ومات الهَوى والحب بعدك أجمعُ.

Part 18

دخل خلف ع الصاله وهو شايل بيان بين يدينه
صرخ سعود لما شاف اخته بين يدين خلف : ي رجااللل!!!
دخل خلف اي غرفه و قفل الباب وسحب ع صراخ سعود و حطها على السرير و لمس جبهتها شاف ان درجه حرارتها مرتفعه و غطاها باللحاف و باس جبينها و طلع من الغرفه و شاف سعود قدامه
خلف : عسى ما شر ؟
رفع يده سعود و اعطى خلف كف على خده الايمين : ما تستحي على وجهك انت !!!
خلف : استهدي بالله ي ولد! و احمد ربك اني لحقت على اختك قبل لا تموت و ادخل عاين فيها
دخل سعود و ضرب كتفه ب كتف خلف و استحقر كلامه ..
دخل خلف بالصاله و قعد وهو يعاين ب نظرات اهله له : سلامات شفيكم ؟
ابو وليد : وعيباه يـولد اخوي !
خلف قام و طلع من بيت جده متجهه لبيتهم يتجنب كلامهم ..
حنين : اوومييقااددد انااا اللي شفته قبل شوي حقيقييي!!!
لمى : منججدددد كانهم بمسلسل!!!!
ضربت نورا راس حنين ولمى : بس اسكتو وصخات ههههههههه
توق بقرف : اختك الوصخه ما تدرين عن فعايلها
لمى : انقلعي لا اجرم فيك الحين!!!
توق مسكت يد اختها و طالعت فيهم من فوق لتحت ..
نورا : يع هاذي للحين على حركات المراهقين ؟
لمى : خفي علينا ي الكبيره !
نوره : طبعا حبيبتي اكبر منك بخمس سنين !
<<بالمستشفى>>
ريهام : سيليو متأكده ما نسيتي شي ؟
سيلين : مشاءالله دلع جديدددد عجبننني
ريهام : شرايك بسسس
سيلين : والله برااافو بعتمده اكثر من سيليني
محمد مد يده و اعطى ريهام المفتاح : روحو السياره وانا بوقع اوراق الخروج
ريهام : تقدر تسوق وانت بهالحاله ولا ادق على ثامر؟؟
محمد : لا لا ماله داعي تلاقينه بدوامه الحين
طلعو ريهام و سيلين متوجهين للسياره و محمد للأستقبال ..
<<بالديره>>
الجد ضيدان : ابك انتو علامكم! ما جهزتو الفرش ولا الذبايح الرياجيل !!!
وليد : اي رياجيل يا جدي ؟
الجد ضيدان : الغداء لدكتور سهمان و العشاء ل نسيبنا محمد !!!
ضحك وليد بقوه وهو يقول : سهمان منننن! ههههههههه
الجد ضيدان : انقلع قم اشتغل لا تقعد تتضاحك عندي !
وليد سحب معاه جابر ونطق : حوّل علي جدي
جابر : صاير ما اطيقكم ولا اطيق جلستكم انا بهاجر!
وليد : انت شايف وش مسوي ؟ المفروض هم اللي ما يطيقونك!
جابر : اقطع و اخس ي رجال !
وليد : اقول عاين فيني ! محمد بيجي و العشاء له الليله بالعزبه لأشوفك متعرضٍ له صح اني اخوك و اعزك بس آنك زودتها ي البزر
جابر : اي زين زين
قامو يجهزون المفارش و دلات القهوه و غيرها ..
<<عند الحريّم>>
دخلت ام سعود على بيان و شافتها صاحيه تقلب بجوالها : صح النووووم يروح امممك
بيان : يمه ي أمي كاني بفلم شصار ؟
ام سعود : ضعتي فجاءه و انهبلنا و دورناك بكل مكان و طلعتي نايمه بالسطح ي الوصخه
بيان : منجد ؟ صارت كل هالحوسه و بالنهايه انا نايمه بالسطح! ههههههههه
ام سعود : اي ولا بعد الشمس ضاربتك و شكلك زكمتي
بيان : اي شمس وحنا داخلين ع الشتاء يروحي ههههههههه
ام سعود : والله مدري يبنتي بس قومي تروشي و تجهزي عندنا غداء و عشاء
بيان : ول غداء و عشاء ! لمن ؟
ام سعود : غداء لسهم و عشاء بالعزبه لمحمد
بيان : اي زين اجل وين البنات بروحلهم بشوف وش عندهم
ام سعود : عانيهم بالصاله اللي بالدور الثاني
قامت بيان متجهه للبنات واول ما دخلت عليهم كلهم صارخووو
حنين : اففففف فاتكككك وشصاااررر!!!
