لا تلهيكم الرواية عن الصلاة ❤️🩹.
بسم الله نبداء :
في الحوش:
دخل سالم وبيده كيس الشامبو وكم بسكوت
ولفت نظرة زياد:شفيه
زياد بلقافه: اسمع صراخ عندهم
سالم فز: وش صراخه
زياد مسكه قبل مايتهور: صراخ فرح هد
سالم بتنهيده: الله يقلعك روعتني احسب صار شيء
طلعت ريما بعبايتها ومتغطيه: يلا سالم نروح؟
سالم: وين
ريما بضحكه: امداك نسيت بنروح نتعشى سوا
سالم: يوه صح راحت عن بالي يلا
ابتسام مسكت ريما قبل ماتمشي وبهمس: انتبهي لنفسك و لحفيدي وارفقي على ولدي لا يفطس من الفرح
ضحكت ريما بصوت عالي وحبة راس خالتها: ماعليك سالم بين هدب العين وعروق القلب مايجيه شيء
سالم ناظرهم بستغراب: وش فيكم اليوم في شيء مب طبيعي
ريما تقدمت بسرعه تمسك ذراعه: يلا يلا امش
في المجلس
الكل فرحان الى الان ويخططون على اسماء بنات وعيال
قامت بعد ماشافت رسالة منه : بدق عليك
رفعت الجوال بعد ماشافت اتصاله: هلا فهد
فهد: اهلين هلا بالي سحبت علي وانشغلت مع اهلها
ضحكت ريماس: شسوي تعرف فارس توه قام و في ملكه وعرس بطريق وبرضو ريما حامل
ضحك فهد بفرح: والله
ريماس: اي والله
فهد بحماس: بروح ابارك لسالم
ريماس: لا لا
فهد: ليش
ريماس: ريما بتسوي مفاجاء لسالم لا تخرب عليها و تجلدك
فهد ضحك: انتي ماترضين علي
ريماس: اكيد
دخلت المطبخ نور وسمعت لان ريماس حاطه سبيكر وقاعده تقطع الكيك الباقي وتحطه بثلاجه: وعوه الرومنسيه المخنوقه
لفت عليها ريماس بتفاجاء: انتي شجابك يمه
نور: اي والله شجابني عند هل خياس
ريماس رفعت الجوال لا ذنها: اكلمك بعدين فهيد
فهد ابتسم: زين ياقلبي
قفلت ولفت على نور: اقول انطمي تراك بتعرسين الجمعه وتصيرين اخيس مني
نور ضحكت : يحلم يييحللم كل شيء راضية فيه بس الرومنسيه عندي تحوم تسبدي تجيب لي غثيان لا ارادي
تكت ريماس تناظرها برفعة حاجب: اذكرك بعدين
نور ببتسامه ثقه: مايحتاج لاني مارح اسويها اصلا
دخلت ياسمين: بنات
نور لفت: هلا
ياسمين: ابتسام تبيك انتي خصوصي بنطلع كلنا السوق و انتي بتشترين الاشياء الي ناقصتك وفستان لك وكل شيء
شهقت نور تغطي وجها: مممااابي اتزوج
ياسمين حضنتها: كلنا مانبي اف بطني برجع اروح الحمام انتظروني
ركضت ياسمين
ضحكو نور وريماس على ياسمين الي كل مشاعرها ببطنها : الله يخلف
ريماس حطت الكيك كله بثلاجه واتجهت تمسك ذراع نور: يلا نروح نتجهز لعرسك وملكة ياسمين
نور : بسالك ريماس بس ماتزعلين؟
ريماس لفت عليها: وشو
نور بضيق: ماتحسين انك تزوجتي بظروف مو كويسة وهل فعلا انتي مرتاحه مع فهد او لا؟
ريماس تنهدت ترفع راسها لسماء بعد ماطلعو من المطبخ: اسمعي يانور مافي شيء يجي على كيفنا ولا كل شيء بخيالنا يتحقق بس انا مؤمنه ان الله سخر فهد لي في عز ضيقي وماصار الي صار الا من توفيق ربي وتيسير واذا على اني ماسويت حفله او عرس راضية ولا تهمني هل اشياء دامني لقيت الشخص الي ابيه وابي اكمل حياتي معه وابني معه اسرة جميله وانا مرتاحه ويعلم الله اني مره مرتاحه حتى وانا معه احس اني بسماء من كثر الفرح يهتم فيني بادق التفاصيل ويفهم كل ملامحي الي انا ماافهمها احبه بشكل يانور مره
نور ابتسمت بفرح تحضن ريماس: والله اني ماتكلمت الا من خوفي عليك انتي و ريما لانكم تزوجتو بدون اي عرس يمكن ريما سوت حفله بالملكه بس عرس محد سوا منكم
ريماس حطت يدها على يد نور ببتسامه: يابنت الحلال هذي كتبت الله والحمد لله شوفي ريما مرتاحه والحين حامل وانا مستانسه مع فهد واصلا خلاص بنقل لبيت اهله
نور بحماس: متى
ريماس: بعد عرسكم
نور : اسمعي خلنا نسوي حفلة عزوبيه السبت لك ونزفك لبيته
ريماس ضحكت: ابد تم ماعندي مانع
نور بغباء: يوه
ريماس :شفيك
نور : توني استوعب ان احمد ناوي نروح شهر عسل بعد العرس
ريماس: اجل كنسلي الفكره
نور بعناد: معصي بقنعه لو اجي ساعه نزفك و اطلع معه للمطار
ريماس : الا صح وين بتسكنون
نور: تعرفين احمد برياض شغله وبيت اهله فيه دور لنا هناك
ريماس بضيق: يوه بتتركينا
نور ببتسامه: وييين بخليه كل يوم يطق مشوار ساعتين عشانكم
ضحكت ريماس: اهجدي بس
ياسمين بصراخ: رحت الحمام وجيت وانتم الى الان ماتجهزتو كل الناس بسيارة ينتظروننا
فجاء ركضت كل وحده تلبس عبايتها ويتجهون لسيارة
أنت تقرأ
بين رمال نجد لقيتها .
Random"بين رمال نجد" في ديرةٍ عريقة، يجتمع الاقارب تحت سقف بيت الجد ، حيث تحكم الجدة الصارمة بقوانينها التي لا تُكسر. وسط ضحكات، أسرار، وصراعات لا تنتهي، تتشابك مصائرهم بين الحب، العادات
