جابر قام من حضن جود بسرعه و نطق : والله ما اخليه يتهنى والله! والله لأعلمه وش معنى يقهرني!
جود ببكاء : وش بتسوي!
جابر ما رد على جود و نزل من السطح ..
جود كانت خايفه و مسكت جوالها و اتصلت على اخوها عقاب ..
عقاب كان نايم و قام على اتصال اخته و رد عليها و نطق : هلا وش بغيتي ؟
جود برعب : عععققاااب انتبهه لجابر لا يسوي شي ل محمد خطيب ريهام !
عقاب قطب حواجبه و نطق : وش بيسوي وانتي وش دراك؟
جود ارتبكت و كان ودها تقول لاخوها اللي صار و نطقت : كنت طالعه السطح و شفته يبكي و كان معصب و يقول كلام مو مفهوم والله اني ما اخليه يتهنى فيها و كلام كثير!!
عقاب : لا الله الا الله !!! الولد انقهر لازم ننتبهه له لا يسوي مصيبه!
جود : اي تكككفى
عقاب : انشاءالله و قفل الخط ...
"اذان الفجر "
قام الجد ضيدان متجهه للمسجد للصلاه ...
قامو العيال للصلاه و توضو و اتجهو للمسجد بسرعه عشان الجد ضيدان ما يفصل عليهم
"بعد الصلاه "
بالمجلس
الجد ضيدان نطق : بنمشي بكرا ل ديارنا
ابو وليد: ليش يابوي ؟ما قعدنا الا كم يوم خل نقعد اسبوع
الجد ضيدان : ابو محمد و محمد بيجون يخطبون رسمي بعد بكرا !
ابو خلف : الله يحيهم
جابر ابتسم ب خبث و نطق : الله يحيهم الله يحيهم
عقاب توتر من نظرات و ابتسامه جابر الخبيثه! و همس : يارب انك تعدي هالخطبه على خير
ابو خلف : قم يا ثامر قل لأختك و اهلك خل يجهزون للخطبه
الجد ضيدان نطق : ياااوك نسيت اعلمكم تراها خطبه و ملكه مع بعض و الزواج عاد ماهو بلازم !
خلف توسعت عيونه و قال : الا يا جدي لازم! هذا يوم اختي و اكيد انها تبي تفرح فيه!
الجد ضيدان بهدوء : خلاص اللي تبيه ريهام!
ابو خلف : اكيد تبي زواج يابوي
ثامر انطلق ل اهله يبلغهم , دخل ثامر و قال ياوولددد بدخخخل
نطقت سَهام : لحظه البنات فيه !
ثامر دخل على البنت و غطى عيونه و قال : عندي لكم خبر
البنات كل وحده فزت يوم شافت ثامر داخل عليهم كذا
نورا : سلامات ثامر داخل كذا؟
ثامر : يبوي بقولكم كلام بعدين مغطي عيوني مو من زينكم عشان اشوفكم
لمى : اقول والله لا اقوم عليك ترا !
ثامر : انتي عضي على شحمه اختس امس رمتني بنص المزرعه عشانك نعبنو هالوجهه!
لمى بضحك : تستاهل !
ام عقاب : خخلاااص! اطفال انتو انطق يا ثويمر و قل وشعندك و اذلف
ثامر بصوت باكي : اذلف ؟؟؟ اذاللفففف انا يا عمه!!! يا عمه ما تقدرين العشره اللي بينا و تقولين لي اذلف! وش هالعائله اللي ما تحترم وجودي
ام خلف : خلاص يا ولدي تكلم كلنا نحترم وجودك بس تكلم
ثامر : لا لا ما راح اتكلم ما تحبوني انتو صح؟ قولو اني مو ولدكم و ماخذيني من المسجد؟
سَهام صفقت ثامر على راسه و نطقت : ابك اعجل علينا ورنا اشغال !
ثامر بالالم : طيب ماله داعي العنف !
سَهام لو ما ضربتك ماراح تتكلم صح؟
ثامر : برفع تاق بالتويتر انا ثامر بن فهد ال ضيدان اتعرض للعنف من اختي
قامت ريهام و صفقته و قالت : تتكلم ولا اطردك برا ؟
ثامر : اصغر مني و تمدين يدتس علي! اوريتتتسسسس
سَهام تأفأفت و نطقت : خلاص تراك طولتها وهي قصيره!
ثامر : خلاص خلاص بتكلم ! , ترا ريهام خطبتها و ملكتها بعد بكرا
ريهام شهقت و نطقت : ملكككه!!! وخخخطبببه!
ثامر : شدخلني خطيبك يبي كل شي بسرعه
ريهام : مااابييييي
ثامر : قولي ل جدي انك ما تبين عشان يصفقتس
سَهام : يوه ليكون الملكه بالمزرعه؟
ثامر : لا بنرجع بكرا للديار جهزو عفشكم ! و جهزو للمكه انتو و خرابيطكم ذي , طلع ثامر برا بعد ما تصفق و قال بنفسه : لازم اخليهم يتأدبون عشان مرا ثانيه ما يقللون من قيمتي !
