ضلع أدم

الفصل الثامن عشر

لما بنحب تصرفاتنا بتتغير تماما بتتصرف على عكس طبيعتك مش قادر تصنف دا تحت بند ايه  ودا بيخلى الحب احلى دا اللى كان باين عليه من وقت وصلهم لبيت أدهم بعد ماكانوا متفقين يخرجوا ضى غيرت رأيها وراحت لرهف

كانت خارجه من المطبخ ومره واحده لقيت اللى بيشدها من أيدها
ضى يخضه:ايه فى ايه
قاسم:أهدى انا قاسم
ضى:ايه يا قاسم حد يخض حد كدا
قاسم:اه عادى
ضى:افندم
قاسم:ايه من وقت ما جينا مش عارف اتكلم معاكى وزى اللى عاجبك الموضوع
ضى:ايوا يعنى عايز ايه
قاسم:هو مش احنا كنا متفقين نخرج انا وانتى ونور
ضى:وغيرت رأيي على اخر لحظه
قاسم:فتحرجينى قدام جدو عند العربيه وتركبى معاهم دا انتى حتى مرضتيش تركبى معايا وقاعده تهزرى معاهم ومتجهلانى
ضى:قاسم هو انت غيران
قاسم بعصبيه:ايوا متزفت غيران عايزه حاجه تانيه ولا انتى مش فارق معاكى اصلا
ضى بضحكه:طب ممكن تهدى
قاسم:بتضحكى طب والله انتى مستفزه
ضى:امال اعمل ايه ..وسع بقى خلينى اجهز السفره مع البنات
قاسم:دا يعنى اللى عندك
ضى:لى هو انت نسيت حاجه تانيه
قاسم:لا ياضى روحى اعملى اللى هتعمليه
ضى:تمام وسع خلينى اعدى
قاسم بصلها ومشى بعدها هى ضحكت ومشيت بس من جوها زعلانه من اللى وصلوا ليه …قلبها مشتاق بس خايف وعقلها بينهيها أنها تصدقه خوف من أن دا كله يكون لعبه منه يعلقها بيه
وبعدين يسيبها فاى وقت بجد ضي هتكون انتهت
         &&&&&&&&&&&&&&
السفره جهزت والكل متجمع على الاكل
حامد:ها يابنات عملتوا ايه
ايلاف بحماس:كشرى
بلال:افندم ملقتوش غير الكشرى وتعملوه
هدير:عندك اعتراض
سليم:وهيعترض على ايه ياأمى كلها نعمة ربنا
حبيبه بصوت واطى لسليم…دوق وقولى ايه رايك
أدهم:طبعا تعبت نفسك
رهف:أبدا والله كنت طول الوقت قاعده
كارم:تسلم ايديكم ياحبابيبى تعبتوا نفسكم
بلال لادهم:لا ابوك فاهم غلط دا كشرى
أدهم:كل وانت ساكت ونصيحه اوعى تفكر تعيب بدل مايتنكد عليك
رهف:بتقول حاجه يا أدهم
أدهم:بقول تسلم ايديكم الاكل تحفه
عبدالله:مش بتاكلى ليه
نرمين:باكل اهو المهم انت سيبك منى
عبدالله:انا باكل اهو
نهله:عمرى ماكنت أتخيل أن حبيبه تدخل المطبخ وتعمل اكل
كارم:واهى عملتها وبقيت ست بيت😂
حامد:الاكل تحفه يابنات اكيد هنكررها تانى
الشباب فنفس واحد:لاااا
البنات كل واحده منهم بصت لزوجها وإيلاف بصت لبلال اللى كان اكتر واحد معترض وبعدها سكتوا بسرعه وكملوا اكل وطبعا كل واحده استحلفت للتانى
عد الوقت مابين ضحكهم وهزارهم والكلام لحد ماقررو يمشوا
سليم خد حبيبه وهدير ومشيوا
بلال خد ايلاف وقال إنه هيوصلها
حامد وعبدالله ونرمين  ونور اللى قاسم قالهم ياخدوا معاكم تحت اعتراض ضى ومعاهم زين ركبوا عربيه واحده ومشيوا
قاسم خد ضى ومشي لوحدهم
ضى:دا مش طريق البيت
قاسم:لا ماهو انتى حطتينى قدام الأمر الواقع ورحنا لرهف دلوقتى انتى هتيجى معايا من غير اعتراض
ضى بقلق:طب ممكن تخلي خروجنا يوم تانى
قاسم:لا انا قلت النهارده يعنى النهارده
ضى:ليه أصرارك أننا نخرج
قاسم:ضى هو انتى مش عايزه تخرجى معايا
ضى باحراج:لا مش كدا
قاسم:امال ايه
ضى:مفيش يا قاسم كمل طريقك….
