...مرات او لا دائماً وكل مرة لازم ينفكر ونفكر الف مرة ونكرر تفكير اذا جان اكو شك بلاجابة ليش ؟ حتى نحصل على الاشياء لمناسبة الاشياء الي مراح نندم عليها ابداً ،،،
هذ الكلام هم كالو النا اهالينا من ربونة ؟؟ لو سمعنا اشخاص يكولون هذ شي لو درسو النا بناهجنا ؟؟؟ لا لا ولا كل هاذ لكلام وكل هذي لعبرة الي بلحديث نتعلمة بلمواقف الحياة بالاشخاص بلمشاعر بكل خطوة نخطيها حتى بلامتحان وحتى بلكلام هذي هي عظمة اعادة لتفكير بلامور المشكوك في صحتها !!!
كيان:ظاهر اني جنت مخدوع بيج باخر فترة وكلت حبتني وخل نفتح صفحة جديدة بس ...
ماسة:كيان باجر تعال ونحجي مااريد احجي على تلفون هيج مواضيع مهمة باجر تعال ونحلها بعقلانية .
كيان:كتلج مااجي.
ماسة:شنو متجي بيناتنا طفل .
كيان:لا مو بكيفج تخلي بينا ينولد واخذ فهمتي.
ماسة:لا مو بكيفك مو جارية اني .
كيان:ابني هذ انتي مجرد تخلفين وهاهية.
ماسة:لا حباب اني امة وغصباً على لكل اني الاحمل بي وانطي نص جسدي انتة شمسوي شمسوي لو تثني عمرك كلة متكدر سوي الي تسوي الام لطفلها فتهمت لو لا ولو هذ لكلام ميمشو وياك لان تفكيرك سطحي .
كيان:اكلي ،،،، احترمي نفسج ولتحجين هيج .
ماسة:كيان كلام زايد مااريد احجي مو زين علية باجر تعال ونتفاهم انتظرك الله وياك .
انتهى الاتصال ورحت سولفت لامي كل هذ لكلام وكالت زين سوين بعدها مرت فترة اسبوعين وهوة ممبين واني اتصل بي واراسلة ميجاوب حييل زهكت منا وكرهتا صرت احقد علية وعلى سوالفة وتفكيري يروح بعيد وبعدها ارجع بتفكيري متت من تفكير وشكوك تبهذلت اكثر وتعبت صرت مااشتهي الاكل يوم ويوم اكل هواي تهت بين واقعي وبين تفكير اشرد بذهني هواي وفكرة توديني وفكرة جيبني ...
بعد نهاية هذن الاسبوعين اجاني اتصال من حبيبتي ريم
ريم:هلا يابذاتة شلونج؟
ماسة:لحمدلله بخير والله عذريني شفت اتصالج ونسيتج.
ريم:عمي الله يساعدج شني هاي حقج مو تنسينة لا وتحذفينا هم ههههه.
ماسة:لا شلون اسوي ويا لعزاز على كلبي هيج.
ريم:فدوة لكلبج .....اي شنو شخبارج شلونة لبيبي الف مبروك ربي يكومج بسلامة ومشوفين شر .
ماسة:رحمة الله والديح تسلمين يروحي ،،،انتو شلونكم حوراء صدك شلونها؟
ريم:حوراء بخير كبرت بطنها اكثر هههه بس شنو تاكل تاكل موتتني شكد تاكل.
ماسة:هههه بلعافية .
ريم:الله يعافيج ،.
ماسة:وانتي شلونج شخبارج؟
ريم:والله بخير شتعرفيني مطبخ وجهال وعمتي اكو غيرهم وهذ عادل لشالع كلبي .
ماسة:الله يساعدج.
ريم:اي شنو سالفتج انتي وكيان ؟
ماسة:مااعرف ريم مااعرف تعبت اني انتن كلشي تعرفن علية تعرفن ليش اجيت هنا او ليش نهزمت.
ريم:اي والله وشراح سوين؟
ماسة:مااعرف كيان يريد يطلك قبل سبوعين خابرتة كتلة تعال وافهمك ماكو يعند وعمة خابرت امي هم نفس حجية ومااعرف واني بطني طفل بهذلني كيان .
ريم:خية هما ذول هيج يذلون لمرة بس كيان غير عنهم اكسبي فدوة لعينج وهاي سالفت سحر كليلة وان شاء الله تصفة.
ماسة:متصفة ريم والله ارتعب بس افكر ارجع .
ريم:خية لعد رجلج راح برجلين لا اكلج ولا تكليلي لان ماسة بت خالتهم يومية يومية تجي لعصر وياهة لكيك وشربت ومرات طبخة طابخة وسوي لعيون كيان وهذ كيان ماكو ذابها على صامت ،،،،خية اذا ضلين تخافين رجلج يروح بعد من يدج وخل تفيدج لخوف .
ماسة:اي طبعاً ميحجي غير مسويتلة سحر طفرتني وهسة راحت علية.
ريم:اي عيني هاي كتلج شوفي فكري شسوين لان طلاك واضح ذاك هوة فتريدين حلي سالفتج ولدكليلي خل اطلك وعادي ترة بينكم طفل تحبين ابنج يعيش بدون اب لو بدون ام انتي عايشة هذ شعور ؟ لو تبهذلي وهوة بعدة حتى مطالع من بطنج؟
ماسة:مااعرف ريم مااعرف والله .
