الضعف حاله بتصيب الانسان يا ضعيف نفسي يا جسدي وفى ضعف من الناحيتين انك مش عارف تعمل ايه لشخص محتاج مساعدتك فدا فحد ذاته بيأثر فيك نفسيا وجسديا من المجهود اللى تبذله كان دا حاله وحالها كانت ضعيفه قدامه ومش عارف يساعدها خصوصا بعد اللي حصل قدام الكل بعد ما خرجوا من اوضهم علي صوتهم و......
وطي صوتك يا حبيبه احنا مش لوحدنا
حبيبه:لا مش هووطي صووتى ولا خاايفه احسن يعرفووا اني مدمنه
ادهم :في ايه يا سليم حبيبه مالها
سليم بعصبيه:مفيش ياأدهم روحوا ناموا ياجماااعه
حبيبه:لا في اني مدمننه والكل لازم يعرررف ااااه يادماااغي
سليم اتعصب اكتر من اللي حبيبه بتعمله وكمان هي واقفه تعبانه ومش عارفه تسيطر علي نفسها الكل كان واقف مصدوم من اللي حبيبه قالته وخصوصا ضي اللي كانت متأكده ان سليم مخبي عنها كتير علي اد ما كانوا مصدومين بس كانت صعبانه علي الكل حبيبه قعدت تزعق مع سليم وتقول كلام كتير وهو ساكت لكن متعصب محسش بنفسه وهو بيقرب منها وبيضربها بالقلم وقعها علي الارض
أدهم بعصبيه:ايه اللي بتعملي دا يا سليم
ولسه هيقرب منها سليم منعه وقرب هو منها وقعدها وحاوط وشها بأيده
حبيبه:انا وووحشه يا سليييم ومستاااهلكش
سليم:لا انتي مش وحشه
حبيبه:الحقننني دمااااغي هت هتتنفجر منني
سليم:فتره وهتعدي صدقيني
حبيبه:مش هتتعدي لا انا بموووت يا سليم الحقنى بالله عليك
سليم:بعيد الشر عنك
سليم كان صعبان عليه حالها اوووي واللي زود اكتر ضعفها بين ايديه انها فقدت الوعي دا خلي سليم يقلق اكتر شالها بسرعه ودخلها الاوضه و…
سليم بزعيق:أدهم كلم دكتور حبيبه بسرعه
أدهم دخل اوضته بسرعه وكلم دكتور حبيبه واللي مأخدش وقت وكان وصل طلع يكشف عليها بعد فتره خرج من عندها
الطبيب:قولتلك يا سليم عصبيبه وتوتر لا احنا مش عايزين نغامر بانها تنتكس لا كدا هضطر ادخلها المصح عندي
سليم:قولتلك يا دكتور المصح لا حبيبه هتتعالج فالببت
الطبيب:يبقي متتعرضتش لا ضغط واظن انك فاهمني احنا قطعنا شوط كبير جدا مش عايز نرجع لنقطه الصفر
سليم:فاهم
الطبيب:اديتها حقنه هتنيمها للصبح وياريت لما تصحي الكل يتعامل عادي ولا كأن في حاجه حصلت دا هيأثر معانا ويخليها متقبله الموضوع مش هتحس انها منبوذه اكيد انتوا فاهمين لان هي مش بتتعالج جسديا بس لا بتتعالج نفسيا مش محتاجين حاجه تجي بالسلب عليها
سليم: تمام اكيد فاهمين طبعا
الطبيب:انا همشي دلوقتي وهتابع معاك بكره ولو في حاجه كلمنى علطول
سليم:تمام اتفضل يا دكتور