ثامر دخل المجلس و مشى ببطئ و طاح بطوله على الارض
فز له اخوه خلف و عيال عمه و عمانه ..
خلف بصراخ : ثاااامممر!! ثاااامررر
ثامر كان ماسك الضحكه و كتم انفاسه عشان يحسبون ان التنفس عنده وقف ..
سعود برعب : ما يتنفس!!!
ابو خلف : قام يصارخ و يقول اتصللووو على الاسعاف
وليد يضحك : اي اسعاف يجيك وانت بالبر ؟
جابر كان منفس لاكنه ضحك بقوه
ثامر ما تحمل و قام يتنفس بقوه و يضحك ضحك هستيري ...
خلف وسع عيونه و نطق : يامريضضض!!! كيف تسوي كذا!
الجد ضيدان مسك عصاته وقعد يضرب ثامر و يسب فيه
ابو خلف : خلاص ياابوووي خله خله !
الجد ضيدان : لا لا والله لاكسر هالعصاء على ظهره عشان يعرف يمزح زين!!!
ثامر بالالم : تكفى يا جدي اخر مرا اخر مرا بس بغيت انكم تعرفون قيمتي عندكم بس طلعو ما تحبوني
خلف ضحك و نطق : مسوي كذا عشان نعرف قيمتك يعني؟ ههههههههه
ثامر : بالالم اييي ياخي انتو ما تحبوني و جايبيني من المسجد !!!
ابو خلف : اي مو ولدي انت و جايبك من المسجد
سعود : بالله عليك وش هالسخافة؟
ثامر قام و نطق : اف عائله ما تقدر وجودي فعلا !!
" بعد صلاه العصر "
ريهام : يمه متى نروح اخذ لي فستان؟
ام خلف : بنروح بعد المغرب شرايك؟
سَهام : ايييي حتنا ابي لي فستان كان فيه واحد عندي حلو بس طلع وسيييع بالمرا
ام خلف : اجل يلا قولو للبنات عشان اللي تبي تشتري تجي معانا
ريهام : ما يمدي نروح الرياض؟
ام خلف قبطت حواجبها و نطقت : شتبين بالرياض يابنتي؟
ريهام : ابي اشتري من هناك
ام خلف : ماعليك يا بنتي مو عشننا ب قريه ما عندنا اسواق زينه! الا فيه
ريهام : اكيد ؟
ام خلف : اي يا بنتي اكيد ماعليك
سَهام : يمه الا صدق وش صار على النقل ؟ متى راح نروح الرياض نستقر فيه؟
ام خلف : والله ي بنتي للان مادري بس سمعت ان عمكم ابو سعود بينتقل معانا
ريهام : ونااااسه يعني بتكونون معااااي
سَهام : ليش ؟
ريهام : يا الخبله انا اذا تزوجت بروح اعيش بالرياض
سَهام : يي نسيت ان محمد و اهله يعيشيون بالرياض
ريهام : وناسه من مبطي وانا ابي الرياض
سَهام راحت للبنات و قالت : بنات ترا بنروح السوق نشتري فساتين من بتجي؟
بيان : اناااا خاطري بفستان احمممر ضيييق و كعب اسود
توق : باقي ذهب و تصير عروس
بيان : يع يا متخلفه شدخل ؟
توق : اف يع اساسا من وين تلاقين لك فستان زي العالم و الخلق وانتي بقريه؟
بيان : الله و اكبر محسستني انك من جورجيا!
توق شمقت لها و نطقت : اي روحي و خذي لك هلاقين
جود : اف خلاص انتو لازم تتهاوشون؟
بيان : اندري عن اختس!
ريهام : خلاص عاد وقسم بالله لو اشوفك يا توق تتهاوشين ب ملكتي اني لا اقوم عليتس!
توق : اف منكم شنو شايفيني همجيه؟
البنات بصوت واحد : اييي!!!
توق : يمه منكم!!!
ريهام : اللي بتجي تقولي!
حنين : انا
بيان : انا
نورا : انا
سَهام : توق و جود و لمى ماراح تجون؟
جود : لا انا و توق عندنا فساتين قد شرينا من الرياض يوم رحنا مع خالي
لمى : عندي فستان ما قد لبسته و حلو
سَهام : خلاص تمام اجل يا الباقين بعد المغرب راح نمشي
بيان : من يودينا ؟
سَهام : خلف مين يعني غيره؟
بيان : مو ثامر؟ يضحكني مرا ههههههههه ولا بعد مسوي مقلب اليوم و جدي ضربه يا حياتي هو احسه توه طفل
ريهام : منجد صادقه! كانه طفل محد مصدق ان عمره 21!!!
سَهام : بالعكس كيوت احب شخصيته ههههههههه
لمى : مفارقته الكياته
ريهام ضحكت و نطقت : البعير اذا حححقددد
لمى : حقير والله للحين ظهري يعورني !
سَهام : يا ويحي عنتس
" قعدو البنات يسولفون عن ملكه ريهام و عن التجهيزات ...
" بعد المغرب "
ريهام كانت تلبس جلال الصلاه و قالت : اف تأخرت على صلاتي !!!
