اللهم صلي وسلم على نبينا محمد ♡..
قراءة ممتعة احبائي ❤️❤️..
في بيت (ابو ريما)
انتشرو البنات وهم ينظفون البيت والجدة كالعاده قسمت المهام وكانت مكثفه عشان بنات نجلاء مب فيه
نور وهي تنظف كرسي الحمام (اكرمكم الله): والحييين ليييه يسحححببون ععععلييينا
رمت المنشفه لمى: اقوى جحده راحو يتقهون بدوننا
وتكلمت ريماس: مالهم داعي ماينادوننا
نور رمت السفنجه: معصي مانب مخلينهم خالي سليمان موجود؟
ريماس: قبل شوي وانا اجيب موية لقيته تحت يتقهوه مع جدتي
نور غمزت للمى : مشينا نتمصلح معه يودينا المقهى حقهم
لمى ركضت وراها: يلا والله مانخليهم
ريماس جلست تنظف الحمام عشان جدتهم ماتجلدهم
اما تحت بصاله
ركضت نور ونطت وهي تطب عندهم
الجدة : بسم الله يابببنت وش بتتتتس تهاابدين
نور جلست جنب خالها: خالي
سليمان ضحك: اخلصي شعندك
ولمى جالسة عند الدرابزين تناظرهم عشان اذا وافقو تنتشر الخبر للبنات
نور ببتسامة: ابي نروح مقهى
سليمان: بس؟
نور هزت راسها
سليمان قام:ابد البسو عبايتكم يلا
نور مسكته: اصبر اصبر بنروح المقهى الي فيه فارس
سليمان : وانا شدراني وين مقهى فارس
نور: اتصل عليه
الجدة: ومن بينظف البيت انا؟
نور:جدة عادي نرجع ونكمل تنظيف
الجدة: لا لا
سليمان: خليهم يايما ابد يتقهون ويغيرون جو ويجون يكملون تنظيف
الجدة : خلاص زين بس لا تتاخرون
نطت نور بحماس:يسسسس
ركضت لمى تعلم البنات يلبسون عباياتهم
سليمان اتجه لباب: يلا اخلصو ونادو ايمان معكم وزوجة فارس
نور: من عيوني
وركضو يلبسون عباياتهم و يعلمون الكل
بس ايمان ومريم ماوافقو عشان بنت ايمان رند تعبانه بتجلس جنب بنتها ومريم بتساعدها
وركبو كلهم بسيارته
ونور كانت قدام ومتحمسه: يلا يللا
سليمان دق على فارس: وينك انت؟
فارس: هلا شفيه
جود تغمز له بمعنى مين
فارس اشر لها بمعنى وش دخلك
ضحكت رديم عليها
سليمان: عطني موقعك بجي ابي اكمل كم شغله في الرياض وبجي اتقهوه معك
فارس: معي بنات نجلاء
سليمان: طيب عادي يلا اخلص
فارس: زين
جود بلقافه: مين
فارس: شفيك بالمشفوحه انتي خالك مين يعني
جود: اي زين
وجلسو يكملون سوالف وقهوه
وبعد نص ساعة
دخل سليمان وطلع له فارس بحكم ان الجلسة مقفله فيها ستاير : تعال هنا
فجاء فارس ناظر كومة الحريم الي وراه وشهق : ياحيوان
ضحك سليمان وهو يرفع يده بقلة حيله : كذا الدنيا
ركضت نور وهي تدفه وتخش جلستهم: ياههههلاااا
شهقو البنات من الحرمه
رفعت نقابها نور وهي تاكل من الحلا الي طالبيه: اوف هذا وش اسمه
ريما تناظر بصدمة: خلينا نستوعب طيب وبعدين خير تسرقين
نور: انطمي
وخشت وراها لمى : ازحفيييي اخلصي الله وشهو هذاااا
ودخلو البنات معها وهم ياكلون من صحن الحلا الي صار نظيف ولا فيه قطعة شوكلت
رديم: اعوذ بالله جاين من مجاعه
فارس وقف عندهم : وجع وجع
