ومات الهَوى والحب بعدك أجمعُ.

Part 19

سَهام : وش كنتي تسوين معاه ؟
بيان : دخل علي بالغلط وانا زبنت بالحمام بس و هو اخوتس خذاها ميانه و قعد يسولف
نورا : اللي مايستحي على وجهه!
سَهام : طيب ما سويتي شي غلط خل توريهم !
بيان : لا والله وانتي ما تعرفين عمي فهد ولا جدي ! والله يسوون سالفه كبيره
سَهام : خلاص انا ادق على خلف اقوله كلشيء صار وهو يلقى حل
بيان : ايي تكفين !
رفعت سَهام سماعه جوالها و وصلها صوته : ي مرحبا
سَهام : تبقى
خلف : وش بغيتي يبعدي ؟
سَهام : فيه موضوع ضروري مرا
خلف : ابد جايتس هالحين افتحي الباب !
سَهام : لا لا !! نتكلم بالجوال الموضوع يخص بيان
فّز خلف من طاري اسمها و عدل جلسته : وشهو الموضوع؟
سرّدت له سَهام كل الموضوع من اوله الى أخره
خلف ببرود : بس كذا ؟
سَهام : سلامات شفيك بارد انت ! الموضوع لا يوصل جدي ويصير شي ما يرضيكم!
خلف : وش بيصير يعني ؟
سَهام : ي ولد ! حّل الموضوع ! البنت متوتره ماتبي احد يفهمها غلط !
خلف : خل يفهمون غلط ما سوينا شي
نورا سحبت الجوال و نطقت بحده : اقووول !!! اسمع والله العلي العظيم ان ما حليت الموضوع اني لأجي و ادفنك سمعتني !!! وبعدين انت وش ملقفك يوم انك رايح طاق ميانه مع اختي و تسولف معها هاه !! ترضاها على خواتك يوم انك ترضاها على بنات الناس !
خلف : لا والله ما ارضاها !
نورا رمت الجوال عليهم ونطقت : هاه اجل حّلها !!!
سَهام : سمعت؟ شف العلم جاك
خلف : أبددد عندي الموضوع
قفلت الخط سَهام و التفت على نورا و نطقت بضحك : عز الله انتس كفو روعتيه بكلمتين وقدرتي عليه
نورا : ازهليني بس
سَهام : انا بروح امي تناديني
نورا : الله معتس
سَهام : هلا وشبغيتي يمه؟
ريهام : تعااالي ذوقي الرز يمميي!
ام خلف : يالحيوانه! فتحتي الاكل ليش!!
ريهام ببراءه : جوعانه شسوي انا
سَهام : قومي قومي يالمشفوحه بس ساعديني
ريهام وهي تمضغ الاكل : وش اسوي ؟
ام خلف : انتي يريهام رتبتي السلطات وانتي ي سَهام نادي اخوانتس يشيلون الصحون
سَهام : ابشري , رفعت سماعه جوالها تتصل بثامر و وصلها صوته وهو يقول : خخيييير؟
سَهام : احترم اختك الكبيرة ي بزر و تعال انت و خلف هالحين !
ثامر : لا
ام خلف بحده : ثويييمر والله لو ما تجي اني لأجي اسحبك مع اذنك !
ثامر : افتحو الباب جيت
سَهام بضحك : معاك خلف ؟
ثامر : بناديه
دخلو ثامر و خلف و تشّمر خلف و أشر ل ثامر يساعده اخذو اول صحن و رفعوه و فتحت ريهام الباب المجلس الداخلي و التفت ع الشباك حصلت قدامها محمد رافع زقارته يدخن شهقت بقوه وهي اول مرا تعرف انه يدخن طلّت سَهام براسها وسألت : شفيتس!
ريهام بعصبيه : يدخن الحيواااان!!!
ثامر : هيهي بدري عليتس هاذي خامس زقاره ب ساعتين كتمني الله يكتمه
ريهام مسكت راسها : بساعتين!!!