الدكتور مشي وسليم قعد مع الكل وفهمهم ان حبيبه ادمنت بسبب انها كانت مصاحبه شله مش كويسه اثرو عليها بالسلب وكان بيحاول يختصر فالكلام معاهم لكن اللي كان عارف الحقيقه كامله أدهم واللي فضل السكوت سليم برر هما ليه مكنوش بيقابلوا حد من وقت جوازهم وطبعا الكل كان بيسمع فهدوء سليم وصاهم انهم يتعاملوا عادي مع حبيبه علشان متتأثرش بالسلب خصوصا انها عدت مرحله كبيره بالعلاج ومش عايز يرجع تاني لنقطه الصفر معاها قعدوا فتره يتكلموا وبعدها الكل رجعوا لاوضهم
&&&&&&&&&&&&&&&&&&&
بغرفه أدهم ورهف
أدهم دخل قعد ومكنش قادر يتكلم او الاصح مكنش عارف هيقول ايه فموقف زي دا ورهف كمان كانت قاعده جنبه مش عارف تبدأ كلام ازاي
رهف:حابب تتكلم
أدهم:هتكلم اقول ايه
رهف:اي حاجه جواك متفضلش ساكت كدا
أدهم:مش عارف اقول غير ان حبيبه صعبانه عليا اووووي طب ايه اللي وصلها للحاله دي ما احنا سيبينها كويسه قبل ما نطلع اوضنا
رهف:معرفش ممكن تكون اتكلمت فحاجه مع سليم واضايقت
أدهم:دي مدمره سليم بيقول انها عدت مرحله كبيره من العلاج طب ازاي بمنظرها النهارده دا امال حالتها كانت عامله ازاي فاول العلاج دا سليم كان عنده حق انه ميخليش حد يجي ولا يقابلوا حد
رهف:ادعيلها ربنا يعدي المرحله دي علي خير
أدهم:يارب يا رهف احسن انا حاسس اني متكتف مش عارف اعملها ايه وسليم مش سامح لحد يقرب منها
رهف:متخفش عليها وهي مع سليم سليم عارف بيتعامل ازاي وهو اكتر واحد هيخاف عليها دي مراته ياأدهم اطمن عليها
أدهم:دا انا مطمن علشان هي مع سليم
رهف:خير ان شاء الله
أدهم:انا عايز انام عايز دماغي تفصل تفكير
رهف مسكته من ايده وراحت علي السرير واخدته فحضنها من غير كلام لانها حست ان مفيش كلام هيفيد فموقف زي دا وبالفعل أدهم نام فحضنها من غير كلام كأنه بيهرب من كل حاجه بحضنها…..
&&&&&&&&&&&&&&&&&&&
سليم دخل الاوضه وراح قعد جنبها ومسك ايدها و اتكلم معاها كانها صاحيه وسامعه كلامه لكن كانت فملكوت تاني يمكن دا اللي شجعه…
سليم:عارف اني قسيت عليكي النهارده بس اعمل ايه مش قادر اتخطي انك كنت مع غيري واني مش اول راجل بحياتك يمكن لو كانت شخصيتك واسلوبك غير كدا او اتعرفنا اكتر بظروف احسن ممكن كنت غيرت رأيي بس مش هقدر يا حبيبه ادمانك بالنسبه ليا مرض وهتتعالجي منه لكن حياتك قبل جوازنا مش عارف هل هعرف اتخطاها ولا لا يا حبيبه اتمني الايام تساعدني اتخطي وانسي حاجات كتير لازم تتنسي علشان نعرف نعيش مع بعض ……
سليم قعد يتكلم فتره قدام حبيبه لحد ما غفى وراح بالنوم جنبها ….عدي الليل علي الكل بحلوه وبمره وطلت الشمس بنورها باوضتهم فتحت عيونها لقيت نفسها بحضنه بصتله كتير وبدأت تفتكر احداث امبارح واحده واحده ودموعها بتنزل وصوت انينها بدأ يعلي واحده واحده واللي خلاه يصحي مفزوح
سليم بخضه:حبيبه مالك بتعيطي ليه
حبيبه:.......
