الثانيَة عشرَة ظُهرًا >>
بهذهِ الأَجواء الهادئة المليئَة بالضَجة ، وبِهذا العقلُ الصامِت المُضطَرب بالأَفكار ، وبهذهِ الأَقدامُ المُتعبَة التِي أَضاعَت مابهِ بدأت ، وبهذهِ الروحُ المُثقلَة التِي سئمَت ما لأجلهِ قَد شغَفت ، وبهذهِ الحَياةُ المُهلِكة التِي تنتزِعُ الأَمَل فِي شدَة اليأس ، مازلتُ أصبُر ..
- نركض اني ويا لازمه أيده بكل قوتي تفكيرنـه بس نطلع من هل مَكان نركض ومنعرف وين طريق رجعتنه بس نركض نريد نخلص من ألم وعذاب ايام طويله نريد بس الحريه !!
وصلنه الشارع العام نريد سيارة او أي شي يرجعنـه للبيت بس اريد اشوفها لأمي أحضنها وأشـم ريحتها واگللها يمه تره اني عايشه يمه مامتت مثل ماكالو الچ بس اريد ارجع و اشمر روحي بحضنها هيه راح تحميني بحنيتها ...
اني وشهُب بعد عَذاب اني ويا وصلنه لبيتنه لملجأنه وكُل وذكرياتنـة الحلوه ! ووگفنه گبال باب البيت ..... اي هذا باب بيتنه هسه بس افتح الباب راح اشوف أمي واشم ريحتها واحضنها وترحب بيه وبرجعتي اكيد "
مورال: يمــه !! اجيتچ يمّه اجيتچ
فتحنا الباب اني وشهُب ودخلنا للبيت.
جـانت نريمان بالحديقة ونصدمت بشوفتنهه وصاحت باعلى صوتها وهيه ممصدگه انو احنه رجعنه بعد غياب طويل الكل التم علينه شفنه فرحتهم وكسرتهم بنفس الوقت .... ابويه شابگني بكل قوته والدموع تنزل من عيونه مثل الشلال حسيت بأمان ودفىء چنت مفتقدته لوقت طويل و ريحتهم جاي اشتمها ريحتهم جنت احلم بيها قبل ساعات وهسه صارت حقيقه ....... عمامي و زوجاتهم ، شهاب نريمان ، مارينا كلهم يمي مجاي احلم موو؟ اكيد مو حلم هذا !
- صح مچان حلم چان بدايه حلوه !!
________________________________
أنت تقرأ
كــــربٌ و بـــــلاء
Mystery / Thrillerأَما عن الضَجيج الذِي يجُول فِي نفسِي ، فأَنا مُنشغلٌ بهِ فِي كُل لحظة ، أَسيرُ وأَنا لا أَرى الطرِيق فقَط أَفكارِي ، ثُم لا أَعلم فِي نهاية الأمرِ أَين سأصِل ، مادُمت مُنذ بِدايتُها لا أَعلَمُ خِطاي .. اركض لجهه مجهوله لماضي صعب وحاضر اصعب سواد الم...
