الخوف من الحقيقة أوقات أصعب من الحقيقة نفسها وانها تحصل بجد وتكون واقع لازم نتعايش معاه اجباري وده اللى كان مكتوب عليها تعيشه بعد ما سمعت صوته وكلامه وكان نفسها يطلع غلط
وقفنا المره اللي فاتت علي صوته ….استني يا سيدنا الشيخ في كتب كتاب تاني
ودا كان صوت قاسم اللي فاجئ الكل
حامد:انت اتجننت يا ولد ولا ايه وهو اي كلام وخلاص
قاسم:مش دا اللي حضرتك عايزه واهي العروسه واقفه اهي قمر 14 جاهزه
كان بيتكلم ونفس الوقت شاور علي ضي اللي كانت واقفه زي الصنم من الصدمه واكيد كان صدمه بالنسبه لكل الحضور وده خلاهم يتهامسوا بين بعضهم ايه اللي بيحصل دا
دا اكيد اتجنن …..هو في حد يتجوز كدا….يابختها ساب الكل واختارها ….الله علي المفاجأه ياريت حد يفاجئني كدا وكل دا وهي واقفه فدنيا تانيه….ايه اللي قاسم بيعمله دا اكيد اتجنن
وطبعا من اكتر المصدومين كانت هدير وسليم وبلال وإيلاف
حامد:انت مفيش منك فايده
سليم:جدو ممكن افهم ايه اللي بيحصل قاسم بيقول ايه
عبدالله:يابابا مينفعش اللي بيحصل دا الناس بتتفرج علينا
كارم:حامد باشا ممكن تتفضل جوا في المكتب نتكلم
حامد:ياريت بدل الفضايح دا
دخل حامد وقاسم وعبدالله وسليم وبلال وكارم المكتب وفضل البنات مع بعض بره
قاسم:اهو زي ما طلبت انا موافق علي جوازي من ضي
حامد:بس مش بالطريقه الهمجيه دي بعدين انا كنت لسه هفاتح ضي
قاسم:اهو دا اللي عندي
سليم:ممكن افهم في ايه
قاسم:اقولك انا ياسليم
حامد:اسكت انت يا قاسم انا اللي هتكلم
قاسم:لا لا خليني انا مش انا العريس برضه بص يا سليم جدو النهارده امرني يا اتجوز ضي ياما هتحرم من كل حاجه من شركات وفلوس بمعني اصح مش هيكون ليا اي صلة مع عيله الأمير فاي حاجه من لحظة رفضي الجواز
سليم بنظره غضب اتجاه حامد: اللي بيقوله قاسم صح ياجدو
حامد: سليم لو سمحت
سليم:لو سمحت ايه عايزين اسكت وانا شايفك بتبيعوا وتشتروا فبنت خالتي والمفروض واقف ساكت
حامد: ومتنساش انها حفيدتي فنفس الوقت
سليم:حفيدتك اللي اخدتها تربيها هي واختها بالاجبار بعد وفاة خالتي وجوزها ورفضت ان والدي الله يرحمه يربيهم معانا
حامد:سليم ممكن نتكلم انا وانت لوحدنا بره
بلال:ياجدعان ما تفهمونا ايه اللي بيحصل انا دماغي وقفت
أنت تقرأ
ضلع أدم
Romanceمين فينا محبش البدايات دائما كانت النسمه الحلوه اللي بتطبطب علينا لكن مع الوقت البدايات بتروح ويبدأ الجد اللي مفهوش مظاهر خداعه بس هل النسمة دي بتروح ولا بتفضل معانا كانت هي بكل ما فيها من مميزات وعيوب مخلوقة من ضلعه لتكن حواء هي ضلع آدم كانت بتتمن...