        &&&&&&&&&&&&&&&&&&&
كانت راكبه معاه العربيه و فرحتها متتوصفش أنهم بدوأ ياخدو على بعض لكن برضو القلق موجود
بلال:مالك بتبصيلى ليه كدا
ايلاف: لا ابدا
بلال:ايلاف انا ممكن اسالك حاجه
إيلاف:اتفضل
بلال:ايه اللى خلاكى توافقى على خطوبتنا
ايلاف اتكسفت وبصت الناحيه التانيه
بلال:لا انا مش عايز كسوف
ايلاف بكل تلقائية علشان حبيبتك ومعرفتش احب حد غيرك يا بلال انا من صغرى كان حبك بيكبر معايا فقلبى
بلال متفاجيش كتير:هتعرفى تصبرى عليا انتى اكيد عارفه أنا كنت شايفك ايه
ايلاف:بس كل اللى اعرفه ان القلب ملوش سلطان وسبحان من حط حبك فقلبى وزينه بيه
بلال:طب مفكرتيش انا بحبك ولا لا
ايلاف:ياااااه مسالتش دا انا مش بفكر غير فالسوال دا
بلال:وصلتى لايه
إيلاف:مش عارفه شويه احس انك بتحبنى فعلا وشويه احس انك مش طايق وجودى وحقيقي انا مش قادره احدد ….انا بقى اللى عايزه اسالك انت ليه وافقت على الخطوبه
بلال:عايزه تفهمينى انك مش عارفه
ايلاف :وافقت علشان الفلوس والأملاك مترحش منك بس
بلال:انتى شايفه ايه
ايلاف:شايفه انى قلبى مديلك فرصه يابلال واتمنى تستغلها
بلال:وانتى شايفه انى استاهل الفرصه دى
ايلاف:كل واحد مننا محتاج فرصه بس يستغلها صح
بلال:طب وانتى مفكرتيش ليه مثلا انى مش قابل خطوبتنا علشان شكلك
ايلاف اتصدمت من السؤال لانه جه فجأه لكن عرفت تدارى زعلها
بلال انا مأجبرتكش تكمل فالخطوبه أو توافق من الأصل لكن انا حابه شكلى على كدا وحبيت نفسى اكتر من الاول لان ببساطه انا من صنع الخالق سبحانه وتعالى ومفيش مخلوق يقدر يهز ثقتى بنفسى لانى بحبنى على كدا واللى عايز يقبلنى يقبلنى على كدا فاهمنى ..فالاولى من انك تشغل بالك بيا انا اللى افكر سوا اخس ولا افضل كدا ولو فكرت انى اخس فيكون ليا مش لحد بس كويس انك اتكلمت فالموضوع دا علشان تعرف لو هتكمل معايا هيكون الوضع ايه
بلال:لو هكمل؟؟!
