ومات الهَوى والحب بعدك أجمعُ.

Part 15

"بعد ساعه"
اخذ محمد قهوه اخته و غداهم و دورو لهم فندق و دخلوه
سيلين : يالبيه الحين ودي انام بس خلاص كنسل ملكه
محمد : بكنسلك انتي
سيلين : اقول الساعه كم بنروح؟
ابو محمد : الساعه 6 المغرب بنمشي .
سيلين : بعد ساعه ونص يعني!!!
محمد : اي
ام محمد و سيلين قامو يتراكضون يعدلون اشكالهم و شعرهم لانه خرب مع الطريق ...
محمد : الحمدالله اني ولد
ابو محمد : امش امش نروح الحلاق .
محمد : خل نتغدى اول ذولي قامو يتراكضون
ابو محمد : صادق قم حط لنا الغداء
محمد : انا عريسكم تخلوني احط لكم غداء بعد ؟
سيلين ضحكت بصوت عالي ونطقت : كانك رييييهام تسوي لي فلوقات امس و اختها قالت لها ارجعي ورا قالت انا عروستكم انا عروستكم ههههههههه
محمد ابتسم واكتفى بالصمت و قعد يغرف الغداء .
تغدو و خلصو و راح محمد و ابو محمد للحلاق
اما عند سيلين و ام محمد قعدو يجهزون انفسهم ..

<<بالديره>>
كان الكل يتراكض عشان يخلصون التجهيزات
اما عند خلف كان رايح جاي يفرش السجاد و برتب الكراسي و الطاولات مع العمال ..
ثامر بصراخ : لااا صدديقققق بتكسسررر المرايااا
طلعت ام خلف وهي لابسه عبايتها و نطقت : انقلع انقلع ماتعرف ترتب انت؟ وش هالترتيب
ثامر : ليش يا امي والله ترتيبي يجنن
ام خلف تجاهلت ولدها و قامت تعطي تعليمات للعمال عشان يرتبون الاستقبال مثل ماتبغى بنتها ..
ثامر : شدعوه حتى الوالده ما تقدرني ! اروح برا ازين لي .
اما عند جابر! اللي كان دمه يفوووور وهو يشوفهم يجهزون لعقد قران حبيبه الطفوله لاكن لشخص ثاااني !
نطق بحده : والله ماخليه يتهنى ولا مايكون اسمي جابر بن تركي!
سمعه وليد ونطق : جااابر!!! تعوذ من الشيطان وخلي الليله تعدي على خير!
جابر ابتسم ابتسامه خبيثه ونطق : اي اي على خير .
"نجي عند جود"
كانت تراقب تحركات جابر و شافت حديثه اللي دار بينه وبين اخوه وليد .
قالت بينها وبين نفسها بكل خوف : يارب مايسوي شي يارب مايسوي شيي!!
توق بصراخ : فككييي شعرررييي
لمى : افك شعرتس اجل ؟ علامتس تخربين الاغراض
توق : والله مو قصددييي فكيننيييي
لمى : انقلعي انقلعي ماني رايقه لتس بروح اتجهز بس !!!
ام عقاب : وقسم بالله يالمى و يا توق اشوفكم تتهاوشون شوي عند المعازيم اني لاكسركم تكسير!!! سامعين !
توق :  ي ماما هي دايم تضربنننييي!!!
لمى : لأنتس تستاهلين
ام عقاب بحده : خلاص انتي وياها !!! خلصتو شغلكم؟ يلا تقلعو جهزو انفسكم !
بيان : لمو نوني يلا نروح بيتنا نلبس
سَهام : جيبو اغراضكم و تعالو لبيتنا ريهام تبيكم
بيان : تم
اتجهو البنات كل وحده لبيتها تجيب اغراضها و تجهيزاتها معها و توق و جود راحو للقسم المخصص لهم ببيت الجد ضيدان ...
