خلف طبق كلام اخته ونطق بصوت عالي : طرييقققق
انخرعو البنات من هذا اللي دخل عليهم ..
توق : شنو هالهمجيه كيف يدخل كذا
خلف وهو يصعد الدرج فتح باب غرفته و اخذ ملابسه متجهه لدورات المياه ..
بينما كانت بيان هناك عند دورات المياه
بيان بعصبيه : سلامات!!! ليش المويه ما تشتغل !!! مو وقتك يعننييي!!!
خلف وصل و قعد يسمع حلطمه بنت لكن ماعرف انها بيان ..
التفت بفضول وده يعرف هل هي بيان او وحده ثانيه
انصدم لما شاف بيان قدامه وهي تهاوش مغاسل المويه وانها ليش ما تشتغل ههههههههه
بيان : يا المغاسل تشوفين يدي وصخه ؟ ليش تطفين مو عيب عليك ؟؟؟
خلف قاطعها و نطق : المويه مو طافيه انتي ماتعرفين تشغلينها
بيان برعب : خيييررر!!!
خلف : انتي الخير كللللله
بيان التفت لوراء و دخلت الحمام و قفلت على نفسها
خلف بضحك : يعني كذا بتهجين ؟ ههههههههه
بيان : لو سمحت عادي تروح! مابي احد يشوفونا و يفهم غللللط!
خلف : مين يشوفونا مثلا؟
توق من بعيد بضحكه خبيثه وهي كانت تصورهم من البدايه : انا أشوفكم و اصوركم بعد ههههههههه!!
تبعثرت توق بكراتين الماء ..
خلف التفت لصوت مزعج سمعه ..
توق تداركت الوضع و علطول هجت
بيان : لسا موجود ؟
خلف : اي انتظرك تطلعين
بيان : ايششش!!!
خلف بضحك و : بتروش يابنتي!!!
بيان : طيب روح انت! وانا بطلع
خلف : يلا عانيني رحت
دخل خلف الغرفه الثانيه و انتظرها تطلع
بيان بصوت يقدر يسمعه خلف : ترااااني طلعتتتت
خلف : هاذي مهبوله ههههههههه ؟
بيان شمقت وهي تقول : نينينيني
سمعها خلف و ضحك عليها ..
بيان شهقت و : ابك يسمعننيييي , حطت رجلها تركض تحت عند البنات ..
نزلت و وجهها محممممر
توق بسخريه : طماطه انتي ؟
بيان عطتها اي تصريفه : لا وجهي يتحسس من الحر و فوق كانت المكيفات طافيه؟
توق : اي واضح ههههههههه
بيان قعدت و تجاهلتها
ريهام وهي تلبس عبايتها : حنين بالله دقي على وليد خل يوديني
حنين : وليد ؟
ريهام : اي خلف ماقدر يوديني و قال وليد بيوديك
حنين : يلا اجل بس عادي اجي معاك ؟
ريهام بأستغراب : ليش؟
حنين : ابغى اخذ اغراض ناقصتني و منها اشوف سيلين بالمستشفى هي
ريهام : اما ما راحو للرياض ؟
حنين : لا كيف يروحون و ولدهم هنا تعبان ههههههههه
ريهام : اجل يالله قومي البسي عباااايتكك
حنين : خلصت يلا مشينا
مسكت ريهام يد حنين و طلعو لوليد ..
وليد : حنين وش جايبتس ؟
حنين : ما تبيني ؟
وليد : لا حشى !
ريهام : جات عشان سيلين و عشان بعدها راح نطلع ناخذ اغراض
وليد : سيلييييني؟؟؟
حنين وهي ماسكه الضحكه : اي سيليني
وليد : اول شي نروح المستشفى
ريهام ضحكت وهي فهمت الموضوع بسرعه
حنين التفت على ريهام : فهمتييي ؟ ههههههههه
ريهام : ايوووااا ههههههههه
وليد : وش يضحك ؟
حنين : ولاشيء خلاص يلا حرك خل نمشي
<<بعد ساعه>>
وصلو للمستشفى
وليد فتح باب السياره و كان متحمس و يعدل شماغه
حنين : هذا شفيه ؟ ههههههههه
وليد : دامكم انتو الثنتين قفطتوني خلاص تراني احبها ههههههههه
ريهام : والله حسيييييت
وليد كان بيقفل باب السياره لكن قفله على يده
وليد حس بألم قوي و طالع بيده و استوعب ان الباب مقفل عليه
سحب وليد يده بسرعه و بصراخ : الله لا يوفقكم!!!
حنين : شدخلنا !
جت سيلين تركض بعد ما سمعت صراخ وليد ..
سيلين : سلامات شفيكم ؟
وليد وسع عيونه و نطق : وش جابتس انتي ؟
سيلين تجاهلته ولا عطته رد
حنين بضحك : انا ناديتها
وليد بعصبيه : اي تنادينها عشان ....
ريهام ما تحملت و فطست ضحك
حنين بضحك : يشفرررر بالكللاممممم ههههههههه
وليد وهو يأشر لحنين بالتهديد
حنين : خلاص خلاص سكتت
وليد : يلا امشو قدامي
دخلو و قعدو يدورون غرفه محمد
ريهام : سيلين وين الغرفه ؟
سيلين : ماعرف ضيعتها
وليد : امحق دليّله
صادفتهم ام محمد وهي رايحه تاخذ لها اغراض من البقاله ..
ام محمد وقفت و طالعت ريهام بأستحقار
حنين انقهرت و نطقت : شفيك مو ماكله حلالك ترا
ريهام : حنين خلاص خليها
ام محمد : بزران و يراددون !!!
سيلين : يمه وين غرفه محمد ضيعتها
ام محمد سحبت سيلين بقوه و : انتي كيف تمشين مع هالاشكال ؟
وليد انصدم من كلام امها و توقع انه ماراح يقدر يخطبها اذا امها رفضت ..
سيلين سحبت يدها و نطقت بحده : يمه !! هالاشكال هم اهل زوجه ولدك!!!
ام محمد : قلعتها هي و اهلها
حنين : هي بس !!! الزمي حدودتس سكتت لتس لانتس عجوز ماعليتس شرهه!
ام محمد بعصبيه : انا عجووووز!!!
حنين : عجوز ونص بعد التجاعيد بتطلع من عيونك و مصدومه بعد سري بسسس!
ريهام سحبت حنين و مشت ..
