بين رمال نجد لقيتها ..

35

لا تلهيكم الرواية عن الصلاة 💖

بسم الله نبداء:

(يوم الثلاثاء )

في المستشفى
الساعه ٩:٣٠ص
في عيادات النسائية
جالسه ريما على اعصابها ومعها جود الي دقت عليها ريما تحتاج وجودها معها
جود: هدي بالك يابنت الحلال
ريما: متوترررره مره
وسمعت الممرضه: ريما
قامت بتوتر تتجهة مع جود
دخلو غرفة الدكتورة
ريما و جود: السلام عليكم
ابتسمت الدكتورة: وعليكم السلام اهلين تفضلون من منكم ريما؟
ريما : انا
ابتسمت الدكتورة: تفضلي اجلسي انتي والي معك
جلسو
الدكتورة: وش تحسين فيه
ريما: مااعرف احس اوقات بغثيان و دوره متاخره عندي ومدري حاسه اني حامل
الدكتورة: متزوجه انتي صح؟
ريما: ايه
الدكتورة : تفضلي معي افحصك
اتجهو وجلست جود بتوتر تناظر المكتب والتفت تشوف الباب ينفتح وسعت عيونها اول ماعرفت هل شخص: بسم الله
ناظرها : السلام عليكم
جود بهمس: هذا شجابه
وبصوت عالي: وعليكم السلام
سلطان : وينها الدكتوره؟
جود: داخل مع اختي
سلطان هز راسه بتفهم وهو يتقدم يجلس على مكتبها يدور على غرض : اف وينه ذا
جود وقفت بخوف: شتسوي انت اترك اغراضها
سلطان وهو يدور: مالك دخل
جود شهقت: قليل ادب بنادي الامن اذا ماطلعت
سلطان: سوي الي بيدينك ورجلينك
جود طقت الطاوله: والله لا اوريك
وطلعت توقف عند الباب وتصارخ: الاااامنننن ويييينه
ركض لها: وش فيه اختي
جود دخلت وهي تاشر على سلطان: هذا يفتش
وسلطان ناظرهم برفعة حاجب
حك راسه رجل الامن: اسف دكتور سلطان
ناظرته بصدمه وهو رفع حاجبه ببتسامه : وجع وش دكتور خذه قاعد يسرق
ضحك رجل الامن: هذا دكتور هنا
جود: واذا يعني حلال يسرق؟
ضحك سلطان
رجل الامن: اختي هذا مكتب اخته وهذي مستشفى باسم عائلتهم
تفشلت جود ودها الارض تنشق وتبلعها
سلم الرجل الامن على سلطان وطلع
وجود اتجهت للكرسي تجلس وهي تحس بدوخه من صدمه وتناظر بالارض و كل شيء فيها محمر من الاحراج
ضحك سلطان يناظرها: وين راح لسانك
رفعت عيونها جود : اسفه
سلطان اول ماناظر عيونها تذكر البنت هذيك: دقيقه لا يكون انتي البنت الي دخلتي مزرعتنا؟!
جود بحراج خلاص ودها تغرق: لا لا مضيع اكيد
ضحك سلطان : الا والله انتي من صوتك وعيونك عرفتك كنت شاك بالبداية وتاكدت يوم شفت نظرات الاحراج
طلعت الدكتوره وريما
ريما ناظرت سلطان بستغراب
الدكتوره: هلا والله سلطان وش بغيت
سلطان : منال وين حطيتي الملف الي قلت لك خليه هنا
منال تقدمت تفتح الدرج وتعطيه: خذ
سحبها مع يدها يقربها وبهمس: ابيك تعرفين كل شيء عن البنت الي مع المريضه
منال بهمس مستغرب:ليش
سلطان رفع عينه على جود الي تحاول تسمع وش يقوولون وغمز لها بضحكه نزلت راسها على طول باحراج  وبهمس: اقولك بعدين
منال هزت راسها بتفهم وقام سلطان: معليش على الازعاج
وجاء بيطلع ولف قبل مايقفل الباب وشاف جود الي تناظره تنتظره يطلع وارسل لها بوسة وطلع
شهقت  ولفت عليها ريما: شفيك
جود: لا لا بس شفت صرصور
منال : يمه وينه
جود : كنت احسبه صرصور
منال بتنهيده: اشوه روعتيني
ريما جلست: بشريني يادكتوره
منال: الحمد لله التحليل ايجابي حامل بشهر الثاني
شهقت جود بفرح تقوم تحضن ريما: ياااالله بصير خاااله
ضحكت ريما بصدمه
جود جلست: دكتوره علمينا كل التعليمات الي تتبعها
منال ضحكت : انتي اخت ريما؟
جود ببتسامه : ايه
منال: مبين شكلك صغير
جود: اي انا اصغر منها توني
منال: كيوت الله يخليكم لبعض بس وينها امكم تجي معكم؟
نزلت راسها ريما وهي تحس بمشاعر كثير واول ماجاء طاري امها بكت
جود مسكت يدها
منال بخوف: قلت شيء غلط؟
جود هزت راسها ب لا: لا بس امنا وابونا متوفين عشان كذا
