ضلع أدم

الفصل الرابع والعشرين

الغيره شعور أعتقد أن زاد عن حده انقلب ضد الشخص بس بحالتهم مش قادره احدد هل من حقه يغير ولا لا من بعد اللى عمله .

بلال بعد من قدر ينسحب من وسط الشباب ويروح ورا ايلاف وقف فتره يسمع الحوار بينها وبين يحيى واللى معجبش بلال بالمره لا دا خلاه يتعصب ويروح لحد عنده ويضربه خلى صرختها توصل للشباب وراحوا بسرعه عندهم
ضى :مش دا صوت ايلاف
وعلى كلمتها الشباب قاموا كلهم
سليم:فى ايه اللى بيحصل دا
قاسم:سيبه يا بلال انت اتجننت
بلال بعصبيه: انا ابقى مجنون لو مقتلتوش دلوقتى
أدهم:يابنى بطل عند وسيبه
كان بلال بينعد اكتر ومش راضى يسيب يحيى واللى كان بيردله الضرب كرد فعل طبيعي من ضرب بلال ليه
وقفوا هما الاتنين على صوت حامد…ايه اللى بيحصل هنا بلال شيل ايدك من على يحيى …انت ياولد سمعت اللى قلته ولا لا
بلال سابه غصب عنه تحت إصرار الكل واحتراما لجده
حامد:ممكن افهم ايه اللى بيحصل هنا
بلال:اتفضلى ياهانم ردى
ايلاف كانت واقفه بتعيط فحضن ضى
كان الكل واقف مستنى ردها لكن قاطعهم صوت يحيى ياحامد بيه أنا طالب ايد انسه ايلاف
بلال بعصبيه:بص برضو لسه ليه عين يتكلم
حامد:ودا سبب عصبيه حضرتك يااستاذ بلال
بلال:اظن إن مش منطقى الباشا جاى يطلب ايد خطيبتى
يحيى بتحدى:قصدك اللى كانت خطيبتك وعلى حد علمى انسه ايلاف مش مرتبطه وانا على الأساس دا اعجبت بيها واتقدمتلها حامد بيه أنا كنت لسه بتكلم مع إيلاف علشان تاخدلى معاد مع حضرتك علشان اتقدم رسمى بس حصل اللى حصل وانا اهو قدامك بتمنى حضرتك تدينى فرصه واخد معاد من حضرتك واجى اتقدم رسمى للانسه ايلاف
بلال:لا انت زودتها اووووى وانا لا يمكن اسمح باللى بيحصل دا وانتى يا ايلاف اصبرى عليا
حامد: جرا ايه انت مش عامل اعتبار لحد خالص ولا ايه
بلال:وانتوا عايزينى اشوفها بتتخطب قدامى واسكت كدا عادى لا والله مش انا الشخص دا
حامد بتجاهل لكلامه:يحيى يا بنى استنى منى تليفون اكلمك تيجى انت واهلك لو كان فى نصيب بس سيبنى اتكلم مع إيلاف اشوفها على الأقل فى قبول ولا لا
بلال:لا دا كدا جنان رسمى أنا لا يمكن اسكت على المهزله دى
حامد بنفاذ صبر:قاسم خد الحيوان دا من وشى حالا
بلال أنا مش همشى غير لما اسمع ردها
قاسم بهدوء لبلال:مش دلوقتى أمشى معايا وابقى كلمها بعدين
بلال بعند:لا مش همشى
يحيى :على العموم أنا هستأذن دلوقتى تكون ايلاف فكرت وهستنى تليفون من حضرتك
بلال:لا انا كدا اقتله احسن اقتله وهنرتاح كلنا
قاسم بضحكه:يخربيتك اخرس جدك هيولع فيك
بلال:انت مش شايف مستفز اد ايه والتانيه واقفه  اكنها مكسوفه دا انا هربيها بس الصبر
يحيى راح عند ايلاف ومسك أيدها وباسها :هستنىى ردك ومكالمه من الباشا ليا سلام