ريهام : ليش قلتي كذا ؟؟؟
حنين : اجل اخليها تسب فينا قدامنا ؟ تخسى
وليد : حي عينهااا اختتيييي
ريهام : بس تأخرت على محمد
حنين : يالله يا ذا المحمد سرق قلب بنتنا بيومين !
ريهام ضحكت و مشت ..
<<بالديره>>
توق : بيان
بيان : هلا ؟
توق : تخيلي اني اعرف وحده رخيصه !!!
بيان : الله يستر عليها
توق : معقوله ما عندك فضول تعرفين ؟
بيان : ماعندي فضول بس انتي تبين تسولفين يلا قولي
توق : تخيلي انها تكلم ولد و يشوفون بعض !!! وش قله الحياء هاذي
بيان : مين هاذي طيب ؟
توق : والله ماني قايله بس قريبا كل اللي بالديره راح يعرفون منهي
بيان : ياويلك من ربي ! استري عليها من ستر على مسلم ستر عليه !
توق شمقت لها : يحصل خيييير
بيان انصدمت منها وهي ماتعرف انها تقصدها ..
سَهام بأشمزاز : شفيها هاذي ؟ عيونها بتطير من كثر ما تشمق
لمى : بقعد فوقها ترا !!!
نورا : اقعديي تكفين!!!
جود : شفيكم؟
لمى : سدي فمتس من هالحين ان كانتس بتدافعين عن هالحيّه
جود نطقت هالكلام و مشت: الحمدالله والشكر
نورا : وهاذي علامها تحولت؟
سَهام : صادقه صارت زي اختها وهي قبل وش حليلها
لمى : اممممحق تستس زي اختها بس مسويه كيوت
نورا التفت ل بيان و : انتي علامتس صايره هاديه ؟ ماهي من طبايعتس
بيان : انصدمت من كلام توق
لمى : وليش انشاءالله وشهي قايله ؟
بيان : ولا شيء خلاص انا بروح بيتنا
نورا : بجي معاتس ابي امرح
بيان : وانتي يالمو؟
لمى : لا انا بقعد شويات و اجيكم لان فيني نوم خل اقيل
سَهام : اي مقيال ذا اللي الساعه تسع الصبح ؟
نورا بضحك : افضضل توقيت ههههههههه
بيان : اقول سرينا يالله
لمى : تقلعو بروح اكل
دخلت لمى المطبخ و حصلت ثامر قدامها ياكل خيار ..
لمى ما لاحظت ثامر و فتحت الثلاجه و قعدت تتحلطم وهي تقول : والله لو انكم فقراء ياعمي فهد ثلاجتكم فاضيه مافي الا خيار و جزر !!!
ثامر طلع صوت وهو ياكل خيار
التفت لمى وهي معصبه : سَهام !! اكلي بدوون صوووت!!
ثامر : لا و الف لاااا
لمى غطت وجهها ب يدينها : اعوذ بالله !!!
ثامر : شايفه جني ؟
لمى : ليتني شايفه جني ارحم منك !
ثامر وهو يمد الخيار لها : جوعانه؟ تبين خيار؟
لمى : جت وراء الباب و : تصدق انك قليل حياء ؟
ثامر : وش مسوي؟
لمى : المفروض انت تغض بصرك و تروح مو انا !!
ثامر : تقلعي بس مو رايق لتس
لمى : لا تكفى !
ثامر : ابك لا تقولين تكفى و تهزين كيَاني !
لمى مشت وهي تضحك
ثامر : جعلني فدا هالضحكات .
<<بالمستشفى>>
ابو محمد : يامرحبا ومسهلا
وليد : تبقى ياعمي
سيلين : مسوي رجال قدام بابا ههههههههه
حنين : وقسم بالله ههههههههه
سيلين التفت ب حنين برعب : معليييششش
حنين : شدعوه؟ مابينا عادي ههههههههه
سيلين : يعني عادي اضحك عليه دايم عندك ؟ ههههههههه
حنين : طببعاااا ههههههههه
سيلين : حممااسسس طيب اسمعي شرايك نروح كوفي حلووو؟
حنين : قدام ما اقول لا
محمد : وين ريهام ؟
سيلين : ماعرف فجاءه اختفت
دخلت ريهام بعد ما طلعت من دورات المياه تعدل شكلها ..
طرت على بال محمد هالابيات :
لا شفت زولك قام يدخل أعظامي بنج
أسولف مع العالم وقلبي له انحيه
لعب بيّ غرامك فالخفا لعبه الشطرنج
ليا دار لعبه بين الاعضاء السياسيه
اتجهتت ريهام ل محمد و سلمت عليه : كيفك وش حالك؟ ارب معاد فيه شي يعورك؟
محمد : يوم شفتك طار كل التعب يا كل دنيتي
ريهام استحت و غطت وجهها ب يدها : مو قدام ابوووك
محمد : مو انتي زوجتي ؟ خلاص يعني حلالي
ريهام : يحق لككك
حنين : خلاص دام ريهام شافت محمد مشينا ؟
سيلين : على وين؟
حنين : قلت لك بنروح نتمشى و اخذ اغراض وكذا تجين ؟
سيلين : ما اقول لا
ام محمد اخذت شنطتها و جوالها و قالت : مشينا
ابو محمد : يالله يا سيلين
سيلين : بابا انا ابغى اروح مع حنين
ام محمد بعصبيه : اقول امشي قدامي !
سيلين : مااماااا !
ابو محمد : خلاص خليها تروح وين ما تبي , روحي يا سيليني
وليد عقد حواجبه وقال بقلبه : سيليني ؟ انا بس اقول كذا ي عمي
حنين ضحكت على وجهه وليد وهي عارفه ليش يسوي هالتعبيرات
سيلين تقدمت و حضنت ابوها و : شكرااا ي بابا
وليد وسع عيونه ونطق بهمس : لا كذا كثييير!
حنين سمعته و : شدعوه تغار عليها من ابوها ؟ ههههههههه
وليد : البخي انتي !
حنين بضحك : سم طال عمرك ههههههههه
سيلين بحماس : اول مرا اطلع معاك احس فللللله ههههههههه
ريهام كانت بتقوم على اساس بتروح معاهم ..