" غرفه توق و جود "
توق : تصدقين جودي اكتشفت ان سعود يحبني
جود وسعت عيونها ونطقت : منجدك؟ عاد كان يقول عنك مايعه و صايعه
توق بحده : خييير؟ هو الصايع مو عشاني اتهاوش مع هالهليق صرت صايعه بعدين انا مو مايعه هذا دلع اذا ما يعرف الدلع مع نفسه
جود بضحك  : عنده لمى تبينه يعرف الدلع ؟ ههههههههه
توق : منجد ياخي هاذي متوحشه تنط علي كانها اسد يدور فريسته!
جود : حرام عليك والله انها حليله بس مُستفزه شوي
توق : شووويي!!! شووويييي!!!
فتح عقاب الباب و نطق : هاه يا خواتي وش تسون؟
جود : تتشكى لي من ضرب لمى لها ههههههههه
عقاب : ماعاش من يمد يده عليتس وانا حي !
توق : حتى حنينينننن حقيره تضربننييي
عقاب ابتسم من طاري حنينه .. بعدين مسح وجهه و شنبه و قال بقلبه : استح على وجهك مسرع حبيتها؟
جود ضحكت و نطقت : الابتسامه؟؟؟
عقاب : اضحك على توق ههههههههه
توق ادركت الوضع و قالت بكل قوتها : يععع!!! حنينينننننن تكفى لا قل غيرها
عقاب : يابنت وش ابي فيها هالمدلعه ؟
توق : صح وش تبي فيها ! مانبيها مانبيها
عقاب : يلا خذو اغراضكم خل اوديكم لبيت عمي فهد
جود : مايحتاج بنمشي هو قريب
عقاب : بصركم .
" خلصو البنات كلهم و اتجهوو لبيت عمهم فهد ..
دخلو البنات مصدومين من شكل ريهام وكيف كانت بقمه الجمال والانوثه .
سَهام بصراخ : واايييي بسم الله على اختيييي
لمى بحماس : الساعه الحين 6 المغرب !! قومو البسووو مابقى شييي
ريهام : اي سيلين اساسا تصور لي وهي تعدل شعرها وقد جو ديارنا اساسا
بيان : يعني وصلو ؟
ريهام : اي بس محمد يقولي اخذنا فندق
حنين قبطت حواجبها و نطقت : محمد ؟ كيف قالك
ريهام تقروشت ونطقت : كنت اكلم سيلين وهو دخل مدرعم يسولف ههههههههه
نورا : خلااص يلا نلبسسس انا اول وحده ادخل الحمام
لمى ركضت للحمام و قفلت الباب عليها : اننن سبقتككك
نورا بعصبيه : اختك الكبيره انا!!!
بيان : غبيه انتي؟ ملابسك هنا و اغراضك
لمى : سَهام طالبتسس تجيبين اغراضي و بجامتي
سَهام : والله محد يقولها شييي طلبتني خلاص .
نورا : خل تطلع بس اوريها انا
بيان : فيه حمام ثاني ترا شفيكم انتو
نورا : روحي له انتي اجل
بيان : اي بروح له , اخذت بجامتها و اغراضها و اتجهتت للحمام اللي كان عند مدخل الرجال .
دخلت بيان الحمام وخذت شاور سرييييع
و طلعت من الحمام و وقفت قدام المرايا وقعدت تعدل شكلها و مشت على اساس تروح لجلسه البنات
الا تصدم بصدر شخص طويل وعريض رفعت راسها بتشوف مين هالشخص الا تنصدم بـ خلف قدامها !
نطقت بتوتر : خلف ؟ وش تسوي هنا
نطق خلف : يا وجهك اللي مرحبا به و لبّيه .
بيان وسعت عيونها ونطقت : انا؟
خلف : اي اجل من غيرتس فيه ؟
بيان غطت وجهها وركضت للبنات ....
دخلت بيان و وجهها احمممر
حنين : شفيك انتي قلبتي طماطه؟
بيان : طلعت برا بالحوش اسوي تان
ريهام : انتي احترقتي ما سويتي تان حبيبتي!
