ومات الهَوى والحب بعدك أجمعُ.

Part 7

ريهام دقت على خلف و نطقت : خلووووف تعال ابيك
خلف وصله صوت ريهام و نطق : وش تبين ؟
ريهام : ضروووري ضروررري!
خلف : خلاص جاي و قفل الخط
ريهام بفرحه قالت ل بيان : بسسسررعه روحي البسي عبايتك و طرحتككك
بيان انطلقت و لبستهم و قالت : اف حماسسس
خلف دق الباب بقوه وهو يقول : ياااولد
ريهام نطقت : بيان يلااا روحححي
بيان استحت و قالت : احس عيب لا معاد ابي
ريهام صفقتها و قالت : اقول بعد ما جاء!!! اقول روحي
بيان بالالم : اف طيب بروح , راحت بيان و قالت هلا ؟
خلف شاف بيان قدامه وابتسم بعدين سوا نفسه ثقيل ههههههههه , خلف : وين ريهام ؟
بيان : اااا ريهام بالحمام
خلف : خليها تجي
بيان : ياربي ماعلينا من ريهام بطلب طلب انا بس ماتقولي لا
خلف استغرب منها و قال بثقل : وشتبين؟
بيان : ابي جوالك
خلف بأستغراب : ايش ؟؟؟
بيان : امانه ابي جوالك بس بشوف شي!!
خلف : لا
بيان شافت ان جوال خلف ب مخبئ ثوبه و دخلت يدها و سحبت الجوال و نطقت : اننن شوفني خذيته!
خلف انصدم كيف سحبت الجوال بهالسرعه و قال : خذيه ما تعرفين الرمز ههههههههه
بيان : امانه امانه افتحه لي والله بس بشوف شي
خلف : قال يابنتي وش بتشوفين!
بيان : انت افتحه و تعرف
خلف اخذ الجوال منها و فتحه و مد يده و عطاها
بيان خذته بسرعه و هجت وهي تضحك
خلف انصدم منها و راح يلحقها
بيان انصدمت انه لحقها و تفشلت مرا بس ما وقفت وراحت ركض للغرفه اللي فيها ريهام و قفلت الباب
ريهام بفرحه : جبتتيييه!!!
بيان : ايييي اخوك سبك علطول صدقني ههههههههه
خلف دق الباب بقوه و قال : اعلمكم من السبك الحين !!!
بيان : وش بتسوي يعني؟ ههههههههه
ريهام بعدم اهتمام : بيان طلعي عبايتك و اقعدي
بيان نفذت اللي قالته ريهام و قعدت جنبها يدورون رقم محمد ..
ريهام بفرحه : هذااا هوووو
بيان صفقتها و نطقت : وطي صوتس تراه للحين ما راح!
ريهام : ماعليك باخذ الرقم و اعطيه جواله
بيان : لا والله! حتنا بشوف فيه شي ! , بعدين انتي كيف متاكده ان ذا رقم خطيبتس؟
ريهام : يا الخبله ما تشوفين اسمه محمد بن عيّاد !
بيان : خلاص خلاص يلا خذي الرقم و عطيني الجوال
ريهام : خلاص خذيته
بيان سحبت الجوال و قعدت تفتش فيه و خلصت منه و عطت ريهام الجوال و قالت يلا عطيه اخوتس لا يموت علينا
ريهام ضحكت و قامت فتحت الباب و نست ان ريهام مو متغطيه ...
خلف بعصبيه : شتبون بجوالي انتم هاه!!!
ريهام : دقينا على البقاله
خلف : و جوالتس وين ليش ما تدقين فيه؟
ريهام : ماعندي رصيد تشحن لي ؟
خلف كان راح يتكلم و لاحظ بيان و سكت و قعد يطالع فيها
بيان : ما كانت تدري انه دخل الغرفه , التفت و لقته يطالع فيها و صرخت و قالت : ههيييي خيرررر صد عنننيييي
خلف استوعب الموضوع و طلع يركض برا قبل لا تجي امه و تصفقه
ريهام ضحكت و نطقت : شفتتييي كيف ركض؟ههههههههه
بيان : انقلعي ليش خليتيه يدخل !