ايلاف:ايوا لانى بكل بساطه عارفه أنك بتعمل كدا علشان أقول نفسخ الخطوبه بس مش هعملها يابلال لانى لسه مديالك الفرصه ولسه  ليك اللى يشفعلك عندى
بلال:يعنى انتى عارفه انى مش بحبك وساكته ومستنيه تشوفى هعمل ايه
ايلاف:زى ماقلتلك انا مديالك الفرصه وبراحتك عايز تكمل هنكمل معايا على الشكل دا عايز تفسخ معنديش مشكله يابلال لكن اعرف انها يوم ماتيجى منى هيكون على حاجه متتغفرش و مش هيكون لها رجعه خالص
بلال:تمام
ايلاف استغربت رأيه لأنها متوقعتش دا يكون الرد طلبت منه يقف على جنب وينزل يجبلها ميه ودا كان فنفس الوقت اللى سهيله رنت فيه عليه…ايلاف فضولها خلاها ترد
ايلاف:الو
سهيله:الو مش دا تليفون بلال
ايلاف:ايوا انتى مين
سهيله:انا اللى مين ايه انتى اللى مين ولا تكون انتى بقى المحروسه خطيبته التخينه
ايلاف:ايه الوقاحه اللى بتتكلمى بيها دى انتى مين اصلا
سهيله:انا حبيبته ياحبيبتي ولا بلال مكلمكيش عنى وأنه بيقضى احلى أوقاته معايا ولا احلى ابعتلك اللى يأكدلك كدا كدا رقمك معايا اصل بحب احتفظ بحاجات معينه لنفسى بتكون ذكرى حلوه استنى بالليل هخليكى تشاركينى شويه ذكريات هتعجبك اووى
ايلاف بعصبيه:ياقذره
قفلت التليفون ورمته جنبها وقعدت تعيط كان هو رجع وجايبلها حاجات كتير
بلال:خدى الميه وكمان جايبلك عصائر وشكولاته عارف مبتحبيش تقعدى من غير اكل
كان بيتكلم وبيظبط حاجات بالعربيه وبص مره واحده لقيها بتعيط
بلال يخضه:فى ايه مالك
ايلاف كان صوت عياطها كفيل أنه يخوفه
بلال:يابنتى ردى فى ايه  كنتى كويسه وطلبتى مايه طب اضايقتى ليه انا فاكر انى مقولتش حاجه ازعلك
ايلاف بصتله بقرف وزعقت معاه …روحنى دلوقتى حالا
بلال:طب افهم طيب
ايلاف:بقولك روحنى
مقدرش يتكلم معاها لأن حالتها متسمحش بالكلام فقرر يوصلها وبعدين يفهم منها …  
          &&&&&&&&&&&&&&&&&
كان بيبصلها بفرحه واضحه وابتسامته اللى بتزيد كل مابتقرب عليه
رهف:مالك بتضحك ليه
أدهم:فرحان بيكى
رهف:ايه دا مالك
أدهم:ايه فرحان علشان انتى فحياتى وكفايه ان ربنا رزقني بحته منك يبقى تستكترى عليا الفرحه
رهف بابتسامه:ربنا يديم الفرح فقلبك …المهم مقولتليش رايك فالأكل
أدهم:لا كان تحفه الصراحه متكرروش العمله دى تانى بقى
رهف:ايه دا
أدهم:يابنتى افهمى انا بقول كدا علشان مصلحتك ..بس اليوم كان لطيف خصوصا قاسم لما كان مش طايق نفسه
رهف:هو على طول مش طايق نفسه
رهف:بس حبيبه ضحكتنى اووي لما قالت نعمل الاكل
أدهم:مشوفتيش وش سليم حسيت أن حبيبه مطلعه عينه فالأكل 😂😂
رهف:هو صحيح بلال مش هيحدد معاد الفرح
أدهم:والله يارهف مش عارف اقولك ايه
رهف:ايه انت مخبى حاجه عنى
أدهم:مش حكايه مخبى بس حاسس ان جدو غلط لما خلى بلال يخطب ايلاف بلال لسه مش بتاع جواز
رهف:بس ايلاف بتحبه
أدهم:طب وهو ايه ماهو لازم يكون القبول مابين طرفين مابالك بقى الحب
رهف:والله مانا عارفه يا أدهم
أدهم:لا اقولك ايه احنا هنقضيها كلام عنهم طب مانتكلم شويه عننا