سَهام : بسرعه صلي و البسي ترا خلف ينتظرنا برا
ريهام هزت راسها بالإيجاب
خلصت ريهام صلاتها و ركضت تلبس عبايتها و نقابها و و مشو البنات عشان يركبون السياره ..
جات انظار خلف على ريهام وهو يعرفها من عيونها الوساع و ابتسم ابتسامه عريضه وهو يقول
ارحبي يا دهر قلبي و رجعاااانه!
بيان لاحظت الابتسامه و لاحظت انه كان يقول كلام لاكن ما تدري ايش هو و استحت مرا
سَهام كانت ملاحظه حركات اخوها يوم يشوف بيان لاكن مو متاكده منه بس انها مبسوطه و تتمنى ان بيان تكون زوجه ل اخوهم خلف .
ركبت بيان بالكرسي اللي ورا خلف .
سَهام همست ب حب لأختها و حنين : يارب زوجههممم!!!
حنين : ايي اف سمعت خلف و هو يقولها ارحبي يا دهر قلبي و رجعاااانه
نورا : افففف يهبلون ماقددررررر!!
ريهام : اص اص الحين اسمعكم بيان و تقوم الدنيا عليكم
بيان بصراخ : وش اللي اذا سمعته و بقوم الدنيا عليكم!
ريهام : شفتوووو قلت لكمممم
سَهام : ابد ولا شييي
بيان : هين هين اوريكم
خلف ضحك و قال : الععععب يالتهديد الكيوت ههههههههه
بيان : انت سد حلقك!
خلف وسع عيونه و قال : انااا ااسددد ححلقققي؟ ما تقدرون قيمتي انتو؟
ريهام فطست ضحك و نطقت : يقلد ثااممرررر ههههههههه
خلف : والله انه مصروع خوفنا بس بالنهايه لقم من جدي
سَهام : الا وينه صدق ؟
خلف : راقد بالمجلس يقول بسهر اليل عند الاسطبل
نورا نطقت للبنات : ياويلي حنا ما رحنا الاسطبل من يوم ما جينا المزرعه! كيف طار عن بالنا!
بيان : نروح بكرا عادي
ريهام : بكرا بنمشي للديار
بيان : يوه نسيت
خلف : ناقص منكم احد ولا احرك؟
سَهام : امي كانت بتجي بس قعدت مع زوجات عماني
خلف : اجل وحده فيكم تنط قدام كاني سواق عندكم
ريهام و سَهام نطو بنفس الوقت
سَهام : خير؟
ريهام : انتي خير انا بجي قدام !
سَهام : انا الكبيره!
ريهام : انا العروسه!
سَهام : لا والله عشتي الدور بسرعه؟
ريهام مثلت الزعل و قالت لخلف : يرضيك تخليني ارجع ورا؟
خلف : مالي دخل حلوها بينكم !
بيان : اف بزران انتو؟ خلاص شكلي انا بجي قدام ههههههههه
خلف بحماس : تممممم!!!
البنات ضحكو بقوه على رده فعل خلف
خلف استحى و نطق : خلاص اعجلو علي
ريهام نزلت من قدام و رجعت وراء و نطقت : اف منكم ما قد جيت قدام الا مع ثامر
سَهام : احسن
خلف حرك السياره و اتجهه للسوق
"بعد نص ساعه "
ريهام : ابي قهوه دلعوني لو سمحتو عروسه انا
سَهام : ايي نبييي
خلف من وين تبون؟
بيان : ماتوقع فيه ستاربكس مرا مشتهيته
ريهام : اي صح فيه هنا ولا ؟
خلف : حتى لو مافيه اصنع لكم ستاربكس انا عشان ترضون
سَهام ضحكت وهي تعرف خلف وش يقصد
خلف فتح الموقع و شاف انه فعلا فيه ستاربكس و نطق : فيه فيه
بيان بضحك : عز الله قريتنا تطورت ههههههههه
خلف قال بينه و بين نفسه : جعلني فدا هالضحكات
اتجهه خلف لـ ستاربكس و اخذ طلبات البنات
انتظرو شوي و جاء الطلب و كل وحده اخذت
قهوتها ..
بيان , رفعت نقابها عشان تشرب قهوتها .
خلف شاف وجهه بيان من المرايا !!
بيان لاحظت نظرات خلف اللي حتى ما رمش ..
نزلت بيان نقابها بخجل
اما عند خلف كان متخدر من جمال بيان ما يعرف وش يمدح و ايش يخلي كانت كامله و الكامل لله و قال فيها هالقصيده ...
"سحَر البيان أنشهد انها صدق سحر البيان
ماهوب بسحر البراقع و اللثم و العبي
فتحت قلبي لها صادق بكل امتنان
قلت اقلطي يا بعدهم كلهم و ارحبي"
حسابي انستا تنوروني هناك widt.7
أنت تقرأ
ومات الهَوى والحب بعدك أجمعُ.
Fantasyروايتي الاولى " مُستمره " كاتبه مبتدئه | أتمنى نكبر مع بعض❤️ كُتبت بواسطه رهف .
