ومات الهَوى والحب بعدك أجمعُ.

Part 20

برزت عروقه و انجن من شاف المنظر و طاح بالعامل ضرب و ضرب مابقى الا يموت على يده بينما حنين اللي تبكي بحرقه و تضرب نفسها و تسحب شعرها و تون من القهر , التفت على عقاب اللي الى الان له دقايق مُتتاليه بدون توقف يضرب بالعامل
اتجهت له و شافت العامل مغشي عليه و ملطخ بالدم شهقت برعب و نطقت بخوف : خلاص وقف وقف لا يموووت!!
التفت عليها بغضب : والله ما يموت الا على يدي ولد التسلاااب
حنين : تكككفى خلاص تكفى لا تصير قاتل على شخص ما يستاهل
عقاب : انتي ما تشوفين وش سوا فيتس يالحنين!!
حنين كانت بتتكلم بس قاطعها صوت جدها ضيدان اللي صرخ : يا ولددد!!!!
عقاب رمى شماغه عليها و نطق بحده : غطي نحرتس و شعرتس لا يشوفتس جدي !
الجد ضيدان : ابك وش تسون هنيا انت و بنت تركي !!
عقاب تكلم علطول و بدون تردد : العامل الفسقان ذا مسكته يحاول يسوي شي ببنت عمي !!
الجد ضيدان وسع عيونه بصدمه ونطق : سوا فيتس شي يابنتي !! قرب منتس!!!
حنين هزت راسها مرارا و تكرارا بالنفي
الجد ضيدان بعصبيه : وييييننه!!! وييينه علي الحرام اني لأربيه !! مابقى الا حفيدتي يغلط عليها عامل !!
شافه الجد ضيدان منغشي عليه بالارض بين دمانه تفل عليه و رفسه و نطق : حسافه الايام اللي وثقت بها فيك ! يالسافل
اتجهه الجد ضيدان لحنين و سحبها لحضنه ونطق : لا تطيح لتس دمعه دامني حّي يابنيتي يالحنين عز الله اني ماحب يمّسكم شي يضايقكم لو كاني قاسيٍ معاكم !
حنين زاد بكائها لانها اول مرا يضمها فيها جدها و قالت : جدديييي
الجد : عيون جدتس و قلبه يالحنين عز الله انه اسم ع مسمى!!!
ميّل راسه يتأمل لطافه المنظر و سرعان ما استوعب و صد علطول و غضب من نفسه و انه شافها للمره الثانيه وهي مو متستره وهو يكرهه الاناث ولا يحب يخاطبهم ما عدى امه و خواته ..
مشى الجد ضيدان مع حفيدته الحنين و راح عقاب بعيد عنهم ..
مسكت شماغه استنشقت ريحتها اللي كلها عود ومسك , قالت بصوت خافت : معقوله ياحنين ؟ مستحيل تحبينه هذا مو انسان وحش يخوف !
جود  : مين الوحش ؟
التفت لجود وهي مخروشه منها : اففف جودييي!! لعاد تجين من وراي بهدوء كذا !
جود بضحك : انا ماجيت بهدوء انتي كنتي سرحانه المهم لا تصرفين من الوحش ؟
حنين : اخوتس !
جود عقدت حاجبها مثل الحركه اللي يسويها عقاب بالضبط : وشفيه ؟
حنين : يووووه لا تسوين كذا بحواجبتس! تذكريني فيه يا حومه التسسبببد
جود بضحك : شكلك وقعتي ؟
وسعت عيونها بصدمه : لا تكفين وقسم بالله لا !!
جود بضحك : خلاص خلاص والله صدقت ههههههههه
تنهدت بهدوء و نطقت : الحمدالله
مشت جود و قالت : اذا ما شفتكم مستقبلاً يدينكم متشابكه وفيها الدبله ما اكون جود
«بعد اسبوع»
كل من حفيدات ال ضيدان رايحين جايين و ماسكين خطوط للرياض و الاسواق لعيون عروستهم ريهام
ريهام : يمممهههه باقي اسبوووععع!!! خلاص كنسلللل
سَهام : بدري عليك كان معاك شهرين ليش ما كنسلتي من اول ؟ ههههههههه
ريهام تنهدت بقوه : ياااااوك يوتر منجد كل شوي افكر ايش بيصير !!
بيان : وانا افكر متى يخلص بيتنا اللي بالرياض
حنين بحزن : يعني اذا خلص راح تروحون؟
بيان : طبعا راح نروح وش يقعدنا
تجمعت الدموع بعيون حنين ونطقت : يعني معاد بتجونا ولا بنسهر مع بعض و ننحاش البقاله لوحدنا و محد يدري عنا و نتجمع كل يوم ببيت جدي و نهبل بجدتي ؟
بيان : حنيننن!!! سلامات اكيد بنجيكم مستحيل يمر شهر و ما نجيكم ! اساسا ابوي مايبي يروح و يقول ترا حتى لو نقلنا طول وقتي بكون بالديره !
جود : ياخي منجد مابيكم تروحون بفقد مناقرتي مع لمو !