سليم:طب اهدي اهدي بطلي عياط
حبيبه كانت بتعيط وسليم مش فاهم هي بتعيط ليه لانه صحي مفزوع علي صوتها وناسي تماما اللي حصل امبارح لحد ما بدا يستوعب ويفتكر اللي حصل
سليم:ششششش خلاص اهدي كدا انسي اي حاجه حصلت امبارح ولا كأن في حاجه
حبيبه:اناا...الكل عرررف اني مدمننه
سليم:شششش متفكريش ولا كأن في حاجه عارف ان الموضوع رخم وتقيل بس اتعاملى عادى وملكيش دعوه بحد يا حبيبه محدش ليه عندك حاجه انتي اهو الحمد لله بتتعالجي وقطعتي شوط كبير بالعلاج
حبيبه:بس
سليم:مبسش اسمعي مني يا حبيبه متحطيش الموضوع بدماغك علشان ميأثرش عليكي انا مش عايزك تتعبي وترجعي لنقطه الصفر ولا انتي عايزه تنتكسى تاني
شاورت بدماغها بمعني لا
سليم:اهو يعني انت معايا فاللي بقوله حتي لو الكل عرف عادي و ايه يعني اتعاملي باريحيه ولا كأن في حاجه انتي اقوي من كدا بكتير عديتي الصعب فاضل السهل انا مش عايزك تضعفي لانك لو ضعفتي انا هضعف ومش هعرف افيدك يا حبيبه انتي اللي لازم تساعدني نفسك
حبيبه بخضه لمجرد فكره ان سليم ممكن يسيبها وانها لازم تعتمد علي نفسها وهي طبعا فهمت كلامه غلط
حبيبه:انت هتسيبني ياسليييم
سليم بسرعه:مقدرش انا معاكي فكل خطوه بس انتي الاساس يا حبيبه انتي اللي لازم يكون عندك اراده انتي عايزه تتعالجي علشانك مش علشان حد فهماني
حبيبه:فهماااك
سليم:عايزك دلوقتي تقومى كدا وتفوقي وتاخدي دوش وتجهزي علشان ننزل نفطر مع الكل من غير كسوف كلنا بنغلط يا حبيبه بس المهم مين فينا قادر يصلح غلطه دا وافتكرى كويس أن مفيش حد كامل
حبيبه:مش عاااايزه اشوووف حد
سليم:غلط يا حبيبه انا بقولك تتعاملي عادي ولا كأن في حاجه وانتي تقولي مش عايزه تشوفي حد لا انتي تنزلي وتتعاملي دا بيتك والكل ضيوفك ولازم تكرميهم لحد مايمشوا سمعاني اتعاملى طبيعي
حبيبه:خااايفه
سليم:مش وانا معاكي
حبيبه:واللي حصصل امبارررح
سليم:انسيه
حبيبه:ككله
سليم فهم حبيبه قصدها علي ايه وعرف انها بترمي علي كلامه مع ضي حبيبه مش وقته الكلام دا لان نتيجته هتوصلنا لطريق ولا انا ولا انتي هنحبه
حبيبه بزعل:حاااضر يا سليم عن اذذنك
قالت كلامها وقامت علي طول للحمام اخدت دوش ..كان سليم قاعد علي السرير وماسك التليفون وهي خرجت راحت للدولاب وخرجت هدومها ولبست قدامه ولا كأنه موجود وبعدها خرجت من الاوضه
سليم:اممم هنتعامل بالتجاهل يا حبيبه شكلي هتعب معاكي اوووي
&&&&&&&&&&&&&&&&&&&&
الكل بدأ يصحي والبنات نزلوا واتجمعوا فالمطبخ يحضروا الفطار كانت حبيبه نزلت ولقيتهم
حبيبه:صباااح الخير
البنات ردو عليها واتعاملوا عادي علشان متحسش باحراج منهم
حبيبه:انااا اسففه علي اللي حصصل امباارح
ضي:ولا يهمك وانسي اللي حصل ولا كأنه موجود اصلا
رهف:ولا يهمك يابيبه المهم انك تعدي المرحله دي بخير
ايلاف:حقيقي بجد انتي برافو عليكي اصلا انك اخدتي خطوه زي دي وبتتعالجي ودا فحد ذاته خطوه شجاعه منك مش كتير بياخدها
حبيبه:سليييم هو اللي شجععني
