ومات الهَوى والحب بعدك أجمعُ.

Part3

قام الكل انطلق بدور ريهام وهم مرعوبين !
حنين : ركضت و اخذت عبايتها و راحت متجهه لمجلس الرجال تبكي تبي ابوها
وليد : حنيينن!!؟ وش تسوين هنااا ادخلي دااخللل!!!
حنين وهي تصيح : عمممي عمممييي فهدددد ريهام مو معانا مو موجوددههه!!
ابو خلف توسعت عيونه و نطق : ريهام!! بنتييي وين!!! وين راااحتتت مو كانت معاك يا عقاب!
جابر : قام ومسك اخته و دخلها جوا
خلف قام بعصبيه و مسك ياقه عقاب ونطق بصراخ : وين اختتييي!!! مو كانت معاكم! هاذي نهايه الامانه يا عقااببب!!
عقاب دف خلف : هي نزلت من السياره ! لما انا و البنات رحنا البقاله!
نطق ابو خلف : ولييششش ما خذيتوها معاكم! هاه!!!
عقاب : والله يعم هي ما نزلت و يوم ركبت سالت عنها قالت لي توق تهاوشت انا وهي و نزلت و راحت سياره خلف!
خلف نطق : بس هي ما جت معانا! وين راحت البنتتتت!!
الجد ضيدان نطق بحده : خلو عنكم الهواش و قومو دورو البنت الااان!!!
_____________________
" عند ريهام "
الشمس بدت تغيب و ريهام كانت مرعوبه و تبكي بحرقه
خطر على بال ريهام جوالها قامت بسرعه تفتح شنطتها تدور جوالها لاكن ما كان موجود! زاد بكاء ريهام و زادت شهقاتها و تفكر كيف تنقذ نفسها !
جت سياره مسرعه و نزل منها شخص كان لابس ملابس العسكريه و الهيبه واضحه من مشيته
شافت ريهام السياره اللي نزل منها هالشخص و راحت تركض عنده وهي تبكي
شافها الشخص وهي تركض عنده و انفجع منها و من السواد اللي حول عيونها , تكلم و قال شفيك يا اختي تحتاجين مساعده؟
ريهام كانت تتكلم و مو قادره ترتب كلامها و تقول , ضعت اهلي خلوني راحووو
العسكري حاول يهدي ريهام و قال لها تعالي اجلسي بسيارتي الجو بدا يبرد وانتي ترجفين!
ريهام ركبت السياره بتردد ....

" بالمزرعه "
الكل كان متوتر و معصب و خايف على ريهام
ام خلف وهي تبكي : اللهم اني استودعك بنتي يارب إنك تحفظها
سَهام : مسكت امها و هدتها و اعطتها ماء تشربه
خلف ما تحمل كيف ان امه تبكي قدامه و راح ركب سياره متجهه للشرطه يبي يبلغ عن فقدان ريهام .
الجد ضيدان نطق : وين راح خلف المهبول ذا بسرعه شوفوه!
وليد : ابشر يا جدي بدق عليه , دق عليه وليد و قال خلف وين رايح انت!!!
خلف نطق : رايح ابلغ الجهات المختصه يبحثون عن ريهام !
وليد : اذا جاك خبر علمنا
خلف : انشاءالله و قفل الخط .

