بين رمال نجد لقيتها ..

23

لاتلهيكم الرواية عن الصلاة♡
قراءة ممتعة ..

كان ماشي يشوف الورود الي قريبه من الدكه قاله فارس عنها لكن سمع صراخ بنت وخاف لان اكيد من بنات خالته ركض بسرعة ومسك يد العامل وفرها وعيونه تطلع نار وقهر وغيره : ايا كلب ايا حقيرررر والله لا اكسررر يدك
وفرها بقوة الين طقت صرخ العامل بخوف: بابا انا سوي اسال بس
بكت ريماس بقوة وهي ميته خوف : بعدد بعدد بعدد
فهد مسك العامل وهو يدفه بالارض : انقلع يالخخخسيسس والله ماتطلع من المزرعه الا لمركز الشرطه
العامل جلس بالارض بوجع من يده الي مايقدر يحركها

لف فهد ل ريماس الي كان وجها مليان دموع وضمها له
وهي الا الان تقول بهستريه: بعد بعد بعد تكفى
مسح على شعرها بهدوء: راح  لا تخافين
سكتت ريماس بعدين استوعبت بسرعة وبعدت عنه: اببعد ابببعد
جاء فارس الي دق عليه فهد : وشفييه
ريماس رفعت نظرها ل فارس وراحت له وهي تركض وتبكي: فااارسس
فارس وهو مفجوع: ريماس شفييك!
فهد ناظره وهو ياشر بيده انه يعلمه بعدين: ودها داخل واضح انها ميته خوف
ريماس كانت متمسكه في ثوب فارس وهو حاضنها: خلاص ريماسي خلاص تكفين
كانت تشاهق بقوة من الرعب والمسات حقت العامل

اما عند جود وسلطان
صالح مد له المفاتيح: تفضل طال عمرك
سلطان مسك المفتاح : اي واحد حق ذا الباب؟
اشر صالح على واحد: هذا
مسك سلطان المفتاح وهو يفتح الباب وانفتح
جت جود بتركض تهرب قبل مايسالها زيادة مسك يدها: وقفي وين رايحة
جود : لو سمحت يدك بدخل مزرعتنا
سحبها من يدها  وهو يناظر عيونها بحدة: ماقلتي لي وش جابك هنا؟
جود دفته بقوة وفكت يدها وهي تركض ولفت وهي تقول : اسفففه بااااي
وقامت تركض باقوى ماعندها
ضحك سلطان: ياصالح قفل الباب
صالح وهو مايدري وين الله حاطه بينهم قفل الباب ابتسم سلطان وهو يرجع للقصر

اما عن جود الي ركضت باقوى ماعندها وهي تبتسم ماتدري ليه لكن كان شخص عجيب
ناظرت البيت الي باقي بينها وبينه مسافه
ركضت زيادة  ووصلت وهي تدخل الببت
لقتهم فارشين بالارض تحت الظل ويتغدون كلهم : السلام عليكم
التفتو كلهم ونور و رديم و ملاك قمطو من الرعب
الجدة بحنان: وينك يابنيتي مابقى الا انتي وريماس
دخلت جود وجلست على كرسي وهي ترفع حاجبها: بعض الناس تركوني بشمس وراحو
غصت نور بالرز : كح كح
طقتها ملاك من ظهرها وهي تضحك: صحه بسم الله عليك
اما عن جود كانت تناظرهم بعصبية تتفجر من راسها
ريما: تعالي كولي
جود : لا مب مشتهيه
فجاء سمعو طق الباب قامت جود : مين
فارس: ياولد في احد؟
جود : ايه ايه
فتحت الباب
شافت ريماس الي تبكي : شفيها؟
فارس تنهد: خذيها داخل واهتمو فيها
حضنتها جود  وقفلت الباب بعد ماردت على خالها
اول ماشافوها البنات قامو: شفيها؟
ريما: وراااك
الجدة: بسم الله عليك
ابتسام بحنان : شجايك يابنت
نهى قامت برعب على بنتها وحضنتها: وشبك ياقليبي
ريماس بعدت يد امها  ودخلت الغرفه حقت البنات ودخلو وراها البنات
دخلت على طول الحمام تتروش وهي تفرك كتفها ويدينها من العامل وتغسلها بقوة لدرجة حمرت  وتشاهق
طقت الباب ريما: بنت شفييك
لا رد جلسو نص ساعة الين طلعت بروب بهدوء: برا بلبس
ريما: بنات اطلعو
لمى: انا بجلس
طلعو البنات و غيرت ريماس
ريما وهي تحضنها: وشفيك ياقلبي وش
ريماس رجعت تبكي وقالت الققصة
لمى حضنت اختها وبكت معها: حسبي الله علييه
ريما قامت بعصبيه: وش صار فييه؟
ريماس بدموع:فهد اخو مريم كسر يده
ريما: كككفففوو كفففو والله
لمى حضنتها: نامي نامي والله مايذوق النوم هل عامل الكلب
غمضت عيونها ريماس وهي منسدحة على فخذ لمى
ولمى تمسح على شعرها
دخلت نهى بهدوء حركت يدها ل لمى: شفيه؟
لمى  بهدوء: بعدين تقولك سالفه
راحت نهى وهي تقفل الباب شوي شوي