ايلاف:طب يعني انتي معاكي سليم يبقي خلاص هتعدي المرحله دي يعني هتعديها
ضي بضحكه:يابنتي بس حبيبه مش واخده علي هزارك
حبيبه:لا سييبيها انااا حبييتكم اوووي انااا زماان مكنتييش قررريبه مننكم لكن دلوووقتي عايززه ااقررب داا لوو تسسمحوولي ييعني
ضي:انتي بتستأذني طبعا يابنتي كدا العصابه زادت فرد
رهف:بس يارب متهربيش مننا
ايلاف:لا دي خلاص دخلت برجلها دخول الحمام مش زي خرووجه ولا ايه ياشابه
حبيبه بضحكه:انتي مششكله
ضي:لا والغزاله بتاعتها رايقه النهارده اووي
ايلاف:الصراحه اااه اصل انا وبلال خارجين النهارده
رهف:ايوا بقي يابنتي طب اتقلي دا انا ااخته برضو مش خايفه احسن اروح اقوله انك واقعه كدا
ايلاف:روحي يمكن يحن عليا شويه ويقدم معاد الفرح
ضي ورهف بصوت لبعض وضحكوا
رهف:لا واقعه واقعه مفيش كلام
ضي :عارفين القعده دي ناقصها مين
حبيبه:مين
ضي:الواد زين بيخلينا فاصلين ضحك لما بيكون معانا بتموت ضحك قعدوا يتكلموا هما بيجهزوا الفطار لحد ما الشباب نزلوا وحطوا الفطار علي السفره وقعدوا يفطروا
ادهم بحنيه:عامله ايه يا حبيبه
حبيبه:الحمممد لله يا حبيبي اططمن
أدهم:يارب دايما
قاسم:بلال وأدهم انجزوا نفسكم علشان في اجتماع الساعه 12
أدهم:لا انا لسه هروح اغير لاني مكنتش عامل حساب اننا هنبات
بلال:خلاص يأدهم خد من عندي بدله مقاسك زي وقاسم ياخد من سليم نفس مقاسه ومشي حالك
قاسم:تمام
سليم:نفطر اللي محتاج حاجه يطلع ياخدها
أدهم:تمام
عدي الوقت وخلصوا فطار وطلعوا غيروا هدومهم والشباب مشيوا كمان سليم راح معاهم بعد اصرار من البنات انه يسيبهم مع حبيبه لوحدهم ووافق وهو مش مطمن…
&&&&&&&&&&&&&&&&&&&&&&
واخيرا هنقعد لوحدها قعده بنات من غير راجل يعكنن علينا
ايلاف:انتي لو أدهم سمعك يا رهف يعرفك العكننه بحق
حبيبه يضحك:معتقددتش أددهم بيعششق رهف
رهف:حبيبتي يابيبه
حبيبه:بس هيززعل شوويه
رهف:اخص عليكي قفلتيني
ضي بضحك اكبر:يابنتي يعني انتي ولا كدا عاجبك ولا كدا عاجبك اه لو تشوفيها يوم الفرح يا حبيبه كانت عامله زي الكتكوت المبلول
رهف:متفكرونيش دا انا كنت خايفه خوف من اليوم دا
ضي:و دلوقتي مشاء الله مش عارفين نلمها
رهف:حقيقي مقدرش انكر انا قبل الجواز كنت قطه مغمضه
ايلاف بفضول:و دلوقتي
رهف:هتموتي وتعرفي بس خليها مفاجأه بلال يحرقهالك
ايلاف:يالهوي فكرتيني اننا خارجيين دا قالي هيخلص الاجتماع ويعدي ياخدني وانا لسه مجهزتش انا هقوم امشي
ضي:يابنتي اتقلي
ايلاف:بذمتك تعرفي تتقلي علي قاسم دانتوا كتبتوا الكتاب وسافرتوا محدش عرف يوصلكم
ايلاف خلصت جملتها وضي افتكرت كل حاجه حصلت معاها لان دا بالنسبه ليها اسوء فتره عدت بيها وبتتمني لو تقدر تمحيها من حياتها بس للاسف حاولت تداري ضيقها علشان محدش يحس بيها
ضي:احممم...طب قومي شوفي هتعملي ايه وانا هقوم اعمل الببرونه لنور علشان جاعت
ايلاف:تمام انا هقوم امشي يلا سلام
ايلاف قامت مشيت وضي دخلت المطبخ وفضل حبيبه ورهف يتكلموا فتره لحد ما تليفون حبيبه رن