لمى : ابك فرقاتس عيد انتي و وخيتس!
جود بضحك : الشيء الوحيد اللي عاجبها انها بتروح الرياض انها معاد بتشوف توق واجد ههههههههه
لمى : اي بالله فكه
سرحّحت حنين وهي تفكر باللي صار لها قبل فتره .. و تتحسس عِنقها و تفكر بعقاب و تفكر كيف راح تفارق بنات عمها فيصل و تفكر بأيش صار بالعامل اللي تحرش فيها هل هو للان موجود ولا رحلوه لديرته  , تجمعت الدموع بعينها و سالت دموعها ..
نورا : بسم الله !! حنينن شفيتس ؟؟
بيان : بسم الله عليتس جوديي اركضي جيبي مااااء !
تعالت شهقات حنين وهي كل مال ما يمر عليها الموقف وكيف كان تقرب العالم المُقرف لها وكيف انها انكرت و كذبت عن جدها لأول مره وانه ما سوا فيها شي .. زادت شهقاتها ولا قدروا البنات يهدونها ابدا , مدت يدها تشربها الماء , نطقت : مابي مابي !! خلاص خلوني لحالييي !!!
لمى : شفيها ذي جتها الحاله
نورا بحده : لمى! مو وقت الضحك !
لمى : اقولتس ماتحمل الحزن بروح عندي جدتي
لمى بترحيب : هلااا والله جدتتييي و جدووو كيفففف الحااااال ؟
الجد ضيدان : فسقانه انتي ؟
لمى : اصيرلك فسقانه لعيونك يا جدي
الجد ضيدان : هاتو عصاتي هاتوها خل اقطعها على ظهر هاذي السكرانه
لمى بتمثيل البكاء : ايييشش؟ انا سكراااانه شوفي يا امي فايزه ! وش يقول عني رجلتسسس!! ما يحبنييي مايحبننييي!!
الجده فايزه : تعالي يابنيتي تعالي جييتس بوقت غلط كان معصب اعذريه
لمى : على حسب الرضاويه يا امي
الجد ضيدان : يااااوك لزوم رضاوه ؟
لمى : طبعا عشان اسامحك اول مرا تصارخ علي !!
فتح لها حضنه جدها ونطق : تعالي يابنيتي تعالي
نطت تحاضن جدها بكل حب : وااييي جدييي !
الجده فايزه : يااااوك ما يليق عليتس الدلع ! بس بيان
تخصرت لمى وقالت : هاااو؟؟ ليش بس بيان
الجده فايزه : لانها ذربه
لمى : يعني انا دفشه !!
الجد ضيدان : ابك انتي دفشتين مو دفشه وحده
التفت عليه و نطقت بزعل : توكككك كنت مراضيني علامك حوّلت علييي؟؟ خلاص انا بروح زعلت هالمره و رضاوتي صعبه ! , مشت وخلتهم وهي تمثل الزعل و من الاساس ماتقوى انها تزعل ع جدانها ..
صادفها ثامر وهو طالع من مدخل الحريم بعد ما كلم سَهام .. كان بيتكلم بس ماعطته فرصه وكانت تمشي ولا وقفت له ..
ثامر : حركات يا لمو صرنا نتجاهل , اتجهه للمجلس الكبير عند جده وجدته
ثامر بصراخ : السلااااممم عليكم يا جداني يا حباني
الجد ضيدان : وذا دفش بعد
الجده فايزه بضحك : عزالله صدقت !
ثامر : ليش من الاولاني الدفش؟
الجده فايزه : لمو بنت رِحاب زعلت على جدك و روّحت
ثامر : افااا ياجدي تزعل سيده الاحباب !
الجد ضيدان : اقطع واخس انت والحب يالمروّح !
ثامر : شكلي بزعل ! انا بعد
الجده فايزه : وش فيهم احفادي عندهم الزعل صله مشتركه ؟!؟
الجد ضيدان : اقول خل يذلف عني لا اقوم اتوطاه
طلع ثامر وهو يقول بنفسه , هالحين عرفت هي ليش زعلت عزالله ما تنلام جدي زعلني انا بعد !!
«بالرياض»
سيلين : ماما اخذ السكري ولا اخذ السماوي ؟
ام محمد : تبين سكري ؟ اقولك هذولي مهبل يحسبونك لابسه ابيض وبيسون فوق راسك مشكله
سيلين : ماما هذا سكري مو ابيض و بعدين شفيها لو لبست ابيض ؟
ام محمد : يا ماما مافيها شي بس عندهم اعتقاد آهل الديره ان اللي تلبس ابيض تغار من العروس و تتمنى انها مكانها
مسكت راسها سيلين ونطقت بضحك : تخيلي اتزوج اخوي ههههههههه
ام محمد : مالي خلق اضحك بس شوفي شوفي هالفستان الوردي يهببللل
سيلين اندهشت من جمال الفستان و التفت ع امها بفرح : ياييي !!! ماممييي يجنن! وشوفي الاكمااااام خلاص ابيه !