اعتقد كلنا عارفين ايه اللفظ اللى بلال ممكن يكون قاله فالحركه اللى يحيى عملها دا واللى كان هيروح عند يحيى لولا قاسم كان ماسكه هو وأدهم
أدهم:بعدين بالله عليك احسن جدك هيقتلك انت ويجوزهاله عند فيك بطل غباء
يحيى استأذن وكمان معتز اللى شاف إن وجوده ملوش لازمه
وايلاف اللى طلعت جرى على أوضتها وبلال اللى راح وراها وكذلك الشباب والبنات….لسه هتقفل باب الأوضه كان هو دخل وراها
بلال:بكل هدوء اهو عايز افهم ايه المهزله اللى حصلت تحت دا
ايلاف:وانت مالك
هنا وكان جاب آخره من كل حاجه
ايه هو اللى مالى انت عبيطه ولا بتستهبلى بقى الارجوز دا يتقدمك عادى كدا وانتى أن شاء الله موافقه على كدا طب وانا اللى دايخ وراكى معلش سامحيني  خلاص ياايلاف اقول بكره هنرجع معلش استحمل دى بتدلع عليك أهدى وبكره هترضى وتعقل ونرجع لبعض لكن اتفاجى أنه بيتقدملك وانتى عامله فيها مكسوفه وبتفكرى فالموضوع لا يبقى انتى كدا اتجننتى جواز من الارجوز دا مفيش ياما وربى يا ايلاف اقتلك واقتله
ايلاف :انت بتقول ايه وانت مالك اصلا بحياتى أنا بس اللى أقرر اوافق أو ارفض أو اعيشها كدا من غير حد انت مالك
بلال:لا فوقى دا مالى ونص لانى مش هسيبك يا حبيبه فحالك انتى ليا فاهمه يعنى ايه ليا
ايلاف:لا مش فاهمه وانت ملكش أي حكم عليا ولعلمك بقى أنا بحب يحيى ومواقفه اتجوزه ولولا اللى عملته تحت أنا كنت رديت بالموافقه
بلال:الله دا كدا خربت خالص دا يبقى فاحلامك يا ايلاف حتى لو فكرت فيه فاحلامك هتلاقينى فيها برضو ولو اخر يوم فعمرك مفيش جواز من اى حد سامعه
ايلاف بعند:لا مش سامعه
ضى:ممكن تهدوا انتوا الاتنين لان دا مش اسلوب نقاش
بلال:قوليلها هى مش انا الدنيا تمام معايا مفيش جواز من الارجوز دا
ايلاف:اه وماله كنت الواصى عليا وانا معرفش
سليم:ايلاف ممكن تهدى وانا هعمل اللى انتى عايزاه
ايلاف:اللى أنا عايزاه إن البنى ادم دا ميدخلش فاى حاجه تخصنى وخصوصا جوازى من يحيى
بلال:سامع كلامها ترجع وتقول جواز
قاسم:وبعدين بقى ماتهدى ياخى ماهو اسلوبك دا بيخليها تعند زياده
ايلاف:أنا مش بعند أنا بحب يحيى وهتجوزه
بلال كان يروح عندها لكن لقى سليم فوشه …ايه هتعمل ايه هتضريها هى كمان ولا ايه ….أدهم قاسم خدوا الحيوان دا من وشى حالا بدل مكنش مسؤول عن اللى هيحصل دلوقتى
بالفعل بلال راح معاهم لانه مكنش ضامن رد فعله ممكن يكون ايه بعد كلامها دا
