Warmly

part(2)

Greece ကိုခြေချလိုက်ပြီဆိုတာနဲ့ ရရှိလာတဲ့ လေထုခပ်နွေးနွေးက စိတ်အစုံကိုနွေးသွားစေပါတယ် လေယာဉ်စီးတာနဲ့အရင်ရက်ထဲက မနားရသေးတာကြောင့် လူကတော့နုံးချိချိဖြစ်နေသေးသလိုပင် စိတ်အစုံလန်းဆန်းဖို့အတွက် အားပြည့်နေဖို့ကအရေးကြီးတာမလို့ အနီးနားမှာရှိတဲ့စားသောက်ဆိုင်ကိုသာ အရင်ရှာရတော့မယ် ကိုရီးယားနဲ့မတူပဲ အနွေးဓာတ်ပိုကဲတဲ့ဒေသလေးဖြစ်တာကြောင့် အောက်တိုဘာလမှာတောင် ရာသီဥတုကနွေးနွေးလေးနဲ့နေလို့ကောင်းနေသေးတယ် ချစ်စရာအိမ်ပုံစံလေးတွေက ကျွန်းစုဘေးပတ်ပတ်လည်လည်မှာ လှလှပပလေးစီတန်းလျက်ရှိနေပုံက ပန်းချီကားတစ်ချပ်ပမာ လှပနေပြန်တာ ဒါကြောင့် သူဒီဒေသလေးကို လာဖို့အတွက် သီးသန့်အချိန်ပေးမိတာ

Santorini( ဆန်တိုရီနီ)

ဆန်တိုရီနီ လို့ပြောလိုက်တာ လခြမ်းပုံသဏ္႑န်ချောက်ကမ်းပါးပေါ်မှာတည်ဆောက်ထားတဲ့ အိမ်ဖြူဖြူလုံးလုံးလေးတွေက မပါမဖြစ်ပေါ့ ထယ်ယောင်း လည်ပင်းမှာချိတ်ဆွဲထားတဲ့ ကင်မရာလေးနဲ့ထိုမြင်ကွင်းလှလှလေးတွေကိုမှတ်တမ်းတင်လိုက်တယ်

ဝှစ်!

ရုတ်တရက်ဆိုသလို ဖြတ်ပြေးသွားတဲ့ လေကြမ်းကြောင့် မျက်စိကိုဖုံးအုပ်သွားတဲ့ ဆံပင်ခွေလိပ်လိပ်ကို နှဖူးပြင်ဆီပြန်သတ်တင်လိုက်ပြီး ရှေ့ကို ခရီးဆက်ဖို့ပြင်တဲ့အချိန် ကြားလိုက်ရတဲ့ အသံပိစိလေး ကြောင့် ပတ်ဝန်းကျင်ကို အကဲခတ်ကြည့်မိလိုက်တော့ ဖြူဖြူသေးသေးဖြစ်တည်မှုလေးဆီကလာတဲ့အသံဆိုတာသိလိုက်ရတယ် စောင်းငဲ့ထားတဲ့ခေါင်းလုံးလုံးလေးကြောင့် ဝါကျင့်ကျင့်ထူအုပ်အုပ်ဆံပင်လေးတွေက မျက်နှာပြင်ကိုမမြင်နိုင်အောင် ဖုံးကွယ်ထားတာ ဘာပဲဖြစ်ဖြစ် ထယ်ယောင်းဒီကလေးနားသွားရမှာပဲ ကြည့်ရတာဒေသခံဖြစ်ဖို့များတယ် အနီးနားကစားသောက်ဆိုင်ကိုအရင်မေးကြည့်မယ်ဆိုတဲ့အတွေးနဲ့ပေါ့