خلف : صجنا فيه والله العظيم
ثامر : وانت زيه ترا لاتخليني اعلم امي عليك
سَهام : خلف
خلف : سمي
سَهام : وشصار على الموضوع؟
خلف : وش شايفتني ما مرّت ساعه عشان احله ! خليه شوي
سَهام : بالله عليك استعجل هاذي حيّه لاتسوي شي
ثامر : شسالفه؟
ريهام : شدخلك سوالف بنات!
ثامر : وليش تعلمون خلف وانا لا !
ريهام : كيفنا
ثامر : خلاص بصير بنت و علموني
ريهام بضحك : رح رح الله يصلحك بس
ثامر : لو سمحتي احترمي اني اكبر منتس !
ريهام : تراك صجيت راسي
ثامر : اللهم الصبر يارب !
سَهام : الا وين العشاء بيكون؟
خلف : بالعزبه جهزو عمّاركم و ترا ثامر اللي بيوديكم انا عندي شغل
وسع عيونه وهو يقول : هيييه! ما تلاحظون انكم كارفيني؟
خلف : اقول لايكثر وخذ اهلك
ثامر : اقول انت خل السوالف عنك و ارفع الصحن معي
خلف تقدم و انحنى للاسفل و مسك الصحن من الجهه اليُمنى و ثامر الجهه اليُسرى
اخذو الثلاث صحون ع دفعتين
خلف : رتب الماء و السلطات و انا بروح اقلط الرياجيل
ثامر : انقلع
دخل خلف المجلس الخارجي ونطق بصوت عالي : حياكم الله على الغداء و ترا العشاء الليّله بالعزبه لنسيببنا محمد بن عيّاد
قامو الرجال و اتجهو للمغاسل يغسلون يدينهم و ما كان فيه لا مناديل ولا صابون
خلف : الله يفشلكم ! قم ثامر جب مناديل و صابون
ثامر : معليش انا رايح اكل دق ع امي
خلف : ي المشفوح كانك ريهام منبطحه قبل شوي ع الصحن تبلع!
رفع سماعه جواله و وصله صوت امه وهي تقول : يهلا وش بغيت ؟
خلف : اهلين يا أمي ابد والله بس مافيه صابون و مناديل هاتوها
ام خلف : اي زين , نادت ام خلف بنتها سَهام
جت سهام على صوت امها و : سمّي ؟
ام خلف وهي تمد الاغراض لها : سم الله عدوتس يبنتي بس خذي هاذي لأخوتس
سَهام : ابد ما طلبتي شي !
اخذت سَهام الصابون و المناديل و فتحت الباب ع اساس تعطيها اخوها بس ما لقته موجود و طلّت براسها تتاكد اذا موجود ولا ومنجد ما حصلته و فتحت الباب بشويش وهي متجهه للمغاسل تحط الاغراض , خلصت من شغلتها و طالعت بالمرايا و نطقت : ياييي المرايا ذي تههبللل مطلعتني كاني مودل !
" عند سفره الرجال "
مد ايده سهم و اكل له كم لقمه و قام ونطق : كثر الله خيركم ويعطيكم العافيه
ابو سعود : اقعد يولد ما كليت لك شي !
سهم بابتسامه : شبعت والله يعمي
ابو سعود : بالعافيه
سهم : ثامر وين المغاسل ؟
ثامر : سيده على يدك اليمين
طلع سهم من المقلط وهو متجهه للمغاسل و لمح بنت معطيته جنبها تتميلح وماسكه جوالها تصور و مبسوطه
تنحنح سهم : احم احم يوولدد
لفت سَهام عليه ونطقت : خليّيييف شوف هاذي هي المنااا...
طولت النظر فيه وهي تحاول تستوعب العيد اللي جابته
سَهم وهو يحاول يغض البصر : شتسوين هنا ؟
سَهام ركضت تدخل جوا و صدم كتفها بكتفه و
التفت على ورا وهو يطالع فيها و ابتسم ابتسامه خفيفه و لف يغسل يدينه وهو يضحك وسحب له من المنديل و طاح نظره على جوال جنب المنديل و مسك الجوال يتفحصه و شاف ان فيها خلفيه بنت و دقق النظر فيها و طوّول النظر بشاشه الجوال الين ما جاء احد الرجال يغسل يدينه ودخل الجوال علطول بجيبه ..
