بين رمال نجد لقيتها ..

14

لاتلهيكم الرواية عن الصلاة ♡
قراءة ممتعة ..

كلهم اخذو ملابسهم واتجهو للمحاسب ...

ريما: مدير شوف هذا كولو كيس وهذا كيس
الهندي: اوكي مدام
ياسمين: يلا كل وحدة تشيل عفشها
اخذو كلهم اغراضهم واتجهو لسيارة متجهين لطريقة ديرة ... بعد ماقشو كل المدينة ..

في ديرة وتحديدا بيت الجدة الي مليان حوسة ...

نور: اف وين اااحطهههههه علللمونننني
ريما : حطيه فوق راسسك وين يعني حطيه عند طاولة اخلصي
ياسمين: هدو ياصبايا اسمعو ناس تجهز مواعين و ناس تنظف
رديم: انا مواعين
سماء: انا بدي زيها
نور و ريما و جود و ريماس اتجهو لتنظيف الحوش والباقين للمطبخ

ريما مسكت راسها وهي تشوف نور تزلق بصابون : ياربي من هل بنت ليه مازوجتوها بدال مريم كود تعقل

جود ضحكت: هذي مامنها رجى لو نزوجها منهو بتبقى مهبولة

نور بتشميقه: بدال ماتحركين يدك انتي وياها وتطلعوني من ذا صابون الي بالشتن به تقومون تضحكون علي

ريماس تقدمت وهي تمسك يدها: قومي اخلصي علينا
نور قامت وهي ترسل بوسة لريماس: لبى قلبتس هذي ناس السنعة

في مطبخ. .
سماء : لااااااا هذا خايس شايفه النقش تقلني بالعصر الحجري
لمى: من متى في عصر الحجري مواعين
اديم ضحكت بهدوء
ابتسمو البنات على ضحكتها
ياسمين: اقول ياسنعة انتي وياها حطو ذا الابيض يصلح للعرس اكثر
لمى: وش ابيضضه ماينفع الكراسي بيضه وطاولة بيضه والصحون بيضه وش باقي مب ابيض
سماء : قلبك
لمى طالعتها بصدمة: ايا وصخه
ياسمين: انا وش مجلسين مع ذا مبزره ياربي
دخلت ابتسام وبيدها شبشب: انتن مارح تتسنعن الا بهل شبشب
لمى: اعوذ يالله شفيييه
ابتسام: قربي حبيبتي اوريك شفيه
لمى :لا مااثق
سماء: هو فيه ايه يانبع الحنان
ابتسام:جدتكمم لها ساعة تنادي ولا وحدة قامت حركت رجولها تشوف وش تبي
لمى: والله ماسمعنا
سماء: هو شوفي مامي يعني مفروض تهاوشين الي برا مب حنا
اديم : اي والله مروحة المطبخ ذي لو يمر صاروخ فوقنا ماسمعنا من ازعاجها
ياسمين: تقلها صوت ديك على خاروف على استشوار
ابتسام : اقول وراء ماتصكن خشتكم وتكملون شغلكم خلاص رضيت بس ياويلكن ماتسمعون صوت امكم تنادي يمكن تحتاج شيء
لمى وهي تاشر على عيونها : ابشري من عين دي لللعين دي
ضحكت ابتسام عليها ونزلت شبشب ولبسته وطلعت
لمى تنهدت براحه: حسيتني تحت التهديد
سماء: احمدي ربك ما قطعت راسك بشبشبها كان رحتي صلعة لعرس خالك
لمى وهي تمسك شعىها: بسم الله على شعراتي
رديم ضحكت على هبالهم الي اشتاقت له : اقول انتي وياها وراء ماتخلصصصون تطلعون صحون عشان نجهزها على جنب ونغسلها
لمى: ابشري يامدام
سماء: هذي شفيها قلبت شغاله
ياسمين هزت كتوفها: يارربيه انا اتعس خاله بالحياة دام انتم بنات خواتي
ضحكو البنات على وجها وكملو شغلهم قبل ماتجي جدتهم وتنفضهم نفض

في الحوش ..
نور تفحط في الحوش وهي تكنس
وجود طربانه
وريما ترقص على صوت جود
وكل وحدة جو
طلعت جدتهم من الملحق وهي تناظرهم باسئ: الله يقلعكن وش هذا سنعةةة اذن صلاة العصر وانتن توكن ماخلصتو الحوش الامامي
ريما: اصير ياجدة شويات ونخلص
الجدة تناظر الارض: وش هل غبار من الي ينظف الارض؟
نور: انا
الجدة: وبعد واثقه وش هل تنظيف مغير تلعبين اخلصي علينا عرس خاللكم شدو حيلكم
الكل: ابشري
دخلت الجدة تتقهوه