سليم بهدوء بعد ماالشباب نزلوا ايلاف بلال نزل وهنسيبك تفكرى براحتك بس حابب اقولك كلمتين تعرفى إن العند بيولد الكبر بلاش عندك فبلال يخليكى تبنى حياتك وهم أنا عارف انك مش بتحبى يحيى ممكن يكون اعجاب احتوائه ليكى افتكرتيه حب من طرفك دا لما تقعدى تفكرى مع نفسك هتكتشفيه بس حابب اقولك مش علشان بلال اخويا ادافع عنه هو غلطان وكلنا عارفين دا بس كمان هو ندمان وبلال فعلا من وقت مافسختوا خطوبتكم وهو مش بيكلم بنات وفعلا ندمه باين وكلنا عارفين انك متاكده زى مانا عارفين برضو انك متاكده من حبه ليكى فاقعدى مع نفسك من غيرضغط من اى حد هل انت عايزه بلال ولا عايزه يحيى واحنا معاكى فاى قرار تاخديه  وصدقينى لو اختارتى يحيى أنا ضامن ليكى إن بلال مش هيقرب منك ولا هيدخل فاى حاجه تخصك وكل اللى هيربطوا بيكى علاقه الاخوه وبس فكرى وخدى قرارك ..عن اذنك
سابها ومشى ونزل للشباب  والبنات فضلوا معاها
        &&&&&&&&&&&&&&&
بلال :يعنى ايه بعد دا كله تقولى هتتجوز الارجوز دا انا قلت اقتله محدش رضى
قاسم بضحكه:ياعم اتهد بقى أنا كنت ماسك نفسى قدام جدو بالعافيه
بلال:بتضحك اه ياوسخ تخيل كدا ضى حد تانى اتقدملها وعايز يتجوزها
قاسم:دا انا اقتله واقتلها
بلال:يبقى ماسمعش صوتك
أدهم:ايوا ماهو برضو اللى بتعمله دا هيخلى ايلاف تخاف وتبعد عنك وتقرب من يحيى اكتر بل بالعكس دا يخليها توافق اصلا على الجوازه وتعالى قابلنى لو عرفت تعمل حاجه دا كان جدو ولع فيك
سليم كان نزل وسمع كلامهم :أدهم عنده حق انت مش هقدر تقرب منها لان أنا كمان هقف قصادك
بلال:مشوا الكائن دا من قدامى
سليم ضربه على دماغ:ياغبى مش بالعصبيه الستات بتيجى بالهدوء والحنيه خصوصا ايلاف انت عارف انها اطيب مما تكون بس بأسلوبك الغبى دا هتخليها تطفش منك وتوافق على يحيى
بلال :يعنى ايه
سليم:يعنى تهدى وتقول هديت أنا اتكلمت معاها وكمان البنات معاها فوق بس هى من حقها تفكر وتختار الشخص اللى تكمل معاه حياتها
         &&&&&&&&&&&&&&&&&
رهف:بس اخويا طلع جامد
ضى:اتوكسى
رهف:أنا كنت هموت واضحك على شكلهم وهما ماسكين فبعض يحيى كان عامل زى الارجوز فأيده بجد
ضى:وبعدين ياايلاف نتكلم جد شويه
حبيبه:ايلاف حبيبتى انا حاسه بيكى احساس الرفض اللى ممكن يلازم الإنسان دا وحش اوووى انا كنت حاسه بالرفض دائما من سليم ومن قبل سليم كمان لحد مااديت لنفسى فرصه تانيه معاه يمكن الموقف يختلف بس الاحساس واحد عارفه انك كنت بتحسى بالرفض من بلال قبل ماتخسى بس حاولى تفتكريله الحلو اكيد كان مابينكم مواقف حلوه تشفعله عندك لولا البنت اللى كلمتك دى وبوظت الدنيا رغم أنه اتكلم معاكى وقالك إنه كان هينهى كل حاجه مابينهم اه ممكن يكون بيكدب بس ممكن كمان بيقول الحقيقه لو مش حابه تفكرى بقلبك اللى واثقه أنه هيختار بلال فكرى بعقلك هيدلك على الصح واحنا اكيد كلنا معاكى فاللى هتختاريه
ضى ورهف أيدوا حبيبه وقرروا أنهم يسيبوها تفكر لوحدها بدون اى ضغط عليها
كل واحده نزلت ومشيت مع جوزها ….