«صلاه المغرب»
قامت نورا مفجوعه و رجل لمى عند راسها مسكت رجلها و طيّرتها بعيد عنها و دورت جوالها و لقته تحت راس لمى ونطقت : اعوذ بالله هاذي شيطان مو انس !
مسكت جوالها تتفقد الوقت شهقت بقوه و قامت صرخت بقوه : قوومووووو نايمين من الظهظهظررر!!
قامو نص البنات مفجوعين من صرختها
حنين : خير !
نورا وهي تفتح باب الغرفه : يمه البيت هدوء!!
رن جوالها و شافت الأسم " جنتي " ردت : هلا امي ؟
ام سعود : يبنتي قمتو؟
نورا بتثاوب : ايوا ايوا
ام سعود : شوفوني رجعت لكم غداء بالمكرويف نمتو ولا تغديتو!
نورا : يمه انتم وينكم؟
ام سعود بضحك : حنا بالعزبه من العصر نغير جو و خلاينكم بدون ازعاج
نورا : قويه بحقنا والله !
ام سعود : قومو اكلو و البسو بيجونا حريمٍ واجد
نورا : زين ارسلي لنا احد يجي ياخذنا , قفلت الخط
نورا : يلا قومووو بروح اسخن الاكل لنا وانتي ي حنين صحي باقي البنات
حنين قامت و رتبت فراشها و حطته على جنب و صحّت كل البنات لين وصلت عند لمى : هيه لمىىى لمووو بنت قومي !!!
لمى وهي متمسكه بالفراش : نعمممم
حنين وهي تهز فيها : قوممممي يلااا
لمى : حنين انقلعي عني لا اصفقتس هالحين
حنين : يبنت قومي صلي و البسي و اكلي !
لمى رفعت الفراش عن وجهها و شعرها طاير : يليليلل!!! ازعجتيني
حنين بضحك : وش هالشعر ! ههههههههه
لمى وهي تفرك عيونها : انتي غيرانه من شعري الحرير ! انتي وشعرتس اللي كانه قشعه !
حنين : معليش حبيبتي انا نايمه ع مخده حرير ما ينفش
دخلت نورا و بيدها صحن الرز : يلا تعالو ناكل
التمو البنات حول السفره
ريهام بضحك : كيف تعرف اننا سعوديين اول ما قمنا ناكل مفطح ههههههههه
اكلو البنات و تكشخو كشخه سريع سريع
~وصف لأشكال البنات~
~ريهام~ تزينت بفستان اصفر قصير بارز لنا ملامح جسمها وفيه حركه من تحت , شعرها ستريت منسدل ع ظهرها
~نورا~ فستان اسود عادي وماسك على الجسم و شعرها منسدل على ظهرها
~سَهام~ تنوره طولها قصير باللون الاسود و بلوزه اكمامها طويله و طابقت لون التنوره و اطراف شعرها ويفي
~لمى~ فستان طويل لونه مشمشي وينربط على عنقها و شعرها اطرافه ويفي
~حنين~ تزينت بفستان بيبي بينك بدون اكمام فيه تجاعيد من فوق واخر شي ساده وماسك على جسمها
~بيان~ فستان بيج  بدون اكمام ماسك على جسمها وفيه حركه شوي من فوق , شعرها ويفي منسدل على ظهرها و كعب اسود
~سيلين~ تزينت بجمبسوت اسود فيه حركه من عند الصدر مطوي وبدون اكمام , شعرها عند كتفها وفيه لفّات بسيطه
تجهزو البنات و خلصو ويشوفون كشخه بعض
سيلين : ايش رااايكم؟
حنين : يجنن!! وشعرك مرا حلو
لمى : انا اقفل ملفكم !
بيان : يمه ليش كلنا فساتين ههههههههه
نورا : لانه عشاء كبير
لمى : وحاطينه بالعزبه !
نورا : اقول بالله عليكم احد ينادي الكريهات من غرفهم يجون معانا
سيلين : مين هم؟
نورا : توق و جود
سيلين : ليش هم هنا ؟ ما اشوفهم نامو معانا
نورا : لا هم لهم قسم خاص ببيت جدي ونامو فيه
سيلين ماحبت تتعمق بالأساله و اكفت بالصمت
بيان : دقي عليها
لمى : اعقبي و اخسي تبين رقم هالسلوقيه عند اختنا الكبيره !