سماء: بالله فارس جب قهوه عربيه جيك مانبي ابريق مايكفينا
فارس: ماشاء الله
ريماس: بالله بدون زعفران مااحبه
فارس: بعد
ضحك سليمان: اجلسو انتم بس اهبطو هننا حنا نجيب لكم قهوه وحلا وكل شيء بس اهجدو
البنات: ابشر
نور: الا تعال يافويرس ماتقول اخذ هل مسيكينات الي مسحو الارض مسح معك
لمى وهي تلحس الصحن: حتى يعني هانت عليك ننظف الحمامات و رجولنا تكسرت وظهورنا ولا تقول اجيب لهم ولا اوديهم حسبي الله ليش
فارس : خلاص ولا تزعلون الحين اجيب لكم
نور تركت: اي عبالي
سماء: بالله جب لي هوت تشوكلت
فارس: وشهو هذا
سماء: مدري والله بس قل لهم ابي هوت تشوكلت
رديم: تلهط من ذا الاكل الي ماله سنع
سماء: الله اكبر على اساس انتي السنع ماخذه فلاك
رديم: الله يخلف عليك اسمه بلاك بلاك وش فلاكه فلكو راسك
فارس: خلاص انتي وياها انطمو بجيب اركدو بس
واتجه سليمان وفارس يطلبون للبنات و بعدين جلسو كلهم على طاولة وبدت سواليف و تعليقات على الحلا و طلبو بعده حلا للبيت و رجعو للبيت
ودخلت ريما اول خطوة ببيت ابوها و فارس حاضنها من كتفها وكانت تتمشى فيه وتغيرت وجهة نظرها بعد نقاشها مع فارس وصار تستمتع وهي تشوف ذكرياتهم
ونامو كل البنات في مجلس
وفي العصر
كان الكل يتجهز لعزيمة الي ببيت خالة جدتهم
ريما:بنات البس فستان الاحمر ولا الازرق؟
نور وهي تحط روج: لا تكفين البسي الاحمر الي ماسك على جسم
ريما: تهقين حلو؟
جود: اي يجننننننننننن
ريما: خلاص تم
رديم وهي تحط لنور مكياج: ريما استعجلي عشان اسوي مكياجك
ريما: اصبري بشوف حزام ينفع له
جود:لا ياويلك تحطين حزام هو ماسك وش بعد تبين الامعاء تروح
ريما: ههههه خلاص طيب بروح البس
نور: وش تحطين انتي ترا فستاني اسود
جود ناظرت وجها : بتصير فرايدي هههههه
رديم: انتي متاكده شفتي الفلم
جود: شقصدك
رديم: اسمه وينزدي حبيبتي فرايدي هذا جمعة بيت جدتي
نور: ايشدو اسود و فستان اسود
جود: تفحمت المسكينه
رديم: اسكتي عشان اعرف اعدله
طلعت ريما : هاااه كيففف
جود : خخخخيييااالل
دخلت ريماس :اخلصو شبيت بخور من تبي
ريما: هاتي
جود: يلا بنات مب معقوله كل ذا مكياج
رديم: هذي لو تنطم وتركد كان خلصته ب ٥ دقايق افحصوها مب صاحيه عندها فرط حركه
نور: ياخي شسوي فيني دوده مقدر اجلس ابي اتحرررك
جود: ههههههههههه حرام فكي اسرها
رديم دفتها: قومي انقلعي الله يشغلك وانتي تعالي
ريما جت تجلس : لا تنافخين
رديم: اسكتي
نور غيرت ملابسها ونزلت مع جود يشوفون الباقين
أنت تقرأ
بين رمال نجد لقيتها ..
Randomفي احدى المنازل القديمة . . في ديرة تمير ، فتاة جالسة على فرشة بالارض وتحط الصحون على سفرة : يابننناااتتتتتت ووووييييننن الشطههه جت جود تركض و بيدها الشطة: وجع لا تصارخين لا تلحطنا خالتي جت نور تفحط وزلقت على سفرة: يااااحححيييووواانه اقسم بالله لو...