لمى نقزت على بيان و ضربتها مع كتفها بخفه ونطقت : والله وعيباه طحتي من عيني ! هاذي اختي الهاديه الكيوت طلعت كذا
سَهام : حراااام عليك هي شدخلها نايمه
حنين : اعقبي انتي اخوتس بعد ما يستحي
سَهام : شدخلني اناااا هو قليل ادب
لمى : والله لو انها جود و شافتنا نسب اختها كان قامت علينا
دخلت جود عليهم و نطقت : شفيها جّود ؟
حنين : مافيتس الا كل خير
لمى بضحك : اي خير وهي متناقضه مره معنا و مره علينا
جّود : تبيني اصير ضد اختي عشانكم؟ والله تخلف
نطت ريهام عليهم و حضنت لمى ونطقت : انتي المتخلفه ما تسبين لموووو!
حنين بصدمه : اعوذ بالله كيف جيتي انتي
ريهام : انا باتمان طرت عندكم و سحبت سيلو معايي
حنين بهمس : لا يسمعك وليد تقولين سيلو والله يذبحك
سيلين : سلام بنات كيفكم؟
نورا : الحمدالله بخير , ادخلي شفيك واقفه عند الباب
لمى : اي حياتس البيت بيتس
حنين : تفضلي
سيلين : للحين ما نسيت ترا !
حنين : وش بعير انتي حقدتي علي شدخلني اصلا
سيلين : اوكي خلاص راح اسامحك
حنين : كاني ترجيتك عاد
ريهام : خلاص بس يلا خل نتجهز عشان الغداء ما بقى شي
سيلين : بس انا شنطتي بالسياره ؟ راح اروح اجيبها و ارجع
ريهام مدت مفتاح السياره ل سيلين : خذي نساه عندي
اخذت سيلين المفتاح و نزلت وهي حاطه الطرحه على راسها ..
طلّت براسها تتاكد اذا فيه احد ولا لا و ماحصلت اي شخص و فتحت السياره و اخذت شنطتها و لماً جت بتدخل البيت لقت وليد قدامها يكلم بالجوال ويقول : اليوم لازم اداوم؟ مو قلتو لي عندي اجازه!
انخرشت سيلين و حطت طرحتها ع وجهها و سحبت شنطتها و ركضت علطول و لاحظها وليد وهي تركض بس ما شاف الا قفاها
دخلت سيلين عند البنات و طلعت فستانين واحد احمر مشّجر طويل و الثاني ابيض فوق الركبه و فيه كم واحد و سألت : اي واحد البس ؟
لمى : احس الابيييض
نورا و ريهام : الابيييض
سيلين خلاص : راح البس الابيض و باليل بلبس شي ثاني
لمى : انا بلبس مخّور
حنين : البسسس معااككك ؟ عندي واحد سماوي يجنن
لمى : قدااام وانا حقي لونه بيج
نورا بضحك : وانا شكلي بلبس قميص روز
ريهام : لا سلامات اسمع عماتي قبل شوي يقولون بيجون ناس كثير و اهل سهم بعد بيجون
سَهام : يليل يعني بتجي ذيك الكريهه ؟
سيلين : ايي اسمها دالين و اختها لورا اختها مرا كيوت بس دالين غغغثى!!!
لمى : بنت خالتها و منغثه منها اجل كيف حنا
سَهام : المهم ما علينا باقي انا و نورا و ريهام وش نلبس ؟
ريهام : بلبس جينز و توب ابيض
نورا : مخّور زي البنات
سَهام : اجل انا بلبس فستان ضيق يههبللل !
