#جريمة_لم_تنفذ
الكاتبة:مريم عبدالله
هل ياترى لو متُ انسى ماجرى؟
إلين: فتحت عيني الجو حار والمكان يخنگ حاولت اركز اكثر اشوف اني وين دايخه وعيوني يفتحن ويغمضن شوي اتضحت الرؤية اني بالمخزن شجابني هنا شصار؟ اريد احرك ايدي مگدرت ادية مربطة فززني صوت وراي صاح
حامد:لا تحاولين مراح تكدرين تفلتين من ايدي
إلين:(بصوت كله ترجي) فدووه فدووه الله يخليك اسمعني بس مره مره وحدة بس
حامد:اشششش صوتج ما اريد اسمعة سكتي
إلين:سحبني من زندي ورفعني وگفت ع رجلية التفتت وراي حبل نهاية هذا الحبل مقابيل وجهي مربوط بالسگف متشكلة نهاية بشكل حلقة
حامد هـ هـ هاي مشنقة؟
حامد: چا شمتوقعة مرجوحة يعني
إلين:لل لا الله يخليك لاتاخذ ذنبي برگبتك اسمعني فدووه لخاطر امي اني عوفني اولي فدووه لخاطر امي
حامد:بلا صووت زايد يلااا
صعدني على الكرسي وحط الحبل براسي واني دموعي موكفت وكل تفكيري بامي شنو حالها هسه؟ ماحس غير ندفع الكرسي من تحت رجلي وكعت بديت اختنگ والنفس مايوصل ريتي رجليه بالهوى ترافس احاول اسحب الحبل من رگبتي اريد اتمسك بالحياة بس صوت عااااالي يطن باذني....
يمعوووده إلين كعدي هاي شبيج
فتحت عيوني بخووف
جنان: اسم الله الرحمن اهدي هم كابووس
إلين:حضنت جنان وانطلقن ادموعي بعد ماستوعبت الي صار حلم تعببت جنان والله تعبت من هل حالة
جنان:يروحي دگومي غسلي وصحصحي ماكو شي كابوس وانتهى انتِ بس لو تسمعين كلامي والله ترتاحين
إلين: گتلج هلشي مرفووض سدي الموضوع ،بعدين تعالي شدخلج للشقة!
جنان: دكيت الجرس من عجزت حضرتج نايمة واسيل اكلت راسي تأخرنا تأخرنا باص المدرسة هسه انطلق واني دوامي ماكدر اعوفه وانتِ حضرتج نايمه دكومي اتجهزي واخذيها لحگيهم للمدينة لا تسود عليج يومج اني مدخلني انتِ واعدتها
إلين: بسس بسس ولج سكتي انهديتي عليه ابطل ما انام
اسيل:إلين هاي بعدج شوكت نروح لعد بليل
جنان :هاي استلمي
إلين: يابه الام وبتها عشر دقايق واجهز انتِ روحي لدوامج
جنان: من اخلص اجيكم
إلين: اوك
أنت تقرأ
جريمة لم تنفذ
Mystery / Thrillerفي دروب تملؤها الاشواك سرتُ حافية القدمين اتجرع الألم دون وعين مني ذاهبة نحو المجهول! متحدية الاعراف والتقاليد التي اسرت بها منذُ سنين متمردة ، نعم انا المتمردة التي حاربها الجميع ولم ينصرها سوى ذاتها المنكسرة
