ومات الهَوى والحب بعدك أجمعُ.

Part 2

بدايه روايتنا تنطلق الاحداث من بيت الجد ضيدان .

صباح يوم الجمعه تحديدا الديره " تربه "
ابو فهد : صفق اقرب واحد من العيال و قال قوومووو لا بارك الله فيكم من عيال خل نلحق الصلاه!!!
خلف : فز على ضربه جده و قام يحك مكان الضربه و قال طيب يا جد ابشر ابشر روح وحنا لاحقينك
ابو فهد : اذا رحت و ما لقيتكم وراي بيصير لكم علمٍ
ثاني!!!
خلف : شاف اقرب علبه ماء جنبه و قام يصبها على العيال ويضحك
وليد : فز على الماء اللي جاء عليه و شاف خلف يضحك عليه ! عصب و قام يصفق خلف وراح يتوضى

<< بعد الصلاه >>
بالمطبخ :
كانو الامهات يجهزون الفطور و يتساعدون فيه الا ام وليد !
نطقت ام عقاب : انتي هي شفيتس قاعده كذا قومي قومي ساعدينا  لا اصفقتس بالقدر
ام وليد نطقت بغرور : وانا ليش اساعدكم؟ انا جايه اشرف عليكم لا أكثر
ام عقاب وسعت عيونها و قالت : اقول اطلعي برا لا اجرم فيتس مع هالصبح!!!
ام وليد : طلعت برا بدون ما ترد عليها و شمقت لها بعيونها
دخل ثامر المطبخ على اصواتهم : قال ول ول شعندكم هواش مع هالصبح و يضحك
ام عقاب : اقول وقسم بالله ي ثامر لو ما تخلي هالضحك و تطلع برا اني لا اكمل عليك!!!
ثامر : اف اف شعندها عمتي الحلوه معصبه
ام عقاب : مسكت الملعقه و رمتها على ثامر
ثامر : طلع من المطبخ يضحك على عمته
ام نوره : صارت تنادي بناتها بيان و لمى يوزعون
الفطور
انطلقو الاخوات لامهم بعد ما سمعو صوتها
بيان : هلا يا ماما وش بغيتي؟
ام نوره ابد يا بنتي ابيك انتي و اختك توزعون الفطور و حنا بنطلع خلاص
لمى : تم ازهلوننييييي بسوي لكم حركات بركااتتتت
دخلو البنات المطبخ , بيان : وهي تطلع الصحون و تجهزها لمو جيبي الجبن اللي بالثلاجه , توجهت لمى للثلاجه وهي تدور الجبن وطولت وهي تدوره و سالت اختها وين الجبن!!!
بيان وهي تتأفف : دوريه زين و بتحصلينه !! ,
دخل خلف المطبخ مسرع ولقى قدامه بيان معطيته ظهرها وتقول لأختها يا الخبله الجبن كبر راسك ولا شفتيه!! , لفت بيان على وراء تحسب امها جت الا تنصدم ب واحد طويل و جسمه ضخم ومن الصدمه ما قدرت تتكلم و أكتفت بالصمت
خلف : استوعب الوضع و طلع برا المطبخ بسرعه ,
جت لمى وهي منهاره ضحك  على صدمه بيان , ضربتها بيان على كتفها بخفه " بمعنى اسكتي مايضحك "
راحو البنات يكملون توزيع الفطور و بيان نادت اخوها سعود يجي ياخذ الفطور حق الرجال .
و لمى راحت حطت الفطور حق الحريم
*عند فطور الرجال *
نطقت الجده : شرايك اليوم يابو فهد نروح المزرعه؟
ابو خلف : اي والله امي صادقه الاجواء اليوم حلوه
ابو سعود : احتمال اليوم ينزل مطر بعد
الجد : خلاص يالله نمشي بعد الفطور جهزو اغراضكم
ابو خلف : قم يا خلف قل لأهلك يجهزون اغراضهم بنقعد فتره هناك
خلف : على خشمي , راح خلف و جاء عند الباب و نطق ياولد!
سَهام : فزت على صوت اخوها وهي تقول هلا هلااا
خلف : هلا فيك يا روحي المهم ترانا بنروح المزرعه و بنقعد فيها فتره جهزو اغراضكم
سَهام بفرحه : منجد؟؟؟ كم يوم بنقعد كمممم
خلف رد وهو يضحك عليها : الله اعلممم
سَهام راحت تركض للبنات وهي تضحك و تقول : بنروح المزرعه يابنااااتتت جهزو اغراضكم يلاااا
البنات صرخو كلهم بصوت واحد دليل على فرحتهم و قامو يجهزون اغراضهم
" في غرفه بنات فيصل "
بيان وهي تصارخ : لمممى!!! خلي بلووفررييي ذا لييي
لمى ردت عليها بنفس الصراخ : اقول فكييي ذا حقي يا نصابه شين و قوي عين بعد!!!
جت نوره على صراخهم و قالت : سلامات انتي وياها! هذا حقي مو لكم و سحبته منهم و راحت
بيان : صارخت وهي تقول اكرهكم افففف
جمعو البنات كلهم اغراضهم و حطوها قدام الباب
سَهام : بنات شفتو نقابي؟ ما حصلته
رِيهام : انا عندي واحد تعالي اعطيك
توق نطقت : عادي اطلعي بدون نقاب انتي ودك اساسا هههههه
سَهام وسعت عيونها و نطقت : انتي هي شنو شايفتني رخيصه عشان ارمي نقابي واطلع كذا!
توق : طبعا عادي عندك كل شي انتي
رِيهام : والله لو ما تمسكين حدودتس يا توق لاقوم الطمك!!!
تدخلت ام عقاب ونطقت : هي خلاص بس!!! امشو قدامي بنروح الحين!
تقاسمو بالسيارات كانو ثلاث سيارات
السياره الاولى كان يسوقها وليد و كانو معاه الامهات و الاباء
السياره الثانيه كان يسوقها خلف و كانو معاه , سَهام , بيان , لمى , ثامر , جابر
السياره الثالثه كان يسوقها عقاب و كانو معاه , سعود توق , جود ,ريهام , حنين , نوره ,
ركبت ريهام و و شافت توق قدامها وقالت بقلبها: اف انا وش جابني مع هالمنحوسه و جنبي بعد!!!

