للكاتبة.. الــريم
مَر طيف من مواقف بسنوات بَعيده وقريبه..
رجعت ظهري على كُرسي السياره واني اغمض عيني واتذكر مواقف منها ....
○○○
الـــــمشهد الـاول
- لازم تسوين هاي المُهمه!
گال بجدّية وهو يباوع بعيوني ومركز كُلش
توترتْ أكثر من خوف الموقف والهوسة الي برا وكُل شوي صوت رَمي او طلق ناري
گلت بتردد والأرتجاف واضح بكلماتي
- ماكدر اسويها شلون اني عندي عائلة شلون اعوفها واروح للموت برجلي !
لزمني من أكتافي وهو يگول مثل الي ديهديني لو ينطيني شجاعة وقوة حتى أخذ قراري الحاسِم
-بس انتِ قوية وذكية بنفس الوكت ف راح تفيدينا هواي!
فكري علمود وطنج و علمود اهلج و علمود هواي ناس، أنتِ مو تنقذين بحياة الناس؟
هسه نفس الشي بس بيها شوية خطورة وانتِ ماكو شي خطر عليج ، انتِ مرة بالف رجال
بس كمل جُملته الأخيرة وسمعنا صوت دوي قصف قوي بالقُرب مننا وصوت تحطم البيت المُجاور بقوة..
احس كلبي انشلع من ضرباته القويه التوجع روحي قبل صدري!
-ماكو وقت للتفكير روحييي!
-مشيت واني اتعثر بخطواتي اخاف..
اخاف! من الموت واني رايحتله برجليه.. اخاف اروح وما ارجع
اخاف اروح و...
○○○
الــمشهد الـثاني
مشيت واني مطايقه روحي بنعالي الاصفر ابو الكركوشه ...
احجي بغضب
-ليش يربي ليش ماريد اروح كوه ماحب
قاطع كلامي واني اشوف أحد وكف كدامي
بنبره مُتلاعبه وغمزه
-فدوه للخلقج مفكر بعباده؟
لعبت نفسي ، نزلت عينب واني اشوفه لابس تيشرت بس مو اي تيشرت عادي تيشرت ابو الدب!!!! كشش روحي
-دمشي لك جرجف،انت وهذا قميصك جنه دشبول مال سمند
اتخطيته واني اكول سبحان من نزع الرحمه والاخلاق مني..!عجيب
○○○
الــمشهد الـثالث
عيني بالكاع ، جزعت روحي وملت من اصوات البنات اليحتاجن المساعده
نزلت دمعه حُزن وقلة حيلة لأني عاجزه عن مساعدتهن..
أكتفيت بالدعاء... اذا ادخل اروح بالرجيلن.!
انفتح الباب بقوة ....دخلت مجموعه شباب مع
- يا مُسلمة ، عالجي هؤلاء لاتحقق من هويتهم
بأستغراب
-وليش جايبهم يمي ؟ابو عائشه
-كفاكِ اسئله، لاحقا سأجيب
أنت تقرأ
الجمجمة الذهبية
Humorحكايةٌ تدورُ حولَ تاريخِ ثلاثٍ نِسوةٍ مُختلِفاتٍ جمَعهُنَّ مَصيرٌ وعرٍ وكُلِّ شخصيةٍ تنفرِدُ بسْماتٍ تُغايرُها عنِ الأُخرى فَكيفْ بمعيشتِهنَّ تنثَنْي مُنهارةً ويسقُطنْ بِبُؤرةٍ عسِرَةٍ، حيثُ لا يوجَدُ شمسُ أملٍ نقيةٍ بل فَقط سلاسِلُ الشقاءِ الوثيقةِ...
