جريمة لم تنفذ
🖋️مريم عبدالله
علمتني الغربه يمه لماله ام بااكون سايب
وعلمتني الغربه يمه لماله ام ماله حبايب
آسر: إلين اهدي الله يخليج تتراجفين جاي تخوفيني عليج فدووه لعينج بس اهديي
:تـ تعر..رف شنـ..نو ااانا بس بس اريد اااشوف اشوفها حتى لو لو من بعيد
:تشوفين منوو هاي شبيج هذول منو بسسج بجي واهدي اخذي نفس علاجج وين خلي اجيبه
:لا لا تروح وتعوفني هاهاي هديت اخذت نفس وزفرته كعدت اكرر اريد اتمالك نفسي من عرفت امي جايه لهنا وتعبانه اذن وضعها مو تمام لو جان شي بسيط عالجوها بديرتنا بس تجي لبغداد الموضوع كبير منا خوفي عليها وخوفي من المواجه وشوقي وحنيني لحضنها وريحتها كلشي صار كدام عيني ذكرياتي وياها مسحت عيني واردفت بحزم وقرار نهائي
:قررت اشوف امي
:شنوو!!!
:اني راح انزل وادخل من الباب المختبر الي طلعت منه بس انت قبلي ادخل كون محد موجود ماريده يشوفني
اوك اني وياج بكلشي بس اذا بيها خطر عليج فماريدج تخاطرين بنفسج
:الخطر عايش وياي سنين وسنين واذا شفته كدام عيني شنو راح يصير مثلا
خوفي عليج يمنعني بس شسوي مبين كلشي بعيونج واني دائما اكولها وياج بكلشي لو جان نهايته الموت
انت اماني ومئمني وهذا الي مطمني واريدك تكون وياي بهاي اللحظه
وياج للموت..نزلنا من السياره بعد ما شفتها لبسة كمامه ونظارات الي يشوفها ابد ميعرفها براسي الف علامة استفهام ليش خايفه منهم اذا اهلها معقوله مهزومه منهم! وشنو السبب نفضت راسي من اي فكره اريد كل تركيزي وياها ساعدها بكلشي تريده وماخليها تتاذى امووت اذا يصير بيها شي دخلت للعيادة وشفت الطريق امان اشرت الها تدخل وتوجهت للغرفة الممرضه رجعت لمكاني لكيته توه داخل من برى سالته
:بشر شنو صار على الحجيه
حامد: والله الوضع مايطمن دخلتها يم الممرضه يسولها تحاليل وفحوصات
:عمليه؟
:هذا الي كاله الدكتور لزمن عمليه وباجر الصبح همين
:شد حيلك عدها العافيه ان شاءالله
عفته وبقيت محتار هسه إلين شافت امها شنو صار بيها؟
إلين: بعد ما اسر دخلني رحت لغرفة الممرضه بلكي لعلى وعسى اشوفها جان الكاها كاعده على السدية والممرضه تسحب من ايدها دم لتحليل عيوني تهمل دموع اريد امتع عيني بنظرها
انتبهت الي الممرضه
:اها إلين بلغونا طلعتي؟
:حاولت اغير بصوتي ومخليه كمامات ثنين على بعض اخفي الصوت جاوبتها
:طلعت بشغله ورجعت
ام حسن: يمه فدوه اغديلج اسمج إلين تعاي جاي
تحجي كوه مبين التعب بصوتها تقربت منها واني كل جسمي يرجف ودي احضنها ودفن راسي بحضنها....صفنت بوجهي وكالت يمه اشوفن وجهج الحلو يبعد امج تدرين اسمج على اسم ابنيتي غصت بالكلمه وهيه تكولها ودموعها هلن على وجناتها تجاعيد الوجه التعبان تحجي الم الفراق والتعب الي شالته امي بسبب غيابي رفعت ايدي اتلمس وجها وحفظ تفاصيله نطقت كوه عليه
أنت تقرأ
جريمة لم تنفذ
Mystery / Thrillerفي دروب تملؤها الاشواك سرتُ حافية القدمين اتجرع الألم دون وعين مني ذاهبة نحو المجهول! متحدية الاعراف والتقاليد التي اسرت بها منذُ سنين متمردة ، نعم انا المتمردة التي حاربها الجميع ولم ينصرها سوى ذاتها المنكسرة