شدها محمد له و قال : على وين ؟
ريهام : بروح معاهم
محمد : لا والله تقعدين عندي
ريهام : ابغى اروحححح
محمد : اجل اقعد لحالي ؟؟؟
ريهام بحيره : مادري
محمد : مافي روحه تقعدين عندي اذا رحتي بينفك ضمادي
ريهام : يعني انا ضمادك ؟؟
محمد : مو بس ضمادي الا كل حياتي
ريهام : الله اجل على هالكلام والله ما اروح
سيلين : بحق والله بعد هالكلام و تروحين ! لو انا قال لي زوجي كذا والله ل اتمسك ب رقبته
وليد : تمسكي ههههههههه
سيلين طالعت ب وليد و ضحكت بقوه
محمد : عمى يا سيلين
سيلين : وش ما قلت شي
محمد : خلاص عاد روحو خلوني معاها لحالنا
وليد : الله لا يشغلنا الا بطاعته
طلع وليد ومعاه البنات
<بالديره تحديدا مجلس الرجال>
دخل جابر وهو متجهه ل جده ضيدان ..
جابر نطق بتأتأه : ججدي ااببغى اققولك شششيء
الجد ضيدان بحده : اعجل علي !
جابر : اااا اا
الجد ضيدان ضربه ب عصاته مع ظهره و : انا ماني راضي عن فعلتك ! لو مات محمد من بيصون بنت عمك ! و ان مات ودخلت السجن !
جابر : يعني ما اشتكى علي ؟
الجد ضيدان : ايه يا اسود الوجهه ولا انت فعلتك سّودت وجهي قدام العرب !
جابر : اسف يا جدي
الجد ضيدان بعصبيه : اسف ذي وين اصرفها انا ! كيف بطلع قدام الناس !
جابر بكل وقاحه : محد قالك توقف قدام حُبي لبنت عمي !
الجد ضيدان بحده : رح رح لا بارك الله فيك من ولد !!!
مشى جابر وهو معصب و نطق بهمس : هذا اللي ناقص شايّبٍ و يصارخ علي !
مشى جابر وهو متجهه لأسطبل خيولهم ..
قعد جابر بتأمل الخيول النجَم , كسَار , المُلهم و نطق بضيقه : فوق ما ان راحت مني ريهام حتى ان خيلي جرّاح توفى انا وش مسوي من ذنب ؟
عقاب قعد جنب جابر و نطق : وش حالك ؟
جابر : وش متوقع يعني ؟ البنت راحت مني و خيلي توفى
عقاب : برقٍ تعداك! لا تستخيله لو زان لك عشبه و مرعاه .
جابر : وش يعني ؟
عقاب : يعني البنت ماتبيك
جابر : و القلب يبغى شيٍ ماهوب موجود و العين تبغى شيٍ ماهوب حاصل .
عقاب : شيٍ ما تطوله لا تحوم حوله .
<<بالمعسكر>>
خلف : ثامر!!! لا ترمي الاوراق
ثامر وهو مبتلش بالاوراق : وش ذا كله !!! اول مرا اشوف هالعدد من الاوراق ياولد
خلف : لانك عسكري مو لواء ههههههههه
ثامر : يعني يضحك ؟
خلف : اقول بس دور لي الوثيقه الان !
ثامر رمى الاوراق و : ابك اشغلتني ! ما عندي دوام و مخليني اجي وش هالظلم !
خلف : انقلع ما منك نفعه !!!
دخل نيّاف خوي خلف
ثامر بكل فرحه : الله جابكككك ي نيّاففف
نيّاف : علامك ؟
ثامر : ساعد هالورع قروشني ب اوراقه ذي
خلف : شنبك كانه خط و تقولي ورع رح امرّح بس !
ثامر تخصر و نطق : اجل تبي شتبي كانه مزرعه ؟
خلف وهو يمسح على شنبه : اي بالله ازين من هالخط
ثامر : والله تقطع تقطع من كثر ما تتمسك فيه
نيّاف : هالحين انتو كذا دايم ؟
خلف : ماهي حاله والله !!!
ثامر : اقول ؟ طفشت منكم يلا سيووو انا هحروح اتقهوى
نيّاف : هحروح ؟
ثامر : شعرك انت ؟ حركات وكذا
نيّاف : اخوك ذا ماهوب صاحي
خلف : انت تشوف !
نيّاف : وش قاعدٍ تسوي ؟
خلف : ادور لي وثيقه بالله دورها معي ابي اسري لأهلي
نيّاف : خلاص عندي انت رح لأهلك وانا اطلعها لك
خلف سلم على خشمه " سلام رجال " : ماتقصر والله يبو نايف
نيّاف : ماعليك زود
<<بالمستشفى>>
محمد : اخيرا راحو
ريهام : شدعوه والله معطينا جو
محمد : بس ما قد قعدت معاك لحالنا
ريهام : بس انا برجع شوي
محمد : ليش ؟
ريهام : امي كلمتني قالت ارجعي شوي
محمد : انا اكلمها تنامين عندي
ريهام وسعت عيونها و : لا لاااا مستحيل لا تحاااول
محمد : ليش ؟ ههههههههه
ريهام : ماحب انام ببيت مو بيتنا
محمد : بعد شهر بتنامين ببمدينه مو مدينتك بعد
ريهام برعب : ايششش!!! شهرررر!!!
محمد : اقصري حسك و اي شهر شفيها
ريهام : استعجلت مرا ترااا
محمد : مافي صبر عاد الشكوى لله
ريهام : شهرين طيب ؟
محمد لا و الف لا لا تحاااوليييين
ريهام : اف طيب
محمد : ليتني اقدر اطلع اليوم
ريهام : ليش متى بتطلع ؟
محمد : بعد يوم
ريهام : ههههههههه يالمسكيييين
محمد : اقول بس ما لاحظتي اني ما شفتك بالشوفه الشرعيّه ؟
ريهام بتوتر : اي شوفه شرعيّه ؟
محمد بضحك : اي شوفه اجل ههههههههه اقول بس تعالي اقعدي جنبي ليش رايحه هناك
ريهام : مرتاحه هنا انا
محمد كان بيقوم عشان يسحبها عنده ..
ريهام : خلاص خلاص لا تتحرك بعدين تعورك الغُرز !
محمد : اجل تعالي !
ريهام تقدمت و جلست على طرف السرير
محمد مد يده و مسك كفها و : شفيك انتي خايفه مني ؟
ريهام : مو متعوده احد يقرب مني ..
محمد : بس انا مو اي احد ؟ انا زوجك
ريهام : اعرف بس ..