ام محمد : امشي نروح لغرفه القياس يلا
اتجهوا للغرفه وطلعت سيلين بفستانها , تلوّن بالروز قولد ومليان كرستالات وعاري الاكمام من الكتف الى الكوع ...
ام محمد بدهشه : بسم الله عليك يابنتي!!! وش هالجمال !! لازم احصنكك ليل نهار !
سيلين : يايييي ماماماا!!!
ميّلت راسها تتأمل الجمال اللي قدامها و سالت : كل هالزين بنتي ؟
سيلين احتضنت امها و : ياروح الروح انتي !!! ايوا بنتك و انتاجك انتي و بابا وهالزين ورثته منكم!
ام محمد : الله يحفظك و يحميك من عيون الحسّاد يا ماما
سيلين : يالله يا ماما ما تتصورين قد ايش متحمسه للعرس ! ومتحمسه ان بتكون عندي اخت قريبه مني و اسوي معها كل شيييي !
ام محمد : ليكون تقصدين بأختك هي ريهام ؟؟
سيلين : ايوا يا ماما بتعيش معانا هي مو صح!
ام محمد : بتعيش لين يخلص بيتها ماني متحمله غثاها انا
سيلين : حرام عليك والله بعدين بتحبينها وتقولين انا ليش كنت اكرها
ام محمد بضحكه : اقول امشي لا اكرهك انتي الحين
سيلين : يلا ندور كعب ههههههههه
«سياره خلف»
ام خلف : اي وين ثامر؟ خلونا نحرك قبل لا يسري اليل علينا ولا نلحق !
سَهام : وي عاد تسع ساعات طريق للرياض !
ريهام : عزالله بصكها نومه طويييييله
جاء ثامر يركض ويتكلم بسرعه : سلااام عليكم انتي انقلعي بجي ورا اخمد رحت البقاله بشتريلي حمضيات و العامل قالي هي صديق تعال انتا شيل هذا كراتين ! يعني مدري مين العامل انا ولا هو ولا بعد يقولي صديق ياخي ذا العامل عقله مضروب
ام خلف : بسم الله عليك ياولدي خذ نفس شوي شوي !
خلف بضحك : شعرفك يا يمه داخل سباق يحسب احد يلحقه ههههههههه
ريهام : منجد مافهمت شي الا شيل كراتين
سَهام : اقول لا تكثرون حتسي وانت تقلع لا اسمعلك حّس نبا نرقد ورانا طريق طويل !
ثامر : هدي اللعب يا سهاااامي !
ام خلف : عزالله ان بنيتي صادزه اركب اشغلتنا قاعد يم باب وخيتك ماغير تسولف ولا سكتت !
سَهام : منجد يا امي اشغلنا
ثامر : خلاص اصبروا بروح اشوف جدي قالي تعال قبل لا تروح وبجيكم!
ريهام : يوه يعني مطول ؟
ثامر : عانيه جدي ببيت عمي فيصل تكفى خلف ودني مالي خلق امشي
خلف : ابشر
ثامر بأستغراب : ابشر علطول يعني ؟ بدون مع نفسك او تخسي ؟؟؟
خلف : يشيخ سر امها تبي تروح اركب ماتبي تقلع!
ثامر : اييييه ذاهو اخوي اللي اعرفه
حرك سيارته متجهه لبيت عمه اللي ما يبعد عن بيتهم الا كم خطوه
ريهام : مالك داعي والله كم خطوه ترا
ام خلف : يوه الحين تتهاوشون رح شف جدك خلصنا !
سَهام : سرى الليل وحنا ما سرييينا!!!
نزل ثامر يركض للمجلس يشوف جده و يرجع السياره , ثامر : هلا ياجدي ؟؟ وشبغيت
الجد ضيدان : انت اللي وشتبي ؟
قبط حواجبه ونطق : جدي شكلك بديت تهذري انت قلت لا تروّح لين اجيك تباني بشيء ؟
الجد ضيدان : لا توكل الله معك
تقدم ثامر يقبل راس جده و عمه و رجع متجهه لسياره
ام خلف : وشبغى جدك؟
ثامر : اقولكم جدي بدى يهذري
ريهام : ليش ؟
سَهام : اركب بعدين سولف خل نمشي خلااصصصص!
ركب ثامر و بدى يقولهم وشصار , خلف : طيب مسوي مصدوم ؟ جدي من مبطي زي كذيا
ثامر : يماااااه جدااااي جاه زهاايمررررر!!!
ريهام : اعوذ بالله تنادي الشر انت؟
ام خلف : ياحبك للتهااااويل يا ثويمر!
سَهام : صادقه يا امي ولدتس ذا ماهوب صاحي !
" عم الهدوء بالسياره لثواني"
صرخ ثامر بقوه وقال : ياويييلليييييييي !!!!
وقف خلف السياره بسرعه ونطق بحده : وجع علامك!
