بين رمال نجد لقيتها ..

20

لاتلهيكم الرواية عن الصلاة ♡
قراءة ممتعة ..

نجوى وهي تمسك اصبعها: يابنتي انتبهي انتبهي من هل موهبه الي عندك بتروح اصابعك
ضحكت ريما: عادي انتي عندي
نجوى ضحكت رغم عصبيتها: يعني قصدك دامي عندك بعالجك دايم وانتي تجرحين نفسك عيب عليك ياماما
بعد ماضمدت اصبعها حضنت ريما امها: ماما اسفة بس احب لما احفر بالخشب
ضمتها نجوى: بس انتبهي ياحبيبتي بعدين من يعالج اصابعك
ضحكت ريما بسعادة: انتي

رجعت لحاظرها وهب تزيد بالبكاء كون الحين محد راح يعالج اصابعها ولا احد راح يهاوشها ضمت اصبعها وهي تبكي انها ماتقدر تعطي اخواتها الحنان ولا تقدر تنسيهم امهم وابوهم

سالم انتبه لها وشب من الغيره لان معه العيال يخاف يشوفونها  رغم الظلام قال وهو يصرف الموضوع: يلا يلا اكيد الشوي جهز
زياد مشى والتفت وهو يقول: وانت؟
سالم: بجيكم الحين
راحو بين النخل الى ان وصلو ل خيمتهم
وهو اتجه بسرعة وكل ما مشى زيادة سمع بكائها : يابنت وش مجلسك هنا
رفعت راسها ريما وهي تناظره
بلع ريقة اول ماشاف عيونها الناعسة و الدموع متجمع فيها وحوالينها : شفيك
نزلت راسها ريما وهي تمسح دمعها وتكمل حفر: مافي شيء
مسك اصبعها سالم وهو معصب منها: ماتشوفيين فيه دمم
ريما سحبته: الا اشوف عاجبني شدخلك انت
سالم مسك اصبعها وهو يحاول مايوجعها هاتيه اعالجة ولا روحي عند الحريم خليهم يعالجونه
قامت ريما وهي تتجه للخيمه بدون اي كلام زيادة كونها مالها خلق تناقش احد
وسالم تنهد من قهره عليها

اتجهت ريما على طول لغرفتها هي و البنات وفرشة فراشها وفتحت الدريشة وطفت النور وانسدحت وهي تتامل القمر وتحدث نفسها ودموع تنزل: ماما مر ٤شهور على غيابك متى تمريني لو طيف اروي شوقي من فقدك
ونامت بعد تعب من التفكير

اما عند جود و ياسمين الي كانو يتمشون ويعدون النجوم وساعة يضحكون رجعو للحريم وهم ميتين جوع وكان مخلص الشوي وجلسو ياكلون وجود ملاحظه عدم وجود ريما

اما عند سليمان و رديم الي كانو جالسين على كرسي
ويمسح دموعها : خلاص ياحبيبة خالك انتي خلاص كفاية هل دموع
رديم وهي تشهق: بس ياخالي انا بعد ابي ام وابو
الخال سليمان: طيب اعتبريني ابوك مو الخال نصف الاب
رديم ضحكت من بين دموعها وهي تضمه: خالي انا احبك مره
تفاجاء سليمان منها وضحك : شفيك يامتناقضه انتي خرشتيني
ضحكت رديم ودموعها تنزل : طيب خلاص نروح بكرا نفحط شرايك
سليمان طق الصدر: ابشري من بكرا باي وقت
ضحكت رديم بفرح : يسس
سليمان وبطنه يطلع صوت : مت جوع والله امشي ناكل بيخلصون عليها المشواي
ضحكت رديم وهي تمشي معه بتجاهم وهو يسولف معها ويضحكون

وبسفره كانو كلهم متجمعين ماعدا ريما والكل ياكل بجوع
بعد الاكل . .
الكل اتجهة للغرف

