*Jeonဟာသူနေထိုင်ရာကမ္ဘာလေးဆီ ထယ်ယောင်းကိုဖြည်းညှင်းစွာခေါ်ဆောင်သွားတယ်*
လေနုနွေးနွေးတိုက်ခတ်နေတဲ့ Santorini လမ်းမထက်မှာ ကားအဖြူလေးတစ်စီးဟာ ငြိမ့်ငြိမ့်ညောင်းညောင်းမောင်းနှင်နေတယ် တနေရာကိုအတူသွားချင်တယ်ဆိုတဲ့ Jeonရဲ့စကားကြောင့် ဈေးဝယ်စင်တာတစ်ခုရှေ့ရောက်တော့ Jeonသဘောဆန္ဒအတိုင်း သူတို့ဈေးဝယ်ဖို့ဆင်းခဲ့ကြတယ်
အသီးအနှံတွေအတန်းဘက်အပြေးသွားတဲ့ Jeonနောက်ကိုသူပါအပြေးတပိုင်းလိုက်တော့ တချို့တဝက်သောသူတွေက လှည့်ကြည့်ကြပေမယ့် တချို့ကတော့ ပုံမှန်သာ
" Jeon..မပြေးနဲ့လေ ချော်လဲမယ်... "
မတိုးမကျယ် ထယ်ယောင်းရဲ့စကားသံကို အရေးမထားနဲ့Jeonက အသီးတန်းတွေဆီရောက်နေပြီ
" ဒါ..ဒါ.."
" တော်တော့လေ Jeon..အရမ်းများနေမယ်"
ထယ်ယောင်းကိုင်ထားတဲ့ဈေးဝယ်ခြင်းထဲကို ရောက်ရှိလာတဲ့ နီနီရဲရဲစတော်ဘယ်ရီသီးတွေက ၃၊၄ဘူးလောက်ဖြစ်နေပြီ ဒါတောင်Jeonက လက်လှမ်းနေတုန်းမလို့ ထယ်ယောင်းတားလိုက်တော့ ခပ်စူးစူးလေးကြည့်လာတယ်
" ကိုယ်ပြောချင်တာ..အသီးတွေကကြာရှည်ထားရင်မကောင်းဘူးလေ Jeonရယ်..Jeonက အကုန်စားနိုင်မှာမဟုတ်ဘူးလေ"
ထယ်ယောင်းပြောတာကိုဂရုမစိုက်တဲ့ Jeonကနောက်ထပ်သော စတော်ဘယ်ရီဘူးတွေထည့်နေပြန်တယ်
ဟင်း!
သက်ပြင်းမောချလိုက်တဲ့ ထယ်ယောင်းကို Jeonကစူးစမ်းဟန်ကြည့်တယ် ပြီးမှခြင်းထဲက စတော်ဘယ်ရီသီးတစ်ဗူးကို စင်ပေါ်ပြန်ထားတယ် ချစ်စရာကောင်းလွန်းတဲ့အမူအရာလေးဖြစ်ပေမယ့် ထယ်ယောင်းမသိချင်ယောင်ဆောင်ထားတော့ အင်္ကျီအနားစကို ဖွဖွလေးဆွဲလာတဲ့Jeon
" အစ်..ကို"
မဝံ့မရဲခေါ်လာတဲ့ လေသံတိုးတိုးလေးကြောင့် ထယ်ယောင်းကြည့်မိတော့ မျက်ရဘ်ဥတွေရည်ဝိုင်းနေတဲ့Jeon
" ဘာလို့လဲ..ဘာလို့လဲ.Jeon"
" အစ်. ကို..ဆူလို့"
ဘုရားရေ ထယ်ယောင်းတခွန်းမှမဆူရသေးပါပဲ ဘယ်နှယ့်ကြောင့် Jeonကအထင်လွဲရပြန်တာလဲ
VOUS LISEZ
Warmly
Fanfictionနွေးထွေးမှုတွေ လိုအပ်နေတဲ့ Jeonအတွက် အစ်ကိုက ခပ်နွေးနွေးနေရောင်ခြည်လေးဖြစ်ပေးချင်တာ