بيان : طيب شفيك مشتطه اركدي
ريهام : اقول بروح انا اناديهم لاني اعرفكم راح تتهاوشون معاهم !
سَهام : يلا وانا بدق ع ثامر يجي ياخذنا , رفعت سماعه جوالها
و وصلها صوت ثامر : وشتبييييننن؟
سَهام : الناس تسلم !
ثامر : ما سويتلي قهوه للحين حاقد !
سَهام : ليش بعير انت ؟
ثامر : حطيتني بموقف محرج يا اختاه !
لمى قعدت تتصدد بوجهها وهي كاتمه الضحكه
سَهام : ما يهم اللي يهم آنك الحين تجي تاخذنا ي طفلي انت
ثامر ب اشتمزاز : طفلي !!!
سَهام : خلاص ي بابا يلا
ثامر : حسبي الله ونعم الوكيل خلاص جايكم
دقت باب غرفتهم ونطقت : ممكن ادخل ؟
جود : ادخلي
ريهام : ترا جاء ثامر ياخذنا بتجون معانا
توق بحده : لا ما تجهزت اصلا
جود : الا انا بجي انتظروني
ريهام : عجلي لا تتأخرين
التفت توق على جود و نطقت بعصبيه : سلامات تروحين بدوني و تخليني !
جود : يختي انتي لسا شعرك مبلل مطوله مرا انا ابغى اروح
توق : اجل بتاخر انا قولي لأمي
جود وهي تلبس عبايتها : يلا يلا مع السلامه
وصل ثامر و طلعو  البنات و وصلهم بدون ماينطق بحرف .
ريهام : شعندك ساكت غريبه ؟
ثامر : امتنع عن الرد
سَهام : شعندك صدق
ثامر ماقدر يمسك نفسه وتكلم : يتنمروووون علييي يقولون هروجك واجد !
ريهام بضحك : منجد هروجك واجد ههههههههه
سَهام : الحمدالله عرفت
ثامر : انتو تبون تهدمون ثقتي بنفسي ؟ بسولف و ماراح اسكت بس ما اسولف الا مع كِبار الشخصيات
ريهام : اقول خلاص وصلنا ولا
ثامر : اي انقلعي
نزلو البنات من السياره و دخلو الخيمه يسلمون على الحريّم و اللي تصب قهوه و اللي قاعده مع امها و منها ..
رن جوال احدى البنات و مسكت لمى الجوال و نطقت : ريهام ذا جوالك ؟
ريهام : ايوا
لمى : فيه اتصال
اخذت ريهام الجوال و شافت اسم المتصل و ابتسمت بوسع ثغرها وطلعت برا الخيمه بعيد عن الازعاج
ردت : اهلااا
محمد : وسهلا
ريهام بضحك : سم وشبغيت ؟
محمد : تراني اشوفتس طالعه بدون عبايه !
ريهام : اعوذ بالله وينك انت ؟
محمد بجي ورا الخيمه البعيده ذيك تعاليلي و غطي نفسك بشيء
ريهام : تمام يلا انتظرني
دخلت ريهام الخيمه و اخذت لها شرشف خفيف
لمى : ع وين يا الطيبه شرشفي ذا !
ريهام بترجي : تكفين لمو تكفين
لمى : ابك فداتس الشرشف و راعيته!
ريهام : شكرا بس ابي الشرشف
لمى : حسبي الله عليتس ي النذله
لبست ريهام الشرشف بسرعه و طلعت متجهه لمحمد ...
شافها محمد و أشر لها بإيده
توجهت له ريهام و حضنته و بادلها الحضن و قال :
مرحبا بك يالقبال العذب يا درّة فؤادي
مرحبا والليله الي بها جيّتك ما ابركها
حمرّ وجهها ونطقت بخجل : ‏يا بهجة أيامي انت !!