حبيبه:الو
…..:فاكره انك عرفتي تخلصي مني
حبيبه:سسمير
سمير:كويس انك لسه فكراني بس فرحتيني
حبيبه:انت خررجت من السسجن
سمير:خرجتلك مخصوص يا روح قلبي بس مش كنتي تعزميني علي فرحك من البااشا اللي حبسني كدا يخونك العشره ولا المزاج اللي كنت بجبهولك ولا الحلوه شافت حد تاني يجبلها ولا بطلتي
حبيبه:اننت خررجت ازاااي سلييم اكيد ميعررفش انك خررجت
سمير:يعرف ولا ميعرفش انا خرجت خلاص و اكيد هنتقابل يا حلوه استني مكالمه تانيه مني ولا نقول استني صورك وفيديوهات مني
سميرقفل علي طول مستناش حتي ترد عليه حبيبه خافت جدا ومعرفتش تعمل ايه وقعدت تعيط ودا خلي رهف تخاف عليها وكمان ضي اللي جت وشافت حالتهم
ضي:في ايه ما لكم
رهف:معرفش كانت كويسه مره واحده جالها تليفون ومعرفش كان تقريبا واحد اسمه سمير معرفش قالهاايه خلي حالتها كدا انا خايفه عليها اووي
حبيبه :سلليم انا عايزه سلييم
ضي:طب اهدي وهكلمه دلوقتي يجي بس اهدي
حبيبه:سلييم ررهف خلي سلييم يبجي سميير ممش هيسسكت
ضي ورهف خافوا جداعلي حبيبه لانها بدأت تقول كلام هما مش فاهمين منه حاجه ومع عياطها خافوا احسن حالتها تتدهور زي ما كانت بالليل فضي اتصلت بسليم اللي اول ما كلمته مأخدش وقت كتير وكان وصل عندهم دخل بسرعه وراح عندها لقيها قاعده بتعيط والبنات جنبها ومش عارفين يعملوا ايه راح اخدها بحضنه بسرعه علشان تهدي
سليم بقلق:ايه اللي حصل
رهف قالتله اللي حصل
سليم:سمير خرج امتي طب اهدي يا حبيبه مفيش حاجه هتحصل انا معاكي
حبيبه بعياط:سميير خرررج ياسلييم ومشش نااوي علي خير
سليم:طب اهدي هو مش هيعرف يعمل حاجه انا معاكي
حبيبه:لا لا قالي استنني مكاالمه تاانيه مني
سليم:لا متخافيش مش هيعرف يعمل حاجه تعالي معايا اطلعي فوق
سليم اخد حبيبه وطلع بيها فوق من غير كلام دخل الاوضه ونيمها علي السرير
سليم:نامي شويه ومتفكريش فحاجه
حبيبه:سلييم انا خايفه من سميير احسسن يرووح لبابا ويقووله علي كل حاجه
سليم:لا متخافيش حتي لو راح وقاله مش خليه يكلمك اصلا انتي مرات سليم العقاد محدش له دعوه بيكي عايزك تفهمي دا
حبيبه:نفسي اطمن يا سلييم
سليم:اطمني انا مش عارفه انتي قلقانه من ايه هو ميعرفش يعمل حاجه وبعدين يا حبيبه انا عارف كل حاجه عنك يعني اظن مفيش حاجه تخوفك اني اعرفها ومحدش له عندك حاجه قولتلك انا مش عارف ابرر خوفك يا حبيبه
حبيبه:اص...اصله
سليم:في ايه يا حبيبه
حبيبه:سمييير هددني وقااالي استني صوورك وفيديوووهات
سليم بخضه:ايه...صور وفيديوهاات ايه دى
حبيبه:معررفش
سليم بغضب مكتوم :طب نامي ومتفكريش فحاجه
حبيبه:ب..بس
سليم بغضب:اسمعي يا حبيبه الكلام نامي احسن ليكى وليا
حبيبه حاولت تنام بس سليم بدل مايطمنها عكها اكتر وقلقها خصوصا بعد ما قالت له علي الصور والفيديوهات اللي سمير هددها بيها سليم فضل جنبها فتره لحد لما غفلت ونامت والدموع علي خدها بصلها لقيها نامت فقام من جنبها بهدوء ونزل تحت للبنات اللي القلق كان هيموتهم