محمد قام و سحبها : مافي بس انا محمد مو اي احد ترا
ريهام قعدت جنبه و مسكت جوالها : نصور ؟
محمد : طلعتي تحبين التصوير؟
ريهام : مرااال
محمد : سبحان الله ما اداني التصوير
ريهام : معليش والله تصور غصباً عنك
محمد : يلا يلا صوري ههههههههه
ريهام كانت بتصور بس قاطعها محمد وهو يسحب نقابها ..
محمد : اي بااان القمر بااان!
ريهام بخجل غطت وجهها بيدها و قالت : محممدد!!
محمد قال : عروق قلبي سمّي ؟
ريهام شالت يدينها و باست راس محمد ..
محمد : يا أبرك مصاديف العُمر و أعز من روحَي علي
ريهام : احلا صدفه والله
محمد قعد يتأمل ريهامه و جات على باله هالابيات :
يت قبله الله ما ورا هالزين زين
وش هالجمال اللي مشاءالله كان
مبسمٍ وعين و عاتق و غمازتين
وخصرٍ دقيق ومنحر وعود ليَان .
ريهام : يالله ! شنو هالكلام الحلوووو!!
محمد : انتي الحلوه والله
ريهام : ياحبيبي انتتتت
محمد : ريها...
قاطع كلام محمد اتصال ام خلف ..
ريهام : لحظه ي عيوني
ريهام رفعت سماعه جوالها و نطقت : هلا بماما
ام خلف : بنت ! طولتي متى تجين !
ريهام بضحك : ماما ما خلاني اروح والله !
ام خلف : اقول بخلي ثامر يجيتس هالحين
ريهام : لا لا ما يحتاج وليد بيجي ياخذني
ام خلف : لا تتأخرين
ريهام : ابشري من عيوني , قفلت الخط
محمد : ما يخلون الواحد يتهنى والله
" عند وليد و البنات "
وليد : وين تبغون تروحون ؟
حنين : مادري شوف سيلين
سيلين وسعت عيونها ونطقت بصوت هامس : شدخلني انا ؟
حنين بصوت عالي : انتي قلتي فيه كوفي حلو
سيلين : طيب قولي له هو اخوك ليش انا اتكلم معاه مو عيب ؟
حنين : ماعرف اسم الكوفي طيب
سيلين : عطني جوالك انت بعد احط الموقع
وليد مد جواله لها و تلامست يده ب يدينها ..
سيلين سحبت يدها علطول وهي مستحيه
وليد ضحك و نطق : امسكي امسكي
سيلين : شكرا
وليد : عفوا
سيلين قعدت تقلب بجوال وليد تدور قوقل ماب الا تشوف اشعار من فوق مكتوب فيه : انا قهَري ما راح ي اخوي والله لا اوريهم عجايب الدنيا .
سيلين صرخت بقوه و رمت الجوال بحضن وليد
وليد وقف السياره بسرعه و التفت على سيلين وهو يشوفها معصبه : بنت !!! شفيتس !
سيلين : رجعنييي المستشفى عند اخوييي مابي الطلعه معاااكم!!!
حنين : هي انتي شفيتس !!!
سيلين بحده : انتو اللي شفيكم ! شتبون من اخوي توصلني تهديدات من اخوكم الكلب عشان اخوي اخذ اللي يحبها !!!
وليد بأستغراب : اي تهديدات !!؟؟؟
سيلين : شفت انا شفت الاشعارات !!
وليد مسك جواله الا فعلا يشوف اشعار من اخوه جابر وهو كاتب : انا قهَري ما راح ي اخوي والله لا اوريهم عجايب الدنيا .
وليد وسع عيونه و نطق : ماعليتس يابنت! والله ما يقرب صوبكم انا امسكه و أدبه على حراكات المراهقين ذي
حنين : مو على اساس كنت واقف معاه ؟
وليد : وقفت معاه لكنه زودها بفعايله!
سيلين : خلصتو نقاشكم؟ رجعوني عند اخوي
حنين : اقول البخي ماحنا ماكلينتس ترا !
سيلين شمقت لحنين : ما استبعدها انتو همجين
حنين : نعنبوتس!! كيف تغيرتي تغير جذري !
وليد بحده : خلاص انتي وياها ! ماني فاضي لهواشكم!!! وانتي هالحين ارجعتس عند اخوتس
حنين بعصبيه : لا معليش ! ما افوت قهوتي عشان سوّاد وجهها !
سيلين : ويييييع شهالبجاحه؟
حنين : اقول على شحم مالي دخل فيتس بشرب قهوتي يعني بشربها !
وليد : قدام نشرب قهوتنا
سيلين طالعت ب وليد : لا والله؟ يعني انا مالي رأيي
حنين : اي مالتس رأيي
وليد ضحك و كمل سواقته
سيلين رجعت ظهرها ل وراء و تكتفت وهي مو طايقتهم من اخوهم جابر ...
"بعد ربع ساعه طريق"
وصلو للكوفي و عدلت حنين نقابها و نزلت
التفت وليد على سيلين وشافها نايمه ..
وليد : ابوك يالبلشه ذي كيف اصحيها هالحين ؟
نادئ وليد حنين وهو يقول : حنين حنين
حنين فتحت الباب ونطقت : ليش ما نزلت ؟
وليد اشر ب ايده على سيلين : شوفة عينتس ذي راقده قوميها !
حنين طالعت فيها من فوق لتحت : لازم نقومها ؟
وليد : بنت ! شهالنطرات ترا لها حق تزعل و تعصب !
حنين : بس حنا شدخلنا تهاوشنا ؟ و بعدين تراه اخونا مع نفسها
وليد : و ترا اخوها بالمستشفى بسبب اخونا !!! و ماندري وش بيسوي جابر فوق فعلته ذيك !!
حنين : نمسكه و نأدبه!! لين يعقل والله لو ياخذ جود ابرك
وليد : شدخل جود الحين !!!
حنين : تحبه و اخوك الخبل كل ما شاف البنت استغلها
وليد قطب حواجبه ونطق بحده : ليكون سوا للبنت شي !!!
حنين : لااا!!! مو كذا بس اقولك ؟ لو نزوجه جود ابرك
وليد مسك راسه : يابنت هروجتس واجد فجرتي راسي قومي سيليني و امشي نتقهوى
حنين : الله لا يشغلنا الا بطاعته انت و سيلينك
تقدمت حنين و فتحت باب سيلين و قعدت تصحيها
سيلين وهي ماسكه الضحكه : نعمممم
حنين انفجعت منها كيف قامت بسرعه
سيلين دفت حنين و نزلت و دخلت للمقهى
حنين : شفيها ذي قامت بسرعه و تضحك
وليد : شدراني عنها نومها خفيف شكله
بينما محد كان يدري ان سيلين كانت تمثل النوم و هي اساسا سمعت حديثهم كله و كانت تضحك على كلمه " سيليني "
دخلو المقهى و قعدو على طاوله
وليد : وش طلبكم ؟
حنين : سبانش لاتيه و شوف لنا حلا حلو
وليد بتكبر : ما يحتاج انا موجود
حنين : يشيييينك !!!