محمد : يا قلبي انتي علامتس ترجفين
ريهام : فستاني ما يدفي
محمد فتح فروته او بالاصح حضنه لها و : تعالي بذرئ بفروتي تدفي
دخلت ريهام و حط ايده ورا ظهرها وأشر ع القمر ونطق : شفتي هالقمر ؟
ريهام : ايوا ؟
محمد : يشبهني
ريهام : لا والله انتظرك تقول يشبهني انا !
محمد : معليش حبيبتي يشبهني انا
ريهام تخصرت ونطقت : لا والله يشبهني انا
محمد بضحك : خلاص يشبهك يشبهك ههههههههه
ريهام : طيب وين خلف ما شفته من بعد الغداء ؟
محمد : والله مدري بس اذكر اني سمعته يقول ثامر عندي دوام
ريهام : ياحبيبي هو دوامه صاير كثير عكس البزر ثامر دوامه كله سهالات
ريهام : ايييي نسييييت اقووولككك ...
قاطع حديثها قُبله على طرف شفايفها ونطق : لها مبسم يُستحال لـلعين نسّيانه
ريهام بتهرب : ماما تتصل علي يلا باي باي
محمد بضحك : جوالتس معاي
ركضت ريهام و سحبته من جيبه ومسكها محمد و حط فروته فوقها : استودعتس الله
ريهام بضحك : يلا سوقها خلص وقتك
محمد بصدمه : حسابتس بعدين ي ريهاااام
اتجهه محمد للخيمه عند العيال و سلم عليهم و ردو السلام عليه
ثامر : وين غديت ؟
محمد : ابد والله رحت اشوف زوجتي
وسع عيونه ثامر ونطق بحده : خخخييييرر! تراها اختي لا تفلها!!!
جابر صد بوجهه : يااااوك يضيقه الصدر كانها طعنه بصدري!!
عقاب : دربٍ مايعز ممشاك اقصَر خطاك عنه !
ثامر : الا وين سعود يعيال ؟
عقاب : ما جاء راسه مصدع و نام
«عند توق»
تجهّزت و لبست عبايتها و نقابها و قعدت بالمجلس شويّات مسكت جوالها ناويه تدق على عقاب يجي ياخذها ..
الا يدخل خلف وهو راجع من داومه يبغى ياخذ ثوبه و يتجهه للعزبه ..
شغل لمبات المجلس و مد يده بياخذ ثوبه و التفت ع الجهه الثانيه لقى توق قاعده على احدى الكراسي و نطق : اعوذ بالله من انتي بنته ؟
توق بغرور : توق بنت العنود !
خلف : جابتتتس الله يا بنت العنوووود !
وقفت توق : سلامات وش تبغى !
خلف : اشوفتس تهددين بنت فيصل و متهاوشه معها و مع خواتها ومستشرفه عليهم ؟ وانتي ما شفتي فعايلتس!
توق بتوتر : وشفيها فعايلي !!!
رفع خلف جواله يوريها مقطع لها وهي ...
رفع خلف جواله يوريها لها مقطع وهي داخله مكالمه مع شاب مو محرم لها : شرايك وانا اوري هالمقطع لعقاب ؟
توق برعب : ماراح يصدقونك واصلا ذا مووو صوتتييي!!! مسوي فتووووشوووب ي نصاااب!
خلف بضحك هستيري : طييييب اوريك شي ثاني مافي مشكله
ورجع يرفع جواله لها و يوريها مقطع ثاني وهي بكوفي وكاشفه من ورا اهلها و قاعده بطاوله مع واحد مو محرم لها و مبين شكلها صحح : طيب وهذا فتووشوووب يا هانم توق ؟
توق بصراخ : شتتبييي مننييي؟؟؟ خخخييير
خلف : كان فكرتي قبل لا تسوين بـبنت فيصل كذا
توق حاولت تسحب الجوال من خلف , تراجع خلف علطول و حط الجوال ورا ظهره ونطق : اوووب اوووب هديي ماني مسوي لتس شي بس هاتي جوالتس ي راعيه العيال
توق رمت الجوال عليه ونطقت بصراخ : طيب تبيها كذا يالنذل!!
