" ဟိုဆော့ တို့ညီအစ်ကိုပါလား"
ဟိုဆော့ တဖက်ခြံရှေ့ရောက်တာနဲ့ ကင်နမ်ဂျွန်း ဆိုသူကပါးချိုင့်ထင်းထင်းတွေပေါ်အောင်အထိပြုံးပြနှုတ်ဆက်လာတယ်
"ဟုတ်ကဲ့..ဂျွန်ငယ်လေ ဒီဖက်ခြံကို အလည်လာချင်တယ်ဆိုပြီးပူဆာနေလို့"
ဟိုဆော့ ဂျွန်ငယ်ကို ကြည့်ပြီးပြောလိုက်တော့ ဂျွန်ငယ်ကမျက်နှာချောချောလေးကို လက်ဝါးပြင်လေးနှစ်ဖက်နဲ့အုပ်မိုးကာလိုက်တယ် ဒါရှက်သွားတဲ့အမူယာလေးပေါ့
" ထူးထူးဆန်းဆန်း ဂျွန်ငယ်က အိမ်တွေလည်ချင်နေလို့ပါလား "
နမ်ဂျွန်း သူ့အရှေ့ကအဖြူလုံးလေးကို ခါးလေးကိုင်းကာကြည့်ရင်းပြောလိုက်တော့ မျက်လုံးဝိုင်းတွေကို ဟိုဒီရွေ့လျားလိုက်တဲ့ ဂျွန်ငယ်ကသူနဲ့အကြည့်ချင်းမဆုံအောင်တမင်လုပ်နေမှန်းသိလိုက်တယ်ဆရာဝန်ဖြစ်တဲ့အလျောက် နမ်ဂျွန်းဒီကိုစရောက်ထဲက ဒီကလေးကိုသတိထားမိသလို ဒီကလေးငယ်ပေါ်မှာလည်း သံယောဇဥ်တွယ်မိတယ် အနေမနီးပေမယ့်ပေါ့
" ဂျွန်ငယ်က အနေခက်နေတာထင်တယ်.. လာပါအိမ်ထဲဝင်ကြစို့လေ"
နမ်ဂျွန်းအရှေ့ကနေဦးဆောင်ကာ ထွက်သွားတော့ ဟိုဆော့က ဂျွန်ငယ်ကို စကားတီးတိုးပြောပြီး လိုက်ပါလာတယ် ခပ်တိုးတိုးဆိုနေတဲ့ စကားသံကြောင့် ဘာပြောနေကြတယ်ဆိုတာကိုတော့ သူကောင်းစွာမကြားရပါ
" ဗစ်တာရေ...ဒီနေ့ပါတီကိုတော့ အထူးဧည့်လာတယ်ဟေ့"
ဧည့်ခန်းထဲဝင်တာနဲ့ အာပေါင်အာရင်းသံသံ ဆိုလိုက်တဲ့ နမ်ဂျွန်းရဲ့ စကားကြောင့် ယောက်ချိုဇွန်းကြီးကိုင်ကာ ပန်းရောင်ဧပရွတ်ကြီး တကားကားနဲ့ ဗစ်တာက ဘယ်သူလဲဆိုပြီး အထူးအဆန်းထွက်ကြည့်တယ်
အင်း ဗစ်တာဆိုမှ ဗစ်တာကအနောက်တိုင်းသားဆိုပေမယ့် ထွားထွားကြိုင်းကြိုင်းပုံစံမျိုးမဟုတ်ပဲ နီစက်စက်အသားရည်နဲ့ သေးသေးကွေးကွေးခန္ဓာကိုယ်အချိုးဆစ်နဲ့ကောင်လေး ပျော့အိအိ ဂုတ်ထောက်နေတဲ့ရွှေအိုရောင်ဆံပင်လေးတွေကို ထိပ်လေးကစုစည်းထားတဲ့ပုံစံလေးနဲ့ ကောင်လေးက ဟိုဆော့တို့ကိုမြင်တော့ အပြာရောင်မျက်ဝန်းတွေပိတ်ကျသွားတဲ့အထိရယ်ပြလာတယ်
أنت تقرأ
Warmly
أدب الهواةနွေးထွေးမှုတွေ လိုအပ်နေတဲ့ Jeonအတွက် အစ်ကိုက ခပ်နွေးနွေးနေရောင်ခြည်လေးဖြစ်ပေးချင်တာ
