنى ازاى يعنى مش عارفه
بلال:هى فعلا مش عارفه صاحيه مش فاكره حاجه
قاسم:هى لو فاكره هتعمل معاك الصح
بلال:بس حاسسها غريبه تايه وسرحانه حتى اسلوب تعاملها معايا متغير
أدهم:طب متسالها
بلال :دا على أساس إنى مسألتهاش ..بس قالتلى انها مش فاكره حاجه
سليم:ما يمكن فاكره أنها كانت بتحلم
بلال:نعم اللى هو ازاى دا
سليم:مش انت بتقول انها شبه مكانتش فوعيها
بلال:ايوا
سليم:تمام يبقى عقلها رفض واقع هى عاشته وفاكره أنه حلم
بلال:الكلام دا لو كنت غصبتها على حاجه لكن ايلاف كانت معايا برضاها والله مغصبتها على حاجه أنا مش واطى للدرجه وبعدين دى مراتى يعنى أنا معملتش حاجه غلط
قاسم:يابنى انت حد مغلطتك بس الفكره أنها لو فاكره ايه اللي هيخليها تنكر وبعدين متنساش أنها كانت تعبانه أو بمعنى أصح جسمها كان محتاج لحراره فحبت قربك منها واتجاوبت معاك مش اكتر
بلال:يعنى يارب يوم ماتتم جوازى منها تصحى مش فاكره
سليم:يعنى انت مكنتش قادر تمسك نفسك ياخويا
بلال:اكتر من كدا دا يبقى ظلم والله يا جدعان دا انا لحم ودم يعنى انتوا فيكم واحد بيعرف يمسك نفسه عن مراته اتقوا الله
أدهم  وقاسم ضحكوا لأنهم الدكاتره منعتهم عن زوجاتهم
بلال:تمام معاك حق بس يمكن اللى مصبركم ان كل واحد مراته  حامل أنا ايه اللى يمنعنى
سليم:اهو ربايه ليك
قاسم:خلاص أنا عندى الحل
بلال:ايه هو
قاسم:هقول لضى وهى تشوفها واهو البنات ليهم طرقهم مع بعض
بلال:لا اوعى حد فيكم يقول لمراته هى مش ناقصه يحصل حاجه فالدنيا تتعك عليا اكتر ماهى بايظه
سليم:يبقى تستحمل لحد ماهى تفتكر أو على الأقل لو مكسوفه منك تقع بلسانها وتقولك يعنى فالحالتين هتعرف هتعرف
بلال:تفتكر
قاسم:دا الحل الوحيد …
فضل الشباب قاعدين بيتكلموا مع بعض…
       &&&&&&&&&&&&&&&&
عند البنات
حبيبه:كل دا حصل معاكى ومرضتيش تقولى لواحده مننا
ضى:كل واحده فيكم كانت جواها همها مرضتش ازود عليكم
رهف:الحمد لله ربنا رضاكى واهو أنا وانتى ماشيين فالحمل مع بعض
حبيبه:تفتكروا يابنات ممكن احمل أنا كمان
رهف:بتقولى لى كدا
حبيبه:يعنى علشان أنا كنت مدمنه ممكن دا يأثر على الحمل
ضى:بطلى هبل اكيد لا طبعا وبعدين انت الحمد لله كويسه مفكيش حاجه
حبيبه:نفسى اخلف من سليم اوووي نفسى افرحه
رهف: إن شاء الله يا حبيبتى ربنا يراضيكى يارب انتى وايلاف
ايلاف كانت سرحانه ومش معاهم خالص كانت سرحانه ومتاكده أن فى حاجه غلط بتحصل معاها دا مكنش حلم ازاى لمسته ليها هتكون حقيقيه كدا لو حلم
ضى:مالك يا ايلاف من وقت ماجيتى وانت مش معانا خالص
ايلاف:لا ابدا مفيش
رهف:مفيش ازاى انت مش على بعضك خالص وبعدين ايه العلامه اللى فرقبتك دى
ايلاف:علامه ايه دى
قامت ووقفت قدام المرايا لانهم كانوا قاعدين فاوضها القديمه
معرفش جت منين ممكن يكون لما وقعت امبارح واتخبطت
ضى:وقعت
حبيبه:وقعتى امتى دا
ايلاف:بعد ماطلعتى امبارح انتى وخالتو تناموا أنا خرجت ووقفت عند البسين وبعدها روكى جه ورايا خضنى فوقعت فالمايه ممكن اكون اتخبطت
رهف بضحكه:بس دى مش خبطه ياايفو
ايلاف:امال هتكون ايه يعنى
رهف:اسالى بلال
ضى:بس يا قليله الادب انتى
ايلاف:لا مش فاهمه مال بلال ومالها العلامه دى
ضى:ايفو يا حبيبتى هسالك حاجه بس متتكسفيش مننا يعنى
ايلاف:اسالى
ضى:هو انتى يعنى… انتى وبلال تممتوا جوازكم
ايلاف اتكسفت جدا وافتكرت الحلم واللى حصل فى الاوضه ممكن يكون ساب العلامه دى بس بعدين هو قام بسرعه بسبب الخبط اللى على الباب
رهف:روحتى فين ..شكله حصل
ايلاف:لا طبعا محصلش حاجه
حبيبه:خالص خالص
ايلاف:ايه قله الادب دى
رهف بضحكه:والله انتى اللى متربيه بزياده يا حبيبتى دا طبيعى بين اى زوجين امال العلامه دى هتجيلك منين
ايلاف:بس انا وبلال لسه فعلا
ضى:طب أهدى انتى متعصبه ليه ..ليه يا ايلاف مش راضيه تدى لنفسك فرصه مع بلال هو اثبتلك أنه بيحبك وندم على اللى عمله
ايلاف:انا فعلا مضايقه بس خلاص انا فعلا قررت انى اديله فرصه بس عايزاه يصبر عليا
رهف:يصبر اكتر من كدا والله اخويا صعبان عليا الواد تكه وهيتجوز على نفسه
حبيبه:تصدقى يا رهف انك قليله الادب زى اخوكى سليم
رهف:سليم دا المحترم اللى فالعيله
حبيبه:سليم!!!