قام سعود من عَز نومه على صراخهم ورفع فراشه عنه و طاح نظره على توق و خلف وقبط حواجبه وهو يسمع خلف يقول : الزمي حدودتس يالرخيصه و خذي جوالتس اللي كله رسايل عيال !
توق بحده : هيي عاد الزم حدودك !
خلف بأستهزاء : وشهوله تعصبين كلامي كذب ؟ مو انتي طالعه مع واحد ما يحّرم لتس ؟ وش يسمونه هذا رخص !
وسع عيونه سعود بصدمه من الكلام اللي يسّم البدن لما سمعه ورجع يتظاهر بأنه نايم ويحاول ينسى الكلام اللي قاعد يسمعه ..
توق : سميه اللي تبي بس خلاص لا يوصل شي لعقاب او جدي لو سمحت !
خلف : اما عاد وين الصراخ اللي قبل شوي , عالعموم مابي اطول حكاي معاتس يالرخيصه واخر تحذير اقوله لتس خليتس بعيده عن خواتي وعن اللي احتلت قلبي سمعتيني ولا !
توق صّدت بقرف , رفعت سماعه جوالها تتتصل على عقاب يجي ياخذها
سحب ثوبه و شماغه واتجهه لبيتهم يلبس ...
«خيمه الحريّم»
سَهام وهي تتفحص شنطتها : يااا بنات احد شاف جوالي ؟
محد اعطاها جواب او سمعها من الاساس
عقدت حواجبها وهي تتذكر اخر مرا مسكت فيه جوالها .. لما كانت عند المغاسل و نسته ...
يالله ابيه طيب لازم ارجع بيت جدي ! , وسعت عيونها بقوه وهي تقول يارب لاااا مو اللي ببالي
سيلين : شفيك ؟
سَهام : تعالي بقولتس شي بس بينا
سيلين : ابشري من عيوني مايطلع مني شي
سَهام سرّدت لها ايش صار و سألت : تتوقعين اني نسيته ولا تتوقعين انه اخذه ؟
سيلين : همممم خليني افكر , اول شي خذي جوالي و دقي على رقمك اذا رد معناته معاه و إذا لا يعني للان ببيت جدك
سَهام : الله على العقل والتفكير يارب يتكاثر عند اهلي
سيلين بضحك : يلا يلا خذي جوالي دقي
سَهام كتبت رقمها و رفعت سماعه الجوال لأذنها تنتظر رد ..
سيلين : خير حطي سبيكر بسمع انا بعد !!
سَهام بضحك : ابشري ابشري
تقدم يفتح باب السياره وينزل منها هو و اهله و قاطعه اتصال رقم مجهول .. , يمه شوفيها هاذي خيمه الحريم انزلوا
لارا بفضول : منو ؟
سَهم قال اي اسم براسه : الممرضه اللي تساعدني
دالين بضحك : شكلها بتصير شي ثاني بدال مساعده ههههههههه
لارا : ووويي لااا ماتشوفين حتى رقمها مو مسجل اساسا انا مو بالعتها
سَهم : اقول انزلوا خل عنكم هالسوالف !
نزلوا اهل سَهم و قبل الاتصال علطول وهو متاكد انها هي نفسها اللي متصله عليه ..
سَهام بربكه : سلام عليكم
سَهم : وعليكم السلام , مين معي ؟؟
سَهام : انا صاحبه الجوال اللي انت الان تكلمني فيه ممكن ترجع لي جوالي ؟
سَهم وهو يتلاعب معاها : مين انتي وكيف بتاكد انه لك ؟
سَهام بعصبيه : اولا انت مين ؟
سَهم : انا سَهم ولد خاله محمد
سَهام : وانا سَهام اخت خطيبه محمد ! ممكن ترجعلي جوالي ! اذا انت موجود بالعشاء ؟
سَهم : توني وصلت اصلا و برجعلك جوالك لا تخافين خل نتقابل ورا خيمتكم
سَهام قبطت حواجبها و نطقت : نتقااااابل؟! وش هالكلام يا اخوي لو سمحت جوالي تحطه بمكان وانا اجي اخذه
سَهم بضحكه : طيب لا تخافين بحط جوالك ورا الخيمه
سَهام قفلت الخط وهي معصبه : ويضحك بعععددد!!! يعععع
سيلين : تبين الصدق ؟ ولد خالتي ذا جميل ترا
سَهام وسعت عيونها : سيلين تستهبلين انتي؟؟
سيلين : يمه خلاص امزح مو حلو هو شين بس لا تعصبين علي
سَهام بأبتسامه : ماراح اعصب عليتس بس خليني اقهوي الحريم شويّات واروح اشوف جوالي
حطت دله القهوه وانحت تاخذ لها شرشف يدفيها عن البرد و طلعت تدور جوالها ورا الخيمه ولا لقت له اثر ضربت الارض بقوه ونطقت : يلييللللل ذا قالي بحطه  وراح مروّاح جدي ونسى جوالي !