بيان : اي ههههههههه
طلعت لمى من الحمام مروقه و تغني
نورا نقزت عليها : خييير؟؟ فوق ما انك دخلتي قبلي قعدتي ساعه!!!
لمى : معليش حبيبتي احتاج شاور عميق بعد الكرف ذا
ريهام : اشتغلتو كثير؟
لمى : تسال بعد و الاخت قاعده هنا و مروقه ! اي اشتغلنا كثير !
اي اشتغلنا كثير !
" عند خلف "
ركضت بيان من عنده وهو كان يضحك عليها و قال : ياويييل حااالللي انا كيف بتحمل ؟؟
"عند البنات"
كان البيت يُعم بالفوضى و ازعاج البنات
بيان : انا اللي جبته ! يعني انا اللي اسوي شعري اول !
نورا : تقلعي بس انا الكبيره !
بيان رمت الاستشوار عليها و اتجهت لسَهام
سَهام : شفيتس ؟
بيان : ابغى الاستشوار حقك بسوي شعري
سَهام : ليكون بتسوين ستريت ترا بنجن!
بيان : لا بسوي ويفي !!
سَهام زفرت براحه و أشرت على الدرج و نطقت : هنا كل اجهزه الشعر .
<<بعد ساعه من تجهيزات البنات>>
اجتمعو كل البنات بالصاله و طلعو كل وحده تقول الزين عندي !
حنين : ياحلوك يا سَهااامي!!
سَهام : وقسم بالله انتي تهبلين اكثر!!
حنين : ياويلي لا تحلفين كل الزين عندك!
توق نطت عليهم و نطقت بكل غرور : لا انتي ولا هي الزين كله عندي انا !
لمى : يععع يشيييينك !
بيان ضمت توق و نطقت : حرام عليكم ! والله اني احبها صح انها كريه بس احبها
توق بادلت بيان الحضن و نطقت : حبيبتي انتي حتى انا احبك ! بس هم سملق ما يقدرون نعمه وجُودي!
لمى : يع تكفين يا اختي ما لقيتي الا تحبين هاذي !
قاطع حديثهم دخول ريهام المُذهل وهي تقول : انا العروسه ؟ معناته انا احلاكم ههههههههه
البنات بصوت واحد : اتفق!!!
"تخّيل بسيط لفساتين البنات"
~ ريهام : تزيّنت بنت فهد بفستان ابيض ماسك من فوق حتى خصرها ومن بعده ترك راحته و اخذ مساحته , شعرها ويّفي و تاركته براحته .
~ سهام : فستان كسَاه اللون الاسود  ماسك على الجسم و مُزين بالكريستال الابيض , رافعه نص شعرها و الباقي تاركته على راحته .
~ النورا : فستان ماسك باللون الوردي و كعب ابيض و تاركه شعرها على راحته .
~ بيااان : فستان احمر مُخملي ماسك على الجسم فيه فتحه بسيطه من عند الساق , شعرها ويفي و تاركته على راحته .
~ لمى : فستان كساه اللون اللحَمي و اكمامه بسيطه و قصير لفوق الركبه و كعب اسود , شعرها ستريت و تاركته على راحته .
~ جَود : فستان اسود مُخملي ماسك على الجسم الى عند الخصر و من بعدها ترك راحته و فيه كسرات بسيطه باللون الاسود و الابيض و يوصل لفوق الركبه , شعرها ويفي و تاركته على راحته .
~ توق : فستان كسَاه اللون الزيتي فتحته توصل للفخذ و زينات بسيطه , كعب بني فاتح و شعرها ويفي من تحت .
~ حنين : فستان باللون الوردي , الابيض , الاحمر , مُختلطه هاذي الالوان بشكل جميل و له اكمام و يوصل لفوق الركبه ,شعرها ويفي و رافعه نصه .