منال بحزن: الله يرحمهم يارب هي اكبر وحده؟
جود بضيق: اي حنا ٣ بنات وولد صغير
منال:الله يخليكم لبعض يارب ابيك تعتنين فيها والبكاء هذا من مشاعر الحمل بتتاثر بكل شيء انتبهو لها لا تتحرك كثير توها الين يثبت حملها وباذن الله بعد شهرين يطلع لنا بنت ولا ولد
هزت راسها جود بفرح: امين يارب شكرا دكتورة
منال: عادي تعطيني رقمك او رقمها عشان لو احتجتو شيء اعطيكم توصياتي
جود هزت راسها بتفهم وهي تعطي منديل لريما : تفضلي اكتبيه
بعد ماقالت الرقم قامت منال تسلم عليهم: الله يتمم عليك وتعالي راجعي عندي كل شهر نتطمن على صحة البيبي
ريما ببتسامه: شكرا تعبناك معنا وان شاء الله كل شهر مرسبنه عندك
منال ببتسامه: جيبي اختك العسوله هذي الا صح وش اسمك
جود: اسمي جود
منال: عاشت الاسامي
جود تعيش ايامك
ودعو الدكتوره اللطيفه واتجهو لغرفة فارس
دخلت جود وهي تشوف فارس واقف ولابس ثوب ويشيل اغراضه: فروووسي
فارس فتح يدينها: اررحبي مليييون
ضمته جود بفرررح : اهخ اشتقت لك هذا وانا امس شايفتك
دخل الدكتور: السلام عليكم انتبهو لفارس كويس
سالم يناظره بطرف عين وماسك ريما الي وقفت جنبه
ريما بهمس: اهجد ولد
جود لفت عليه: ابشر يادكتور بنحطه بعيو..
انصدمت يوم شافت سلطان الي جنب الدكتور
وابتسم سلطان اول ماعرفها
لفت جود تدخل راسها بكتف فارس وهمس لها: شفيك يابنت
استغرب سلطان وخاف يكون زوجها
وتقدم بحكم ان بينه وبين فارس صداقه ويعرفون بعض  : زوجتك مشتاقه لك مشكله رح رح
فارس ضحك: موب زوجتي ذي بنت اختي
تنهد سلطان براحه بس مابين: المهم خلاص فكنا منك
فارس: وجع
سالم: اول مره اتفق معك ياسلطان
ضحك سلطان : امزح معاك فارس بعزمكم ببيتي عشاء انت واهلك كلهم مناسبة قومتك بسلامة
فارس : وشوله الكلافه
سلطان : مابه كلافه ابد حياكم كلكم
فارس وهو يبعد جود الي تناظر بالارض بحراج: وش نقول بعد تم
سلطان بفرح: حياكم الخميس فاضين؟
فارس: لا والله ملكة اختي الخميس وانت معزوم عليها والجمعه عرس بنت اختي وحياك الله
سلطان : اجل تم وعزيمتي الخميس الي بعده
فارس : اجل اتفقنا
ومسك ذراع جود ولف على ريما و سالم: يلا نمشي
ريما هزت راسها تمشي تسبق جود ومرو من جنب سلطان ولفت تشوف فارس منشغل مع سالم وهمست: متحرش
ضحك سلطان وحاول يكتم ضحكته: اصير متحرش لعيونك ليش لا
جود ناظرتهم وهي تشمق وببتسامه ركضت تمسك يد ريما الي ابتسمت لها
مشى فارس وهو ماسك يد ريما  وجنبه جود وبيدهم قهوه وسالم يمشي قدامهم طلعو من المستشفى وركب يشغل السيارة
ريما: يلا نسوي خطه
جود: اي خطه
فارس بحماس: مشتتتتاااق
ريما : بعدين لا رحتي الحين معنا تعرفين
ريما وضحكت ترد على فارس: كلنا مشتاقين لمريم
فارس: ليش ماتشوفونها كثير
ريما ضحكت بحماس تعلمه: ماتدري اول ماطحت دخلت اكتئاب والى يومك هذا ماتسولف كثير انشهد ان الحب متعب
فارس بضيق: جعله بقلبي عنها
جود: اي والله تحزن
ريما : بسم الله عليك وعليها
فارس غمز لها وهو يناظر سالم الي بسيارة:  اقول اركضي لحبيبك
ضحكت جود
ريما ابتسمت تشبك يدينها ببعض وتناظر فارس الي يناظرهم: احبببببه
فارس ضحك اول مااشافها ركضت بعد ماقالت له: وش هل عائلة الي طايحين على وجهم
وركضت وراها جود تصارخ: بنت لا تركضين
هجدت ريما يوم استوعبت انها حامل ولازم تنتبه
ومشى بسرعه معهم وركب وراء: الحين تعبان وتخلوني وراء بعد
جود: احمد ربك انا ولا مره ركبت قدام
ريما لفت عليه: انطم بس
ولفت على جود: وانتي تركبين مع رجلك ان شاء الله
سالم ناظره من المراية: اي انطم اسمع كلام زوجتي تجلس قدام غصب عليك
ريما لفت عليها ترمي له بوسة
وضحكو فارس و جود عليهم