ريهام : هو دخل شدخلني انا ؟
بيان : اسمعي دامنا افطرنا وكذا و روقنا و الجو حلو شرايك نروح عند النياق ؟
ريهام : تم بس من يودينا ترا بعيده مانقدر نوصلها مشي
بيان : ثامر خل يودينا يضحكني مرا ههههههههه
ريهام : تم يلا روحي قولي للبنات
بيان راحت و نطقت : بناااات ترا بنروح للنياق تبون تجون؟
لمى : والله مو على اساس نروح كوفي ؟
بيان : بعدين بعدين يمكن نروح باليل الحين بنروح للنياق وكذا
توق مين يوديكم؟ اذا بيوديكم سعود بجي
نورا بقرف : الله يعين اخوي بس!!!
توق : الا يا حظه
لمى صفقت توق ونطقت : هي انتي اشوفتس مقربه من اخوي وربي لا انتف شوشتس سامعه!
توق بدلع : عورتينيييي بعدين ليش تقولين عني كذا سعود يحبني
بيان : ياكبرها عند الله سعود يحبتس! تحلمين واجد شكلتس!
توق : اف انقلعو عني
حنين : اقول خلاص قومو خل نلبس و نروح
لبسو البنات عبايتهم و طلعو و لقو قدامهم ثامر وهو جايهم بالشاص
جود بصدمه : وين نركب حنا !
ريهام : ياربي من هالبزر!
بيان و سَهام بحماس : نركب يالصندووققق يلاااا
حنين : منجدكم انتو؟
ثامر دق بوري و قال : تركبون ولا بسحب عليكم ! و خواتي تعالو اقعدو جنبي
سَهام و ريهام : لااا نبي الصندوق كلنااا
ثامر : قلعتكمممم بس اعجلو علي
ركبو البنات الصندوق ولما جت بتركب لمى ثامر دعس بانزين و طاحت بقوه على ظهرها , لمى بالالم وجعععع!!!
ثامر نزل من السياره وهو يضحك و قال :  احسن تستاهلين و اساسا انا متعمد
لمى طلعت جزمتها وقامت تلحقه فيها
ثامر قام يركض و هو يقول : ابك علامتس انتي ما سويت شييي
لمى قدرت تمسكه و طلعت حرتها فيه و قالت : ابلعععع يالكريييه!
ثامر بالالم اوريتس الحين , راح ركض السياره و مشى فيها و خلا لمى بالبيت
ريهام : حرام عليك ثامر ارجع جيبها !
ثامر : تخسي صفقتني بقوه
بيان : ترا بعلم سعود اذا ما رجعت لها !
ثامر : علميه وش بيسوي يعني ؟ ههههههههه
نورا بعصبيه : ثاموره وقسم بالله لو ما ترجع تجيب اختي اني لا انزلك من السياره اسمع!!
ثامر : اتحداتس
نورا نزلت من الصندوق و فتحت باب السياره و سحبت ثامر و قالت : تتحداني اجل ! يلا اذلف
ثامر : ياهووووه ماتعرفين تسوقين
نورا : الا اعرف و ازين منك بعد يلا تقلع , ركبت نورا السياره و سحبت على ثامر وخلته بنص المزرعه
وصلو البنات عند النياق بعد ما نورا لعبت فيهم كل شوي وحده طايحه من السياره ...
حنين نزلت وهي ماسكه راسها و تقول الحمدالله اني ما طحت!!!
سَهام : مريضه ذي كانت بتذبحنا انتي و جود الوحيدات اللي طلعتو سالمين
نورا : اقول احمدو ربكم اني وديتهم
ريهام كانت مو معاهم و قاعده على جوالها و تضحك
بيان عرفت انها تكلم محمد و جت همست لها : تكلمين محمد؟
ريهام يخوف : شعرفك انتي!
