ومات الهَوى والحب بعدك أجمعُ.

Part6

محمد قال : اجل انا استأذنكم بمشي
خلف : وين وين يالحبيب ؟ لسا ماخلص العشاء!
محمد همس ل خلف تبيني اقعد عشان هالمجنون يذبحني ؟
خلف: اعقببب والله مايقربك اقعد اقعد بس تعش وامش
محمد: دام الوضع كذا يلا اعبي بطني وامشي هههههههههه
" عند الحريم "
دخلت ريهام الصاله وشافتهم كلهم مصدومين من الي صار
ريهام : شفيكم ؟
بيان : انتي طلعتي ووقفتي الهواش عشان محمد لا يجيه شي !
ريهام بضحك : ايوا حبيبتي اجل اخلي خطيبي ينضرب ؟
البنات : عشنننااااااا
ريهام بتصرف الموضوع: بنات الا وين جود وتوق مختفين مو شايفتهم؟
بيان : غيرت الموضوع هههههههههه
نوره : اي والله
جت لمى تركض وهي تقول : حسبي الله عليكم من بنات من اليوم اكرف بهالذبيحه وانا مالي دخل
ريهام ضحكت وقالت : محد قالك تسوي نفسك سنعه عند اممي هههههههههه
لمى : مسكت السكين وحطتها عند وجه ريهام قالت والله لدخلها بعيونتسس !
المفروض انتي تقومين بالعشاء لخطيبتس!
ريهام : يوووه نسيت خلاص بسوي له سلطه هههههههههه
حنين: قصرتي ماشاءالله ! هههههههههه
" عند الرجال "
كان جابر يطالع لمحمد بكل حقد وكان وده يقوم يخنقه ب اسرع وقت
محمد همس ل ثامر : ابك ذا علامه شوي وياكلني بنظراته
ثامر : الصراحه يا حبيب اختي مالومه ماخذ البنت الي يحبها وتسألني ؟؟؟
محمد : حبه برص ان شاءالله
ثامر : اقول شرايكم اخذ اختي منكم ؟ وماخليكم تتهاوشون؟
محمد : ثامر ماتلاحظ انك سخيف ؟
ثامر : مالت عليك من نسيب بروح اقول لاختي انك نفسيه
محمد ضحك وقال : لبى كبدها هههههههههه
ثامر : خير يالحبيب ؟؟؟ ترا نغار
محمد : سقهاااا بسس هههههههههه
ثامر : انت سقها اساساً بروح للمطبخ باخذ لي شي اكله بموت جوع عشاهم طول
" بالمطبخ "
ام خلف : يابنتي لمى جيبي الصحن الي على الطاوله
لمى : ابشري ياعمه ، مشت لمى تبي تجيب الصحن الا وهي تزلق على الارض بقوه
ثامر كان داخل للمطبخ يدور له عيشه وطاحت لمى قدامه ، ثامر فطس ضحك عليها
ونطق : احححسسننننن
لمى : خيرر ؟؟ وش تدور هنا !!!
ثامر : عيشه
لمى قالت : ابشر بها ومسكت الصحن وصفقته على راسه
ثامر بالالم : مهبووله انتييييي !!!!!
ام خلف : ههيييه ثامر!! غض بصرك !
ثامر : اوه سوري مامي خلاص بطلع برا
ام خلف : اي اذلف ياقليل الحياء
" بعد ساعه بدون اي احداث مهمه "
بالمطبخ
ريهام : حرام عليكم تخلوني اطبخ وانا توني راجعه من ضياع
سَهام : مو قلتي بتسوين سلطه ل خطيبتس؟ يلا سويها بعدين انا و لمى مسوين هالذبيحه ولا تحلطمنا كثر حلمطتس!
ام خلف : يلا يا بناتي انا بطلع و نادو اخوكم يجي ياخذ العشاء !
سَهام هزت راسها بمعنى اي
ريهام : دقت على اخوها يجي ياخذ العشاء .
"بالمجلس عند الحريم "
ام وليد بسخريه : هاااه اشوفك يا منال وافقتي على خطبه بنتس؟
ام خلف : هذا نصيب بنتي ليش اوقف بوجهها؟
ام وليد : لا بس اشوف عمي ضيدان رمى البنت علطول على الولد !