سيلين : راح اخلي كيرلياتي موجوده و صدقوني بتجيني وحده من العجايز بتقولي وش هالكشه
حنين : منجددد! ولا تقولك ماعندك مشط تمشطين شعرك ي بنيتي ؟
سيلين بضحك : معاناه وربيي ههههههههه
حنين : شايفه الله يعيييين
سيلين : راح البس وبسوي ميكب لوحده فيكم لاني ميكب ارتست
ريهام : منجد ما علمتيني آنك ميكب ارتست؟
سيلين : لا وين امزح بس يعني اعرف احط ميكب مرا
ريهام : خلاص حجزتك ي الميكب الارتست تسوين ليي
سيلين : من عيونييي ههههههههه
لمى همست ب اذن حنين ونطقت : احس احس انها دلوعه مره
حنين : ايي تشوفين كيف تقول مره تقولها مراااه
لمى : هو عادي الدلع حلو لايق عليها مو على توق المخنزه
حنين : عز الله انتس صادقه بس حنا همجيات ما نعرف نتدلع ههههههههه
لمى : اسكتي الله يقلعك ههههههههه
<<عند الرجال>>
دخل وليد و استأذن من اهله مايقدر يحضر لا الغداء ولا العشاء و ان عنده دوام و انطلق ب دوامه ...
اما عند جابر اللي قاعد ورا بيت جده وحاط له شاهي و قاعد يفكر .. قاطع تفكيره ثامر وهو داخل عليه ببدله دوامه ونطق : كيف الحال ؟
جابر : كيف حالي ؟ وهذاك المروّح ماجود ؟
ثامر : منهو ؟
جابر : زوج اختك الله يقطعه ! حتى قلبي يعورني يوم اقول زوجها !
ثامر : معليش يا اخوي ي جابر بس انت لا وظيفه ولا بيت وتوك بزر وهو خطبها وصار زوجها
جابر : انت مو مستوعب ان هو عمره 28 وهي 19? سلامات متزوجه وحش هي
ثامر : شدخلنا و العمر ماله دخل وهذا النصيب
جابر : برجال توكل لا اهفك هالحين ب دله الشاهي
ثامر : الشرهه مو عليك على اللي يواسيك
جابر : امحق مواساه لعاد تواسي
<<الساعه وحده ونص الظهر>>
بدؤ المعازيم يجون و يدخلون و البنات لسا بغرفهم ..
دخلت ام عقاب عليهم : سلااااماااات!!! ضيوف انتم ضيوووف يوم انكم قاعدين بالغرف !!!
سَهام : خلاص ابشري ي عمه شوي وحنا جاين
ام عقاب : معاكم نص ساعه ي ويلكم لو ما تجون!
لمى : يليل عاد عمتي ذي بعد غثيثه زي بنتها
ريهام : كان ودي انصح و اقول عيب بس انتي صادقه ههههههههه
سيلين : اشبكم ؟ شكل عائلتكم كلها غثيثه
حنين : لاا بس عمتي و بناتها و ولدها غغغثثثى!!!
سيلين : عمتكم هاذي العملاقه اللي ولدها عملاق ؟
حنين فطست ضحك على التشبيهه : يسعددد دينننك ع التشبيهه ههههههههه!!!
سيلين : لا مينجد اتكلم هوا ذا ؟ قد شفته انا ملامحه مو مريحه انخرعت منه هجييييت
حنين : اي اي هو
سيلين : والله عيالكم كلهم ملامحهم مو مريحه عكسكم انتو البنات وجيهكم لطيفه
نورا : قلتيها حنا بنات وهم عيال
لمى : اول مرا اتفق مع هالاربعينيه
سيلين شهقت بقوه و نطقت : نورااااا! انتي اربعينيه!
بيان صفقت جبهتها : لاااا مو اربعينيه توها بالعشرين
سيلين : اجل ليش اختكم تقول كذا ؟
لمى : لان شخصيتها شخصيته اربعينيه
سيلين : حرام عليكي انا اشوفها مؤدبه هاديه زي بيان عكسك انتي واضح انك شيطانيه
حنين : كل ذا و واضح ؟ الا تأكدي
سيلين : اي ياخي عرفوني عليكم زين ما اعرف الا ان ريهام عندها سَهام و أخوين بس
نورا : حنا بنات رِحاب و عندنا اخو كبير اسمه سعود وحيدنا و بيان الوسطانيه و لمى العنقود
حنين : انا وحيده اخواني تعرفينهم عاد
سيلين بهمس : ايوا ما يحتاج معروفين واحد كريهه و واحد خفيف ههههههههه
بيان : خلاص يلا دام ان كلنا لابسين خل ننزل تحت و نسلم ع الضيوف و نقويههم
سيلين : ليش مافي عاملات بقهونهم ؟
لمى : حنا العاملات ي روحي ههههههههه
سيلين : يعطونكم راتب؟
حنين : لا عاد نمزح شفيها ذي
ريهام : يمه اعوذ بالله بشر كثير !