ثامر : بس كذا حبيت اسوي ازعاج ماعجبني الهدوء
ريهام : ثموره حبيبي اعطيك من كتبي تقرا تهدي شوي ؟
سَهام بترجي : اي تكفين ! فكينا من شرهه
ثامر : انا شر ؟
خلف : وقسم بالله يا ثامر انك فقعت راسي ! خلاص بحط شيلات و اروق
ام خلف : فكنا من الموسيقى !
سَهام : شجوك شيلات مع القايله !
ثامر : ابك انتي قلتي بعطيك كتابي ولا عطيتني !
ريهام رفعت له ثلاث كتب و قالت : ايهم تبغى ؟
رفع اصبعه يأشر على الكتاب الاوسط و نطق : جذبني غلافه و العنوان ابيه
مدت يدها له تعطيه الكتاب ونطقت : لا توصخه اوكي ؟ ترا بيان تبي تقراه
فّز من طروا اسمها و نطق : من متى تقرا كتب اصلا ؟
سَهام : شدخلك انت عاين بالطريق لا نودع !
ثامر : ييييه !! ما اطيقها بيان ذي بخنقها مسويه بريئه
طالع خلف فيه بحده من مرايا السياره ونطق : ورع سد حلقك
التفت سهام و حطت عيونها بعيون اختها وهم يضحكوا عليه وكيف انه ما يرضى عليها و ان حُبه لها مكشوف قدام اهله , سَهام بهمس لأخوانها ثامر و ريهام : متى الخطبه ؟
ثامر : اووووو!!! طلع مو هيّييين اخوي!! واقع واقعععع!
ضربت ريهام راسه بخفه ونطقت : سد حلقك الحين يفجر فينا صاير نفسيه هالأيام !
ثامر : اي والله صادقه معاده عضيدي اللي يدافع عني !
سَهام : ثمره حبيبي اقرا كتابك وانت ساكت
ثامر : على خشمي , سند راسه على الشباك و عصب من الشمس و نطق : ياليلللل !! سَهام هاتي طرحتس!
سَهام : وشتبي فيها ؟
ثامر : بحطها على الدريشه عن الشمس فقعت عيني !
سَهام مدت له طرحتها ونطقت : خذها و اسكت تكفى تكفى تكفى !
ثامر خلاص والله بسكت خمس دقايق بس
«بعد خمس دقايق كلها هدوء و اغاني وجو رايق»
رجع صرخ لكن اقوى من صرخته الاولى ..
خلف بعصبيه : وجعععع يوووجععكككك!
ثامر بدراما : ريههاااممم!!! البطل مااااات ! و حبيبته تبكي عليه سلااامماااات!!!
ريهام : اعوذ بالله مداك وصلت لهذا الجزء ! بخمس دقايق
ثامر : ماعجبتني البدايه سويت لها سكب و قريت النهايه
ريهام : هات كتابي يا مستفز !
رمى كتابتها عليها ونطق : خذيه لابوتس لا انتي ولا كتابس فيه احد صاحي يموّت البطل ؟؟
سكتت تتجاهله لانها لو بترد عليه تعرف انه مستحيل يسكت ..
«الساعه سبع المغرب»
كل من بالسياره نايمين ما عدى خلف اللي مبتلش بزحمه الرياض لكن من رغم الزحمه و كرهه لها , منفس و يفكر ببيانه و اللي الى الان يدور جواب لسؤاله , ليش عصبت علي , انا وش ذنبي ؟ , انا سويت لها شي او كسرتها بدون احس ؟ وغيرها من كلام ...
رفع على صوت المسجل وصار يكرر هالابيات مع القصيده وعيونه متحجره بالدموع ...
عُلمو اللي فالوصل ما خاف ربه
المفارق موت وجرّوحه عطِيبه
أسَالوا من فارق أغلى من يحبه
وصار دمعه عادِي ونفسه كئيبه
وانتي يالي من فراقتس صرت أسبه
شف عيوني شف محاجرّها شحيبه
انتي قلبتس مثل قلبي ؟ والا صبّه
لعنُبو ذاالقلب وشعادك تبيبه ؟
تنّهد بقوه وضرب بوري وهو معصب من الزحمه و لاعَت كبده منها له ساعه عالق فيها !
بدأت السيارات تمشي بسرعه و يفضى الطريق , نطق : الحمدالله مابقى شي و نوصل الاوتيل !
صحى ثامر ونطق بعصبيه : ياورع ! قصر على صوت المسجل قروشتنا علمو اللي بالوصل و علمو سد حلقك ياشيخ !
التفت عليه خلف وضحك : تصدق ؟ وحشتني لك خمس ساعات خامد مالك حس قم قم نكت علي
ثامر بحده : شايفني مهرج يعني ؟ برجع اخمد اذا وصلنا علمني !
خلف : لا تنام خلاص عاني ادور موقف قوّم البنات
ثامر : اوووو يلا نهجول بالفندق
خلف : هجوله
ايش ياولد نبي نمرح !