بعد ساعات الكل خلص تنظيف ..
فارشين فرسة الحوش وقاعدين حول بعض يتقهون

نور وفي فمها حلا: حماس
جود تشمق لها: انتي كولي الي بفمك اول
نور: وصخة
ريما:الا ياجدة وش بتلبسين بكرا بالعرس
الجدة :فستان وش بلبس يعني
ريما بضحكة: شفيك ياجدة منفسه
الجدة: من سؤالتس الخايس
جود: قصدها وش  لونه ياجدة
الجدة: كحلي
نور :اكشششخخ بتغطين علينا ياجدة نزوجك
الجدة رفعت عصاتها: امحق ياقليلة الحيييا
البنات ضحكو اول ماقامت نور تركض قبل ماتلحطها: امزح والله فديت راسك
الجدة نزلت العصا: ناس ماتجي الا بالعين الحمراء
ياسمين بجنب امها: يما شرايتس بكرا احط لتس ذا المكياج الي يطلعتس شباب
الجدة بنظرات: شقصدس انا مب شباب
ابتسام: اقول اص انتي وياها يازين اميمتي حلوه شباب وام الشباب
الجدة ابتسمت بثقة: شفتو هذي بنيتي الس..  سكتت بعد ماتذكرت نجوى . .ونزلت راسها بحزن وفقدها لوجودها بينهم
كلهم ماانتبهو الا رديم الي قامت بهدوء ماشيه للحوش الخلفيه ..
ناظرتها سماء : هذي وين رايحة
لمى: مدري
في الحوش الخلفي وتحديد على العتبت الباب حق المجلس تناظر بالارض ودموعها ينزلون بصمت..
زياد وهو طالع من الملحق ناظر لبنت الي جالسة على عتبت الباب استغرب لان مايعرفها واكيد انها من بنات خالاته بس ليه مب متغطيه . .
زياد: يابنت
ماكانت تسمع ايش يقول شارده بذهن تتذكر كلام امها وحضنها ودموعها تنزل بدون شعور منها ..
تقدم زياد وهو يشوف دموعها : من انتي؟
رفعت راسها وعيونها تدمع وشعرها البني الناعم يرجع معها ناظرته بستغراب
زياد يناظر هل عيون المرسومه كانها عيون النجلاء ابتسم من قوة ماانه ضايع من جمالها : انتي بشر؟
استوعبت رديم وصارخت: ياحيوان لا تناظر
زياد اول ماسمع صوتها عرفها هي رديم نفسها : ردييم؟
رديم قامت وهي تصارخ: انقلع عن وجهي يامنحرف
زياد ضحك: وش انا قلت اعوذ بالله
رديم : انقلللع جعل عيونك العمى ياكلب لا تناظر نزل راسك
زياد نزل راسه وهو يضحك بصوت عالي
حمرت رديم من فشله و راحت تركض لغرفتها
زياد رفع راسه بعد ما سمع ركضها : ياربي انا ويني عن هل ملاك واتهاوش معها بعد سكت شوي :دقيقه هي ليه كانت تبكي؟
راح للملحق وهو يفكر فيها ويعيد منظرها الي طيحه من سابع سماء ابتسم وهو يفكر في عيونها
سالم: الا زياد ثوبي حطيته عند المغسله تقدر تجيبه؟
زياد ماتحرك ولا رفع راسه وهو يبتسم
سالم: ورع رد
زياد ساكت
سالم نزل راسه وشافه مبتسم ضحك: اوهووو رايح لعالم ثاني
زياد رفع راسه : هلا متى جيت
سالم بضحكة:شفيك تتبوسم؟
زياد ابتسم اول ماتذكر : مافي شيء
سالم  بتصفيره : واضح انك طايح على وجهك
زياد: اقول انطم وش تبي
سالم: ثوبي بالمغسله رح جيبه
زياد: وليه ان شاء الله ماعنكيش رجل؟
سالم: الا بس مشغول وراي اروح اجيب الحلا من الطبخات ذول الي موصينهم
زياد : خلاص تم

رايكم ♡♡

اعتذر لو في اخطأ املائية لكن والله اكتب بسرعة ولا انتبه اسفة ♡