          &&&&&&&&&&&&&&&&
عند سليم
تحبى تروحى فين
حبيبه:لا عايزه اروح حاسه انى تعبانه
سليم:وبعدين قلتلك مش عايز اسمع تعبانه او تفكرى فاى تعب
حبيبه:طب وبعدين ياسليم مادى الحقيقه
سليم:الحقيقه اللى احنا عايزين نصدقها وبس يا حبيبه ولعلمك بقى احنا مش هنروح
حبيبه:امال هنروح فين
سليم:هنروح فحته ترفع الادرينالين حبتين
حبيبه:يا خوفى بس تمام
          &&&&&&&&&&&&&&&&&
عند أدهم
رهف:أنا كلمت الدكتور وخدت معاد النهارده
أدهم:برضو
رهف:لا ياأدهم انا خلاص عملت حسابى وهنروح يعنى هنروح
أدهم:امرى لله يا قطتى
رهف:تمام اطلع بينا على العياده
         &&&&&&&&&&&&&&&
عند قاسم
طب ايه كلهم مشوا ماتيجى نعمل اى حاجه
ضى:هنعمل ايه
قاسم:تعالى نخرج
ضى:لا مليش مزاج
قاسم:طب تحبى نعمل ايه
ضى:اى حاجه …
قاسم:تمام فى موضوع فالولا حاجه عايزك فيه فوق
ضى:طول عمرك سافل
          &&&&&&&&&&&&&&
عند ايلاف
كانت معادله غير عادله بالمره مابين يحيى وبلال ….بلال  حب حياتها واللى مصدقت أنها تتخطبله  ومتقبله اى حاجه منه حتى لو وحشه بس للاسف خيانته ليها زى مبيقولوا القشه اللى كسرت كل حاجه مابينهم ….ولا تختار يحيى اللى من يوم معرفته مشافتش حاجه وحشه منه متقبلها زى ماهى بكل ماتعنى الكلمه طاقه ايجابيه متحركه على الأرض عرفت قيمه نفسها ومتقبلش اللى يقل منها حتى لو بكلمه متنكرش إن فى اعجاب من ناحيتها ليحيى بس الحبيب الاول ليها بلال …كانت مقارنه صعبه مش قادره تختار
        &&&&&&&&&&&&&&&
عدى اسبوع على ابطالنا كل واحد مشغول بحياته بس الاكيد الكل مستنى ايلاف هتختار مين بلال ولا يحيى
الكل متجمع نفس التجمع اللى فات من اسبوع
حامد:ها يا ايفو قررتى ايه يحيى مستنى منى تليفون
ايلاف:كلمه وقوله إنى موافقه يا جدو
حامد:موافقه على ايه بالظبط
ايلاف:موافقه إنى اتجوز يحيى ياجدو
بلال:لا انتى اكيد اتجننتى
حامد:بلال احترم وجودى
بلال:أنا مش محترم حد طول مانتوا موافقين على الهبل اللى بيحصل دا
حامد:والله دا قرارها وحياتها اللى هتعيشها واكيد كلنا هنقف فضهرها زى ما وقفنا قبل كدا
بلال:يعنى ايه
حامد:يعنى تبارك لبنت خالتك
بلال بهدوء:من عنيا مبروك يابنت خالتى وهديتى بالمناسبه السعيده دى هتوصلك اكيد
قال كلامه وسابهم وخرج والشباب قاموا وراه لأن بلال غير مضمون بالنسبه ليهم وقت غضبه اه هو مرح بس لما يغضب يتخاف منه
أما عنها قامت بعد ماشفت رد فعل بلال وطلعت أوضتها
ضى :ايلاف انتى متاكده من قرارك دا احنا محدش رضى يتكلم معاكى علشان تعرفى تختارى
ايلاف:وانا اخترت يا ضى فى ايه ليه كلكم فاكرين انى كنت نختار بلال
حبيبه:مش كدا بس انتى بتحبيه
ايلاف:وخدت ايه من الحب دا غير وجع القلب واهو فكرت بعقلى واخترت يحيى
ضى:متأكده
ايلاف بأبتسامه حزين:اه…ايه مفيش مبروك دا حتى المغفلين هيزيدو اتنين
حبيبه :الف مبروك يا حبيبتى وخليكى واثقه أننا كلنا فضهرك
ضى:مبروك يا قلبى ربنا يتمملك على خير
ايلاف:ايه يا رهف مفيش مبروك
ايلاف :مقدرش طبعا انتى اختى يا عبيطه اللى يفرحك يفرحنى الف مبروك يا حبيبتى وربنا يتمملك على خير …وبالمناسبة دى هنشغل اغانى ونحتفل
وقد كان قامت حبيبه وشغلت اغانى وكلهم قعدو يرقصوا ويحتفلوا بإيلاف أما عند الشباب