توق بسخريه: اي والله و عمتي صادقه كان جدي يبي الفكه منها
بيان : اقول انتي بتسكتين ولا اقوم اضربتس زي اللي جاتس قبل شوي !
حنين : منجد ما تتوبين انتي؟ استحي على وجهتس
توق طلعت من جلستهم و قالت : القعده معاكم تسد النفس!
نوره : لا تكفين اقعدي معانا فكه محد يبيتس!
"عند الرجال "
خلف قام يجيب العشاء و اشر لأخوه ثامر يجي معاه
محمد كان يبي يشوف ريهام و نطق : استرح يا خلف انا بقوم
ثامر شمق لمحمد و نطق : يلا امش قدامي
خلف : شفيك تقلب عيونك للرجال!
ثامر : ليش ياخذ اختي ؟
محمد : لا الله الا الله بقوم اضربك ترا من اليوم مشغلني بريهامي وانا توني ما خطبت رسمي !
ثامر وسع عيونه و قال : ريهامممي!!!
خلف : وهو صادق وش ريهامي!!
محمد : انتو غيورين كذا ليش؟
ثامر : خلاص مابيك تجي معاي يبي يشوف ريهام الكذااااب
خلف وسع عيونه و نطق بكل جديه : محمد حنا ما عندنا هالحركات ما تقرب من اختي لين تملك عليها فاهم!
ثامر : صح و اخوي صادق فاهم يا محمد !
محمد : ثامر انت بغباء؟
ثامر : لا تصرف الموضوع جاك العلم !!
انطلق ثامر و خلف يجيبون العشاء و حطوه بالمجلس و قامو يقلطون محمد و اهلهم على العشاء .
محمد سم بالله و قام ياكل
جابر كان يفكر كيف ما يخلي ريهام تروح معاه و طول الوقت و انظاره على محمد ...
محمد لاحظ جابر و غص بلقمته من كثر ماهو قاعد يشوف الشر بعيون جابر!!
ثامر : صحه صحه يا روح ريهامي ههههههههه
جابر بعصبيه : ضرب الارض بيده و قام من العشاء .
محمد : شفيه ذا
ثامر : شوف صح ان بينكم مشكله بس جبوري حبيبي صديقي ما اسمح لك تغلط عليه
محمد : ثموري حبيبي شفتني غلطت عليه؟
ثامر : لا يا حبيبي حمودي
محمد : خلاص اجل اسكت يا ثموري
ثامر : اعقب عمري 21 و تقولي ثموري !
محمد : متأكد مو عاكس الارقام؟ لانك فعلا طفل
" عند الحريم "
كانو يتعشون و يسولفون عن خطبه ريهام ...
توق ضحكت بقوه و قالت : تزوجت الصغيره و الكبيره هنا الحمدالله والشكر
ريهام : ماله دخل اذا كبيره ولا صغيره هذا النصيب يا جاهله!
سَهام : طيب عادي و اذا ماتزوجت؟ اساسا انا مابي
ام وليد : شعندك ما تبين؟ الا بزوجك وليد ولدي الف بنت تتمناه
سَهام صرخت وهي تقول : يعععع!! مالقيتي الا ولدتس الخايس اللي لو تقولين له حرف عصب و شخصن الموضوع!
حنين بزعل : حرام عليك والله ان اخوي كيوت
سَهام : مفارقته الكياته خل عني
ام وليد : خسرتي ولدي اجل
سَهام : قلعه عليتس انتي و ولدتس
ام خلف : خلاص بس يا بنت! عيب عليك هاذي عمتك!
سَهام : طيب
" عند محمد "
تعشى وخلص و راح عند المغاسل يغسل يده
دخل جابر وراه و قفل الباب ...
محمد وهو يغسل يده : سلامات يا الطيب؟
جابر : الحين اعلمك من الطيب!!!
محمد ضحك بسخريه و نطق : اقول ابعد عني بروح اسلم عن النسيب و امشي !
جابر : تخسي تصير نسيبهم و تصير ريهام لك!