ضي:لا بقي ممكن بقي تفهمنا
سليم:مفيش حاجه يا ضي حبيبه بس قلقانه علي الفاضي انتوا عارفين حالتها فمش مستحمله اي حاجه
رهف:سليم حبيبه كانت مرعربه من الشخص اللي تصل بيها دا كأنه بيهددها
سليم:متخافوش ميعرفش يعمل حاجه اصلا انسوا الموضوع واتمني متجبوش سيره لحد باللي حصل وخصوصا ادهم يارهف مش عايزه يعرف حاجه والموضوع بسيط انا هعرف ااحله متقلقوش
ضي:متاكد
سليم:اه ...انا هقوم اعمل تليفون
ضي:تمام
سليم سابهم وقام يكلم عصام
سليم :عصام سمير خرج من الحجز معرفش خرج ازاي وامتي عايز اعرف مين اللي خرجه وخرج امتي و عايز اعرف قاعد فين دلوقتي بص كل حاجه عنه توصلي عنه يا عصام
عصام:تمام هشوف الدنيا عندي واكلمك
سليم:متتاخرش هستناك
سليم قفل مع عصام وراح للبنات واللي كانوا بيستعدوا علشان يمشوا
سليم:انتوا هتمشوا ولا ايه
ضي:اه علشان ماما نرمين كلمتني وسالت هرجع امتي لان قاسم مكلمها والمفروض هنروح النهارده ومش عايزاهم يحسوا بحاجه
رهف:وانا كمان أدهم كان عايز يعدي ياخدني بس انا قلت امشي دلوقتي بدل مايشوف حبيبه ويحس ان في حاجه
سليم:تمام استنوا اطلب لكم أوبر
ضي:ما احنا معانا العربيه
رهف:انتي ناسيه ان سليم مش بيخلبنا نسوق لوحدنا
سليم:كويس انك لسه فاكره ظبطوا حاجتكم لحد مالعربيه تيجي
ضي:تمام
رهف:انا جاهزه
&&&&&&&&&&&&&&&&&&&
الشركه
كان الشباب متجمعين بغرفه قاسم
أدهم:ايه دا سليم مشي
قاسم:اه البنات هيمشوا فراحلهم علشان حبيبه متقعدتش لوحدها
أدهم:اممم
بلال:انا ظبطت عقود الصفقه فاضل الامضاء
قاسم:طب كويس خلي الملف عندي هراجع الورق كدا كدا الاجتماع بكره
بلال:تمام هقوم انا امشي
قاسم:خارج ولا ايه
بلال:هخرج انا وايلاف النهارده
أدهم:ايوا ياعم
قاسم:ربنا مسهلك الدنيا شكلنا هنحدد الفرح قريبا
بلال:ايوا طبعا وماله
قاسم:مش مرتاحلك بعد الجمله دي بس نصيحه منى فكر تاني
بلال:سيبها علي الله يلا سلام
بلال خرج وقعد أدهم وقاسم يراجعوا ورق الصفقه الجديده لكن قاطعهم دخول السكرتيره
عزه:مستر قاسم في واحد بره عايز يقابل حضرتك
قاسم:مين
عزه:بقول اسمه معتز الدمنهوري
أدهم:ايه معتز الدمنهوري
قاسم:خليه يدخل بسرعه
استووب
معتز الدمنهوري الصديق الرابع لقاسم وأدهم وبلال رجل اعمال وسيم لحد كبير كان مسافرلفتره ورجع
قاسم:معتز يابن الايه رجعت امتي
معتز:يابرنس عامل ايه لسه راجع امبارح الليل
أدهم:حمدالله علي سلامتك ياصاحبي
قاسم:ايه يابني الغيبه دي سنه منعرفش عنك حاجه
معتز:الشغل بقي انت عارف لما ياخد الواحد بيخليه ينسي الدنيا ها ايه دنيتكم
أدهم:انا ياعم اتجوزت اخيرا
معتز:ياااه اخيرا سليم حن عليك وجوزك ااخته
أدهم:اه ياعم ربنا يجعل كلامنا خفيف عليه بس اللي مش هتصدقه ان قاسم اتجوز
معتز:احلف
قاسم:من غير حلفان اتجوزت ياعم ضي بنت عمي مانت عارفها
أدهم:لا ومعاه بنت
معتز:لا مش للدرجه ولحقتوا تخلفوا امتي انت متجوزين امتي
قاسم:من يجي تلت اربع شهور كدا
معتز:لا ازاي يعني وخلفت امتي ولا كنت بتصلح غلطه ولا ايه حكايتك
