لا تلهيكم الرواية عن الصلاة ❤️🩹 .
بسم الله نبداء :
عند مجلس الرجال
فارس جالس والشيخ جالس جنبه ونبراس وابوه وكل الاقارب جالسين في المجلس
الشيخ : قل زوجتك اختي على سنة الله ورسولة
فارس بفرح وغصه بحلقه : قل زوجتك اختي على سنه الله ورسوله
ضحكو كل الي بالمجلس
الشيخ بضحكه: بدون قل
سالم ببتسامه: اعذره ياشيخ متوتر
فارس حك راسه بضحكه : زوجتك اختي على سنه الله ورسولة
الشيخ : قل قبلت
نبراس ببتسامه متوتره: قبلت
الشيخ : خذ وقع
وقع نبراس
الشيخ لف لفارس: وده لاختك
قام فارس يطق الباب
ريما : تعال مافي احد
دخل يناظر ياسمين الي جالسه على اعصابها واول ماشافته صاحت : لا مابي
ضحك فارس: شجاها هذي ليش كذا وجها اصفر
ريما تنهدت: اهخ جننتنااا
قرب يعطيها الكتاب : يلا وقعي
قامت ياسمين: بروح الحمام
مسكتها ريما تثبتها: اهجدي لا تهجين وقعي ثم روحي
ياسمين تحاول تفك نفسها: فكيني مابي يمه
ضحك فارس وجلس يجلسها جنبه: اجلسي ياقلبي ليش كل هل توتر لو انا مااعرف نبراس زين كان ماعطيته صدقيني رجال وشايل نفسه ورزه وبغمزه: وبعد نفس مواصفاتك تبينه ثقيل جاك ثقيل
ياسمين ابتسمت بخجل وطقته: عيب خلاص كنسلت مواصفات ابيه يمون
فارس طقها: على كيفك هو اخلصي وقعي الرجال جالس على اعصابه داخل
ياسمين مسكت القلم ويدها مو ترجف ترتعد حط فارس يده على يدها ووقعت
ريما: لولولولولووششيييي
جود: اخيررااا
نور : مبرروك ياقلبي
قام فارس يحضنها ويمسح على راسها: مبروك ياقلب اخوك
وخر عنها وشاف دمعتها مسحها وهو يضحك: ياام دميعه اهجدي لا يتروع الرجال ويهج
ريما تقدمت تحضن ياسمين: يخسي يهج عشان ادعس على بطنه
فارس: اقول اخاف يطيح ولدك اذا دعستي على بطنه انتي اشري بس وانا ادعس على بطنه
ريما : كفووو
فارس: يلا تاخرت على رجال
عند المجلس
دخل ومده للشيخ
الشيخ : جعل الله زواجكم بما يرضي الله وجعله زواج العمر يارب
فارس تقدم يسلم على نبراس وحضنه: ياويلك تزعل اختي
نبراس اشر على عينه: ابد هنا مايجيها ضرر باذن الله
فارس تنهد من المشاعر الي بداخله
وقامو الرجال يسلمون على نبراس و فاري ويباركون
عند الحريم تقدمت ام نبراس تسلم على ياسمين: هلا والله ببنيتي خلاص
ياسمين حبت راسها بخجل: لي الشرف والله ياحظي
تقدمت وجدان: اخيررراا اخيرررا
ياسمين سلمت على وجدان و على نجد وسلمى و فرح
ونجد جلست جنب ياسمين بحكم ان شخصياتهم تتشابه وجلسو يسولفون ونجد ملاحظة توتر ياسمين وتضحك : عاد علميني كيف شعورك لان في واحد خاطبني وافقت
ياسمين : مبررووك ياقلبي مبرروك
نجد بخجل: الله يبارك فيك
علميني كيف شعورك
ياسمين بخوف: اهخخ تكفين اشرحي لي عن اخوك خليني اتطمن
نجد حطت يدها على فمها: اممم هو عصبي شوي وشديد بس حنون مره
ياسمين: الله يسعدك كذا خوفتيني اكثر
ضحكت نجد؛ اسفه والله بس مااعرف اشرح شلون
تقدمت ريما تهمس باذن ياسمين
وياسمين حمر وجها : لا
ريما : يابنت اقول قومي اخلصي رجال ينتظرك
ياسمين بخوف: تكفين مابي
نجد : وش فيكم
ريما: اخوك ينتظرها عند المجلس
نجد ضحكت ومسكت يد ياسمين: امشي ادخل معك
ياسمين مسكت نجد بخوف: يلا بس لا تتركيني
أنت تقرأ
بين رمال نجد لقيتها .
Random"بين رمال نجد" في ديرةٍ عريقة، يجتمع الاقارب تحت سقف بيت الجد ، حيث تحكم الجدة الصارمة بقوانينها التي لا تُكسر. وسط ضحكات، أسرار، وصراعات لا تنتهي، تتشابك مصائرهم بين الحب، العادات
