ومات الهَوى والحب بعدك أجمعُ.

Part 14

حنين : منجد ياخي نقوله ان انتو ما تبون و يقول لا تجي بيان و ريهام ياكلون معانا!
بيان : مانبي حنا طيب ههههههههه
لمى بصراخ : هااههه شفتتت!!
خلف : اعوذ بالله من هالشفاحه!
لمى : انا اذا جعت اعصب ترا لاتخليني اقوم انتفك الحين انا و حنين ترانا صابرين عليك!
حنين : وقسم بالله!!
خلف : خلاص انثبرو و قومو ذي النايمه خل نشوف وش تبي
حنين سحبت سَهام مع نقابها و قالت : قومي جعلتس المرقده
سَهام طار نقابها و قالت : خير؟ وش قله الادب ذي
حنين : اسفه حبيبتي سهامي بس انا يوعانه
سَهام : قولي جوعانه
حنين : لا يوعانههه يوعاانههه
سَهام : تراك تفشلين
حنين : طيب انا افشل اخلصي و روحي لأخوتس
سَهام : هاه وشتبي !
خلف : وين نقابتس!
سَهام : ترانا بغرفه مقفله مافيها احد
ريهام رمت نقابها و قالت : صح اتفق
خلف : اخو ثاامرررر
سَهام : يارب صبرك ورضاك
حنين : يوعا ...
صفقتها سَهام قبل لا تكمل كلمتها
حنين بالالم : خير؟
سَهام : صجيتي راسي!!!
بيان جت بالزوايه وسحبت من شنطه ريهام كتاب و قعدت تقراه ...
ريهام : مشاءالله عليتس استحليتي كتابي ؟
بيان و دموعها سبقت مجراها : البطل مات!
ريهام : اعوذ بالله لا تصحين ما مات اغمى عليه
بيان : منجججد!!! و حضنتها
لمى الحمدالله و الشكر بس
خلف اخذ طلبات البنات بعد عناء و قام يجيب الاكل
لمى لمًا طلع قامت ترقص وتقول : كلولولوووش!!!
سَهام : ابي اناممممم
ريهام : نامي اذا رجعنا عشان نقوم نصحصح ل ملكتييي
سَهام : يوه انتي بعد يبي لي ساعه اكشخ و البس ياربي مافي امل تتاجل الملكه؟
ريهام : اقول بس انا قلت لك اذا رجعتي نامي بس مافي نوم! بنروح ل بيتنا و نجهز فيه !
سَهام : ماراح ننام ببيت جدي ؟
البنات : لا
بيان : الا جدي قال ان الملكه ببيته!
ريهام : ازيييين شي بيت جدي كبير و وسيع
بيان : اي احلا شي
جاء خلف و معاه طلبات البنات
حنين : يسسس يسسسس
لمى : اخيرراااا
قعدو البنات ياكلون و طلع خلف برا ياكل لوحده عشان ياخذون البنات راحتهم ...
حنين رمت النقاب اول ما طلع
و لمى و بيان سو زي حركتها
خلصو البنات اكل و انسدحت لمى و نطقت : شرايكم ننام و نسحب على ابو تجهيزات ريهام
سَهام : اتفق!!
ريهام : تصدقون لو تقعدون هنا ابرك والله
خلف طق الباب وهو ضايقه فيه الوسيعه و قال :
خلصتو؟
تغطو البنات و دخل خلف ...
كانت بيان تدور نقابها ولا حصلته! ودخل خلف و اول من جت انظاره على بيان ...
بيان صدت عنه و غطت وجهها بيدينها
خلف قعد كم ثانيه يطالع فيها ...
لمى بعصبيه مسكت شنطتها و رمتها على خلف و قالت : ما تستحي على وجهك اختي ذي !
خلف طلع برا بدون ما يقول ولا اي حرف ...
و قعد يتذكر المواقف اللي صارت له مع بيان وجت على باله هالكلمات ...
يليق بتس الطب ..فجمالتس لحاله يداويني !

لمى : عمى يعمي عيونه صدققق!!
سَهام بحده : انتبهي على كلامتس تراه اخوي !
حنين : يوووه جتنا جود الثانيه
ريهام : الا صدق وش صار عليتس انتي و عقيب؟
حنين قبطت حواجبها ونطقت : وش صار علينا ؟
ريهام بأستغراب : اي ؟
حنين عصبت وهي ما تطيق عقاب بعد فعلته : نعم!! حبيبتي وش اللي وش صار لنا! شنو شايفتني يعني؟ بحبه بيومين!!!
ريهام تحسست من كلامها و نطقت : خير ؟ ترا تحسست حبيت محمد بيومين انا
حنين : محمد رجال عكس المروح عقاب !
ريهام اكتفت بالصمت ولا نطقت بحرف ..
قامو البنات و طلعو من المطعم يكملون الناقص ...