Unicode
................
ကျောင်းသွားရန်ပြင်ဆင်နေသော လေးညှို့။ ထိုချိန် အခန်းထဲသို့ မပြောမဆိုဝင်လာသည့် ညှို့သက်။ လေးညှို့ လှည့်ကြည့်မိတော့ လန့်သွားမိသည်။ သူက ဘာကိစ္စ ဒီနားရောက်နေရသနည်း။
" သ....သက် ...ဘာကိစ္စရှိလို့လဲ"
" မနက်စာစားမယ်တဲ့ ခေါ်ခိုင်းလိုက်လို့"
" ဪ... အင်းအင်း....ဆင်းလာခဲ့မယ်"
ညှို့သက်က သူ့အားမျက်တောင်မခတ်တမ်း စိုက်ကြည့်နေတာကြောင့် စိတ်ထဲပင်မလုံမလဲဖြစ်သွားရသည်။ အဘယ်ကြောင့် သူ့အားစိုက်ကြည့်နေရသနည်း။
မိမိမှာ ဘာအမှားမှလည်း မလုပ်မိပါဘူးလေ။ ပြီးတော့ ညှို့သက်ရဲ့ အကြည့်တွေက တစ်မူထူးခြားနေသယောင်။ လေးညှို့စိတ်ထဲ ကုလားဘုရားလှည့်နေပြီး Ai bot ကိုတောင် စိတ်ထဲမှ တ,နေမိသည်။
* Ai ...Ai... ငါ့ကိုကယ်ပါဦး။ ဟိုကောင်ညှို့သက် ဘာဖြစ်တာလဲမသိဘူး*
'အဟမ်း... စိတ်မပူပါနဲ့။ ကစားသူအတွက် အန္တရာယ် မဖြစ်ပါဘူး။ ဒီတိုင်းရိုးရိုးသာမာန် အကြည့်လေးတွေ စွန့်ကြဲယုံလေးပါ။'
*ဟုတ်လို့လား*
'ဟုတ်ပါတယ်ခဗျ။ ဒီက ကျွန်တော်မျိုးစကားကို ယုံကြည်သင့်ပါတယ်။ ဘာလို့ဆို ကျွန်တော်တို့လို တိကျတဲ့ codeတွေ အသုံးပြုထားတဲ့ Ai တွေက အမှားကင်းပါတယ်ဗျ'
ညှို့သက်လည်း ခေတ္တမျှကြည့်ပြီးနောက် အိမ်အောက်ထပ်သို့ ဆင်းသွားလေသည်။ ထိုအခါမှသာ လေးညှို့လည်း သက်ပြင်းချနိုင်တော့သည်။
* ဒါနဲ့ ငါမေးစရာရှိသေးတယ်။ မင်းပြောတဲ့ ရွှေကြက်ပေါင်ကြီးကို ခုထိရှာမတွေ့သေးဘူးကော။ ပြီးတော့ ငါ့အပေါ်ကောင်းပေးတဲ့ သတိုးတာယာဆိုတဲ့ လူကိုကောရှာတွေ့ပြီလား။ မင်းပြောသလို ဇာတ်လမ်းကို အခြေခံထားတာဆို အဲ့ဇာတ်ကောင်ကကော ဘယ်နေရာမှာပါတာလဲ။*
'ခဏလေးနော်။ ကျွန်တော်ရှာပေးမယ်.... သတိုးတာယာ...သတိုးတာယာ... တွေ့ပါပြီ။ သတိုးတာယာဆိုတဲ့ ဇာတ်ကောင်တော့ပါပါတယ်။ ဒါပေမဲ့ အဓိကဇာတ်ကောင် မပြောနဲ့။ ဖြတ်လျှောက်လောက်တောင် နေရာမရှိပါဘူးခဗျ။'
YOU ARE READING
ညှို့မျက်ချစ်ခြင်း (ညွို႔မ်က္ခ်စ္ျခင္း) Completed
RomanceUni ..... Pdf file or other ways of making files များဘယ်fileမဆို လုပ်ပြီးဖြန့်ချီခွင့်မပြုပါဘူးနော်။ This is my fifth own fiction. ဇာတ်လမ်းသည် ဖန်တီးသူရဲ့ စိတ်ကူးသက်သက်သာဖြစ်ပါတယ်။ Owncreation ဖြစ်လို့ အဆင်မပြေတာရှိရင် နားလည်စေချင်ပါတယ်။ 📢📢📢...