وليد التفت على سيلين : وانتي ؟
سيلين : v60
وليد بأستغراب : ايش ؟
سيلين بتأفأف : v60!!!
وليد : كيف انطقه هذه ؟؟
سيلين : يليل ولد الديره ذااا !!
وليد قطب حواجبه يطالع فيها من فوق لتحت
قامت سيلين و نطقت : اقعد اقعد بس انا اقوم اطلب
حنين : الحمدالله طلع منك فايده
سيلين : اسكتي بس ! تبين سبانش صح ؟
حنين هزت رأسها بالإيجاب .
وليد : سلامات ! انا وش شايفيني هنا ؟
راحت سيلين تطلب و سحبت عليه
وليد بحده : بنت !! ارجعي مكانتس
سيلين طالعت فيه و نطقت : هذا الكلام تقوله لأختك مو ليا مو محرم لي انت !
وليد ماقدر يقول شي لان كلامها صدق
حنين : تستاهل محد قالك تتلقف ؟
وليد : البخي !
رجعت سيلين بعد ما طلبت و قعدو عشر دقايق و نطقت سيلين : خلص الطلب يلا قم جيبه ؟
وليد بحده : لا والله ؟ قومي انتي جيبيه
سيلين : سلامات اشيل الطلب ؟ لو تنكب علي و يحرقني !!!
وليد شمق لها بمزح و قال : بقوم بس مو عشانك عشان نفسي
سيلين ما اعطت رد و اكتفت بالصمت
اخذ وليد الطلب و حاسب عليه و حطه على الطاوله
تقدمت سيلين و اخذت قهوتها ..
وليد : انا وش طلبتو لي ؟
سيلين : شاي .
وليد : يالظالمه !! الشاهي بيطلع من خشمي و جايه هنا تطلبين لي شاهييي!!
سيلين : شعرفني عنك ولد الديره
حنين : البخي بس هاتي قهوتي
سيلين : لك يد ؟
حنين : ياربي من هالشخصونيه !
سيلين : ادبي اخوك وبعدها اصير طبيعيه !
حنين : لا تكفين يعني انا ابي اقعد معاك ؟ قلعه يبوي
وليد : بس انتي وياها !! الوقت راح و اليل سرى امشو قدامي للسياره !
دخل ثامر المقهى و لقى قدامه وليد و معاه بنات ..
ثامر مسك راسه : وعيبااااه ي وليد تطلع مع بنات من ورانا !!!
وليد : اعوذ بالله انت شجابك !!
ثامر : اقول لا تسوي تصرف من هذول
وليد : شدخلك انت رح شف شغلك
ثامر طلع جواله و رفعه يبي يصور : سو حبتينننن
وليد مسك جواله و نزله : وش تسوي انت !!!
ثامر : بوثق ل جدي فعلتك اللي مو زينه وعيباه!!
وليد : يثقل دمك ي الورع رح بس
سيلين : خلاص عاد شنو هالكلام انت ي الطفل ؟
ثامر التفت يسمع مين راعيه الصوت : مين انتي ؟
وليد : ي ولد !!!
سيلين : عادي تعطيني مفتاح سيارتك على ما تخلص كلامك مع هالطفل ؟
ثامر : انتي الطفله روحي بس انتي و شنطتك هاذي فوشي يفقع عين الواحد ! ماعندتس ذوق ؟
سيلين : وانت لابس شورت و ركبك كانها فحم !
حنين : حي عينتس ي سيلين
سيلين : حيّ نباك
ثامر : تقلعو بس !
ثامر دخل عند الاستقبال و شاف خويه الباريستا مداوم
ثامر : هلااا والله بالخويي
مشاري : هلا فيك ي ثامر , وش طلبك ؟
ثامر : زي كل مره مافي فرق
مشاري : شفت البنت اللي تضحك عليك ذبتها تفوووز
ثامر : اقول البخ عينك لا تجي على بناتنا !
مشاري : اوه معليش بس اول مره اشوف وحده من بناتكم زي هاذي
ثامر وسع عيونه : يعني شايف كل بناتنا !!
مشاري : شدعوه يالخوي امزح معاك ههههههههه
ثامر : يلا تكفى استعجل بطلبي ابي ارجع بدري قبل لا جدي يتوطى علي
مشاري : الا صدق وش صار على زوج اختك ؟ من ولد عمكم
ثامر : اولا الحمدالله طلع بالسلامه ثانيا بكرا جدي حالف يسوي غداء ل سهم و عشاء ل محمد بالعزبه ثالثا خلص قهوتييييي!!!
مشاري : لحظه من سهم ؟
ثامر : ولد خاله محمد
مشاري : ليش بسوي له غداء ؟
ثامر يضحك : عشانه انقذ حياه محمد ههههههههه
مشاري : وش يضحك ي البزر طيب الله يسعده يارب
ثامر : بس هو دكتور هذا شغله ي الفاغر
مشاري كان بيتكلم بس قاطعه صراخ مدير المقهى عليه ..
المدير : ي مشاري !!!
مشاري فز من الصراخ و التفت على المدير : سم طال عمرك !
المدير : سم في بطنك انشاءالله!!!
مشاري : شدعوه ي الغالي
المدير : لا تستخف دمك عندي !!! مخلي الاله القهوه شغاله تصب وانت هنا تسولف مع هالأجرب !!
ثامر وسع عيونه و نطق : الزم حدودك !!! وش شايفني قدامك !!!
المدير : اسكت لااسمع لك حس
تقدم ثامر للمدير و نطق : لاتسمع حس لمين ؟؟
المدير : انت شايفيني اكلم احد غيرك ؟
ثامر : اصغر عيااالك انا ترفع صوتك علي !!!
المدير : تخسي ولا اتشرف انك تكون واحد من عيالي
ثامر انفلت على المدير و ضربه ببطنه
مسك بطنه المدير و صرخ بالالم كان المدير راح يمد ايده لكن قاطعه مشاري وهو يسحب يده و لفها و طيحه على الارض
المدير التفت على مشاري و نطق : مطرووددد !!! ولاعاااد اشوفك عنندديي
مشاري : من زين القعده عندك عاد
المدير صرخ للامن يجون يقلعون ثامر و مشاري ..