ضى:ايوا سليم المعروف فعلا  بأدبه عن قاسم وبلال
حبيبه:طب والله انتوا غلابه اهو سليم دا يا خرابى منه وانا اللى كنت واخده فكره غلط عنه بس هقول ايه غلابه
رهف:تصدقى يابت يا حبيبه عندك حق وانا كنت فاكره أدهم كدا برضو طلع سافل حبيب قلبى
ضى:طب وايه لازمه حبيب قلبى دا انتى خلاص مبقاش فى فائده منك ابدا
رهف:خلاص أدهم بوظنى والحمد لله…سيبك منهم يا ايفو يا حبيبتى الحقى الواد قبل ما يضيع منك
ايلاف:ليه إن شاء الله طب يجرب يعملها تانى دا انا كنت قتلته
رهف:جدعه يابت اتعلمى متبقيش هبله
ضى:حلو خلى طلاقك على ايد رهف متسمعيش كلامها دى هرمونات الحمل جيباها ورا
رهف:تصدقوا نفسى اشرب كيوى باللبن
ضي:الله تصدقى بقالى كتير مشربتهوش طب ماتجى ننزل نعمل واهو بالمره نعمل للشباب معانا
البنات نزلوا وعملوا العصير وراحوا بيه للشباب
أدهم:تعبتى نفسك ليه يا قلبى
رهف:تعبك راحه وبعدين كان نفسى فيه فقلت أما نعملكم معانا
سليم:طب تعالوا نقعد بره …امال فين زين ياجماعه مش باين بقاله فتره
قاسم:انت ناسى أنه طلع رحله تبع الجامعه مع صحابه ياسيدى ناس هايصه
سليم:اممم..طب فين حبيبه
ضى:قاعده فالمطبخ بتاكل
سليم:بتاكل؟!!امال مين اللى لسه واكله من شويه
أدهم:ماتسيب البت تاكل انت هتعد عليها الاكل
سليم:ياعم اتنيل أنا مستغرب لان مش طبيعه حبيبه تاكل كتير كدا
رهف:عادى مايمكن نفسها مفتوحه سيبها
بلال مال على إيلاف اللى واقفه وماسكه كوبايتين عصير …طب ايه مش هتدينى واحده
ايلاف:ماتاخد هو حد ماسك ايدك
بلال:دبش يخربيت لسانك بس والله بموت فيكى رجلك عامله ايه دلوقتى
ايلاف بكسوف منه:الحمد لله
بلال:الفستان قمر عليك زى ماكنت متوقع
ايلاف:طب أنا هروح اشوف حبيبه
سليم:لا استنى أنا هروحلها
سليم قام وراح لحبيبه المطبخ والكل خرجوا بره واتجمعوا
سليم:ايه يابوبه يا حبيبتى تكه وهتاكلينا
حبيبه :سليم تاخد حته الكيوى بالجبنه طعمه تحفه
سليم:الله يقرفك كيوى بالجبنه قومى يا حبيبه اغسلى ايدك دلوقتى حالا
حبيبه:الله مالك بس
سليم:فى انك عماله تلغبطى فالأكل وبطنك هتوجعك
حبيبه:تفتكر
سليم:لا انا متأكد من كدا
حبيبه:والله مش عارفه مالى يا سليم عماله اكل كتير وحاسه إنى تخنت وبقيت وحشه ..انت مبقتش تحبنى
سليم:ايه دا كل دا علشان قلتلك اغسلى ايدك وبطلى اكل
حبيبه عيطت فعلا فقرب منها وقومها وراح عند الحوض وغسلها أيدها كأنها بنته الصغيره
سليم:عارفه أنا مش هرد عليكى علشان دى هرمونات بس خليك واثقه إنى بعشقك فكل حالاتك
حبيبه بضحكه:بجد يا سليم
سليم:بجد ياروح سليم …يلا نخرج نقعد معاهم علشان هما مستنينا بره
حبيبه:ماشى بس هات طبق الموز دا وانت جاى
سليم خبط على دماغه بمعنى مفيش فايده فاللى قاله …..
         &&&&&&&&&&&&&&&
عدى شهر تانى على ابطالنا بأحداثهم الحلوه والوحشه على البعض
بالنسبه لقاسم ضى فكانت مطلعه عينه حرفيا من انها مش طايقاه ولا طايقه ريحته اصلا معاها فالاوضه ودا طبعا بسبب الحمل غير أنه مش عارف يقرب منها خالص كل مايقرب تبعد هى وعلى طول مودها وحش وتعبانه من الحمل ….