لمى : اجل حيوانات؟
حنين : مين تدخل تسلم اووول؟؟
نورا : صدق انكم بزران بدخل و الحقوني
لمى : ما كذبت يوم قلت اربعينيه
دخلو على الحريم و و خلصو و قعدت سيلين جنب امها و جنبها عجوز ثانيه ..
العجوز مسكت يدين سيلين : شسمتس يابنيه!
سيلين : اسمي سيلين
العجوز : منهي امتس انتي ؟
سيلين أشرت على امها
العجوز : علامتس ملبسه بنتس تسذا؟ ما تستحين استريها
ام سيلين : بكيفها بنتي و وحيدتي!
العجوز : و شعر بنتس علامه منكوش زي تسذا ؟
سيلين : ي جده هذا كيرلي
العجوز طلعت من شنطتها مشط و جت بتمشط شعر سيلين لكن سيلين قامت علطول و قالت : تبين قهوه ي جده؟
العجوز : انثبري!! خليني اعدل شعرتس!
سيلين : لا لا انا شوي اروح اسويه , راحت سيلين عند البنات و نطقت : ياربي اشغلوننيييي!
<<عند الرجال>>
ثامر : يرجااال !!! اشغلتوني كل شوي معطيني دلات اروح اسويهم!
خلف : اقول انقلع ولا يكثر جونا البشريه كلها انقلع سو القهوه!
ثامر : حسبي الله ونعم الوكيل يارب
دخل مع باب المجلس سَهم و رد السلام عليهم
نطقوا بصوتهم الجهوري و بلحظه واحده يردون السلام و يرحبون به
ثامر اخذ دلات القهوه و اتجهه فيها للمطبخ
دخل المطبخ و شاف مافي احد رفع جواله و اتصل بسَهام : الوووو سَهاامممم تعاليييي المطبخخخ
سَهام : طيب شفيك تصارخ! , قفلت الخط و جت للمطبخ
ثامر : خير تقفلين بوجهي ! احترام شوي
سَهام : اخلص وش تبي !
ثامر اعطاها الوجهه البريئ و نطق : سوي قهوه ي روحي انتي
سَهام : لا يروحي انت , طلعت برا المطبخ علطول
ثامر : سلامات هاذي ليش ما تحترمني ولا تقدرني!!!
ثامر بغرور : انا اقول اقوم اسوي قهوتي بنفسي ازين لي لاني اساسا طباخ
قام يحوس بالمطبخ و يدور ب الادراج و يفكر كيف يسويها وهو ماقد سوا قهوه بحياته ...
دخلت لمى المطبخ من توصيات امها عشان تجيب القدوع ولا لاحظت ثامر و حوسته جت بتمد ايدها تاخذ القدوع الا يفجعها ثامر : بوووو عوووووو
ارتاعت لمو و جت بتنحاش قالها ثامر : احتاج مساعده تكفين
وقفت و قالت اصبر اصبر اجيب شرشفي! راحت و جابت شرشفها و غطت نفسها الا حواجبها و عيونها
وقالت : وش تبغى؟
ثامر أشر بإيده على حوسته و نطق : شوفه عينك حست المكان عشان اسوي قهوه ولا عرفت تسوينها لي ؟
لمى : وليش ما تنادي وحده من خواتك !
ثامر : ناديت بس كرشتني
لمى بضحك : زين زين بسويها بس ارجع
رجع ورا قريب من عند الباب وهو يراقب تحركات لمى كيف تسوي القهوه عشان يحفظ طريقتها
خلصت من قهوتها و جت بتزلّها و تحطها جوا الدله الا تتناثر القهوه على يدينها صرخت بقوه و قعدت تصايح من الالم
فز لها ثامر وهو يقول : شفيتسس!
لمى ببكاء : يديي يديي احترقتتتت
جاء ثامر بيمسك ايدها يحاول يهديها الا يسمعون صوت ام لمى جايتهم ..
لمى : ثااماماممررر!!! تخبى تخببببى ماما جاتتتت!
ثامر بربكه : وين اروح وين اروححح!