ثامر : معليش اخوي انا مصحصح نوم بهجوول
صحّت ريهام ونطقت : وصلنا ؟
خلف : اي وصلنا صحي السبوكه اللي جنبك
هزت ريهام سَهام تحاول تصحيها , قامت سَهام : ايياااع خليني انام شوي
ثامر بضحك : وش اياااع ههههههههه ؟
قامت تعدل جلستها و مسكت ظهرها بقوه ونطقت : وااااااه يالاللممم !!! اخيس نومه
ثامر : الحمدالله نومتي توب التوب منسدح مع العفش
خلف : اسمعوا بنزل احجز لنا غرفتين و بجيكم
ام خلف : وراه غرفتين ياخلف
خلف : وحده لكم و وحده لنا انا و ثامر
ثامر : طيب مابيك انا ابي خواتي
خلف : محد ماسكك اذلف عندهم , نزل و ضرب الباب و اتجهه للأستقبال يحجز الغرف ..
ام خلف يخوف على ولدها : بسم الله علامه الولد ذا تغير ! ليكون احد عطاه عين
ثامر بهمس : اي عين يا أمي ولدتس بالنهايات ههههههههه
سَهام : تنكت يعني ؟
ثامر : اقول اسمعوا بجي عندكم انا و نهجول وكذا و ننزل تحت باللوبي اذا امي وخلف امرحوّا
ريهام : قداااام و فيه محل هنا حق ملابس ابي اشوفه لفتننني
ثامر : على خشمي يلا
سَهام : ابك بموت جووووع !
ام خلف : ماعلتيس يابنيتي هالحين اطبخ لتس احلا معكرونه
ثامر : تسلم يدينتس يا امي بس خل نطلب اكل تتعبين عمرتس ليش
ام خلف : يالله اللي تبونه
رجع لهم خلف و فتح الباب و نطق : انزلوا يلا
ريهام : جيبوا شنطتي اول شي ابي اخذ شاور
خلف : انتوا اطلعوا العامل بيجيبها
سَهام : سلامات شفيك معصب انت ! بتنكد علينا اسكت لا اسمع لك حّس !
وسع عيونه خلف و نطق بحده : عمى يعميتس امشي قدامي !
سَهام : يعمي عيونك انت ! وبمشي مع امي توكل
ريهام : ستوب ستوب خلاص لا نتوتر , مشت سَهام مع امها و ريهام مع خلف وثامر سبقهم يطلب اكل ..
ريهام : صدق خليّف علمني وش مشكلتك ؟
خلف : ريهام مافيني شي قلت ! تعب طريق بس !
ريهام : تعب طريق ؟ يعني تحسبني غافله عن اللي قاعد يصير ولا ايش ؟ معادك خلف اللي نعرفه لك فتره !
خلف : اي انتي غافله
سكتت ريهام ولا حبت تضغط عليه زياده او توتره ...
وصلوا للغرفه و حصلوا ثامر مجهز السفره و الاكل و نطق : اقلطوااااا
سَهام : اخيرا سويت شي حلو هاليوم ياثموره
ثامر : اوك يا سهومه
سَهام : يع
ريهام : يلاااا يممممه خلفففف تعالوا ناكل ماراح ننتظركم ترااا
ام خلف : جينا جينا , التموا حول السفره و سموّا بالله و بدأ ياكلون و سوالف ع الاكل و حماسهم لعرس ريهام و غيرها ...
انسدح ثامر بالارض و مسك بطنه ونطق : اووووه يبي لها نومه بعد هالاكل
خلف : الشكر لك ياربي قررت تنام الحمدالله !
نقز ثامر ونطق : اقول لا تصدق ماني نايم و اصلا بقعد عند خواتي رح انت الغرفه لحالك
خلف : مع نفسك ما يبونك البنات امش قدامي بس !!!
ثامر ببراءه : يا خواتي تبوني ولا لا ؟
غمزت له ريهام ونطقت : لا مانبيك
ثامر : يقلع بليستس يا الجحده انا اوريتس
مسكه خلف مع طرف كمه : يلا قدامي بس
ثامر : طيب فكني !
تحديدا اخر الليل والكل نايم الا حنين :
وصلتها رساله من رقم مو مسجل , قبطت حواجبها واستغربت من هالرقم اللي مرسل لها اخر الليل ؟
فتحتها وكان محتوى الرساله : حنين انا عقاب تعالي خل نتقابل ضروري !
حنين برعب : يمممه وش يبغى! مابررردددد , سمعت صوت رنين جوالها يتصل عليها عقاب على امل انها ترد او تعطيه جواااب , حنين : انا اعرف عقاب عنيّد اذا ما صار اللي يبيه اليوم يصير بكرا خليني احلها اليوم و خلاص
ردت و وصلها صوته ونطق : سلام عليكم
حنين : عليكم السلام , وش تبي مني ؟
عقاب : هدي هدي شوي تعالي ابي اشوفك
حنين بحده : عفوا ومين انت عشان تشوفني !
عقاب : لا يروح بالتس بعيد ماني متولعٍ بتس بس بنتكلم و عقبها روّحي وتعالي لي ورا خزان الماء
حنين : وش بيضمن لك انك ماراح تخطفني زي ذيك المره تسويها انت !