رهف:لا كفايه كلام كدا انا عايزه انام
أدهم:نعم نوم ايه بالنسبه أن فى احتفال صغير كدا اتفقنا عليه
رهف:لا مانا نسيت اقولك أنى كلمت الدكتور وقالى ممنوع اى حاجه لحد مااروح عنده بكره علشان ميحصلش زى ماحصل المره اللى فاتت
أدهم:لا أن شاء الله مش هيحصل بس اسمعى انتى كلامى انا عارف مصلحتك
رهف:لا انا عارفه مصلحتنا احنا الاتنين
أدهم:طب بوسه طيب
رهف:ولا حضن حتى نام ياأدهم علشان حاسه انى تعبانه وعايزه انام
أدهم: دلوقتي تعبانه ماشى يارهف هنام ….هتنامى فحضنى ولا الدكتور مانع دا كمان
رهف بضحكه على شكله لا هنام
أدهم: طب بطلى ضحك بدل ما اضرب بكلام الدكتور دا فالحيطه وانتى اللى هتزعلى فالاخر
رهف:لا وعلى ايه يلا ننام…
أدهم:وانتى من أهله
خدها فحضنه وباس دماغها ووشوشها ..انا عمرى ماقدر ااغامر ولو واحد فالميه بيكى ..ابتسمت لكلامه ونامت بعدها
         &&&&&&&&&&&&&&&
الاشتياق احساس ميتصفش هل هو شعور حلو ولا وحش انك تشتاق لحد بيحبك دا احلى مايكون لانك عارف أنه مشتاقلك كمان لكن انك تشتاق لشخص انت شاكك فحبه ليك دا بيصعب الموضوع اكتر
وصلو الفيلا وهدير استأذنت وطلعت لاوضيتها..سليم خد حبيبه وطلعوا هما كمان
سليم دخل الحمام خد دوش سريع وخرج بسرعه بعدها حبيبه خدت فوطه ودخلت مخدتش وقت وخرجت لافه الفوطه عليها
كان سليم لابس شورت وتى شيرت بنص كم
حبيبه:سليم ماتشغل التكييف دا انا هموت من الحر
سليم مكنش منتبه لكلامها فبصلها وتاهه لتفاصيل شكلها وجسمها اللى  قلبه مشتاق ليها لكن العقل بينهى الاشتياق دا ويحذره من القرب  لفت الفوطه عليها مبينه تفاصيل جسمها بسخاء لدرجه هو بيقاوم نفسه بالعافيه ….هاا بتقولى ايه
حبيبه باستغراب:بقولك شغل التكييف
كانت بتحاول تتعامل ببرود زى ماهدير قالتلها  وان كل ماتتجاهله وتتعامل بطبيعتها دا هيقربه منها اكتر على عكس كل مابتقرب هو بيبعد هى عايزاه يشتاقلها زي ماهى مشتقاله
سليم:طب البسى حاجه هتاخدى برد
حبيبه بلامبلاه:لا عادى متعوده وكمان لسه هنشف شعرى بس ممكن لو هتعبك تساعدنى  تنشفهولى  بس لانى مش قادره حتى ارفع ايدى ..سليم أتردد فالاول لكن قام ووقف عند الكرسى اللى هى قاعده عليه
سليم:هاتى
حبيبه:هتعبك معايا يا حضرة الظابط
سليم:الهيبه بتروح منى خالص بسببك
حبيبه بدلع:مراتك بقى
سليم بصلها بابتسامه وسكت كان مستغرب نفسه هو ازاى بقى يتعامل معاها كدا وعايز يقرب باى  طريقه منها لكن عقله بينهيه من القرب دا وبيفتكر كل حاجه واكتر حاجه لسه مطبعه قدام عنيه لما جابها من شقه سمير لكن قلبه مش قادر يبعد اكتر من كدا كان بيتعامل معاها بحنيه هى مستغرباها بس عاجبها القرب دا جدا مسك الجهاز وقربه من شعرها اللى ريحته مجنناه وبتجذبه للقرب منها عدى وقت قليل وهو بيعملها شعرها لكن مش قادر يبعد اكتر من كدا بهيئتها اللى مجنناه والفوطه الملفوفه عليها وكأنها قاصده تبين جسمها كدا قدامه  فصل الجهاز مال وسابه من أيده وفضل بنفس الميله