جو الامن يركضون و حاولو يمسكون ثامر بس ثامر حط رجله و ركض و مشاري وراه
مشاري وهو يحاول ياخذ نفس : شفيك ركضت ؟؟
ثامر بضحك : مابي الهيبه تروح و يمسكوني الامن مع أذني ههههههههه
مشاري : عز الله انك صفقتهم ي ولد فهههد
ثامر : ماعليك زود
مشاري : مشينا بس مشينا
ثامر : حسبي الله عليك ليتك مخلص قهوتي كان شربتها ولا نثرتها على مديرك ذا اللي يشبهه مدام نفيخه !!!
مشاري ضحك بكل قوته : ابوووك يالتشبييييه البطلللل ههههههههه
ثامر : امش بس سرينا
مشاري : على وين ؟
ثامر : تعال تقهوى عندنا و تعش
مشاري : لا مابي ازعجكم انا بسري لبيتنا
ثامر : ماني ملزم عليك الله معاك
مشاري : ماتقصر يبو فهد
ثامر : معليك زود
<<بالمستشفى>>
قاعده ريهام تقلب بجوالها تنتظر اي اتصال يجيها عشان تتهرب من محمد لانها متوتره منه
محمد : شفيك ي ريهامي ؟
ريهام : لا مافيني شي بس متوتره
محمد : من ايش ي عيني ؟
ريهام : اول مرا اقعد مع رجال غير ابوي و اخواني لا تشرهه علي عشاني متوتره منك البدايات بس
محمد : مافي شي يوتر ي ريهام وانا رجالك , امشي وصليني عند باب الحمام ماقدر امشي لحالي
ريهام : انزين بس بطلع عبايتي صبر
محمد : اييي اخيرا !!! مابغينا والله
ريهام وهي تطلع عبايتها اللي كانت لابسه تحتها فستان اسود ناعم ماسك على جسمها بارز تفاصيل جسمها و كعب فضي و شعرها منسدل على ظهرها و ميكب خفيف , رفعت راسها لمحمد وهي تبتسم و نطقت : شدعوه ؟؟ ههههههههه
رفع راسه على ريهام و أنبهر لما شاف فستانها الاسود
وطول النظر بتفاصيل حَرمه ريهام و ملامحها
وتقدم محمد وجت على باله هالقصيده توصف جمال حَرمه و صار يرددها :
شفتك وزاد بي الولع والشّوق غنيتها من ساعه اقبلتي عيني ماقد شافت كذا مخلوق كنك على ذوقي تشكلتي قلتي لي اصبر بس انا المطفوق عجلت في شوفك وعجلت
و حضنته ريهام علطول و بكامل قواها , ابتسم محمد و مرر ذراعه حول ظهر ريهام ودفن وجهه بعَنق ريهام لوقت طويل و سيّطير الهدوء عليهم , ابتعدت ريهام و نطقت : تبيني اوديك ؟
محمد : اي وديني
تقدمت ريهام و مسكت ايده و حطت ايده على كتفها
طالع فيها محمد و رفع ايدها و قبلها بكل حُب ونطق : جعلني ما اخلا منك ي كل روحي
ريهام بخجل : ولا منك ي قلبي انت !
دقت الباب سيلين و دخلت مدرعمه عليهم لا سلام ولا تفاهم و انفلت تقول كل شي لمحمد : محمددد! و تأشر ب اصبعها على حنين تخخييللل هاااذييي اخوها يذبحككك!
دخل وليد مسرع و شاف ريهام مو متستره و صد عنها
لاحظته ريهام و ركضت لبست عبايتها و غطت شعرها و نطقت : ادخل ي وليد
سيلين : يليلل؟ وانا وش اقول
ضحك محمد بسخريه : اذا فيه خير خل يجرب يسوي فيني شي
سيلين : وانت ي الخبل ليش بالمستشفى ؟ من هالخبل
وليد : ي ناس ماله داعي تكبير المواضيع خلاص نحلها
محمد : يبو تركي امسك اخوك المهبول عشان لايجيه شيٍ ماهوب زين
وليد ما تكلم و اكتفى بالصمت و يحاول يتجنب المشاكل و يهدئ العصبيه اللي منخلقه فيه
ريهام : يلا اجل مع السلامه انا برجع
سيلين : اف ي ريهامي ما قعدت معاك
ريهام : الجايات اكثر , جت ريهام بتطلع بس سحبها محمد مع ذراعها : روحو السياره وهي لاحقتكم
ريهام : هلا شبغيت؟
محمد : على وين تروحين بدون وداع؟
ريهام : اهااا اجل نظااامك كذا لازم وداع ؟
محمد : طبعا لازم وش هالسوال ؟
ريهام حضنته و سلمت على خده : هاه كذا وداع ولا لا ؟
محمد : شرايك ما يصير وداع و تنامين عندي ؟
سيلين : كان الموضوع تمادئ شويي؟
ريهام التقت على سيلين بقوه وهي ناسيه وجودها : انتي هنا ؟؟؟
سيلين : شفيك وجهك قلب طماط ههههههههه
ريهام قامت تتحس وجها و نطقت : ويييين نقابي ؟ تاخرت تاخرت , لبست نقابها بسرعه و مسكت شنطتها و طلعت علطول
محمد جاه ضحك هستيري و سيلين ضحكت معاه من ضحكه
<<مُنتصف اليل>>
تحديداً الرياض بيت ابو سَهم
فتحت الباب و رمت جوالها على الارض و صرخت بكامل قواها : اناااا ايشششش ذننبييي!!!! ايششش ذننبييي؟؟؟
دخلت اختها لورا وراها مسرعه خايفه عليها و بإيدها كاس مويه : استهدي بالله ي دااالين و امسكي اشربي ماء !!
دالين مسكت الكوب و رمته بالجدار بقوه و قعدت على الارض تصيح بشكل مُرعب و تردد هالكلمات : عسى الله ياخذها !!! عسى الله ياخذ روححهااا !مثل ما اخذت رووووح رووحي محمددد
لورا انحنت لاختها و مسحت دموعها وهي دموعها سابقتها : حرام عليك هي وش ذنبها ؟؟ استهدي بالله و اذكري ربك
دالين : ي لولووو!!! انتي تعرفيني و تعرفين قد ايش احبه بالنهايه انا يصير لي كذا؟ انا اللي بنيت حياتي معاه و اسمي دايم مُرابط لأسمه؟ دايم يقولون محمد لـدالين و دالين ل محمد و بالنهايه هاذي بنت الديره تاخذه و تسرق قلبه!!!