عقاب : لا ماعليك يابنت العم تعالي ابيك بكلمة راس وبعدها روحي
حنين : طيب مو شايف الوقت متاخر تقدر تاجلها ؟
عقاب :انا متعمد ابي هذا الوقت لان الكل نايم ومافيه احد يشوفنا
حنين بتردد : تمام جايه
عقاب : يلا انتظرتس
انحنت تاخذ شرشفها و تغطي نفسها فيه و اخذت جوالها , فتحت باب بيتهم و عدلت شرشفها و طلعت متجهه لخزان الماء , حنين بقرف : يععع وش هالطين !!
عقاب : بلا دلع امشي !
فّزت حنين من سمعت صوته الحاد ونطقت : وش تبغى ؟
عقاب : بدخل بالموضوع علطول
حنين : ايوا بلا لف و دوران خلصني
عقاب : اللف و الدوران خليناها للرخوم
حنين : يع شدخل
عقاب : اسمعيني زين يابنت تركي بقولتس كلام لازم تفهميني زين !
حنين : طيب ليش تتكلم كذا بشكل جّدي ؟ كان الموضوع جدا مهم
عقاب : وهو فعلًا الموضوع مهم !
حنين : طيب انطق ؟
عقاب : شوفي انا ماعرف لهاذي الامور او كيف انطقها و صعبه علي بس يابنت تركي , سكت لثواني بحكم انه ماقدر يطلع الكلمه من منطوقه ...
حنين بأستغراب و بدأت تحس ان الموضوع مهم : وشفيه تكلم ؟؟؟
عقاب بتردد : انا بتقدم لتس على سنه الله و رسوله ..
وسعت عيونها بصدمه و نطقت بصراخ : ايشششش؟؟؟؟؟؟
عقاب بحده : ابك اقصري حستس!
حنين : على كيف ابوك هو كذا تقولي ابي اتقدم لتس؟ ولا بعد تقولها لي انا ؟ وراه ما تقولها لأبوي ؟؟؟
جلس عقاب على الارض و نطق : انا بفهمتس الموضوع زين
«قبل اسبوع»
الجد ضيدان : ولد عقاب
عقاب : سّم لبيه
الجد ضيدان : سم الله عدوك
عقاب : وشبغيت ياجدي ؟
الجد ضيدان بحده : بقولك كلام هالحين وهذا أمر عليك مافيه اي اعتراض سامعني !
عقاب : ابشر بس وشنهو الموضوع اقدر عليه ولا ؟
الجد ضيدان : اعقب ياعقاب ! تقدر عليه وانت ولد العنود !
شاش راس عقاب و نطق : ابشر بسعدك يجدي
الجد ضيدان : انا اباك تتزوج حنين بنت تركي
تغير وجهه عقاب ميه و ثمانين درجه بعد ما سمع كلام جده و نطق بعصبيه : كيف ؟ كيف !!! تبيني اتزوج من ؟
الجد ضيدان : علامك؟ كانه مو عاجبك كلامي ؟
عقاب : اي والله مو عاجبني ياجدي ! وانا رافض فكره الزواج و مو مأسس نفسي له !
الجد ضيدان : تخسى مأسس نفسك و جاهز عندك وظيفه و راتبك زين و يعيشك ويعيش حنين معك وتقول مو مأسس نفسك !!
عقاب : ياجدي انا مو قصدي الوضع المادي مقدور عليه بس ..
الجد ضيدان : مافي بس ولا مابس هذا كلامي و ان كانك بتطلع عن شوري انا ماني راضيٍ عليك !
تنهد عقاب بقوه ونطق : على خشمي ..
«نرجع عند حنين و عقاب»
حنين بعصبيه : حلوه ذي ؟ يعني انا لعبه عندكم؟ ولا بعد جدي على كيفه يقرر طيب يمكن انا مابيك ؟ حتى مو يمكن اكيد !
عقاب : ماني ميتٍ عليتس
حنين : وبعدين وش قصدك لما قلت انا مو مأسس نفسي ؟
عقاب : افهميها عاد
تجمعت دموع حنين بعيونها ونطقت : انا اللي مو مأسسه نفسي ! انا لسا صغيره وانا قبل اسبوووع !!! تحرش فيني عامل ابن كلب وانت شخص ماعنده مشاعر و يبيني جدي اسس حياتي معاك و اصير زوجه لك ؟ سلامات وين عايشين !!!
عقاب بصدمه : كل هالكلام بقلبتس ؟
حنين : عقدتوننيييي الله يعقدكمممم!!!
عقاب : بنت هدي استخيري يمكن فيني خيرٍ لتس ؟
حنين : تستهبل انت ؟ قبل ثواني تقولي مو ميت علي !
عقاب : والله مو قصدي يابنت !
حنين بحده : اجل وش قصدك ؟ هاه انا اعرفك اعرفك!!
عقاب : انتي تعرفيني بالشين بس ماقد عرفتيني بالخير ؟
ضحكت بخفه ونطقت : انت و الخير ما تتجمعون !