اما عند فهد الي بعد ماراحت ريماس مسك العامل جلد و سحبه مع شعره ل سياره ووداه الشرطه
وفارس راح معه

الساعة 4:00م

عند البنات
جلسو في الغرفه عشان لاقامت ريماس يكونون حولها الكل دراء بسالفة
وطبعا كان في سماط  وقهوه وانواع الاكل و يسولفون بهمس
وطبعا جود مسكت نور و ورديم و ملاك تهزيئ طول الظهر وتجلد فيهم
وطبعا راضوها انهم يجيبون لها كل شيء تبيه اليوم
وطبعا جود لقتها فرصة ورضت

جود كانت سرحانه بالحلا
هزت كتفها نور وبغمزه: شفيك من رجعتي بس تفكرين
جود : اي مب انتم تركتوني
نور طقت يدينها بحماس: قووولي سالففه
لمى : وجع اسكتي البنت نايمه
جود بهمس: قومي الحوش اعلمك
قامت نور و راحو للمراجيح الي مطله على النخل وقالت جود السالفة كلها
ضحكت نور بحماس: كابلز جددديييد
جود رفعت يدينها: يالله يارب تطيحين بواحد واضحك عليك
نور طقتها: انطمي لا مابي
نور : احسه كيوت
جود وهي تشرح: ياشيخه كذا مملوحح
نور طقتها: وشفيك خفيففه  اثقلي
جود بهيام: لو شفتييه
شهقت جود: الحيين عرفت وييين شفته
نور : ويين
جود: انا قايله مشبه علييه طلعت قد شفته يوم عزاء امي الله يرحمها كانت اتمشى ودخلت مزرعتهم وهو هاوشني
نور غمزة: مكتوبين لبعض

عند البنات
قامت ريماس وناظرتهم
مريم شافتها: كيفك ريماس الحين احسن؟
ريماس وهي تمسح راسها: والله احسه حلم مب حقيقه
ياسمين : معليك اخذت الاخبار من فارس والله يافهد طقه طقق مب طبيعي وسحبه مع شعره لمركز الشرطه
ريما: والله يافهد يعجببنييي
سماء طقتها: مخطوبة ل اخوي اغار
ريما :شتبين انتي
سماء: اغار عليك
رديم: استغفر الله ياربيه
ريماس تنهدت وهي تقوم
البنات: وييينن
ريماس ضحكت: بصلي العصر فاتتني شفيكم
دخلت ابتسام: يا يما حطيت لك اكل
ريماس: تسلم يدينك عمتي
ابتسام: الله يسلمك ترا امك متروعة ومتضايقه تتفاهم مع ابوك وابوك طالع جنانه يوم دراء بسالفة
تنهدت ريماس:الله يعين

باليوم الثاني تغير جوهم ورجعو لحماسهم
وريماس بدت تتخطى الموضوع وتتقبله

وقررو يرجعون يتمشون في المزرعة بس هل مره مع بعض وفارس غصبهم يروحون معه
وطبعا ايمان راحت مع سليمان هي وعيالها يتمشون
ونجلاء تتمشى مع رجلها
والهنوف بعد

فارس مسك ريما من كتوفها وهو يمشي وقدامه البنات: ترا سالم بيتقدم لك اول مانرجع البيت

ريما بخجل: مب استعجل
فارس هز كتفها: والله بتتزوجين يابزر
دفته : اقول عن الغلط
ضحك فارس وهو يحضنها ويبوسها من خدها: وهه روحححي انناا المعصبه
فجاء جتهم مريم الي كانت قدامهم وهي متكتفه: مخليني قدام مع البنات وتتمشى معها انا زوجتك ولا هي
ضحك فارس يعرف انها تستهبل حضنها من كتوفها : تعالي يابعد الدنييا انتي الدنيا بيد وانتي يد لحالك
ضحكت مريم بخجل: يابعد حي
ريما ناظرتهم بنص عين: انا اقول اروح عن سوالف المتزوجين
فارس: خفي علينا مردك تلحقيننا بعد اقل من شهر
ضحكت ريما وهي تلوح بيدها وتتجه ل ياسمين وتسولف معها

اعتذر لو في اخطأ املائية لكن والله اكتب بسرعة ولا انتبه اسفة ♡