محمد بكل برود : صدق والله؟ قول هالكلام لجدك طيب مو لي , فتح الباب و طلع و سلم على راس ابو خلف و قال سامحني يا عمي مع اني ما سويت شيء
ابو خلف : خلاص يا ولدي مسامحك مالك ذنب انت
محمد ابتسم و قال : الله يعطيكم العافيه يارب و تمسو على خير
محمد وهو طالع من مجالس ال ضيدان قال بيت شعر يوصف شعوره
‏تمنيتك وأنا كل الأماني جبتها بعناد
‏و تصاغرت الظروف اللي تهدّ وجيت لك كلي
‏لو إنه بيني و بينك عذول و معجزة و بلاد
‏أحسك نسمةٍ مرت عجولة تحتضن ظلي .
محمد اتجهه للرياض ...
"في مُنتصف اليل"
قامت بيان من عز نومتها و طلعت من الغرفه و شافت البيت انواره طافيه و قررت تطلع برا البيت و تروح عند شبك الصقور ..
دخلت بيان جوا ارجاء المزرعه و قعدت تبحث عن شبك الصقور و راحت لمكان لاكن ما طلع موجود !
تأفأفت بيان و نطقت : يليل الحين الاقي خلف مغير مكان الشبك!
بيان ما كانت تدري عن وجود خلف , ونطق خلف من وراها : اي مغير مكان الشبك
بيان برعب : مين انت؟؟؟
خلف : ما عرفتيني؟ حزت بخاطري ترا
بيان : يع يالسخيف انت خلف ؟
خلف : بشحمه و دمه
بيان حطت طرحتها على راسها و نطقت : انا برجع .
خلف : ما تبين الصقور؟
بيان : الا بس خلاص مشت بيان و قاطع خلف خطواتها و مسك معصم يدها و نطق امشي والله ما تقعد بخاطرك !
بيان خافت منه و نطقت : فك يدي ! ماني محرم لك !
خلف ما اهتم لكلامها و سحبها معاه لشبك الصقور , خلف : هذا هو يلا شوفيهم
بيان بفرحه فتحت باب الشبك و دخلت جوا على الصقور و قعدت تلعب معاهم , شالت طرحتها عشان الصقور يعرفونها بينما ما كانت تدري ان فيه فتحه صغيره يقدر يشوف فيها خلف , كان خلف يطالع فيها و يراقب ايش هي قاعده تسوي و قال ابيات شعر عنها :
طاغي الجمال اللي لفت انتباهي
سبحان ربي كيف ربي مسويه
لامرني وقفت معَجب وفاهي
اصد لكن غصب ارد النظَر فيه
يمشي على هونه ميول و تباهي
جذابٍ فيها من الحلا ما يكفيه .
مشى خلف و رجع لفراشه و نام بعمق .
"بعد ساعه "
بيان طلعت من الشبك و ما لقت خلف و خافت و نطقت : الحين انا كيف ارجع الحين؟ نسيت من وين الطريق !! , اتجهت بيان ل فراش خلف اللي كان بنص المزرعه و نطقت : هي ولد ! قومممم
خلف قام مفجوع وشاف بيان قدامه و نطق : اخو سَهاااام وش مقعدك للحين انتي!
بيان : اول شي صد عني
خلف صد عنها و قال : وش بغيتي ؟
بيان : ضيعت طريق البيت عادي توديني ؟
خلف قام يضحك عليها و قال : اذا انتي مو دليله لعاد تطلعين تالي الليول !
بيان : ما سألتك متى اطلع انا قوم وديني البيت !
خلف قام و قال : يلا امشي قدامي
بيان مشت و كانت تفكر ب ريهام و محمد ... , بيان نطقت : بسال سوال
خلف : اسالي
بيان : الحين منجد ريهام بتتزوج؟
خلف : اي والله حتنا ما ودي بس هذا نصيبها و جاها
بيان : طيب يا غبي ادري انه نصيبها بس احس توها صغيره حرام
خلف : ايش الحرام؟ مو هي موافقه و بأرادتها
بيان : اي بس مابي ريهام تروح بعيد عنا
خلف : بتروح الرياض تعيش مع محمد
بيان شهقت و نطقت : الرياض !!! يعني محمد مو من اهل ديرتنا ؟؟
خلف هز راسه بمعنى لا
بيان : اف ياربي
خلف : كانك ثامر يغار عليها ما يبيها تروح ههههههههه
بيان : محد يبيها تروحح!
انتهى حديثهم و صار صمت و وصلت بيان للبيت .
دخلت بيان و و مسكت جوالها و قعدت تقلب فيه و نامت بعدها ...