في غرفة البنات ..
دخلت مريم بهدوء:هش ترا ريما نايمه
نور : وانتي شجابك معنا؟
مريم شمقت لها: شقصدتس
نور: روحي عند رجلك خلاص مانتي عزوبيه
دخلت نجلاء وهي شايلة خالد بين يدها نايم ومايكها بيدها ريم : هشش لا تقومون وليدي بس
نور: جت المتزوجة ثانيه
نجلاء : وانتي شحارررك
نور راحت تجلس على فراشها الي جنب ريما: هشش خلوني اريح
نجلاء ناظرتها بلطف: نوري
نور رفعت حاجبها: خير
نجلاء وهي تناظر خالد: شوفي خلودي نايم مقدر افرش الفراش لحالي والهنوف بتجي بعد ومعها عيالها حتى ايمان بتجي ممكن تصلحين فراشنا
نور وهي تكره نظرات اللطف : خلااص طيبب انثبري بزينه
حطت فراشاتهم باخر ساوية بالمجلس عشان مايزعجونهم بصياح عيالهم: هااه كذا
نجلاء مرت من جنبها: لبى قلبي اخيتي الحلوة
سدحت خالد وريم جلست جنب خالد :ماما انا بنام بعد
نجلاء وهي تمسح على شعر ريم: نامي ياماما
انسدحت ريم وهي تغط بنوم عميق مع خالد لانها طول اليوم تلعب مع دانه و سمر
ودخلت الهنوف: الله مجهزين لي سرير
نور: اقول دحدري بالارض انتي وعيالك السرير لشناطنا
ناظرتها الهنوف بقهر : اصلا ماحب النومه على سرير
سدحت عيالها وانسدحت معهم وهي تحاول تنام رغم النور الي فوق راسها والهمسات
كان ترتبيهم
ريما جنب الدريشة وجنبها نور و قدام ريما رديم و جود ولمى ويمين نور ريماس وسماء وبازاوية الهنوف ونجلاء و مريم وياسمين
وكان احمد نايم جنب جود
وملاك منسدحة بنص
وطفى النور وشوي شوي نامو كلهم
الساعة ٥ الفجر
صياح خالد مالي المكان قامت نجلاء وهي تعطيه رضاعة وتهزه وهو يصيح
قامت ياسمين: سكتي ورعك وش ذا ازعاج
نجلاء وهي تهزه وفيها نوم: شسوووي مب راضي
نور قامت وهي مره معصبة: اجدعيييه من دريشة ولا اطلعي برا نبي ننناااامم
قامت نجلاء وهي تهزه وتحاول تبعد عشان ينامون البنات وينام خالد وبعد مده رجع ينام وهي نامت بعد

الساعة 5 ونص
قامت ريما وهي تقوم البنات لصلاة بعد ماصلت وكانت شبعانه نوم
قامو البنات يصلون ورجعو نامو لانهم كانو سهرانين
اما ريما الي اتجهت للمطبخ وهي تجهز قهوتها و الفطور وهي تتجه للحوش وشافت جدتها توها مخلصة صلاة الفجر وتشوف نخل المزرعة وتستغفر
اتجهت لها وهي تصبح: ياصباااح الخيررر
التفت الجدة وهي تبتسم: ياهلا ببنيتي تعالي وشهو هذا الي معك
انحنت ريما تحط الفطور على الفرشة وتجلس : ابد هذا قرصان و قهيوه
ابتسمت الجدة واخذت القرص وهي تدهنه بالعسلل
وكان الجو بارد و وبدت الشمس تشرق وطان الشروق قدامهم والنخل يتحرك من قوة الهواء
وكانت الغرف مطله على المزرعة ماكان  بينهم غير طريق طويل وكانت قدامهم المراجيح وزحاليق الي متصديه لكن كويسة
تنحنح فارس :بوه احد؟
ريما: لا خالي حياك
دخل فارس وهو يفسخ شبشبه و يجلس : وش هل فطور وش هل اجواء
ضحكت ريما؛ ابد اضبطك
فارس اخذ القرصان وكوب شاهي مصلحته ريما لنفسها:اوووف بسس
ريما :خخير خخير شاههي
فارس شرب منه: عشانه لك طلع لذيذ
ريما طقته بقهر: انقلع سو لي شاااهي
الجدة طقت فارس: ورع قم انقلع سو لبنيتي شاهي
ابتسمت ريما بفخر وقامت تحب راس جدتها: اسمع كلام امك
قام فارس وهو يدخل القرصان بفمه: خذيه مابي
ريما : وش اشرببه من بعدك
فارس: ايه بس تراه بيطلع حالي
ريما رجفته: انقللع تمدح نفسسك بعد
ضحك فارس وهو يمسح ضربة : ههههههههه الله يقلعك توجعع
الجدة طقت فخذها: يااربيه انا مزوجته يعقل مافااد
فارس ابتسم: الا صح وينها زوجتي ماتخلونها تفطر
ريما: جاء محامي الدفاع والله بسابع نومه شدخلني فيها
فارس : خلتها تاكل زين بس
الجدة وهي تمسك عصاها: بتنقلللع يالخفيف ولا اميسرك (اجلدك) فييها
فارس ركض وهو يضحك: خخلاص خلاصص
ريما : هادم اللذات الخسيس
الجدة وهي تهز يدها: معليتس منه كملي اكلتس
وكلمو سوالفهم

اعتذر لو في اخطأ املائية لكن والله اكتب بسرعة ولا انتبه اسفة ♡