بعد مرور ساعه بدون اي احداث مهمه:
" بسياره خلف "
نطق خلف و قال : هاذي المحطه من يبي ينزل معاد قدامنا غيرها
نطقت بيان : انا انااااا
قال خلف يلا اللي يحتاج شي ينزل معاي .
" عند سياره عقاب "
عقاب : هاذي المحطه يلا اكتبو اغراضكم
نطقت جود : عقاب عادي ننزل معاك؟
عقاب : يوه باكثركم بس ما نرد ل جودي طلب
نزلو كل البنات الا توق و ريهام و طلع سعود يشم هواء
ريهام كانت وراء تقرا كتابها بصمت .
لاحظتها توق و نطقت : شعندك تقرين كتاب مسويه مثقفه و يعنني؟ هههه
ريهام : يارب صبرني يارب صبرني!!!
توق سحبت الكتاب من ريهام وهي تقول : عطيني بس خليني اقرا تفاهاتك ذي !
ريهام تنرفزت من حركاتها و نطقت : خلاص يا توق تقلعي!!
توق نطقت : تمام بس شوفي وش بسوي و ضحكت ضحكه مستفزه , توق قطعت الكتاب قطعه قطعه قدام انظار ريهام وهي مصدومه منها و من وقاحتها !
ريهام : سحبت الكتاب منها و صفقتها كف و قالت ما تستحين على وجهتس انتي! و اخذت شنطتها و نزلت من السياره متجهه لسياره اخوها وهي تبكي
شافها جابر و قال ل ثامر هاذي مو اختك؟ شفيها تصيح!
ثامر توسعت عيونه وراح يركض لأخته و نطق : ليش ليش الدموع يا روح ثامر!
ريهام وهي تبكي : قطعت كتابي الله يقطع يدهااا
ثامر نطق : مين مين خليني اعرفها بس و اربيها لك!
قالت ريهام : ماله داعي خلاص انا بروح الحمام بعدل نقابي
توجهت ريهام للحمامات وقعدت فيها ما يقارب ال 15 دقيقه .
طلعت ريهام من الحمامات وهي مو لاقيه ولا سياره من سيارات اهلها!!! قعدت تلف يمين و يسار تدور اهلها او اي شخص يساعدها لاكن ما كان فيه اي احد منهم .
"بعد مرور ساعه بسياره عقاب "
عقاب نطق و قال : ناقص فيكم احد انتو صح!!
توق نطقت بغرور : اي المريضه ريهام تهاوشت معاي ونزلت من السياره
حنين شهقت و قالت : وين راحت ريهامي!! وانتي يا معتوهه وش تبين منهااا!!!
توق : الله و اكبر يا ريهام لا تموتين علي بس!!
جود نطقت : قالت الا منجد يا توق وين راحت!!
توق : راحت بالسياره الثانيه مع اخوانها !!
" بدون اي احداث مهمه "
وصلو المزرعه و قعدو ينزلون الاغراض و يرتبون المكان
ام خلف يخوف : يا عرب وين بنتي ريهام مو شايفتها معاكم !
سَهام : لا تخافين يا امي ماعليك تلاقينها بالغرفه اكيد ترتب شنطتها
جود نطقت : مادري تاكدو منها لايكون ضاعت! ترا كانت معانا بالسياره بعدين تهاوشت مع توق و نزلت من السياره رايحه للسياره اخوها !
بيان نطقت : قصدك سياره خلف !! لا ما كانت معانا !!! يمه بنات بسرعه قومووو دورووههااا!
سلام عليكم يا حبايبي هذا البارت الاول اتمنى نال على اعجابكم و عطوه حقه❤️
ايش تتوقعون يصير ب ريهام؟🫢