صباح اليوم الثاني تحديدا بالعاصمه "الرياض "
"تعريف شخصيات اهل محمد "
عيّاد ( ابو محمد ) : له معرفه ب ال ضيدان و يحبهم لاكن روحاته لهم قليل لان المسافه بين الرياض و تربه طويله نوعًا ما وهو شخص كبير بالسن .
هَاجر ( ام محمد ) كانت ام بين قاسيه و حنونه شخصيتها فيها انفصام كبير جدا و تكره ال ضيدان .
محمد البكر : فرفوش و يحب الحياه و ما يتهم للسلبيات اللي بحياته و اللي يبيه لازم يصير ولا بيقوم الدنيا و يقعدها فوق روسهم "25"
"سيلين : أخت محمد الوحيده و دلوعتهم و ما ينقال لها لا و لطيفه و حنونه بشكل , جميله و جمالها كان مُميز .
"على طاوله الفطور "
محمد نطق : ببشركم ببشااااره
سيلين بحماس : شنو شننووو يلااا تحمسسست
ام محمد : انطق
محمد : بتزوج
ابو محمد بفرحه : الله يتمم لك على خير يا ولدي
سيلين : مين سعيده الحظ؟؟
ام محمد : سعيده الحظ انا اجيبها لأخوك
محمد : لا ما يحتاج يا يمه موجوده ههههههههه
ابو محمد : منهي البنت طيب ؟
محمد : ريهام حفيده ال ضيدان
ام محمد بعصبيه : ننعععمم!! ما لقيت الا ذي ! ولا بعد من ال ضيدان !
سيلين : طيب يا يمه انتي ما تعرفينهم!
ام محمد : اقول انتي اسكتي ولا تفتحين فمك و ترتدين امك فاهمه؟
ابو محمد : اهدي اهدي يا هاجر ما يصلح كذا خلاص الولد يبي البنت !
ام محمد : ان خذيتها ماني بأمك ولاني اعرفك!
محمد بعصبيه : والله لو ما اخذها لايحرمون علي كل البنات !
ام محمد : وش تبي ببنت الديره انت! ماهي من مستوانا !
محمد : الا من مستوانا و اعلمكم بعد مو عشانها عايشه بالديره يا يمه!
ام محمد : بس انا ابي لك بنت خالتك !!
سيلين بقرف : يعععع ي ماما ما لقيتي الا بنت خالتي الخايسه ذي ! طبعا لا ريهام ازين منها
ام محمد ضربت الطاوله و صعدت ل عرفتها ..
ابو محمد : ماعليك يا ولدي بقنع امك انا
محمد بعصبيه : اقتنعت ولا ما اقتنعت انا ماخذها يعني ماخذها !
"بالمزرعه "
البنات كانو يجهزون الفطور
نطقت حنين : بنات شرايكم نروح كوفي ؟
نوره : اي والله تكفون خل نروح
لمى ضحكت و قالت : وشنهي السياره هاذي اللي راح تشيلكم !
بيان : نروح مع خلففف اووكككي؟
توق : شتبين بالولد ؟
بيان تفشلت و نطقت : لا عشان سيارته وسيعه وكذا
توق : اي واضح واضح
ريهام سحبت بيان عندها و نطقت : بياني تراني قافطتس ماعليتس عادي ههههههههه
بيان : عضي على شحمه زين ؟
ريهام ضحكت و قالت : اسمعي تكفين ابي اخذ رقم محمد بس لو يدري خلف بيذبحني شرايك تجيبين جوال خلف ؟
بيان وسعت عيونها : مهبوله انتي ! روحي خذيه انتي شدخلني انا
ريهام : لو اعرف الباسورد خذيته يا الخبله !
بيان : طيب حتنا ماعرف !
ريهام تأفأفت و نطقت : غبيه انتي؟ قولي له عادي تفتح جوالك بشوف شي وكذا و تعالي اركضي عندي ماراح يلحقك صدقيني
بيان بخبث : تمممم عجبتني الفكره و منها اشوف اذا يكلم بنات ولا ههههههههه
ريهام : كفووو علييتتتسسس

اهلا يا حبايب قلبي بارت يُِعتبر طويل عطوه حقه و اضغطو على النجمه لو سمحتو
حسابي انستا widt.7
نتكلم فيه عن الروايه و اسولف فيه و تشبيهاتكم للشخصيات تنوروني❤️