كــــربٌ و بـــــلاء

البــــارت الخامـــــس

- مشاركه ، نجمـه وتعليـق فضلاً.
- انستا:f_ox.78
____________________________

هُنالِك الكثيرُ منا مَن ينتظر الظُلمة ليتحَرر .

___________________________

بعد ساعتين \\

- نفتح بـاب الغرفه وشمروا علـي و شهب للغرفـه كلشي مينشاف منهم من الـدم ، المنظر الي شفته خله جسمي كله يرجف ماعرف شسوي ماگـدر اتحرك ماكدر اصرخ وماكو احد يسـاعدنـي ، من ورا عمليتي كلشي ماكدر اسويي!! حچـيت وصوتي گـوه ينسمع.

مورال : شهب ! علي

علي : اش مورال لاتخافين عادي مصار شي تمام.

مورال : لعد هاي شبـيكم شنـو هذا الدم وشهب شبيه شسولكوم؟!!

علي : عادي مورال هسه يكـعد مابي شي.

- علي وشهب چـانوا واحد نايم بصف الـثاني وكلهم دم علي چان گـاعد بس شهب فاقد الوعي ، علي كام يحاول يگعد شهب.

علي : گوم ولك شنو سالفتك من جابـوك لسه بس تنام گوم !

مورال : علي شبيه شهب ليش مجاي يگعدد؟!

علي : هسه يگعد لتخافين.

- گام علي وتـرس گـلاص مي من الدبه غسـل لشهب وشربـه وغسل الدم الي على وجه.

گـعد شهب روحه شايطه من الوجع ميگـدر يتحرك خطوه وعيـونه حمـر بالگوهه يفتـحهن

علي : يله يخويي تتعود !

مورال: شصار وياكـم بس گلولي!

علي : راجدي على چـلاق فد چـم چـويه واهانـات ورجعونه.

شهب : ليـش هيچ سولكم! لوين يردون يوصلون؟!

علي : هذولـه ماعـدهم غايه مرضى نفسيًا يحبون الدم والتعذيـب.

شهب : معقولـه هذا السبب؟ شلـون يگدر الانسان يأذي اخوهه الانسان !!

علي : صدگـني هذا السبب ، اصلا ضايجيـن لان ميكدرون يسولك اكـثر من هذا.

شهب : ليش اكو اكثر من الي سوهه بينه؟!!

علي : اي اكو.

- اصعب ايام حياتـي وابشعها ! ضگت الالم والجوع والبرد وكلشي سيء ممكن تتخيله. مر تقريباً ١٥ يوم واحنه نفس الحاله شهب جروحـه متلحك تطيـب حرگ وكتل وكسر ماعرف شنو الي غلطـنه بيه شنـو السبب كل هـذا ، كل الي چنت اسويه استمتع بيومي ويه عائلـتي بس هل هاي جريمـه استحق اتعذب عليـها؟ وره فترهه طبت وگـمت اگـدر امشي شويي وجرحـي صار احسـن بس شهب حالـته صعبه ! يوميه نفس الحاله يضربوا وهمه يعالجـوا وعلى نفس الحاله. يستحيـل هذوله بشر. ذوله شياطين بهيـئه بشر.

[يوم من ايامي السود ]

- بالغرفـه انـي وعلي وشـهب وفجـأه دخـلوا علينه اربعه ولد وخامسهم رئيـسهم لوسيڤر جان اسمه.