لمى مسكته من ثوبه و سحبته بسرعه و قالت : هنا هنا ورا الباببب اسكت ولا كلمممه!
ثامر : طيب شفيتس لا تنافخين
لمى : يليللل مو وقتككك!
دخلت ام لمى و شافت لمى تتكلم : تسولفين مع مين انتي ؟
لمى : هاه ؟ محد مافي الا انا هنا
ام لمى : وينتس طرتي قلت جيبي القدوع و رحتي على وجهتس !
لمى : شوفي ي ماما ايدي احترقت وانا اسوي القهوه!
ام لمى فزّت لبنتها بس لمى نقزت عندها عشان ما تجي امها و تشوف ثامر ورا الباب ..
لمى : هاه شفتي ؟ ي ماما يعور ابغى مرهم
ثامر من ورا الباب امحق عوار عز الله انتس فسقانه
ام لمى : اعوذ بالله تسمعين صوت يبنتي ؟
لمى : لا لا مافي صوت يلا امشي ي امي جيبي لي مرهم , طلعت ام لمى برا المطبخ و رجعت لمى ركض للمطبخ وهي تقول : انقلع برا انت الفسقان ي الحيوان !
ثامر : خير شفيتس انتي تهاوشيني !
لمى : انقلع لأنادي عليك سعووود!
ثامر : و الت**ن فيتس انتي و اخوتس
لمى وسعت عيونها وهي معصبه و طلعت كعبها و رمته عليه وتصارخ : يلااا برااا
طلع ثامر يركض مع الباب الخلفي للمطبخ : والعياذ بالله الحمدالله انحشت منها تروع
جاء ثامر بيدخل المجلس و يدينه فاضيه و هو ناسي الدلال بالمطبخ ..
مسكته خلف من رقبته : وين الدلال يا الورع !
ثامر : خير خير يالطيب درينا انك الكبير بس ما تتلني مع رقبتي كيذا فكني يولد
فك خلف رقبته ونطق : وين رحت هالوقت كله؟
ثامر : اسمع انا راح ابرر لك لا تهاوشني كيذا
خلف : شفيك انت كانك ورع لا تهاوشني لا تهاوشني انطق لامردغك الحين
ثامر : وش هالقسوه اللي فيكم يـبني ضيدان!
خلف بعصبيه : اعجل !!!
ثامر : شف جيت لأختي الكبيره الحنونه على اساس تسويها لي بس طردتني و جيت انا ادبر و احوس وانا ماقد سويت قهوه و جت اخت ام العيون السّود و سوتها لي بس بعدين صارت مشّاده بالكلام و طردتني
مسك خلف بطنه من الضحك وهو يقول : طردتك اخت ام العيون السّود !! ههههههههه ايات فيهم الكبيره ولا الصغيره؟
ثامر : الصغيره العوبا
خلف : مو على اساس آنك تحبها و معاقبنا فيها من يومك صغيّر؟
ثامر : لااا يولد ما احبها اللي كنت احبها بنت خالي بس خالي كرشني قال والله ما تاخذها يولد الديره
خلف : ما ينلام والله بس يلا عاد عطيتك وجهه انقلع جب القهوه
ثامر : علي الحرام ما اروح وانا مطرود ! رح بس ناد اي بزر هنيا يجيبها !
خلف : البزر ما يقدر يشلها يولد !
ثامر : خلاص رح انت مع الورع و خليه ينادي لك وحده تجيبها !
خلف ابتسم ابتسامه على جنب وكان بباله بيان ..
راح نأدئ اي ولد خاله الصغير " سلمان " و قعد يقنعه يروح معاه و يعطيه اغراءات انه يوديه البقاله ومنها ..
سلمان : اوكي بس ما تسحب علي !
