نيروز

PART _1_

بداية قصة جديدة اتمنى تعجبكم 🫢💓
2023/8/1
___________________________________

PART _ 1 _

_ ماما رايحين خلي يجي رضا وية خالوا

طلعنا من البيت نمشي بخطوات سريعة
خوفاً من التأخر على الدوام

الجو بارد
والشوارع مليانة بالمي
بس رغم هذا منظر السما وهي مليانة بالطيور يخليني ابتسم لا ارادياً

دخلنا للمدرسة وبدخوليتنا دك الجرس

_ افف ترا باردة موكفينا برة هم حيفتشون الي لابسين قماصل وجفوف ترا مالهم حق

_ كل يوم نفس الحجي شنو البيدي

_ اشتاقيت لمدرستنا القديمة مجان بيها كل هذا

_ يجي يوم ونرجع الها ان شاء الله

فتشوا الي لابسين جفوف وقماصل والي ملابسين مثل كل يوم ينضربون

خلص الاصطفاف بس القلقني رضا لحد هسه ما اجه

دخلت المعلمة وبدء الدرس الاول
و من بعدها الثاني والثالث
وهيج خلص يوم دراسي حالَ حال الي قبله

دك الجرس يعلن عن انتهاء الدوام

_يلا نرو
التفتت علي اختي نروح سوه
بس كالعادة رايحة قبلي

رجعت وحدي الي ان وصلت لباب البيت واني اسمع صوت توأمي وهي تسئل ماما

_ماما ماما

هيفاء: ها فيروز ليش صوتج يلعلع

فيروز: شنو خالوا مجاب رضا للمدرسة لان مشفتة

هيفاء: لا ماما راح ورجع

فيروز: ليش رجع

هيفاء: المدير رجعة لان ملابس قمصلة كايل اله ماعندي بس مقابل ورجع يبجي

كالت هذا الكلام ودارت عيونها تخفي دمعتها

تنهدت بحزن واني اشوف وضعنه كل مابي يسوء

نيروز: سلام عليكم

هيفاء: وعليكم السلام حبيبتي شلونج بالمدرسة

نيروز: الحمدلله
داخلة ابدل و اجي اساعدكم

دخلت للغرفة
وسمحت لدموعي بالنزول

وضعنا
تهجيرنا
بُعد والدي الي كل فترة يلا نشوفة

بجيت اكثر واني اذكر حياتنا قبل ليصير كل هذا

==========================
فلاش باك بداية سنة 2014 وتحديداً بوسط العراق

2:00 ظهراً

مجتمعين كأي بيت عراقي
بصالة بيتنا البسيط
الي جان عبارة عن
غرفة صغيرة وصالة ومطبخ وصحيات