" عند ريهام و العسكري "
بعد ما العسكري خلى ريهام تهدى
ريهام قالت : لو سمحت ابغى مويه حلقي يعورني
العسكري نطق : اسمي محمد و ابشري
ريهام قالت : عاشت الاسامي
محمد : عاشت ايامك , نزل محمد البقاله يجيب لها مويه
ريهام نزلت نقابها و طرحتها عشان تعدلها
محمد جاب لها المويه و رجع بسرعه و فتح باب السياره و انصدم ب جمالها الطاغي و تنح فيها كم ثانيه , استوعب الوضع و قفل باب السياره بقوه
ريهام : انفجعت من باب السياره و عرفت ان محمد شافها وهي كاشفه و تفشلت
محمد قال ب قلبه : وش هالجمال يبوي ! عز الله انها سرقت قلبي بثواني ,
محمد : فتح باب السياره وصد عنها و قال خلصتي ؟
ريهام بفشله : اي خلصت
ركب السياره و قال ممكن تقولين لي اسمك كامل ؟
ريهام نطقت : ريهام فهد ال ضيدان
محمد توسعت عيونه و نطق : انتي اخت اللواء خلف !!!
ريهام بفرحه : اييي تعرف اخوي ؟؟؟ اماااانه اتصل عليه
محمد وهو مصدوم : الان اتصل عليه , اتصل محمد على خلف
" عند خلف "
خلف كان متجهه لمركز الشرطه عشان الجهات المختصه يبدون بالبحث عن اخته المفقوده ..
رن جوال خلف و رد على محمد و قال ارحب
وصله صوت محمد وهو يقول :البقى
خلف : يا مرحباااا يامحمد وش بغيت؟
محمد : انا لقيت اختكم ريهام و هي الان بسياراتي
خلف تكلم و الابتسامه شاقه وجهه : ريهام؟؟ معاك هي الحين؟؟
محمد : اي نعم هي معاي
خلف : انت وينك؟ بجي اخذها
محمد : ما يحتاج ارسل لي الموقع وانا عندك !
خلف : ابشر ابشر و الله يسعدك يا محمد و انتبهه عليها زين
محمد : على خشمي
خلف اتجهه وهو راجع للمزارع يعطي اهله الخبر .
" عند ريهام و محمد "
ريهام باستغراب : ليش ما خليت اخوي يجي ياخذني ؟
محمد : انا لقيتك وانا اللي بوديك
ريهام سكتت و ما قالت شي
محمد يبي يلطف الجو و قال : امانه الحين انتي نزلتي من السياره عشان هوشه! ههههههههه
ريهام قامت تبكي : وهي تقول مايضحك ترا قطعت كتابييي
محمد انفجع من صياحها و نطق : ليش ليش الدموع يا روح محمد !
ريهام وسعت عيونها : روح محمد؟؟!؟!؟!
محمد ابتلش و قال : اقولها دايم متعود انا هههه
ريهام غيرت الموضوع و قالت : كم تبعد مزرعتنا من هنا؟
محمد : ساعه ونص
ريهام شهقت : ساعه ونص!!! وانا بقعد معاك كل هالوقت بالسياره!
محمد نطق بتعجب : عادي مو كنتي بتقعدين مع اهلك بعد ساعه ونص؟
ريهام : اهلي غير انت ماعرف عنك الا اسمك
محمد : تبين تتعرفين علي اجل؟ ههههههههه
ريهام بخجل : لا
محمد قام يضحك عليها .
" بالمزرعه "
نزل خلف من السياره مسرع متجهه للمجلس , دخل المجلس ما حصل الا جده و عمه ابو وليد , نطق خلف : ريهاام لقيتها لقيتهاااااا
قام ابو وليد بفرحه : و قال وينههااا؟
قال خلف : لقاها واحد من اخوياي بالمحطه و اخذها و قال الحين بجيبها لكم
الجد ضيدان بعصبيه : وانت كيف واثق بالرجال انه ما يسوي شي بأختك!!!
خلف توسعت عيونه و نطق : لا لا يا جد هذا محمددد!! و اعرفه زين ماراح يسوي فيها الا كل خير!
الجد ضيدان : اي انشاءالله!!! و انت يا تركي دق على العرب و علمهم يرجعون
ابو وليد : على خشمي
خلف اتجهه لقسم الحريم و قال يا ولددد!!!
سَهام كانت راح تقوم لأخوها لاكن وقفتها بيان و قالت اجلسي انتي تعبتي مرا انا اقوم و اشوف وش يبي من وراء الباب
سَهام : الله يعطيك العافيه يا بياني
بيان مسكت طرحتها و حطتها على راسها و قالت نعم وش بغيت؟
خلف : استغرب من الصوت و قال انتي سَهام؟
بيان : لا انا مو سَهام انا بيان !
خلف : تذكر الموقف و ابتسم , طيب نادي لي سَهام
بيان بعصبيه : سَهام تعبانه ! قول لي وش تبي!!!
خلف تنرفز منها و قال : الحمدالله و الشكر! و اقصري صوتك يا بنت!
بيان : انا اقولك وش تبي اعجل علي!!!
خلف : قولي لأمي و لسَهام اني لقيت ريهام
بيان بفرحه : اماااانه!! منججددد وينههاااا
خلف : واحد من اخوياي لقاها عند المحطه وهو جايبها بالطريق
بيان : قفلت الباب بقوه على وجهه خلف وهي تضحك , ركضت لأهلها و علمتهم ان بيان بخير وهي جايه
ام خلف بدموع الفرح : باللهم لك الحمدددد انك استجبت دعائي .

" عند ريهام و محمد "
محمد كان مشغل اغاني و منمدج معها ويغني بصوته العَذب
كامله والله اللي يستحق الكمال
صورهٍ كل ما فيها فريد و جميل ...
يعجز الشعر عنها حتى لو بالخيال .
ريهام كانت مصدومه من حلاوه صوته و تقول ببالها ليكون يقصد احد ؟ وانا هنا معاه ياربي عيييب!!!
محمد لاحظ ان ريهام غاطسه بالتفكير و ما حب يزعجها بالاسأله وكمل يغني ...