Oops! This image does not follow our content guidelines. To continue publishing, please remove it or upload a different image.
الليلة جييت يا يُمة وشايلة فرحي أقولوا ليك فتشتَ ليكِ رُكن رُكن في البيت وما لقيتك !
قلت أمشي ناس الخالة جمب البيت أشوفك انتي يُمة هناك ، ساعة مشيت لقيت الناس بيبكو عليك وبرضو أخوي بيبكي عليك وجوا أبوي بكَفّن فيك ..!
أصبح كُل الفرح الشايلا في جواي شتات ولاني بكيت ولا اتخيلت في يوم إني أبكي عليك ..
بقيت اسأل معقولة يُمة تفوت وتخلي بنتها وحيدة معقولة دي الغالية ست بيتها ترحل بعيد جداً وساعة فرح ما لقيتها.. !
الليلة جيت يُمة وكان مُناي شوفتك منو البيحنّ لي تاني بعد ما انتي فُتي بعيد،منو البيحضني وقت الصباح في العيد !
وبعد زمن.. جابوك يُمة لابسة الكفن أبيض وادِنك القبر وإن شاء الله قبرك أبيض ولسة الناس هناك تبكي وبرضو أخوي هناك ببكي أما أنا لاني بكيت ولاني شكيت ولاني رجعت تاني البيت..
ومرت الأيام.. الذكرى يمة البينا كانت ما بتتنسي والدنيا كلها غير معاك ما بتسوى شي فقدتك يمة وغير رضاك ما دايرة شي
الليلة جيت يُمة وخاتا الصبر أقرب صديق وعرفت يا يُمة غير الصبر ما لي طريق وبعد سنين حبيت تكوني الذكرى دوم كل العمر أنا غير رضاك ما دايرة شي والسكة يُمة بدون رضاك ما بتتمشي..!
الليلة جيت متأملة أفرح أغني وأنبسط في كل لحظة بقول دي الغالية كانت اغلى شي بتذكرك لحظات جميلة وممتعة بتذكرة لحظات حزينة ومفرحة ..
وبرضو الصبر .. خاتا الصبر أقرب صديق خاتا الحزن بالجد بعيد خاتاكِ في العيد السعيد خاتاكِ في الفرح الشديد.🖤