طلع سَهم من خلف الخيمه وضحك بخفه : عانيني دوبني جيت يابنت
سَهام فزّت و اقفت عنه وعطته ظهرها : حط جوالي ع الارض و روّح لا يشوفني احد !
سَهم : و اذا شافتس احد وش بيجيتس انتي بوجهي !
سَهام بضحكه : شهالحركات تراني ما ادانيها اقول حط جوالي و توكل
سَهم بصدمه : اوووب اوووب هدي اللعب يابنت فهد بحط جوالتس و بروّح
سَهام اكتفت بالصمت و قررت ترجع الخيمه و ترجع تاخذ جوالها اذا راح ...
سَهم : بنت وقفي مكانتس شوفيني حطيته ع الحديده و عانيني روّحت
انتظرت ثواني و التفت تدور الحديده بعد ما تأكدت انه راح و شافتها و انحت اخذت جوالها و رجعت الخيمه ..
سَهم متجهه لخيمتهم .. و سرح بالتفكير بـسَهام و بعد ثواني رجع لواقعه و يقول كلام بينه وبين نفسه , مسرع ياولد هد هد شوي و بعدين لو اموت قدام امي ما خطبتها لي و ماني حاطها ببالي خلاص .. 
سيلين : هاااه شصار
سَهام : يعععع ما تقبلته احسه حضرررري و يتصنع البداوه
سيلين : ليش وشصار؟
سَهام : اقول خليك منه اهم شي جوالي معععي
سيلين مدت يدها : جيبي خل اشووووف
مدت لها سَهام الجوال و شافت خلفيه جوالها و شهقت : يا هبله حاطه وجهك خلفيه جوالك ليييش؟ شافك خلاص
سَهام بصدمه : وانا يوم جاء شوي و اخنق نفسي بالشرشف اغطي كل شي فيني و اثاريه شايفٍ وجهي من مبططططي!!!
سيلين بضحك : شيخ مباااارك ههههههههه
لمى : يابنات تراني بقوم انتف دالين ذي هي و اختها
حنين : عز الله انتس صادزه شايفات انفسهن على ويش
ريهام : خصوصا دالين هاذي خاااطري بس اقوم و ابقسسههاااا
لمى : ما أخليها بخويطرتس يابنت عمي تبيني اقوم اصفقها لتس ؟
جود : لا لا اهجدي لا تصير مشكله
سيلين : الا وين اختك انتي ؟ ماقد شفتها
لمى : جعلتس ما تشوفينها خل تتقلع
دخلت توق وهي تتأفأف من الهواء اللي خرب شكلها : اووووف وش هالهواااء خرب شعررييي
حنين بقرف : يعععع مو لايق الدلع ترا
توق : وي الناس تسلم تسال عن الحال و الاخبار
لمى : مانبي اخبارتس نبي فرقاتس
جود : يووووه عااددد اسكتوا ما تستحون فيه حريم ترا
دالين : ميييننججيييد ما يستيحووو
ريهام وسعت عيونها وهي مصدومه وبنفس الوقت تضحك على طريقه كلامها : كيف تهرجين انتي؟
دالين : انتي اووسكككتي ما تكلمت معااااكككي
لمى : يااااوك صارو ثنتين ما ينبلعون صيرو خويات و فكونا من قرفكم
ريهام بشماته : بس انا اذكر صوتك بملكتي بحبيبي محمد ماكنتي كذا وش هالتغير ههههههههه ؟