ريم:خلي امج تتصل بس شوفي شلون تحلها امج والله كريم.
نهيت الاتصال من ريم بعد ما سلمت على حوراء وطمنت عليها بعدها صار تفكيري يطير طار بعيد كلش حسيت بحرارة داخلي مااعرف يمكن صرت افور على هاي الي اسمها ماسة متت منها وكاعد سوي هاي سوالف شنو هية ومنو هية تعصبت حييل ومتت بداخلي جاي اتركلها لمجال اني ورجلي يحبني اصلاً لو ميحبني ميجي ويسولف وياي اخذت تلفوني ونزلت على امي اسولفلها
ام ماسة:ترة كلام مرت حماج لجبير صحيح انتي هسة جاي تعوفيلها ساحة وهي هذ لتريدة ولتخافي من سحر وهاي سوالف يعني لو جايتني وكايلتلي من لبداية جان سويتلج حرز واي شي يحميج.
ماسة:يمة جني يا حجز لو مدري شسوين ميروح.
ام ماسة :بابا تخيلات لو صدك جني جان لازم تحسين بي هسة .
ماسة:مدري ،،،،دخل نروح للسحارة يمة.
ام ماسة:ياسحارة سودة بجهج.
ماسة:لعد وين نسوي حرز هذ لدكولي.
ام ماسة:ثولة يم سيد ههههه.
ماسة:اي يمة عليج الله ،،، اكلج اني خابرت كيان ومتعصب وميقبل يجي ويريد نطلك .
ام ماسة:شنو ؟
ماسة:اي هوة هيج كال.
ام ماسة:معليج اني اتصرف .
ماسة:ماشي بس مو شمريني عليهم كوة.
ثاني يوم صبح رحت للكاظمية زرنة وتسوكت مناك اشياء حلوة وتغدينا ورحنا لمكان مااعرف اول مرة ادخلة امي ودتني جان بين فروع وبيت قديم بس لبيت بدون باب وخالين علك اخضر دخلت بلحذاء مكرم لسامع وجان صيح بيا مرة بصوت خشن رجفني
ام محمد :اخلعي الي برجلج .
ام ماسة:اللهم صلي وسلم على محمد وال محمد ...سلام عليكم ام محمد .
ام محمد :وعليكم السلام ورحمة الله وبركاته....تفضلي تفضلي .
ام ماسة:دام فضلج.
ام محمد :يالله يا سميع يا حكيم ياذا الفضل العظيم يا رحمان يا رحيم ...هذي بنتج؟
ام ماسة:اي عيني بنتي ماسة.
ام محمد :شنو هل لمشكلة لصايرتلج ،،،الله اكبر على ظالم بنتيتي،،،تعالي يمي شوفيني شبيج ؟
ماسة:شلونج خالة.
ام محمد :هلة بيج عيني .
ماسة:خالة اكو وحدة مسويتلي سحر تصير اقارب زوجي وممرتاحة ويا زوجي من زوجت وهسة بيت امي اني لان اخاف ارجع .
ام محمد :شتحسين؟
ماسة:مااغفة غفية اذا مااجاني كابوس .
ام محمد :شنو لكابوس لشوفي ششوفين؟
ماسة:اشوف شي بشع يشوفني وجهة بشع كلش ومرات يخنكني يريد يدخل داخلي ومااخلي .
ام محمد:بعد شوفين هذ شي من اجيتي لامج؟
ماسة:لا .
ام محمد:خل اشوف شيطلعلي وان شاء الله خير.
انطتني كاسة فافون بيها ايات قرأنية محفور هواي خلتلي بيها مي وشربتة وبعدها صارت تشوف بلكاسة شنو ما شنو وبعدها صارت تسولف اني مااصدك باي كلمة دكولها وكلامها مرات صح ومرات صدك بس اي تحريض مابي بلعكس صارت دكول الاشياء سيئة وجيدة بعيالي وتسولف واني اسمع خلصنا وطلعنا من لمكان بس حسيت نفسي اغبة انسانة عرفتها بحياتي وجبانة
صرت افكر بعمق شخصيتي ومنو اني وليش كلشي يصير بدون مااختارة اني بنفسي ماسة ماسة لجبانة شخص واحد يكدر يسويني لعابة يجيبها منا ويوديها منا درت وجهي على امي وذكرت لماضي الي عشتة وياهة من اول وعيي على دنيا اسكت دائماً واكول اي تخلصت من ارتباطي الاول ونجبرت على ثاني وهسة حامل بطفلة ومااعرف شسوي ؟
كاتبة:اهنا ماسة واخيراً راح تعجبني على طول لرواية واحسها تنهزم وتخاف وجبانة بس راح توعة واخيراً ...اسفة على تأخير بس ظروف واني طالبة سنة اخيرة لهذا اتأخر بلكتابة...شكراً على حسن القراءة ...سللللللللام 🥰
أنت تقرأ
أمرأتي ليست عذراء
Tiểu Thuyết Chungقصة جميلة واتمنى تعجبكم تتكلم عن لبطل الي هوة كيان يقرر يتزوج من بنية امة تختارها وبعدها يصير يشوف الاشياء لغريبة بلبنية وعن لبطلة شخصيتها وحياتها
