بين رمال نجد لقيتها ..

19

لاتلهيكم الرواية عن الصلاة ♡
قراءة ممتعة..

ريما صبت لهم: خذو كل وحدة تاخذ كاسها
طبت عليهم ياسمين: ماشاء الله ماتقولون عندكم خاله تنادونها
جود تكتفت: والله الخاله عندها اذون تسمع وتجي بالحالها
ياسمين: اقول اسكتي اسكتي يالبزر
لمى: هاتي الريموت
ياسمين وهي تفرفر بتفزيون: انطمي في مسلسل مصري احبه الحين يجي
رديم: ياليل انتي ومسلسلاتك
ياسمين وهي تضبط الصوت: هش اسكتو خل اشوف حلقه
ريما: نشبة ماهب خاله
جود ماسكه فصفص بيدها وتفصفص: هو كدا ليه
لمى: خذلك قلبت مصري
جود: الحين ياسمين ليه هو كذا عليها
ياسمين: اسكتي بعدين اشرح لك
ريما تكتفت: يقلع مودكم الخايس
سماء منسدحة على مركة وتتابع : ياكرهي لهل ممثله
قامت ريما وهي طفشانه متجهة للمطبخ تنظفه بما ان ماعندها شغله
اما البنات كملو سهرتهم وبالاخير طلعت عليهم الجده محطتهم بالعصا عشانهم مطلعين التفزيون وعشانهم مانمو وانتهت ليلتهم الميئة بضحكات على الاكشن الي صار ونامت كل وحدة بعد عناء من الضحك .

من بكرا العصر الحوسة بكل مكان في بيت والي ترتب شنطتها والي تصارخ وحالتهم حاله عند جود المروقه بصالة بعد ماخلصت قشها وبيدها كاس قهوه وشنطتها جنبها: يازين الروقان بس
جت لمى وانسدحت بالكنبه: اهخ يارجيلاتي امي مشغلتني اروح واجي اروح واجي تعبت
جود وهي تتقهوه: اصب لك؟
لمى : ايه تكفين
صبت لها قهوه وجلسو يسولفون الين طبت عليهم نور و كشتها طايرة
لمى: وش فيها طرزان
نور بقهر: انطمي امي مقومتني من اجمل احلامي تقولي بنمشي بعد عشر دقايق
جود قامت تلبس عبايتها: يالله الجنه اقول بروح اطلع الحلا الي مسويته نتقهوه عليه بسيارة
لمى قامت معها وهي تاخذ عبايتها وطلعو شناطهم برا
وبعد ماركبو الكل بعد نزاعات طويلة بالاماكن
في سيارة فارس و الجدة و ابتسام وام فهد

اما في سيارة سالم
الهنوف وبنتها دانه و سمر و نجلاء وبنتها ريم وشغالة معهم
وفي سيارة الخال سليمان هو وزوجته ماسكه بيدها رنيد والبزران وراء
احمد و سعود وخالد و صالح
وفي سيارة زياد كانو كل امة محمد فيها فوق بعض
سماء و ريما و رديم و لمى و جود و نور و وريماس ولمى ومريم
جود وهي منغفصه:هذا وانا جايبه حلا باكله بعد
رديم بضيق: ياشيخه زين تتنفسين
نور بصراخ: بنات يدي يدي من قاعدة فوقها
ريماس: اوبسي سوري
زياد: الحين انتم ماتسكتون
لمى: زيزو شغل لنا احد يسولف كود نسكت
زياد: ودك انطلك بالبر عشان تسكتين
رديم: بنات ضيق اف ابعدو شوي
زياد : يابنات وسعو وسعو في ترا قدام مكان
لمى: لا خير زحمه
زياد: انطمي انتي
رديم تحركت من زحمه وهي مستحية وجلست جنب لمى قدام : احم احم زحفي
لمى بتشمية : قلة ادب
ابتسم زيادة وطلعت غمازة وبنفسة الوقت كان رديم تناظر المراية ابتسمت بخجل
ريماس قدام: ماشاء الله وش تبتسم عليه
زياد ابتسم زياده: عادي كذا
رديم مسكت ضحكتها وهي تناظر ورطة زياد
اكمل زياد طريقة لديرة وابتسامته على خده من سوالفهم وخصيصا من رديم الي جالسة خلفه بضبط