قاسم:لا دا حوار كبير لا ولسه التقيله بقي بلال كازانوفا خطب
معتز:لا واحده واحده عليا انا فعلا فايتني كتير
قاسم:فعلا
معتز:يعني انت وأدهم اتجوزتوا وبلال خطب طب خطب مين
أدهم:خطب ايلاف اخت ضي
معتز بصدمه:متهزرش انا عارف ايلاف بس ازاي بلال عملها لا الحب ولع معاه اووي
قاسم:مش أووي بس الفتره اللي فاتت حصل حوارات كتير جدااا حتي سليم اللي مضرب عن الجواز اتجوز
معتز:لا انا عايز اعرف كل حاجه بقي
أدهم:بص احنا نسهر النهارده وهنقولك علي كل حاجه
معتز:تمام ومتنسوش تكلموا بلال
قاسم:بلال مضمنش لانه خرج مع ايلاف النهارده
معتز:لا كلمه وييجي برضو يبقي يعوضها مره تانيه
أدهم:كلمه ياعم مش هتخسر حاجه هو كدا كدا هيتلكك انه يجي
قاسم:هشوف
معتز:السهره عندي النهارده فشقتي
قاسم:تمام
أدهم:اشطا جدا
معتز:خلاص همشي انا دلوقتي وهستناكم بالليل يلا سلام
معتز خرج وبقي أدهم وقاسم مع بعض كملوا شغلهم
&&&&&&&&&&&&&&&&&&&&
الضحكه لما بتكون طالعه من القلب ومش متكلفه بتكون صادقه وخفيفه تدخل قلب الطرف التاني ودا كمان حالها لما بلال عدى عليها واخدها وكان شرط خروجها معاه ان هي اللي هتحدد مكان الخروج وبالفعل قررت ان يكون مكان خروجهم دار ايتام هي متعوده تروح فيه راحوا وقضوا وقت جميل مع الاطفال وقت نسيوا فيه نفسهم بلال نسي نفسه جدا معاها نسي هو ايه ولا كان بيخطط ليه كل اللي حسه انه بيتعامل مع كائن بيعرف يستمتع بوقته وبيعرف يفرح نفسه بأبسط الاشياء كان واقف يبصلها اخدت بالها ووقفت
ايلاف:مالك باصصلي كدا ليه
بلال:انتي ازاى حلوه كدا
ايلاف بكسوف:مرسي
بلال:لا بجد انا مكنتش موافق علي مكان خروجنا عرفتي تقنعيني وجينا بالفعل ودخلتيني فعالم انا متوقعتش ادخله اصلا اتعامل مع اطفال بطريقه نستني انا مين عيشتيني فجو كله لعب وضحكه وطالعه من القلب
ايلاف:يااه كل دا انا معملتش حاجه
بلال:انتى فعلا مش عارفه انتي عملتي ايه ...انتي متعوده تيجي هنا
ايلاف:اه علي طول كل ما احب افرح او انسي حاجه اجي هنا المكان هنا حلو اوي والاطفال مخلياه احلي واحلي بقعد العب معاهم وفعلا ضحكتي بتطلع من القلب معاهم عالمهم مفهوش اي حاجه وحشه بتخرج من نفسك وبطلع الطفل اللي جواك
بلال:حقيقي كنت محتاج خروجه زي دي شكرا ليكي
ايلاف:متشكرنيش انا اشكرهم هما
بلال:فعلا ….المهم انتي مش جعانه
ايلاف بضحكه:جدااا
بلال:طب يلا نمشي ونروح ناكل
ايلاف :يلا
بلال وايلاف سلموا علي الاطفال واستأذنوا من مديره الملجأ وخرجوا راحوا المطعم علشان يتغدوا عدي الوقت ما بينهم بلال كان مستغربه جدااا وايلاف مستغربه اكتر منه ان ازاي الوقت عدي كدا ما بينهم واللي مفرحها اكتر انهم متخانقوش
ودا اثار استغرابها
انتهي النهار واختفت شمسه ونورت السماء بقمرها كان بلال رجع ايلاف للقصر وقاسم كلم بلال وقاله ان معتز رجع انهم هيتجمعوا فشقه معتز وبالفعل راحلهم كانوا هما وصلوا قبله دخل وسلم علي الشباب وبعدها بدأت سهرتهم