اقفى عنها عقاب ونطق : انتي خليتس وفكري عني بشكل سلبي
ضربت رجلها بالارض دليل على عصبيتها و نطقت : ارجع ما خلصت كلامي!!
التفت لها ونطق بحده : ويش تبين !!
حنين : حنا لازم نتفاهم مايصير كذا !
ضحك بأستهزاء يرد لها حركتها : اووهه انتي و التفاهم ما تتجمعون !
وسعت عيونها ونطقت بصراخ : مااابييي اشوف حتى ظلك روححح
عقاب : عز الله اني ما كذبت فيتس تناقض مره لا تروّح و مره روّح؟ , راح و خلاها لحالها معصبه ولا اهتم اهم ما عنده انه بلغها فقط بالخطبه عشان ما تنصدم بعدين و تفكر بشيء اخر ...
«بالأوتيل»
ثامر بصوت خافت : ريهام وقسم بالله لو ما تعقبين انتي لأرضختس!
سَهام : منجد ! امي بتقوم علينا !
فتح الباب بشويش و طلعوا يركضون من الغرفه ...
ريهام : لحوووج صدقق
ثامر : اقطع و اخس بس !!
سَهام : ابك لا تتهاوشون ! وش الجدول يا بنات ؟
تخصر ونطق : ايششش ؟؟؟ بناااات؟ كل هالشنبات و بنات ؟؟؟
سَهام : خلاص ولا تزعل يا عياااال !
ثامر : اي زي كذياا
ريهام بضحك : كذياااا
ثامر : يليل بتصير بنت مدينه و اشغلتنا
ريهام : طيب حتى انت بتصير ولد مدينه ههههههههه!
حك راسه و نطق : يوه شكل ابوي و امي ما قالوا لكم
ريهام و سَهام بأستغراب : ايش ؟
ثامر : سالفه النقل ذي تكنسلت عندنا كلنا
سَهام : و اهل عمي فيصل ؟
ثامر : تستهبلين انتي ؟ عمي فيصل بيته قده بيخلص !
ريهام : يعني بس اهل عمي فيصل بينقلون
سَهام : يشيخه اصلا ما كنت ابي الرياض خليني بديرتي مكاني اللي ولدت به و اعتدت علاه
ثامر : اقول هروجكم واااجد خل نمشي
ريهام بضحك : شف شف من يسولف بس ههههههههه
سَهام : وش الجدول ؟
ثامر : الجدول يا طويله العممممر بنروّح ناخذ لنا قهوه عقبها بروح اشتري سَرج للنجَم و عقبها نعّود للفندق
ريهام وهي تمشي : لا والله ؟ كل شي يخصك انت وحنا ؟
ثامر : اعقبي عانيني بقهويتس على حسابي يالعروووس
ريهام : شكرا بس انت اللي تعقب !
سَهام : صدز اعقب
ثامر : ابك بتشرق الشمس وانتم تعقبون فيني ! امشوا قدامي ! , اتجهو لمقهى جنب الاوتيل قعدوا بأحدى القعدات الخارجيه و اخذ ثامر طلباتهم و قعد ينتظرها على ما تخلص ..
سَهام : دام ثويمر مو موجود هاه كيف الاوضاع معاتس انتي و محمد ؟
ريهام : ايي لو تساليني قدامه والله يصيح علينا يابنتي لاحظت انه يغار من محمد ماهو بصاحي!
سَهام : ياويحي عنه مايبي يفقدتس
ريهام بحزن : اي ياعمري عليه عاد احسني بقطع عنكم فتره
عقدت حاجبها ونطقت : ليش تقطعين عنا ؟
ريهام : المسافه بين الرياض و تربه ماهي بسيطه ترا
سَهام بعصبيه : اقول مع نفستس! تجينا وانتي ما تشوفين الدرب
ريهام : يمه منتس
جاء ثامر و بيده طلباتهم ونطق : خير اشوفكم سكتو؟
سَهام : شتبي ملقوف ملقوف ؟
ثامر بعناد : والله ما اعطيتس قهوتس لين تنطقين
ضحكت سَهام : نقول انك تغاااار من محمد يا النونوووو
ثامر : اقطع و اخس! انا اغار من ابو شنب !
شرقت بالقهوه ونطقت : حرااام عليك والله شنبه حلو
تغيرت تعابير وجهه لقرف ونطق : كيوت ! و شنب و محمد !!! يافقع رااااسي وانا اخو خلف !!
ريهام و سَهام بصوت واحد : والنعممممم
التفت يطالع فيهم العامل اللي ينظف الطاوله المجاوره لهم بنقد
ثامر : هي صديق انتا لا تشرهه علينا اوكي ؟
سَهام : عز الله انه نقد زياده !
ريهام : وقسم بالله
ثامر : اقول ماعلينا دامنا خذينا قهوتنا و خلصنا امشوا خل نروح نقضي اغراضكم عقبها نروح لمحل خيول
اتجهو لعده محلات و كل محل يطلعون و معاهم كيس ولا كيسين , دخلوا محل اخر و نطقت ريهام ببراءه : خلاص والله اخر محل يا ثويمر
ثامر بتأفأف وهو يحمل فوق سبع اكياس : من اليوم تقولون لي اخر محل اخر محل ححشى!