وقرب اكتر من رقبتها وباسها بكل حنيه كانت مستغربه هو ساب الجهاز ليه لكن مخدتش وقت وستوعبت هو بيعمل ايه جسمها تنشن فالاول من الخضه ومتوقعتش سليم يقرب منها اصلا لكن جسمها بدأ يلين معاه وكان مغيب تمام عن اللى بيعمله حبيبه قامت ولفتله كان نظرتهم لبعد فيها اشتياق كبير بس كانت شايفه فعينه حاجز مبنى مابينهم وهو شايف فعينها خوف ممزوج بترجى للقرب شالها بين أيديه ونيمها على السرير ومال عليها كان لمساته ليها عارفه طريقها كويس شال الفوطه من عليها ..قرب اكتر وكانت  بوسته ليها  رقيقه حنونه على  وشها  ورقبتها ..كانت متجاوبه وطالبه المزيد مستمتعه جدا كان صوت استمتاعها  بيشجعه اكتر يسيب بصمته وإثبات ملكيته عليها لكن بكل أسف كان صوت العقل اقوى من صوت القلب وكان جرس التنبيه فعقله ضرب فجأه ..صورتها بقميص النوم ظهرت قدامه وافتكر شكلها مع سمير فبعد عنها وكأنه  مسحور وفاق من السحر دا
قام خد التي شيرت بتاعه ولبسه بسرعه وهى غطت نفسها بسرعه كان لسه هيخرج من الأوضه صوتها وقفه
حبيبه بحزن:سليم بالله عليك متمشى وتسيبنى انا مصدقت لقيت معاك انت الامان سليم انا مش كدا صدقنى طب خليك يا سليم ومش هقرب جنبك هنام فاى حته تانيه متسبنيش
كان واقف على آخره من العصبيه ومن الموقف اللى اتحط فيه وحطها هى كمان فيه
حبيبه:علشان خاطرى متمشيش
سليم مقدرش يقعد اكتر من كدا لانه هيضعف ويرجع وفنفس الوقت هو مش قابل الموضوع القديم ومش قادر ينسى خرج ونزل ركب عربيته ومشى أما عنها فضلت قاعده مكانها بتعيط لحد مغلب عليها النوم …
         &&&&&&&&&&&&&&&&&
العند اوقات بيوصلنا لطريق مش عارفين آخره هيكون ايه بس انك تعند علشان تقرب من اللى بتحبه دا هيكون وقعه ايه على الطرف التانى
صمم على خروجهم مع بعض ودا خلاها تقلق اكتر اه هما كانوا متفقين على خروجهم بس الوضع اتغير لكن تصميمه هو اللى مش مريحها
ضى:واخدنى على فين يا قاسم
قاسم:حجزت اوضه فاوتيل علشان نتعشى براحتنا
ضى:أوضه!!!!
قاسم:دماغك متروحش بعيد انا قاصد اننا نكون لوحدنا واهو حاجه جديده
ضى:طب منتعشى فى مطعم
قاسم:انا حجزت على اساس نبات فالفندق
ضى:نبات!!
قاسم:فى ايه يا ضى مالك مستغربه كل كلمه بقولها على فكره انا جوزك مش خاطفك يعنى
ضى:بس …اصلا …علشان يعنى نور متكونش لوحدها
قاسم:لا متخافيش نور مع ماما وكمان ايلاف هناك
وكله فالبيت يعنى مش لوحدها انا عايزك انتى لوحدك شويه انتى مش ملاحظه من وقت ما نور جت مش بنقعد مع بعض
ضى:دا على اساس أننا كنا بنقعد قبلها
قاسم:بصى متحاوليش مش هعكنن على نفسى وهنبات بره يا ضى ومش هنرجع
ضى:طب بص قدامك احسن نبات بره لاخر العمر فعلا
قاسم:ابو الفاظك ياشيخه ….
ياترى قاسم ناوووى على ايه؟!!

تفتكرو الدنيا اخيرا ضحكت فوش رهف!!

موقف ايلاف من اللى حصل  ايه هل هتسكت وتكمل ولا هتعمل ايه؟!!

سليم هيعمل ايه مع حبيبه بعد دا كله  !!

استوب هنا هتوحشونى يا حلوين

مع البارات الجاى فى ضلع أدم