معتز:بس ازاي كازانوڤا اخد القرار دا وخطب مره واحده
بلال:انت محدش حكالك اللي حصل ولا ايه
معتز:قاسم قالي عليه هو والشباب وكان لسه هيحكي عنك بس انت جيت فاحكي انت
بلال:بكل بساطه جدو وسليم الله يسامحهم دبسوني
معتز:نعم هو كان عرض ولا ايه أدهم بيتجوز فيدبسوك انت وقاسم معاه ولا ايه
بلال:تقريبا مش مصدق …مش فرح اختي بس كان فرح مهبب علي دماغهم
معتز:معلش نصيبك طب ايه الفرح امتي
بلال:ايوا وماله دا اذا كملتلهم فيها
معتز:متقولش
بلال:لا قلت ومش هكمل ياجماعه انتوا بتهزروا انتوا عارفين اني مش بتاع جواز
قاسم:ياعم اتوكس قلت هطلق واهو مشاء الله مكمل لا ومعايا بنت
بلال:لا انت شكلك وقعت فضي انما انا استحاله انا وايلاف دا لو حصل يبقي تهريج
أدهم:اهو كلام
بلال:تمام اهم حاجه انكم مقتنعين انه كلام سيبوني انا عارف بعمل ايه وهفاجئ الكل مره واحده
معتز:يابني بقي الله يحرقك
بلال:طب ايه هو احنا هنقضي السهره كلها كدا كلام مفيش حاجه تطرى القعده دي
أدهم:وسخ وهتفضل طول عمرك وسخ يلا
معتز:بلال معانا متجوزين دلوقتي ومحكوم عليهم اي حاجه كدا ولا كدا زوجاتهم هيعرفوا
قاسم:قصدك ايه
بلال:انا قاسم اااه بس راجل اوووي
أدهم:طب بالنسبه ليك ايه الدنيا
معتز:لا انا شكرا تمام اوووي كدا انا اصلا مبفكرش ارتبط تقولي خطوبه ولا جواز حتي انسي
قاسم:مأمن نفسه بن اللذينه دا ليك فالشمال بس
معتز:ياعم انا اجيب واحده تقرفني ليه لو ليا مزاج اجيب واحده اقضي معاها وقت وخلاص انا ارتبط بواحده واجيب القرف لنفسي استحاله
بلال:جدع والمبدأ حلو اوي شايفين وسامعين الكلام اللي يدلع الدماغ
أدهم:اتلهي يعني الحرام عاجبك اووي
بلال:مش الفكره احنا بنتكلم عن الجواز او السنجله مش بنتكلم فحلال او حرام
قاسم:يا راجل
معتز:بالذمه يابلال دا كان اسلوب كلامهم ولا اتغير من الجواز ولا ودني فيها حاجه غلط
بلال:تقريباضحكوا كلهم علي الكلام وقعدو يتكلموا وعدي الوقت بيهم لحد الساعه 2
أدهم:لا حلو كدا عليا الساعه 2 انا هخلع
قاسم:خدني معاك
معتز:مش قولتلك يا بلال
بلال:معلش بقي لازم يمضوا حضور وانصراف
معتز:علي رأيك
بلال:حلو امشوا انتوا وانا ياد يامعتز هكملك السهره
معتز:هو دا الكلام
قاسم:ياعم متجرنيش للرزيله وانا بحبها أدهم كدا كدا من زمان ملوش فالجو دا انما انا حرام يعني
معتز:لا مش كنت متجوز ومخلف
أدهم:يلا يا قاسم احسن علشان ضي هتعرف لو عملت حاجه
قاسم:منين
أدهم:اسمع مني دول ستات وهتعرف هتعرف
قاسم:طب يلا ياخويا الطيب احسن
قاسم وأدهم مشيوا وفضل بلال ومعتز وقضوا باقي السهر مع بعض بفعل المحرمات و….
وهنا نقول استني ياحلووين
مع البارت الجاي فى ضلع أدم
أنت تقرأ
ضلع أدم
Romanceمين فينا محبش البدايات دائما كانت النسمه الحلوه اللي بتطبطب علينا لكن مع الوقت البدايات بتروح ويبدأ الجد اللي مفهوش مظاهر خداعه بس هل النسمة دي بتروح ولا بتفضل معانا كانت هي بكل ما فيها من مميزات وعيوب مخلوقة من ضلعه لتكن حواء هي ضلع آدم كانت بتتمن...
