بين رمال نجد لقيتها ..

34

لا تخلون الرواية تلهيكم عن الصلاة💗💗

بسم الله نبداء :

في المستشفى بعد مامشو الكل ومابقى غير ريما و سالم الي راح يجيب عشاء

فارس: وينها زوجتي؟
ريما الي جالسه جنبه وبيدها قهوه : نفاس في بيت اهلها
فارس: ماتعرف اني قمت؟
ريما : لا ماعلمناها
فارس ببتسامه : حلووو
ريما غمزت له: وش ناوي عليه وانا ادعمك
فارس : ودي اسوي لها سبرايز
ريما: تم علمني الخطه واساعدك

عند زياد كان بالملحق وسمع صوت طق الباب
واتجه يفتحه : هلا خالتي
دخلت ام نبراس: هلا والله ياوليدي معي البنات
زياد ببتسامه : تفضلون البنات داخل
ام نبراس بفرح : دقت علي ابتسام تقول الحمد لله فارس قام
زياد : اي ابشرك اللهم لك الحمد
ام نبراس: زين اجل اشغلتك يلا بنات
دخلو البنات مع ام نبراس للمجلس

في المجلس
بعد السلام
ابتسام: اي الحمد لله ابشرك
ام نبراس: يالله اللهم لك الحمد الي قومه ورده بعافيته
هزت راسها ابتسام: الحمد لله
دخلت نور : السلام عليكم
ام نبراس ببتسامه : هلا بالي مجننه وليدي
نور سلمت بحيا : اهلين

برا في الحوش

وجاء بيقفل الباب ودفته رديم تدخل ومعاها ياسمين
زياد: بسم الله
ياسمين : من الي كانو جاين؟
زياد: سلمي طيب
ياسمين : اقول اخلص
زياد: هذول خالتي ام نبراس و بناتها
رديم ناظرتها بنص عين و دخلت :وينهم
زياد : انتم الي وينكم فيه
رديم شمقت: مالك دخل
ومشت لداخل
زياد ناظرها بستغراب ولف على ياسمين: شسالفه
ياسمين: متضايقه شوي البنت  المهم كنا عند مريم نساعدها
زياد: عسى ماشر شفيها
ياسمين: فاقده فارس مره المهم وينها سلمى اشتقت لها وامها بعد تبيها
زياد :داخل
مشت بتدخل ومسكها مع يدها: بنت
ياسمين : هاااه احترم اني خالتك وش بنت
زياد: ماعلينا انتي تدرين عن فارس؟
ياسمين: وش ادري فيه
زياد : فارس قام
ياسمين ناظرته بصدمه: تستهبل
زياد: وربي اليوم قام العصر
ياسمين بعصبيه: تستسسستهلببلون ليه محد علللمني
زياد : كنتي رايحه شلون نعلمك بحمام زاجل
ياسمين: مافي شيء اسمه جوال
زياد : مع الحماس نسينا
ياسمين دفته بعصبيه: اذلف لا بارك الله فيكم هذا وانا خالتكم
دخلت بعصبيه للمجلس
و زياد هز راسه باسف ودخل الملحق
دخلت ياسمين ولا انتبهت لام نبراس بصراخ : الحين فااارس يقوم ولا احد يعلللمني اخوي يقققوم وتسكتون!
رديم فزت بفرح: صدق فارس قام؟
نور: اي الحمد لله رحنا له العصر
ياسمين جلست وتكتفت: تسون كل هذا ولا حنا ندري هاه
ابتسام: هدي من روعك عندنا ضيوف
التفت ياسمين واول ماطاحت عينها عليهم  حمر وجها بحيا : اوه اسفه
ام نبراس ضحكة: والله ولدنا بياخذ عصبيه
ضحكت نجد: معليك ماسمعنا
قامت ياسمين تسلم عليهم وهي منحرجه: معليش ماشفتكم
ام نبراس: معليه معليه دام فارس قام الحمد لله نخلي الملكه حقتكم الخميس وعرس نور واحمد الجمعه شرايكم؟
ياسمين جلست بتوتر
ابتسام: ابد الحمد لله الحين الاثنين يمديه فارس يقوم بسلامه ويمدينا نجهز ان شاء الله
ام نبراس ببتسامه: على بركة الله