بيان : يا الخبله انا بيان ههههههههه
ريهام زفرت براحه و قالت : يممممه الحمدالله
مشو البنات و حطو فرشتهم و اغراضهم
حنين بحماس : نروح للنياق ابي اصور صور حلوه
جود : تم يلا انا بصورك
حنين : يلا صبر بطلع نقابي و عبايتي لبست جلابيه و جبت رداء عشان يكون شكلي حلو
بيان : مو فيه عمال ؟
حنين : لا انا رحت شفت لقيتهم قاعدين بالكرفانه نايمين
جود : خلاص يلا يلا خل نروووح
راحو جود و حنين عند النياق
جود : حنينييي قربي من النياق عشان الصوره تصير حلوه!
حنين يخوف : اقرب منها؟
جود : ايي وشبتس خايفه ماراح تاكلك
قربت حنين وهي متردده و خذت لها جود كم صوره , الناقه تحركت و حنين خافت مرا و بعدت عنها و نطقت : خلاص جودي امشي نروح
جود : يوه ما صورت كثير
حنين : عادي خلاص امش.. , ما مدى حنين تكمل كلامها الا و النياق يلحقونهم
جود برعب : حنينينينن!! النياق يلحقونناااا
حنين لفت وراء و لقت ان النياق يركضون بتجاههم!
و مسكت يد جودي و قامو يركضون ..
جود بضحك : اف يخوف بس وناسه
حنين : اي وناسه يا مريضه ارككضييي!!!
حنين كانت تركض و صدمت ب عقاب اخو جود ...
جود بفرحه : الحمدالله الله طلعك قدامناا يا عقاابب!
حنين جت عينها بعين عقاب ...
عقاب صد عنها و نطق : شفيكم؟
جود كانت راح تتكلم بس شافت النياق قريبه منهم و قامت تركض
حنين تفشلت ماتدري هي تركض ولا تقعد ولا تستر نفسها عن عقاب ..
عقاب بعصبيه : يابنت ! روحي تستري وش مطلعتس زي كذا
حنين تنرفزت منه و نطقت : شدخلك ؟
عقاب : شلون شدخلني !!!
حنين : لا صدق شدخلك ؟ امي ؟ ابوي ؟ اخواني ؟ لا خلاص مالك دخل يع و مشت ..
عقاب قال بنفسه الحمدالله والشكر من هالدلع الماصخ!
حنين جت عند البنات و نطقت بعصبيه : وين عبايتي ! برجع انا
بيان : شفيك معصبه؟
حنين : عقاب الخايس ذا يتأمر علي و يصارخ و النياق بغت تذبحني و تساليني ليش معصبه!
جود : عن الغلط ما ارضى على اخوي
حنين : اقول انقلعي انتي كل ما قلنا شي قلتي ما ارضى على اخواني
جود : سلامات حنين؟ وش هالكلام
حنين تجاهلت كلام جود و مشت
نورا قامت و مسكت حنين و قالت اقعدي بس ساعه و نمشي البيوت بعيده ترا
حنين : متى نفتك من هالقريه و نروح نعيش ب المدن زي العالم و الخلق !
نورا : حرام عليتس ما اتخيل اني ابعد عن ديرتنا !
حنين : يارب اننا نروح عنها ! بس
نورا سحبت حنين و قعدتها جنبها
عقاب مر من عند جلستهم و شافته حنين و هي للحين مقهوره منه , سحبت علبه الماء من سَهام و رمتها على راسه بقوه وضحكت
عقاب كان يمشي طبيعي الا شي يخبط راسه و لف وشاف حنين تضحك , عقاب نطق بعصبيه : كيف تجرائتي ترمينها علي !!
حنين مثلت الخوف و نطقت : لا يممممه بموت ترا
جود : خير حنين! وش قله الادب هاذي من اخوي
حنين : يشيخه طيري انتي و اخوتس زين؟
جود قامت و مسكت يد اخوها و قالت : امش امش بس ذي مريضه , توجهه عقاب ل سيارته و اخذ اخته معاه وكانت ضحكات حنين تدور بعقله و يفكر كيف ينتقم منها ...
سَهام : يمه منك يا حنين منجد كيف تجرائتي تضربينه هذا يخوف كبر الباب !