لورا : هذا النصيب ي اختي وش نسوي !!
دالين مسكت جوالها و رفعته لأختها : شوووفي جواااالي كله صورررره ؟؟ و تقولين لي نصيب !!! والله لو اصير الثانيه فوق راسها اهم شي اصير معاه !
لورا عصبت و : لا عاد ! انتي الكلام معاك فاضي حاولت اواسيك بس ماش خلاص قلنا نصيب يعني نصيب اعقلي و افرشي سجادتك و انسيه ولاشوفك مسويه شيٍ للبنت اعرفك مريضه !
دالين : اطلععييي براااا
طلعت برا لورا و ضربت الباب بقوه , مشت مع السيب و قابلت اخوها سَهم , استوقفتها ذراع سَهم وهو يوقفها
سَهم : بنت ؟ شفيك تبكين و ويش هالازعاج ؟
لورا : مافيني شي انا
سَهم : دالين فيها شي ؟
لورا : لا خلها ذي تتأدب بالاول بعدين يصير خير .
سَهم قبط حواجبه : ليه علامها ؟
لورا : مافيها شي تصبح على خير انا بنام
سَهم : وانتي من اهله
<<الفجريه بالديره>>
كل من بالديره بسُبات كلن فيهم بأفرشيتهم نايمين محدٍ فيهم صاحي الا بيان فارشه لها زوليه بالسطح و شاهي وكتاب سارقته من ريهام تقراه ..
بيان بصراخ : لااااعععع!! مااااتتت البطلطللللل!!! وش هالروايه اللي يموت البطل فيهااا؟؟؟
تقفل باب السطح من الهواء القوي , التفت على الباب وهي خايفه تحسب فيه احد دخل عليها , راحت تتفقد المكان و حصلت الباب مقفل ولا له مفتاح تفتحه فيه , توهقت ما عرفت وش تسوي لفت يمين و يسار و شافت ان جدار السطح قصير و تقدر تتكلم و تشوف الناس منه , راحت عند الجدار و رفعت نفسها ب مركى و شافت واحد من العيال و دنقت علطول وهي تقول : يليل ذا من ! يارب يطلع سعود
رجعت تشوف و شافت ان خلف طالع و متجهه للمسجد و شافت وراه ثامر و قعدت تأشر لثامر لعل و عسى يشوف يدها بس ماش و صرخت وهي تقول : ثااثثمثممثمثررررر!!!
رفع خلف يتفقد الصوت راسه وهو يشوف وجهه بنت و تعوذ من بليس وهو يحسبها جنيه لان شعرها مغطي على وجهها كله ..
بيان لاحظت ان خلف شافها و نزلت علطول وهي تقول : الله لا يفشل احد مثل فشيلتي هاذي !! , طيب الحين السواه ؟ جوالي ماهو معي عشان ادق ؟
قعدت تفكر كم دقيقه : اقول ؟ بالطقاق خليني احط راسي و انام خلاص تعبت
<<بعد ساعه>>
فتحت ام سعود باب غرفه البنات اللي نايمين فيها و صحت نورا , لمى , حنين و جت بتصحي بيان و رفعت بطانيتها بس م حصلتها و نطقت : ي روحي عليها بنتي قايمه للصلاه بدري
لمى : امحق تلاقينها الحين تسمع اغاني هذيك الاجنبيه مع صبح ربي
حنين : الاجنبيه لها اسم
لمى : قلعتكم انتي وهي نهايتكم تنحشرون معاها بجهنم
قامو و صلو الحريّم و الرجّال و جهزو الفطور و التمو حول الفطور من سفره الرجال و الجهه الثانيه عند الحريم
ام عقاب : فيكم احد ناقص ؟
ام سعود : اي والله ! منهي اللي ناقصه فيكم؟
جود : بيان ؟ بيان وينها هي وينها ؟؟؟
ام سعود فزّت علطول : انا ما لقيتها ب فرااااشها الصبح ما لقيتها وين راحت بنتي ؟!!!
نورا : اقعدي ي امي و افطري و اذكري ربك , لمو ! انطلقي علمي ابوي و سعود
لمى مسكت جلال صلاه و راحت عند ابوها
قبط حواجبه سعود من شاف لمى عندهم : عسى م شر ي لمو؟
لمى وهي ماسكه الضحكه : اختنا اختفت
ابو سعود : بنت؟ علامتس انتي تضحكين ومن اختفى؟
ثامر : غطي عيونتس ي هوووه !
سعود : غض البصر شدخلك انت ؟
ابو وليد : وشبغيتي يبنتي ؟
لمى : بيااااااااااااان ضااااااعععععتتتت مااااهييي موووجووووده من الفججججررررر
ثامر وهو يسد اذانيه : عععمى صدق فقعتي طبله اذني !
دخل خلف المجلس و شاف عمه ابو سعود مرتبك و سعود يهدي فيه
خلف قبط حواجبه من شاف انثى موجوده بينهم : وش العلم ي عرب ؟
لمى قالت كلمتين و طلعت ,اللي هّزت و روعت قلب خلف : بيان ضاعت .
تقشعر جسد خلف من كلامها وبغى يسالها بس انها طلعت و خلتهم ..
لمو فتحت باب الصاله بقوه و صرخت وهي تضحك و تدور سَهام و نطقت بصراخ : سَهاااممممييي ي سَهااممممم ههههههههه
سَهام ارتاعت منها : بنت علامتس استخفيتي ؟
لمى : عنديي علومممم!!!
توق : الحمدالله و الشكر اختك ضايعه وامك هناك تبكي وانتي تضحكين ؟
حنين : اول مرا اتفق معاك صدمتيني منجد !
لمى : انقلعي بس وينها امي شوي بقولك علومي
سَهام : بالمقلط
ركضت لمى تشوف امها و شافتها فعلا تصيح : ليييشش ليش ي قلبي انتييي
نورا : رحتي لابوي ؟ وش قال
لمى : ارتاع
نورا : ياربي ! لا امي ولا ابوي يعرفون يتصرفون هاتي عبايتي و هاتي مفتاح سياره سعود و امشي معاي
ركضت لمى لبست عبايتها و رمت ل نورا عبايتها و ركضت جوا للمجلس و قالت بسرعه : سعود مفتاح مفتاح
سعود : هاه ؟
لمى وهي تدخل يدها فيه مخبئ ثوبه و تاخذ المفتاح : ياخي انت فاهي
سعود : هيييه! وين رايحه بسيااارتي !!
