جريمة لم تنفذ

Part 23

جريمة لم تنفذ
🖋️مريم عبدالله

هاك أخذ جرحك بعد ما أشتهيك
وكلمة انه اهواك تحچيها
وبس أوخر عنك اسنينك تطيح
اسنين عمرك .. عمري لمتجيها
ابگـاع خدينك أنه العاكس ضواي
آبمعنى آخر ........ انه لمحليها
ذكرياتك صارن ... الطف ويزيد
حيل اكرهك من يمر طاريها

الجنووب**
:باباتي شوكت تريح امك مو تعبتها صارلك خمس اشهور وانت متعبها كافي بابا
:يعني هسه تحجي وياه يفهمنك يسمعنك

:اب وابنه يتناقشون لا تدخلين
:سكتت عمي تناقشوو اشوفن نهاية نقاشكم شنهي
:وليدي ماعليك بيه انه وكيمر عرب اسمع الكلام امك تعبانه حارمني منها وبعدك مجاي على الدنيا من تجي شسوي ولك
:هههههه ابوك يحجي وياك انه ترفس بطني ليش ولك
:شنهي خايب ماعاجبك كلامي تزاكط باطن امك اشعل عشيرتك ولك
:هههههه ولله عليك سوالف هسه هو شيفتهم شو دميل عني خل اكومن ...اريد اكوم ماخلاني سحبني لحظنه وشدني عليه اكثر جان يهمس
:لك اموووت عليك گيمري اموووووت عليك
:مصطفى
:عيون وقلب وروح مصطفى
:بخجل بسسسك عاد

:لج يابسي هو اني شمفتهم منج رجال صحراوي صاير عمتي وصارت زينه والحمدالله رجعتيلي هسه يطلعلي ابنج هذا كد الفصمه يجعبن عليه عيوووني ماكو فلته اليوم

:ههههه شرايد يعني
:اكل گيمري  ...يلا طلعو وسدو الباب وعوفونا وحدنا
*****
طالع افتر بالسياره وبالي مشلوش ابويه صالح وضعه ما عاجبني  
مدوهن وباله مشغول واشوفنه مگدر ومهموم اسألنه ما يطيني نشده سلمني الشيخه واخذ بشوره بامور العشيره يگلي عدك ابوك فالح هاي لا صايره ولا دايره الشيخ ابو حسن يتخلى عن امور العشيره وما ينشد عنها شنهي ابالك يبوي ومدوهن فكرك امشي بالسياره وماشوف نفسي غير صرت مگابل مدرستها شفت الساعه ماباقي على حلتهم شي هسه تطلع المدوهنه قلب حامد كل مره اكولن ماروحلها واشوفن نفسي صرت بابها واكف واتنطر طلعو الجهال وماشوفنها طلعن المدرسات الوياها الا هيه ماكو شنهي يصير ماجايه شبيك نخبصت يگلبي على هوننك مو هيج گالوها ادكن على افادي واشوفنها طلعت وانه اكولن شبيك انخبصت ثاريها چتالتك اجت اعاين عليها بطولها وجماليتها بس اااخ لو تبطل لبسها هذا الحارك روووحي حرك ودي اعمي عيون الوادم عنها كلها صاطف سيارتي بعيد اشوفنها واكفه شنهي وينه عنها اخوها اليوم متاخر سقت سياره وصفطت يمها نزلت الجامه

:شعدك واكفه وحدج هنا بهل ضهريه ....احجي وياها اشو هاي تباوع ادير وجها

: جاي احجي وياج صعدي اوصلج لبيتكم وكفتج هاي زحمه
: وانت شعليك بيه اوكف وين ماريد
:لسسسانج ضمي بلهاتج وصعدي 
: شتريد يابه هسه اخويه يجي وراجعه وياه انت شحاط روحك بالنص
عافتني ومشت ادردم سمعتها ضحكت عليها ولاتبطل سوالفها هل بت شيبت قلبي والمصيبه ما اگدر اگرب ليها البيني وبينج يبت قلبي وادي شكبره واول هذا الوادي شك، شك ياكل بقلبي اكل شوكت اتوكد منه ويرتاح بالي ..ضلت عيني تناطرها لحد مااجى اخوها وراحت شوكت تكطع رجلك عن هذا الدرب يحامد ماكفااااك مامليييت ولك مره مره تلعب بحوالك وياهي من مره وحده گبال اهلك وناسك كلها تكرها كره العمى بس قلبك اخ يقلبك مايگدر يبطل حبه الها فريت سيارتي ورجعت للبيت خايب رجى كل مراقباتي واسالتي ماگدرت اتوكد من شكي معقوله مالها دخل بالصار ماكو شي يثبت عليها شي، ضل يحامد بحيرتك وشكك خاسر محبوبتك وموكف حياتك...
طلعت تلفوني من جيبي واشوفن مكالمات من سالم ناسيه صامت اتصلت بي اشوفن شنهو فلمه شصاير
سالم:حياك الله ابن العم اتصل بيك وماترد
حامد:الله يحيك يخوك ناسيه صامت امر صاير وياك شي
سالم:اذا بلبيت امرلك عدي وياك سويلفه
:اي تعال حياك .....دقايق وصل يمي سالمه مبين بوجه سالفه ماتتسولف حاير وحايص مايعرف شيسوي
:كول يبن عمي سالفتك الجاي بيها وسرك ابير ماله قرار
:منين عرفت عدي سر!
:يسالم انا ابن عمك واعرفنك من وانت صغير اذا سالفتك ماعارف تحجيها تضل تحوص كول يبن عمي وباذن الله سالفتك مكضيه