خلف أشر على خشمه : على ذا الخشم بس اسمع تنادي البنت و ما تقول انه خلف يبيك سمعت؟
سلمان : ايش اقول لها
خلف : قل لها روحي المطبخ سوي قهوه يبونها الرجال ضروري و انت اطلع و قفل الباب
سلمان : ليش هي زوجتك ؟
خلف بضحك : انشاءالله بعدين تصير ههههههههه
سلمان : اوكي يلا انا اصير بدالها ؟
خلف وسع عيونه بقوه ونطق : انتتت! انت رجال ي بابا الله يهديك
سلمان : امزح معاك شفيك انت سبك زي اخوك
خلف : خلاص الله يهديك بطني عورني من الضحك امش قدامي شاطر
سلمان : اوكي يلا
مشى سلمان وهو ماسك يد خلف و وصلو عند باب المطبخ الخلفي و دخل سلمان جوا عند الحريّم وقعد خلف عند الباب
سلمان مسك حنين ونطق : انتي بيان الحلوه؟
حنين بأبتسامه : لا يماما ليش وشتبي ؟
سلمان بوجهه بريئ : وريني اياها بليييز
حنين مسكت خدوده : قلبييي انا شوفها هاذيك اللي لابسه فستان وردي
سلمان : شكرااا انتي حلوه بس شعرك خايس
حنين بصدمه : عفوًا عفوًا
سلمان قعد جنب بيتنا ونطق : اهلا يا حلوه
بيان : اهلين ي حلو؟
سلمان : ممكن تعطيني مويه من المطبخ ؟
أبتسمت بوسع ثغرها تنطق : قلبييي يلا تعال معاي
سحبت له علبه مويه و فتحتها له و نزلت بطولها لطوله ونطقت : ايش اسمك ياحلو؟
سلمان : سلمان اسمي سلمان
بيان : ياحلو اسمك يسلمان
سلمان : شكرا بس ابغى اقولك شي عادي ؟
بيان : ايوا عادي
اما عند خلف كان يسمع من ورا الباب و يقول : يارب ما يقولها يارب ما يقولها فضيحه ذا !!!
بيان : ايوا ي ماما شفيك سكتت؟
سلمان : انا احبك
بيان حضنته بقوه ونطقت : وانا امووووت فيك يروووحي !
سلمان : اوكي باي باي
خلف : الحمدالله سكتت هالورع !!!
طلع سلمان برا المطبخ ومسكت بيان جوالها تقلب فيه ...
اخذ خلف نفس عميييق وهو كان ناوي يدخل يشوف بيان ومتحمس لها , مسك قبضه الباب و فتح الباب بشويش , جمد خلف يشوفها قدامه بفستانها الوردي و شعرها منسدل على ظهرها و ابتسامتها العريضه و عيونها السّود ..
نطقت : بالله عليك لمو دامك جيتي جيبي لي اي شي اكله ما اكلت شي
سمع صوتها للمره الثالثه وهو مميز صوتها عن ألف حنجره و رفعت نظرها له وتأكد من عيونها السّود انها بيان اللي تلت قلبه من اقصاه ..
كانت مصدومه و عجزت تتحرك , توسعت عيونها بصدمه من شافته قدامها, شهقت ترمي علبه الماء عليه , سُرعان ما رفع يده يصد ضربتها و انحنى للأسفل يجيب العلبه وتقدم لها , شهقت ورجعت بخطواتها للخلف , ثبتت يدينها على وجهها بذعر
سحب دلات القهوه و ماقوى يتحكم بنظره وهو يشوفها بكامل زينتها قدامه ..
بلع ريقه وزفر بغضب يصّد عنها و يرجع بخطواته وخرج من المطبخ ..
زفرت برعب و فتحت عيونها : ااااه ياربييي كيف جاء هذا !!
طلعت من المطبخ مرتبكه و متوتره و حصلت قدامها الطامه الكبرى توق وهي تدور محارش معاها !
توق طلّت براسها للمطبخ ونطقت : شتسوين بالمطبخ لحالك هاه!
بيان : شفيك انتي ؟ اعطي الطفل مويه!
توق : طفل ولا رجال !
بيان بتوتر : اي رجال !!! اقولك طفل طفل !
توق : ما يندرى عنك انتي لك سوابق !
بيان : اقولك انقلعي ماني رايقتلك!!
توق بخبث : انا اليوم اعلمك كيف تروقين لي
دخلت بيان على البنات بالصاله ونطقت : ببنات توق هاذي كريها مرا اقلعوها عني !!
حنين : انا اقول نرميها من السطح ازين؟
لمى : اقووول اسكتو اسكتو استمعو إلى كلماتي العذبه راح ألقي كلمات ! لي ساعه احفظها
ريهام : الله يعييناااا
لمى : احم احممم , يؤلموووونني شعووووري تجااهك ! وانت لاتبالي يؤسفني ان الجميع ينظرون الى لمعه عيناي عندما آراك !