كانت راح ترد لكن بعد ما شافت فستان اعجبها و انبهرت فيه و نطقت بفرح : سَهام شوفييي يهبللل !!! اسرننييي
جت بتنطق ريهام و تطلع الكلام من منطوقها بس قاطعها ثامر و حلطمته : تسوقين امها علي ! ذا الفستان شفناه عند المحل اللي قبل وقلتي يع من يلبس هالخلاقين!! وهالحين شوي و تنصرعين من كثر ما اعجبتس!
سَهام : ياخي اسكت ما تعرف تفرق ؟ هذاك فيه وردات وهذا مشجر !
تبدلت ملامح وجهه لغصب وهو اساسا ما يعرف يعصب : ابك وش تقولين انتي ! الورد يعتبر من الشجر !
سَهام : انت اللي وشتقول فيه فرق ! هذاك ورد و هذا شجره !
ثامر : وانتي بعد يا ريهام فيه احد صاحي يلبس فستان فيه شجره !
ريهام : يوههه وش كثر تناقرتو! خلاص انا اللي بلبسه ولا انت ؟
رمى اكياسهم على الارض ونطق : اقول انا روّحت ماخذيني عامل يشّل اكياسكم!!
سَهام : انت ابخص محد داريٍ عنككك
ريهام : ويي حرام عليتس بروح اناديه , اتجهتت له استوقفته ذراع اخته من مسكته ونطقت : ثويمر شدعوه ؟ تزعل عشان كم كيس مسكتهم خلاص انا امسكها ولا تزعل
حاول يخبي ضحكته , نطق بكل جديّه : لا مابغى ؟
سَهام : بالله عليتس ريهام مبين يضحك عليتس عايني كيف يخبي ضحكته
ضحك بخفه : يهبي صدزززز انا بفقد اختي الحنونه و تقعد عندي هالقشرا
سَهام : اح 
اتجهه لها يحضنها وباس راسها ونطق : امزح والله اني احبتس ياوخيتي الكبيره
صغرت عيونها وهي تطالع فيهم , لاحظها ثامر و ضحك بأعلى صوته ونطق : تعالي يالغيوره !
فتح حضنه بأكمله لأخواته اللي يسوون الدنيا كلها بعيونه , سَهام : الله لا يحرمنا منك
ريهام بحب : اميييين
ثامر : ولا منكم يانظر عيني , ضربته سَهام بخفه ونطقت : يع ما تعودت على الكلام الحلو منك !
دفعها ثامر ونطق : يلا انقلعي يالقشرا
سَهام بضحك : ايي هذا ثويييمرررر
«بعد ساعه من الضحك ومن تسوقهم»
ثامر : اووو! يابنات الساعه 3 والله ان ما رجعنا هالحين ان ننجلد
ريهام : ويي صدز تأخرناااا يلا سرييينا
اتجهو للأوتيل , نطقت سَهام بتعب : يلا ثويمر افتح الباب خل ندخل , قعد يتحسس جيبه ولا حصله توتر و طلع بوكه و قام يدور بين البطاقات ولا حصل شي , نطق بتوتر : البطاقه ضاعت
سَهام بحده : ايششش؟؟؟
ريهام : وششش؟؟؟
ثامر : اعوذ بالله كاني مضيعها متعمد !
سَهام : هالحين وش السواه
ثامر : شوفو لو ندق على امي تفتح لنا الباب بتصفقنا بس لو ندق على خلف يفتح لنا على باب غرفته ماراح يصفقنا
ريهام بضحك : هيهيهي قصدك العكس ؟؟
سَهام : صادزه خليّف منفس بيفجر فيك انت و بطاقتك
ثامر : خلاص اجل شرايكم ننام بالسيب ؟ , أشر على ريهام ونطق : مو انتي شاريه بطانيه ومخده؟ هاتيها خل نرقد
وسعت عيونها ونطقت : هذا صادز!!
رفع سماعه جواله يتصل على اخوه على امل انه يرد ..
صحَى على اتصال من " اخوي وعضيدي" رد على الاتصال ونطق بصوته الحاد : سّم وشبغيت ؟
ثامر التفت على خواته بصدمه ونطق : قالي سّم وشبغيت !!!!
ريهام بتسليك : واوووو معجزهههه!!!
قبط حواجبه من سمع اصوات خواته ونطق بأستغراب : هاذي اصوات خواتي ؟ ما رقدوا؟
ثامر : شوف الوضع كالتالي انا طلعت اهجول وهم طبعا ما يقدرون يعيشون بدوني قالوا لي تكفى اخونا العزيز اخذنا معاك نبي نقضي
خلف : طيب هالحين وش المطلوب مني ؟

سلام عليكم ابطيت عليكم بس اعذروني , انزل بالانستا قبل الواتباد
حسابي انستا : widt.7
لا تنسون ⭐️📝