لمى ما اعطته رد و اكتفت بالصمت
" عند خلف "
كان يهدي عمه و يقول : ي عمي استهدي بالله ما يصلح زي كذا قم و خلنا ندور بنتنا و نلقاها و نحتويها
طالع فيه سعود وهو رافع حاجب : نحتويها ؟
خلف وهو يصرف : يعني انتو اهلها تحتونها
سعود ما عطاه وجهه ولا رد
خلف : وش السواه هالحين؟ نبلغ الشرطه ولا ندورها ولا ايش
سعود عصب من اهتمامه الزايد و : انت ليش مهتم بزياده؟
خلف قبط حواجبه و نطق : ما تشوف عمي هنيا مرتاع! احاول اهديه
سعود : قم انا اهدي ابوي
قام خلف وهو يقول لثامر الحمدالله و الشكر علامه ذا
ثامر بصوت شبهه عالي : منهو ؟؟؟ اللي علامه
طالع فيهم سعود بنص عين و خزهم
ثامر : والله آنك صادق الحمدالله و الشكر كانه اخته لمو
خلف : وش لمو انت بعد !!
ثامر : علينا ؟؟؟ وانت امس تقول ام العيون السّود ؟؟
خلف : اعقب ! متى سمعتني
ثامر : وانت نايم تسولف
خلف مسك راسه : لا الله الا الله كل سوالفي مسموعه اجل !
ثامر : رح رح بس دور ام العيون السّود !
خلف : بدورها طرق تحسبني بهتم لكلام اخوها ذا ؟
ثامر : قهرننييي! مخلي لمو تدخل عند الراياجييللل!!
ضحك خلف بقوه و نطق ب اذن ثامر : اجل كلنا طايحين ع بنات فيصصصل ههههههههه
ثامر : حسبي الله عليهم
خلف : اعععقب و اخخخس!
ثامر : مابي اسولف معاك خلاص رح دور ام العيون السّود
اتجهه خلف لقسم الحريّم و دق الباب و قال ي ولد
سمعته سَهام و قامت له : سّم؟
خلف : دورتو بيان ولا !!!
سَهام وهي تلبس عبايتها : لا بنروح ندورها
خلف : على وين
سَهام : نورا و لمى اخذو سياره سعود و رايحين يدورونها
خلف : اقعدو شويّات عشر دقايق و امشو
سَهام بأستغراب : طيب
اتجهه خلف ل سيارته و شغلها و انطلق
" لـقفص الصقور" وهو يعرف ان هالمكان مهربه اذا تضايق و مهرب بيان
قعد يدور حول المكان ولا حصلها و فتح القفص الصغير ولا لقاها و راح للقفص الكبير و فتحه و قعد يداعب صقره " فالح " و كمل يدورها ولا لقاها ابدا تنهد بقوه ونطق بعصبيه : ابك ذي وين طارت!!
دق على سَهام : اطلعو دوروها ما لقيتها
سَهام : زين , قفلت الخط و قامت تدور البنات
سَهام : يياااهييييه اسمعوووو نورا و لمو بنروح بالسياره بعيد ندورها
و جود و توق و حنين دوروها عند الجلسات اللي برا و عمي و سعود راحو بعد يدورون
توق بتأفأف : كل هذا عشان بيان !! اف اف
حنين : البخي و امشي قدامي
توق : وووع انا بروح مع هاذي ؟
لمى : تعالي معاي و اعلمتس الدلع على اصوله !
توق مسكت ذراع جود و اتجهو للقسم المخصص لهم ببيت الجد ضيدان
حنين : احسن وجودكم و عدمكم واحد
عصبت نورا منهم و نطقت : خلاص !!! اختي ضايعه وامي تبكي وانتو هنا تتهاوشون امشو قدامي ولا رحت لحالي!!!
ركبو السياره و راحو يدورونها بدون اي وجهه محدده
" بعد ساعتين من البحث رجعو كلهم البيت هلكانين من كثر ما دورو ولا حصلوها وقعدو بالصاله شوي يريحون و يكملون بحث
" عند خلف "
دور بكل مكان وهو منهبل عليها ولا لها اثر ابدا وجاء على باله السطح و طلع مع الدرج و تلثم بشماغه من كثر الغبار : يبوي ذا يبيله عمال ينظفونه!
كاد ان يطيح ب كراتين بس انه تماسك و قعد يتحلطم و يهاوش و مسك قبضه الباب ولا فتح و يحاول يفتح بس كان مقفل و صار يبحث عن مفتاح لهالباب ولا حصل اي شي وهو كان عنده احساس انها بالسطح و سمى بالله و ضرب الباب مره و مرتين و ثلاث و كسر الباب و فتحه و طاح نظره على بيان مُغمى عليها من اشعه الشمس و شرشفها مرمي على الارض فّز لها و مسكها يتفحصها و كانت ترجف و بدون اي تفكير حضنها بكل قوته و طلع شماغه بقوه و قام يغطيها فيها ونطق :
تعالي في ذرى شماغي تدفي ما يجيتس البرد
وفي صدري مكانتس عن شقى الدنيا ومتاعبها .
تقدم خلف ونزل ذراعه اسفل ركبتها و شالها بسرعه وركض فيها مع الدرج وهو ما يشوف الدنيا قدامه وهي ما حست ابدا فيه ..
سلام عليكم اعتذر عن الغيبه اللي حصلت بالواتباد لكن كالتالي :
اولا انا انزل بالانستا قبل الواتباد و انزل كثير
ثانيا انا انتظر اكون كاتبه اكثر من بارت بالانستا عشان انزلهم بالوتباد و يصير البارت الواحد كثير يعني زي 20 بارت بالانستا = بارت واحد بالوتباد لكن طويل
ثالثا اسوي كذا عشان ما يصير ارقام البارتات كثير بالوتباد .
رابعا اللي مستعجلين ع القراءه اقرو بالانستا حسابي : widt.7
لا تنسون 📝⭐️
أنت تقرأ
ومات الهَوى والحب بعدك أجمعُ.
Fantasyروايتي الاولى " مُستمره " كاتبه مبتدئه | أتمنى نكبر مع بعض❤️ كُتبت بواسطه رهف .