حنين : ليش اخاف منه؟ شفتي مشى وراح هههه
بيان : لا كفو عليتس خليه حيوان عشان مرا ثانيه ما يزعل حنيني
نورا : اقول امشو امشو بنرجع البيت ابي انام تعبت !
البنات قامو ورا نورا وهم اساسا طفشانين من هالقعده .
" بالرياض "
دخل محمد غرفه امه و سلم على راسها
ام محمد : بتفتح معاي موضوع هذيك البنت ياويلك!
محمد : يا امي استهدي بالله و اسمعي الموضوع
ام محمد : قلت لك ماراح تاخذها ما تفهم انت ؟
محمد : طيب انتي بس اسمعي الموضوع
ام محمد : انطق !
محمد قال لها سالفه ريهام من يوم ما لقاها ضايعه لين الجد ضيدان عطاه ريهام .
ام محمد وسعت عيونها و قالت : و جدها رمى البنت عليك!!!
محمد : لا لا يايمه هو عطاني اياها لاني شفتها و حافظت عليها وجبتها عندهم!
ام محمد : يبون الفكه من بنتهم!!! وانت تقولي حافظت عليها
محمد بعصبيه : يمه انتي ماراح تقتنعين صح؟ بعطيك اياها من الاخر بعد بكرا انا رايح اخطب ريهام و قلت لك ماراح اخذ غيرها !
ام محمد : انا ماني راضيه عن زواجك ! بتتزوج بنت خالتك غصبا عنك!
محمد : يمه ذا زواج !! مو لعبه تغصبيني على وحده مابيها !
ام محمد طردت محمد برا الغرفه وهي تصارخ عليه
ابو محمد بعصبيه فتح الباب بقوه و قال : هيييه خلاص عاااد تماديتي يا هَاجر!
ام محمد : لا والله تصارخ علي عشان هالعاق!!!
ابو محمد : علي بالطلاق لو محمد ما ياخذ البنت اللي تبيها اني لأطلقك بالثلاث سامعه! ويلا انتي اختاري !
ام محمد مثلت الدموع و نطقت : تطلقني عشان بنت الديره! وانت يا محمد ما تسمع كلامي عشان هالبنت!!
ابو محمد : لا تقعدين تتمسكنين فوق راسي هالحركات ما تمشي علي و حنا كم يوم وحنا رايحين نخطب البنت لا اشوفك تسوين حركات ماهي زينه عند العرب ! وتفشلينا !
ام محمد بعصبيه : طيب !
محمد باس راس ابوه و قال : الله يعطيك العافيه يابوي .
ابو محمد : كان المفروض اسوي كذا من الاول يا ولدي

"عند البنات "
" بالليل "
كانو البنات نايمين من الظهر الى الان و محد فيهم صاحي ..
جود قامت من نومتها و شافت الساعه و طلعت 12:30 مُنتصف اليل ! شهقت و قالت من الظهر نايمين حنا ! بس خلاص خليهم يشبعون نوم , طلعت جود للمطبخ تشوف لها شي تاكله سوت لها شاهي و توست و توجهت للسطح .. فتحت باب السطح و قعدت تسمع صوت بكاء و شهقات تعور القلب و اتجهت للصوت , انصدمت لما شافت قدامها جابر وهو منهار من البكاء و نطقت برعب : جاااابررر!
جابر لاحظ جود و تقدم لها ...
جود بخوف قامت تتراجع ب خطواتها
جابر تسارعت خطواته و مسك جود و قعدها و صار يبكي بحضنها كانه طفل ...
جود بخوف سألته : وشفيك؟
جابر نطق : وشفيني !! انا ايش ما فيني كيف بشوف البنت اللي احبها راح ياخذها غيري !
جود ما قدرت ترد بحرف واحد و اخذت دموعها مجراها , ما كانت تبكي على جابر ابدا كانت تبكي على حالها كيف انها تحب جابر من الطفوله لاكن جابر ما يحبها الا انه يحب وحده غيرها ..

وش رايكم بالبارت الجديد ؟🫢 وايش تتوقعون جابر يسوي ؟
حسابي انستا widt.7 انزل فيه قبل الواتباد تنوروني هناك❤️