كــــربٌ و بـــــلاء

البــارت الرابـــع

كُتبـت بكـل حب 🤍.
شاركوني افكاركم وقصصكم
حبيباتي كل مازاد التفاعل زاد طول البارت 🌚❤️‍🔥

انسـتا : f_ox.78

_________________________

أتمنى أن لا أقطع مشوار كامل ثم أدرك في آخره أنه لم يكـن وجهـتي الحقيقية ، أتمنى أن يأتيني تنبـيهاً أو إشارةً إلـٰهية تدلني على الطريق الصحيح منذ البداية.

_________________________

التاسعه صباحاً //

گعدت بالگـوهه من نـومي على صوت امي وهيه تگلي انو الریوگ جاهـز ، الليل كله اني افكر بشنو أرد اذا سألوني أهلي ماكدرت انام بس چم ساعه ، رحت غسلت وجهي وبدلت ملابسي ونزلت جوهه لگيتهم ديفرشون سفره الريـوگ .

صمـون حار وجبـن عرب وبيض وزيتون وكل العائله ملتمه ويسولفون .

صمد : هلا بالاميره النائمه هلابشمعه البيت ليش تأخرتي بالگعده اليوم ؟

مورال : والله عمو چنت تعبانه وماحسيت بنفسي .

صمد : سلامتج حبيبـتي تعالي اكلـي ريوگ يفوتچ

مورال : حاضـر عمو بس وين شهب شو ماشوفه ؟

رنا : گال عندي كم شغله يكـملها ويجي .

- گعدت وياهم علطاوله واباوع لعمو حاکم ماحچه حچابه وياي ضل ساكت وياكل عبالك يحضر الكلام الي حيگوله واني حاطه ايدي على گلبي بأي لحظه احس حيحچي منين ابدي وشكول ، وايمن يسولف طبيعي ويه شهاب .

- کملنـه ریـوگ اني ونيرمان شلنه السفره . سويـنـه چـاي وصبينه للكل وچـنه گاعدين واني خايـفه لأن اعرف عمو حاكم ميسكت . وحيحچي كدام الكل وشهب ماموجود بهیچ موقف صعب شلون بيه !
نطق عـمي حاكم ! انقبض قلبيي

حاكم : اي مورال بما انـو الكل موجود نكدر نسولف شويه ؟!

صمد : حاكم هم راح تفتح الموضوع عـوف البنيه شبيك وياها متگلي؟!!!

- عمي حاكم خله الكـوب مالته على الطبله وكـام راح جاب اوراق التحاليـل والسونار وشمرهن علطـبله وحجه بهدوء

حاكم : شوفوا ذني ! شوفوا شطلع شكو من ورنا واحنه مندري شوفوا !

حارث : شنو ذني حاكم هاي تحاليل مال شنو؟!

حاكم : هاي تحاليل بنتك حارث بنتك !

افراح : شبيها بنتي مدافتهم !

حاكم : بنتـك عدهاا كليهه وحدهه وهاي السنين كلها مگالت وماعرف شلون بنتـك لسه عايشهه ؟!

- دموعي ماگـدرت أسيطر عليهن اول مره احس نفسي لهل درجه ضعيفه لا هاي صـار ثاني مره !

افراح : حاكمم شتحچيي شنو كليهه وحدهه؟ شلونن مورال يمه بنيتي صدك هذا الحچـي !!