حنين : يع من تعيس الحظ ؟
سيلين بدهشه : واو الكلمات حلوه بس انتي ما تعرفين تتكلمين
ريهام : ايوااا دففششششه
لمى : كلامكم مايهمني انا جبل ما يهزني ريييح !
توق : الحين اعلمكم الريح صح !
نورا بنقد : وشتبين لك ساعه تتوعدين ترا !
جت انظار توق على بيان ونطقت بخبث : اشوفك مندسه بالزاويه ؟ خايفه يعني ؟
وقفت بيان ونطقت بحده : خير انشاءالله!!!وشتبين مني !!!
رفعت توق جوالها و ورتها فيديو لها هي و خلف لما كانو عند المغاسل
وسعت عيونها ونطقت بغضب : وش هذا ! وكيف صورتي !
توق : انا عبد ربي المحبوب خلاني اشوفكم و افضحكم انتو و الاستشراف حقكم!
نورا : سلاااامااات اي استشراف تتكلمين عنه وليش مصوره اختي ومعها رجال غريب !
سَهام : الزول ذا اعرفه والله لو اشوفك مسويه شي اني لأنتفك !
نقزت بيان على توق وهي تحاول تسحب الجوال منها
رمت توق جوالها عليهم : خذيه ماني ميته عليه
اخذت بيان الجوال و حذفت الفديو نهائيا
توق بضحكه خبيثه : تحسبيني غبيه لهدرجه؟ عندي نسخه ثانيه ههههههههه! , مشت وعطتهم قفاها , نقزت لمى عليها وهي تسحبها مع شعرها ونطقت : على وين رايحه بدون حساااب ؟؟؟
توق : فكييي شعريييي
لمى شمّرت اكمامها : بدررري عليك !! وراااك مشوار !
تحركت لمى وهي تصفقها كف من هنا و كف من هناك و الباب مقفل عليهم وجت حنين تركض ومعاها كاس ماء : حييي عنيييتس ي لمووو والله ماخليها لتس لحالك لازم نفترسها سوااا
بيان غمزت لحنين ونطقت : نسويها ؟
حنين : قدااام يبنت عممممي
نقزوّ عليها حنين و بيان يشاركون لمى الافتراس بالضحيه الحيّه
بيان وهي تصفقها : مو يعني اني ساكتلك يعني بتركك كذااا
توق وهي تدفعهم : الله ياخذكممم ي متوحشاااات!
فتحت الباب ام عقاب تركض لبنتها و فرقتهم و صارخت على بيان : ما تستحين على وجهتس تضربين بنتي !!!
بيان : نعم؟ وانتي بأي حق تصارخين علي ؟
ام عقاب : عمتس انا عمتس !
بيان : وإذا!!! ما اسمح لك ترفعين صوتس علي !!
ام عقاب : انا اعلم ابوتس عليتس يشوف شغله معتس يالعوبا!
بيان : علميه يعني راح يذبحني عشانتس!
توق ببكاء : ي امميييي ضربوننيييي ما سويييت شيي!
لمى : اقول انقلعي فّلمي على امتس بعيد لا أفقع عينتس بكوعي !
ام عقاب : عز الله انكم قليلات حياء و امكم رِحاب بعد !
نورا : لا عاد تجاوزتي حددوتس ما تغلطين على امي انتي وجهتس المخنز ذا
ام عقاب بدهشه : انتي ي نورااا العاقله تسبين عمتس!
نورا : اي اسبتس دامتس تغلطين على خواتي و على امي !
ام عقاب : قليلات حياء حسابكم عند ابوكم!
لمى : يلااا يلااا بسسس
سيلين بصدمه : omg انا ايش شفت تووو! واو فعاليات!
ريهام بضحك : هذا ولااا شييي عندنا
جلست بيان على الارض و مسكت راسها : اهخ ي راسي يبنات والله لاتصير سالفه و يفهمون غلط اذا شاف احد الفيديو وهي خبيثه راح توريهم!
سَهام طردت من كل بالغرفه الا نورا اخت بيان الكبيره
سَهام وهي تقفل الباب : الرجال ذا نفسه اخوي خلف ؟
بيان هزت راسها بلإيجاب

السلام عليكم ي حبايبي
لاتنسون⭐️📝
أعتذر عن التأخير لكن سبق وقلت اني انزل بالانستا قبل الواتباد
حسابي انستا تنوروني هناك : widt.7